رانيا 1

_معلش يا حبيبي، دلوقتي هنحطلك مرهم وتطيب.

_بتحــر . ــقني..

قالها وهو بيعيط وبيصرخ، فعيطت على عياطه وهي بتقول:

_حقك عليا انا أسفة، ياريتها جت فيا.

قطعت كلامها وعياطها لما اتنطرت بعيد عنه بعد ما دراع (حسام) زقها بقوة، بصتله باستغراب من بين د.موعها، استغراب تحول لذهول لما سمعته بيقول من ورا راس (ريان) بعد ما حــ . ــضنه له:

_ابعدي.. احسنلك تبعدي دلوقتي.

وخده وطلع بيه من الحمام لاوضته وقفل الباب وراه قبل ما تلحق تدخل، وقفت قدام الباب ود.موعها موقفتش، ولولا انها عارفة غضــ . ــب حسام كانت فتحت الباب ودخلت، لكنها خافت من غضــ . ــبه اللي كان باين عليه انه متحكم في اعصابه بالعافية، فضلت واقفة زي المتذنبه لحد ما هو خرج بعد شوية، ولما حاولت تدخل وقف في وشها مانعها وقال بملامح كلها غضــ . ــب:

_مش قولتلك ابعدي.

-ده ابني!

قالتها بعياط وذهول من موقفه، فشدها من دراعها جامد وهو بيبعد عن الأوضة، وبعد ما وصل لمكان مناسب نطر دراعها بعنــ . ــف وهو بيصرخ فيها بغضــ . ــب رجها في مكانها:

_ابنك! ولما هو ابنك سبتيه ليه بكل استهتار على السفرة لوحده؟ عيل لسه صغير مبيطولش الاكل كويس ولا بيعرف يتحكم في المعلقة يتساب على السفرة لوحده والاكل سخن! انا فكرتك ناديتي الناني تقعد معاه مش سيباه لوحده!

ردت بتبرير خلاه يتعصب اكتر:

_انا قومت اشوفك ومجاش في بالي اناديها..

اتكلم بجنون:

_ااااه، قومتي ورا النوغة الكبير وسبتي العيل الصغير، هو انتِ للدرجادي اهتمامك بيا قالب جنان! للدرجادي! ما اقوم من على الاكل ولا اولع، ابنك احق باهتمامك ده، لا ومقهورة اوي اني جايبله ناني، ماهو من اللي شايفه منك.. ده انا لو خرجت الساعة ٢ بليل مش بعيد الاقيكي جريتي ورايا وسبتيه في البيت لوحده، انا عمري ما شوفت ام مستهترة زيك كده، هو انتي متعرفيش تكوني غير زوجة ليا انا وبس! تقرفيني بمراقبتك ليا في كل نفس بتنفسه وخلاص! ده اللي بتعرفي تعمليه!

انهارت في العياط وهي باصه للارض وبتفرك ايديها في بعض، فنفخ بصوت عالي وهو بيقول:

_الناني هتيجي تقعد معاه، وعلى الله اشوفك قريبة منه.

وسابها ومشي من غير ما يهتم بانهيارها واحساسها بالذنب اللي اتضاعف بعد كلامه.

€€€€€€€€€€€

في فيلا صادق….

_صادق انتَ تعرف ستات عليا؟