رواية جديدة روعة روعة من 1-5

الفصل الاول تهادت فى خطواتها الناعمة متحركة فى الطريق بهذا الحي الشعبى، متجاهلة نظرات الناس التى تتابعها ما بين غيرة من الفتيات ورغبة من الشباب بأن يحصل احدهم على هذه الجميلة اللطيفة، والجوهرة الثمينة والبعيدة كل البعد عن متناولهم، وذلك بناء على رغبة والدها نظرًا لصغر سن ابنته والتى وللعجب لبست ثوب النساء مبكرًا جدا لتصبح آية في الجمال. تجاهلت هي كل تلك النظرات التي اعتادتها منذ ان شب جسدها متحركة فى طريقها لا تحيد عنه ولو بنظرة واحدة الى ان وصلت الى ذلك المحل، ولكن وما ان وقعت عيناها على هذا الواقف به حتى ارتسمت ابتسامة رائعة وخجولة على شفتيها وهي تطالع هذا الشاب الاسمر الواقف به بابتسامته الرائعة وعينيه السوداء اللامعة وحديثه الحلو كالشهد لتبتسم وقتها له بعشق اما هو فحينما رفع عينيه جهة هذه الجميلة الواقفة امامه بابتسامتها الحلوة كالعسل والتى تستطيع اذابة اي قلب من حلاوتها تحرك جهتها بلهفة هامسا بصوت ناعم رقيق: _ازيك يا روفان؟ عاملة ايه؟ رفعت روفان عينيها جهته وهي تهمس بنعومة: _انا الحمد لله وان.... ولكنها قطعت حديثها بشهقة مصدومة حينما امتدت يده الخشنة خلسة لتتمسك بكفها الناعم لترفع عيون مصدومة جهته ومن بعدها حاولت سحب يدها من يده بخوف وهي توزع عيونها فى المحل بتوتر خشية ان يكون رآهم احد ويذهب ويخبر عمها والذي وقتها سيقيم مأدبة شواء على شرف روحها والتى سيكون سلمها لخالقها لتعيد بعدها عينيها جهته هامسة من بين اسنانها بصوت مرتعد: _رشدى سيب ايدى لاحسن حد يشوفنا زم رشدى وقتها شفتيه وهو يترك يدها بضيق من تصرفاتها ليهمس وقتها بغيظ: _وبعدهالك بقا يا روفان، هو كل ما آجى جنبك تعمليلى كدة؟ دى مش عيشة ثم ابتسم بعدها بمرح ضاربا كتفها بخاصته وهو يهمس بعبث: _وبعدين يا بت انا بحبك ورايدك تلفتت روفان حولها محاولة الاطمئنان ان ما من احد ينتبه لهم لتجد المحل قد فرغ سوى منهم لتجيبه بتوتر: _بس كدة مينفعش يا رشدي، انا بخاف حد يشوفنا او يدخل علينا فجأة ويروح يقول لابويا وساعتها هتبقى مصيبة سودا على دماغى ابتسم رشدى ساخرا ليلف وجهه جهة الاسماك امامه ليكمل شيه وهو يجيبها هازئا: _ده على اساس ان ابوكي هيعملك حاجة؟ يا بت ده احنا دفنينه سوا ظلت تنظر جهته لتقول بعدها بخوف: _بس لو مرات عمى شافتنا مش بعيد تطين عيشتى وتقلبها على دماغى رمقها بطرف عينه ليعود لذلك الطلب امامه يبدأ بتنظيفه وهو يجيبها بجدية لا مبالية: _مرات عمك دي اللى لو اتكلمت محدش هيصدقها، صح؟ ظلت روڤان صامتة لبرهة من الوقت وكإنها تؤكد له حديثه وقبل ان تبحر فى افكارها أكثر انتبهت الى صوته وهو يهمس باغراء: _وبعدين يا بت انا بحبك وانتِ اللى ساكنة فى القلب ليه مش قادرة تفهمى ده؟ احنا كل اللى بنعمله حلال وعلى الرغم من عشقها المجنون له الا انها لم تسير خلف حديثه انما رفعت رأسها جهته تجيبه بحسم: _الحلال بالجواز يا رشدى غير كدة معرفش تنهد وقتها من رأسها اليابس ليتحرك وقتها جهتها تاركًا ما بيده دافنًا ضيقه داخل صدره وهو يجيبها بحسم: _طيب ما انا فعلا رايد الحلال اتسعت عيناها بصدمة وفتحت فمها ببلاهة وهى تقول بعدم تصديق: _يعني هتيجى تتقدملى؟ لوى شدقه وقتها وهو يجيبها بغيظ: _ لا ما هو انا مش معدوم الكرامة علشان اتقدملك تانى وابوكِ يرفضنى زمت شفتيها بضيق من حديثه واسود وجهها من الحزن، نعم هو تقدم لخطبتها سابقا ولكن والدها رفضه رفضا قاطعًا كونه متزوج ولديه طفل، ولكنها مع ذلك رفعت عينيها جهته تجيبه بضيق: _امال هنتجوز ازاى؟ ارتسمت ابتسامة ماكرة على وجهه وهو يجيبها بمكر: _عرفى وضعت يدها على فمها وهي تشهق بصدمة وقد تراجع جسدها عدة خطوات للخلف لتسأله بعدها بغضب: _ عرفى!! انت شايفني ازاى يا رشدي؟ اقترب الاخر بجسده منها يتطلع الى عسليتيها ليقول بعدها بهيام: _ شايفك ست البنات اللي مالكة قلبي. صمت ليكمل بعدها بمكر: _وبعدين ايه سبب رفضك؟ هو مش ده بعقد ودة بعقد؟ الفرق بس فى الماذون لكن فى النهاية فيه عقد جواز يضمنلك حقوقك وشهود صمت يتطلع اليها بابتسامة خبيثة ليجدها شاردة تفكر بالامر ليهبط وقتها بعينيه يتطلع جهة جسدها بمكر ممزوج بشهوة وهو يقر بان هذه الفتاة التى امامه هى صيده النفيس الذى لن يستغنى عنه ابدا. فتاة صغيرة قد قاربت من اكمال عامها الثامن عشر، بعيون واسعة كعيون الغزلان بلون العسل الصافى تحدها اهداب سوداء طويلة وكثيفة، وجه دائرى ، وبشرة عاجية فاتحه تقارب البيضاء. وعلى الرغم من صغر سنها الا انها تمتلك قوام انثوى فج، فقد كانت تمتلئ فى بعض الاماكن الانثوية باغراء وخصر صغير منحوت بقوام اشبه بعارضات الازياء ويضاف اليها طولها المتوسط وخصلاتها السوداء الحالكة كظلمة الليل مما يضفى بهاء وضى على لون بشرتها وعينيها. مرر لسانه على شفتيه كذىب متربص بفريسته ثم قضم شفته السفلى بشهوة انتبه من افكاره الجامحة على صوتها وهى تنفى بخوف: _وليه منتجوزش رسمى على طول؟ ارتسمت ابتسامة ماكرة على شفتيه بينما لمعت عينيه بوميض خبيث حينما لمح اعتراضها الواهي ليعلم ان هذه القطة ستكون بين انيابه قريبًا لذا رفع عينيه جهتها يجيبها بنعومة مغرية: _على عيني يا نور عيني بس انا مش عايز اكسر ابوكي صمت للحظة ليكمل بعدها بمكر: _ده مش هيبقى جواز بالظبط زى ما انتِ متخيلة انما دي هتكون وسيلة ضغط على ابوكِ لما يعرف انك متجوزاني فيقرر يلم الليلة ويجوزنا بقى ويلم الفضيحة صمت للحظة ليكمل بعدها بفحيح: _لكن لو اتجوزنا رسمي ابوكِ ازاى هيبرر للناس بنته اللى بقت متجوزة مرة واحدة ازاى، لكن كدة مفيش سبب للكلام ولا ايه صمتت روفان حينما سمعت حديثه والذي وللعجب يظهر مقنعا جدا لذا قضمت شفتها السفلى بتفكير لتجيبه بعدها بخوف: _لا انا خايفة ومش متطمنة كان يعلم جيدا على اي وتر يعلم ومتى يرخي ومتى يشد حباله امام هذه البريىة ليسقطها فى فخه، لذا اشاح بيده وهو يجيبه بضيق: _يووه انا تعبت ياروفان، مش عارف اعمل ايه علشان ترضى عنى وتوافقى؟ ثم التف اليها قائلًا بضيق: _ اقولك، كل واحد خليه فى حاله لانى تعبت، كل شوية اتقدم لابوكى وهو يرفض، افكر فى حل الاقيكي ترفضي صمت ليلتف بعدها جهتها قائلا بضيق: _ ومادام مش واثقة فبلاش، اصلا الجواز مبني على الثقة نفت برأسها تجيبه بتوتر: _لا يا رشدى مش قصدى، اكيد انا واثقة فيك. ابتسم وقتها لها وهو يجيبها باستهزاء: _لا ما هو واضح انهى جملته ليعطيها طلبها وهو يقول بجدية ضائقة: _ خدى طلباتك واتكلى على الله وخلى كل واحد يروح لحاله ثم نظر ارضا مفتعلا الحزن: _ وخلاص انا كدة مش هطلق هويدا، يعني هطلقها واسيب ابنى واقعد لوحدى ليه؟ يمكن مش بحبها وبتنكد عليا بس فى النهاية بتثق فيا ثم وجه نظراته لها مكملا بتهكم: _مش زى واحدة اديتها قلبى وهى مش مصدقانى؟ جاءت لتتحدث ولكنه اوقفها قائلا بضيق: _خلاص يا روفان، ياريت تمشى لانى متضايق دلوقتى نظرت ارضا لتومئ برأسها ثم تحركت تخرج من حيز المكان ولكنها لم ترى فى هذه اللحظة نظراته الماكرة خلفها والتى تعريها تماما، نظرة ذئب يستلذ باستدراج فريسته الى ان يلتهمها تماما ولو كانت راتها لكانت فرت بلا عودة ـــــــــــــــــــــــــــــــــــــــــــــــــــــــــ فى محافظة كبيرة بصعيد مصر وتحديدا محافظة سوهاج كانو يقفون بقلوب متوترة ينظرون جهة تلك الغرفة المغلقة وهم يدعون لله بخوف ان ينجي الفتاة بالداخل وتخرج من هذه الازمة الصحية على خير لتعود تنير منزلها وبلدتها مرة اخرى. دقائق ووجدوا الطبيب يخرج من الغرفة الخاص بأبن كبير قريتهم ورئيسها المستقبلى ليركض عمران الزهار جهته قائلا بخوف: _ايه يا دكتور طمن جلبى يطمن جلبك ربنا، ايه اللى حُصُل لبتى؟ نظر وقتها الطبيب ارضا ليجيبه بحزن: _البقاء لله يا حاچ عمران، عمرها خلص وكإن احدهم ألقاه بثقل ليتراجع عدة خطوات للخلف على اثره ثم وضع بعدها يده على صدره الممزق من الم فجيعته على صغيرته الحبيبه وهو يسأله بصوت متهدج وملامح باهتة _ايه؟ بتجول ايه يا دكتور؟ ابتلع الطبيب رمقه بتوتر وهو يواجه هذا الرجل الوقور والذي يحبه شأنه شان جميع أهل القرية وكم يتوجع بالفعل لرؤيته بهذه الحالة ولكنه مع ذلك اجابه باسف: _انا آسف يا حاچ عمران بس الست أزهار كانت جضيتها منتهية من جبل ما آچي، فادعيلها بالرحمة تراجع عمران للخلف بصدمة ولكنه انتفض من مكانه شأنه شان الجميع حينما سمع صوت تهشيم دوى فى المكان لذا التفت بعينيه ليتصنم مكانه حينما وجده ابنه قد عاد من سفره للتو لتشحب بشرته حينما وجده ينظر جهتهم بوجه اصفر باهت وهو يتساءل بخوف: _انتو بتجولو ايه؟ صمت الجميع يبتلعو ريقهم بشفقة على حاله فمن ماتت لم تكن مجرد زوجة انما كانت ابنة العم المدللة والمحبوبة . اما هو حينما قابله هذا الصمت المخيف حتى صرخ برعب متمنيًا ان يحصل على اجابة تريح قلبه: _انتو بتجولو ايه؟ ثم اقترب من الطبيب يمسكه من مقدمة ملابسه، يضيق الخناق عليه وهو يصرخ بغضب: _انتَ بتجول يا دكتور الغبرة انتَ؟ مرتى لساتها عايشة سعل الطبيب وقد احمر وجهه باختناق ليركض وقتها عمران جهته يحاول ابعاد أسده الغاضب عن هذا الطبيب المسكين وهو يقول بخوف: _يونس سيبه وبَعِد يدك عنيه هو ملوش ذنب فى حاچة ولكن يبدو ان يونس انفصل عن المنطق تمامًا ولكن.. صوت والده الغاضب الذى هدر باسمه بحدة اجبره على التراجع للخلف باحترام بينما امتلأت عيناه بدموع النكران وهو يشير جهة الطبيب هادرًا بغضب: _مش سامع بيجول ايه يا بوى؟ اجابه والده بألم وهو يصرف الطبيب بيده من وجه هذا الليث الغاضب: _عمرها يا ولدى وانتهى، ربنا استرد امانته، ايه هنكفر!! هز يونس رأسه بنفى يينما تساقطت عينيه بالدموع وهو بألم: _ لاه، مش دى الحجيجة، مرتى لسة عايشة، انتو اللى مش مصدجين ودون كلمة ركض تجاه غرفته لتنظر والدته فى اثره وهى تهتف به ببكاء: _يونس ولكنه كان قد تركها ومضى لتنهار وقتها فى البكاء على صغيرها الحبيب وتلك النسمة الرقيقة التى تركتهم ومضت تاركة قلب ابنها الملكوم والذي اصبح ارمل وهو مازال فى التاسعة والعشرين من عمره، واخرى صغيرة اصبحت يتيمة وهى لتوها قد تمت عامها الثانى ليتعالى بكاءها فى المكان وتعالى معها بكاء جميع الخدم على سيدتهم الصغيرة التى كانت اشبة بوردة عطرة تضج برائحتها الجميلة وحضورها العليل فى كل مكان. اما هو فركض يحتضنها وهو يقول ببكاء ممزوج برجاء: _أزهار.... ازهار يا حبيبتى جومى، جومى وماتعمليش فى جلبى اكدة، طيب بلاش علشان خاطرى خليها علشان خاطر تمارا بتك، جومى بلاش توچعى جلبى وجلبها اكدة بكى اكثر اكثر وهو يجدها جسد بلا روح وقد استرد خالقه امانته ليصرخ بألم هز ارجاء القصر: _ ليه اكدة يا ازهار؟ ليه سيبتينى وليه عاندتي من الاول؟ القى برأسه على صدرها وهو يحتضن جسدها ببكاء قائلا بانهيار: _ليه تجتلينى بالحياة يا وردتي وتاخدى روحى معاكِ عاد؟ ولكنه انتبه على تلك اليد الحانية التى وُضعت على كتفه وصوت والدته الحنون الذى خرج ببكاء: _علشان بتحبك يا ولدى، علشان شافتك ابوها وامها وحياتها كلها ومحبتش انك تفضل وحيد فحبت تسيب ليك سند بس شاء ربنا انه ميكونش سند انما تكون دنيا بحالها، سابتلك تمارا بتك اللى روحها فيك بكى يجيبها بالم: _ بس انا مكنتش عايز وِلد ولا غيره، انا مكنتش عاوز غيرها، وهى كانت هتغنينى عن الدنيا عنفته والدته قائلة بحدة: _استغفر ربنا عاد، هو ده عمرها وديه ارادته، سواء ولدت او لاه برضيك كانت هتموت، لكن ربنا محبش انه يخليك وحيد اداك حتة منيها وجطعة من جلبها المريض يتشكل فى هيئة روح بريئة ماشية فى البيت بتنور بطلتها. بكى بشدة وقد انهار فى تلك اللحظة تماما تحت نظرات والدته المتألمة، فمن يرى ابنها فى حالته المعتادة لن يصدق انه هو من امامها الان. اسد عائلة الزهار القوى الذى كلمته كحد سيف على الجميع، امره كأمر الملوك لا يُعاد، قوته المخيفة وملامحه الجامدة كمن جُبل من صخر لن يراه الان وهو مُنهار هكذا على زوجته يرتمى بأحضانها كطفل صغير ولكن مع ذلك يتفهم كل من بالمكان حالته فزوجته لم تكن اى احد انما هى ازهار ابنة عمه، تلك التى وُلدت امام عينيه وتربت داخل هذا القصر امام وجهه، كبرت يوميا امامه وعاش على صوت ضحكاتها وهمساتها. ازهار تلك التى كان لا يضاهى رقتها احد ولكنها كانت مولودة بعلة يعرفها الجميع، فقد كانت مريضة قلب ولم يستطع الاطباء فعل اى شى لها لتكون اشبه بوردة تقف وحيدة فى مهب الريح تتقاذفها الرياح كيفما تشاء ولكنها مع ذلك كانت ترسم طريق حياتها بقوة وصمود تعاند قدرها ومرضها وتبتسم وتضحك وترسم الضحكة على وجوههم. وعلى الرغم من علم يونس لمرضها الا انه رفض تركها، رفض الابتعاد عنها، رفض ان يعيش الا وهذه الوردة زوجته، عاندها