رانيا 1
-خلاص يا جماعة اسكتوا بقى وانا هبقى اصالحها.
——————
-كفاية عياط بقى وشك ورم!
قالتها (سمر) وهي واقفة جنبها في المطبخ, وهي مبتفصلش من العياط, وبعد ما هديت شوية بدأت تتكلم بوجع واضح في نبرتها:
-للدرجادي وجودي خانقه! لولا ريان كان طفش! للدرجادي! انا عملت إيه غير إني بحبه وبحب اخد بالي منه واهتم بيه!
كان باين عليها إن صعبانة عليها نفسها من كلامه واستهزائه بيها وبحبها قدام صحابه, فاتنهدت (سمر) وهي بتطبطب عليها وبتقول:
-عشان هو حمار..
-الله! متغلطيش فيه!
قالتها بعصبية وهي فعلاً مابتحبش حد يغلط فيه, فلوت (سمر) بوقها وقالت:
-حاضر مش هغلط في السفير, بس يا هبلة هو مش مقدر النعمة اللي في إيده, مش هو عاوزك تهمليه, اهميله وبطلي تهتمي بيه.
بصتلها بضعف وقالت:
-مش هعرف!
-لا هتعرفي, بطلي خيابة, جمدي قلبك عليه وعرفيه إن الله حق, وادبيه على كلامه ده.
بصتلها بتفكير, فصرخت (سمر) في وشها:
-انتِ لسه هتفكري! يخربيتك هتشليني!
-متصرخيش في وشي طيب الله!
بصتلها بغيظ وهي بتقولها, وبعدين رددت بصوت مسموع:
-ماشي.. انا بعد كده لما يرجع مش هقوله اتأخرت ليه, ولما يقوم من على الأكل بدري هسأله مره واحده قومت ليه وخلاص, ولما يكون تعبان هحطله الأدوية والأكل ومش هسأله …
قاطعتها (سمر) وهي بتضــ . ـربها على كتفها فبصتلها التانية بوجع:
-ياموكوسة, ده اللي هتتجاهليه! يابت تجااااهل, يعني ماتستنيش اصلاً لما ييجي من بره ونامي, لو ماكلش هو حر, ولو تعبان ما يروح يكشف ياختي هو انتِ دكتور! وهو مش نوغة عشان تديله الدوا, ومتسأليش رايح فين ولا بتعمل إيه ولا أي حاجه.. جربي بس وهتدعيلي.
افتكرت كلام (صادق) لها وتغيره معاها فهمست بينها وبين نفسها:
-او هتدعي عليا.
سمعت صوت (رانيا) بتقول بتفكير:
-هحاول.
……… انتهى الجزء….
ايه رايكوا في تصرف حسام واللي عمله وتفتكروا المفروض رانيا تعمل إيه؟
ويا ترى في أمل العـ ـلاقة بين سمر وصادق تتغير؟؟
متنسوش اللايك والكومنت ومتابعة الصفحة الرئيسية ناهد خالد عشان نكمل 5 الاف متابع💖
و
وياريت تفاعل كبير على الجزء ده
#الجزء الرابع…
بعد ما الكل مشي كان باين عليها التغيير وانها بتتجنب الكلام معاه, وفي اخر اليوم بعد ما رتبت كل حاجة مع ام علي طلعت اوضتها وغيرت هدومها, وقعدت على الكنبة ماسكة موبايلها بتقلب فيه بزهق, كان هو كمان غير هدومها ووقف في نص الأوضة بيبصلها وهو حاسس بتوتر لانه معندوش تبرير لكلامه السخيف اللي قاله قدام صحابه, لكنه لازم يقنعها بأي حاجة تصلح الوضع شوية, خد نفس وقرب منها قعد جنبها فمبصتش له حتى, وده خلاه يقول بابتسامة متوترة:
