ارفع راسك 3

-كفاية عليا ياسين الأيام دي، خليك خفيف يابيجاد مش ناقص غباوة منك، انا محسبتكش على موضوع جنى، اوعى تفكرني هعديها كدا، الظروف بس مش مساعداني
زفر بعدما تكرر رنين هاتفه مرة أخرى..رفعه قائلا:
-والحلوف دا كمان عايز ايه، قالي واخد مراته مشوار
غمر بيجاد قائلا:

-يمكن هيبشرك ياجدو ويقولك مبروك جايلك حفيد…توسعت أعين جواد بذهول حتى ارتاب شكًا
-بس ياحلوف ، مستحيل ياسين يعمل كدا..ربت بيجاد على كتف عز بقوة
-زيزو هو عمك مكنش موجود معانا موجود وابنك بيقول مراتي ، لأ ومفتخر، بيحسسني أنه اتجوز الأميرة ديانا، مش كدا ولا إيه، ولا يمكن فقدت الذاكرة..، أمسك جواد الهاتف للرد، دنى بيجاد بجسده يخطف الهاتف منه ويلقيه على المقعد بجواره
-اسكت يالا شوية، عرفنا مراتك حامل، بس تقول ايه ابوك مش مصدق، تعالى واقوله في وشه، يمكن المرادي نعمله قلب مفتوح
ركله عز بقدمه :

-بتقول ايه ماتتلم شايف وقت هزار ..رفع حاجبه الأيسر ساخرا
-ياسلام ..قالها ثم اتجه لجواد
-هو شهر ٢ السنادي٢٩يوم ، قولي ليه ..هقولك علشان سنة كبيسة عليك ياعمو جواد، مفيش حد من ولادك إلا ماشاء الله ، الله اكبر عليهم مفيش مصيبة الا وعملوها، حتى القط الصغير كمان دا ضــ,,ـــــرب صاروخ يهز أفغانستان كلها، دا الراجل دا بكل بجاحة وبيقول مراتي، والتاني جاي واقف قدام الكل وبكل وقاحة ..هرجع مراتي، والله لولا احترامك كنت طيرته، ولا الأهبل اللي جنبك طلق مراته قال ايه كسرت كلمته، ياخي والله مالاقي كلام اعبر بيه عن انجازتكم العظيمة، ابتسم بسخرية متجهًا لعز

-احمد ربنا أنه لسة قاعد قدامكم وفيه عقل…
كان يطالعه بصمت، ثم تحدث:

-طيب ياعاقل، قولي ورا الدخلة دي كلها ايه يابن المنشاوي
ارتفعت ضحكاته وهو يضــ,,ـــــرب كفيه ببعضهما
-ياربي عليك ياعمو جواد، يعني عملت حوار طويل عريض وبتسألني برضو
جذبه جواد من ياقته وامال بجسده، يمسكه من عنقه
-ولا..قولي اخرك ايه، ولو جاي بتلف وتدور علشان تسافر بغنى انسى، مش موافق
نهض يضع كفيه بجيب بنطاله وتحرك للنافذة ينظر للخارج
-أنا مبخدش رأيك على فكرة ياعمو، دي حياتي وأنا حر فيها، بس من حقك عليا، علشان العشرة اللي بينا، وعلشان كمان بعتبرك زي والدي، هو الصراحة مش زي والدي كمان، لأ ..انت فعلا ابويا، وحضرتك عارف حبي