ارفع راسك 3

ابتعدت عنه بعدما تلاشت يديه من فوقها، وتحدثت :

-مــ,,ـــــوتني بحبك، لا مش حب دا جنون، زي ماقولتلي، استدارت مرة أخرى ترمقه بنظراتها الحزينة
-أيوة أنا كنت مجنونة بحبك، كنت بعشــ,,ـــــقك وكأن مفيش غيرك في الكون، حياتي كلها كانت فيك بس، دفعته بكلتا يديها وصرخت تبكي
-بس عملت ايه، رحت اتجوزت وسبتني امــ,,ـــــوت، قلبك دق لغيري، اخدت واحدة في حــ,,ـــــضنك غيري، اقتربت منه ونيران قلبها تريد إحراقه
-وقفت فرحان بحملها، محستش بوجعي ونــ,,ـــــار قلبي، محستش بيا، وقفت تتفرج عليا وأنا بدبل، ورغم دا كله سامحتك وحمدت ربنا أنه رجعك ليا، رضيت بنصيبي وقولت كفاية عليا عوض ربنا، وعدتني انك هتكون دوا لجروحي، لكن كله كان هوى، رجعت

توجع فيا وتعمل مبررات ، كنت مستني مني ايه وأنا شايفة حب حياتي في حــ,,ـــــضن طليقته
تراجعت تشير على نفسها تتنفس ببطئ بعدما شعرت بإنطباق المكان على صدـ,,ـــرها فاستانفت بتقطع
-غلطت ..عارفة اتنيلت غلطت، بس والله ماكنت أقصد أي حاجة ، كنت عايزة ابعد وأتأكد من الراجل اللي حياتي كلها بقت له بس، عايزة اشوف أهمك أد ايه، عايزة احس إني لما ابعد عنك حياتك هتكون ازاي ..

تطلعت لعيناه وصمته وهزت رأسها بالنفي وانسالت دموعها
-رغم اني كنت بمــ,,ـــــوت بس كان لازم اتحمل، علشان محسش انك واخدني مجرد جبر خاطر، عايزة احس بحبك الحقيقي مش علشان بابا طلب منك تتجوزني
جحظت عيناه يطالعها بصدمة، اومأت برأسها وشهقة خرجت من جوفها
-ايه هتنكر، هتنكر أن بابا طلب منك تتجوزني، بعد ماعرف من تقريرك المزور اني ا.بت، بس اللي مش قادرة فهمه
-دا ايه يابن عمي، حب ، ولا إنتقام ، ولا غيرة ولا إيه بالظبط، تعالى نحسبهم من الأول كدا
-لو حب، ازاي تحب واحدة وتقنع الكل بحب تانية، طيب لو إنتقام
انا

معملتش فيك حاجة علشان تنتقم مني، مستحيل تكون بتنتقم مني وانا بشوفك أحن راجل في الدنيا..مبقاش غير الغيرة ..طبعا بعد خطوبتي من يعقوب محبتش أخرج عن جاسر الألفي فحبيت تعمل أي حاجة تبعدني عنه، بس ازاي جالك قلب تعمل فيا كدا
سحبت نفسًا وزفرته من أعماقها ثم رفعت رأسها وتحدثت مسترسلة
-مبقاش بينا حاجة علشان نفضل مع بعض، واكبر دليل على كدا حتى الحمل نزل، فاعمل زي ماقولت، أنا مبقتش عايزاك يابن عمي ..ولا بقى ليك اي حب في قلبي