كثيرا، وعاند راسها اليابس الرافض للزواج مقررا بانه لن يتزوج سواها. ليستغنى فى مقابل ذلك عن ان يكون اب نظرا لضعف قلبها الذى لم يتحمل ولكنها لم تكن ابدا من الانانية التى تحرمه من هذا لذا... حملت فى صغيرته واخفت الامر عنه ولم يكتشف الامر الا حينما بدات تكبر بطنها لتعلن وقتها ان الطفل فى احشائها بلغ شهره السادس، بل وصدمته الاكبر بان اوان اجهاضه قد فات ليستمر حملها وتستمر معاناته الى ان اتت بتمارا وحيدته لهذا العالم. تمارا صغيرتهم الجميلة، والوديعة، وملاكهم الجميل. ولكن وللاسف من بعد ولادتها ظلت طريحة الفراش عامين، ليلف وقتها العالم بحثًا عن حل وما ولمن وللاسف لم يجد وهي لم تحتمل اكثر وماتت بكاء وبكاء يتزايد فى الغرفة ولكن قطعه صوت عمران الزهار وهو يقول بقوة واهية وقد كان من داخله يتمزق لاشلاء على ابنة اخيه الفقيدة: _بكفاياك يا يونس عاد، جوم وسيب امك والحريم يغسلوها وتعالى معايا ننصب الصوان ونچهز للعزا. كفايا بكا لانه لو كان حل كان رچع اللى راح، لكن لا البكا هيريح ولا هيفيد، فجوم وخليك راچل واجف لمرتك واكرمها لان اكرام الميت دفنه ابتلع يونس رمقه مبتلعًا تلك الاشواك العالقة فى حلقه ودون كلمة تعقيب واحدة تحرك جهة المرحاض ليغسل وجهه وما ان خرج حتى تحرك جهتها يقبل جبهتها بحنان وعشق جارف لينظر بعدها جهتها نظرة اخيرة محطمة يودعها بها ليهمس بعدها فى اذنها بتمزق: _الوداع يا مُهچة الجلب ثم مسح بعدها وجهه خارجا من الغرفة بكامل هيبته وكأنه لم يكن ذلك الممزق منذ قليل تاركًا قلبه بالداخل مع من تركته وذهبت. اما عمران فمسح دموعه هو لينظر لزوجته الباكية بانهيار ليهمس بحزم ممزوج بالم: _شوفى شغلك يا صالحة، اكرمو البنية وغسلوها اومأت زوجته برأسها بوجع ليتحرك هو جهة الخارج وقد اقر بان جزء من القلب مات بموتها ـــــــــــــــــــــــــــــــــــــــــــــــــــــــــــــ تجلس بالمنزل تفكر فى حديثه وداخلها يقرع كالطبول، ماذا يجب عليها فعله؟ هل توافق على ما قاله وتتزوجه ام ترفض؟ نعم هى تعشقه بجنون، وقلبها لا يرى سواه ولكن... هذا القرار كبير نظرت امامها تنفخ بضيق لتنتبه زوجة عمها للامر لتنظر لها متسائلة بتعجب: _مالك يا روفان؟ التفت روفان جهتها متسائلة بضيق: _مالي فى ايه يا مرات عمى؟ نظرت لها زوجة عمها مجيبة بتعجب: _انتِ مش شايفة حالتك يا بتي؟ ده انتِ من ساعة ما چيتى من برة وانتِ عمالة تنفخى وتاكلى وتهرى فى نفسك، ايه اللى حُصُل؟ نظرت روفان لزوجة عمها نظرات ضائقة. يا الله كم تكره هذه السيدة وتهذه السيدة وتصنعها بأنها تحبها، لا تنسى لها بانها هى من اقنعت عمها بأن يرفض زواجها من رشدى لكونه سئ السمعة ومتزوج ولديه طفل وعلى حد كلامها هي لازالت فتاة صغيرة لم ترى الدنيا بعد ووالدها ليس له حيلة امام حديث شقيقه الاكبر لذا فالامر منتهى هي سيدة لا تنجب لذا فهي لا تريد خير لاحد ابدا ولكنها مع ذلك تتصنع الطيبة والحب. نظرت روفان لتجيبها بضيق: _ايه يا مرات عمي، انفخ ولا ازعق ولا اقطع هدومى ولا اشد فى شعرى هتحاسبينى ولا ايه؟ ما بلاش شغل المحبة دة يا ست هادية التمع الالم في عيني هادية من حديث الفتاة الجاحد لها لتجيبه بانكسار: _تصدجى بالله، انا استاهل ضربي بالمركوب اني سالت فيكِ، اعملى ما بدالك ولا امشى كيف المچانين. اما بت ناجصة تربية وعاوزة العوايل بصحيح انهت كلماتها لتتحرك جهة غرفتها بالم بينما نظرت فى اثرها هامسة بضيق: _الله يسامحك يا ست هادية صمتت تنظر امامها تفكر الى ان قالت بضيق: _لا بقى انا مش هسكت انا هعمل اللى عاوزاه واللى يحصل يحصل ثم تحركت تخرج من باب الشقة قائلة: _ماما انا خارجة اجيب كمون وتوابل للسمك وجاية ودون انتظار الرد خرجت لتخرج هادية من غرفتها على صوت الباب لتنظر فى اثر التى خرجت ثم تحركت جهة الطاولة تنظر جهة التوابل التى امامها بتعجب وهى تقول بعدم فهم: _عچيبة لما التوابل اهناه والطلبات كمان امال اللى خرچت دى رايحة فين؟ رمشت بعينيها لتركض جهة النافذة تتطلع منها بهدوء لتجدها كما توقعت ذاهبة جهة محل رشدى لتقضم شفتها السفلى قائلة بخوف: _شاكلك مش ناوية تلايميها لبر يا بت تهانى، انا خابرة الحركات دى عاد بس اللى خايفة منيه هو اللى هيحصل بعد اكدة صمتت تنظر من النافذة بخوف وقلبها يقرع داخلها كالطبول خوفًا على تلك الساذجة والتى تربت امام عينيها واحبتها كابنتها التي لم تنجبها اما على الجانب الاخر فدخلت لمحله لتجد به الكثير من الناس لذا اشارت له بالخروج لينظر لها بمكر ثم تبعها وما ان خرج حتى قال من بين اسنانه بضيق: _عاوزة ايه منى؟ _انا موافقة على جوازنا رمش بعينيه بصدمة ليقول بعدم تصديق: _انتِ قولتِ ايه؟ ارتسمت ابتسامة ماكرة على شفتيه كذىب حصل على فريسته للتو ولكنه محاها سريعا قبل ان تلاحظها وهو يجيبها بضيق مفتعل: _مش انتِ قولتى انك مش عاوزة زمت شفتيها تجيبه بجدية: _وفكرت ورجعت فى كلامى، انا واثقة فيك، وعلشان اثبتلك قولتلك انى هتجوزك، ايه رأيك؟ ابتسم بمكر ليقول بإنتصار ماكر: _ومش هتندمى ابدا هنتجوز واخليكى ملكة التفت جهته قائلة بضيق: _وهويدا؟ _هطلقها كانت اجابته حاسمة لتهز رأسها باستحسان ليميل ناحيتها يهمس بخبث: _النهاردة الساعة تمانية تعالى هنتجوز وهتكونى اجمل عروسة اومأت برأسها بابتسامة خجولة ومن بعدها ركضت من المكان تتابعها عيناه بابتسامة مفترس ليمسح بعدها بلسانه على اسنانه متخيلا طعم هذه الغزالة الرائعة. كل هذا كان تحت اعين هادية التى رأت ابتسامته الماكرة وعينيه الشريرة لتضع يدها على قلبها بخوف وهى تهمس بذعر: _استر يا اللى بتستر ــــــــــــــــــــــــــــــــــــــــــــــــــــــــــــ كان يقف داخل العزاء جامدًا كالصخر من يراه لا يصدق انه ذاك المنهار منذ عدة ساعات، كان يتقبل واجب العزاء بهدوء الى ان وجد ذاك الذى يدخل المكان قائلا بجدية: _البقاء لله ياحاچ عمران ثم تحرك يربت على كتفه وهو يقول بهدوء: _ البقاء لله يا يونس يا ولدى بادله يونس بنظرات جامدة وهو يصافحه مجيبا بجمود: _ونعم بالله يا حاچ اسماعيل لينظر لذلك الذى يسير فى اثر والده والذى قال له بلا مبالاة: _البقاء لله يا يونس بادله يونس نظرات جامدة تخفى خلفها احتقار شديد وهو يجيبه بجمود: _ ونعم بالله، مانشوفكش فى حاچة عفشة يا صُهيب نظر له صُهيب بنظرات ماكرة: _تعيش يا ولد الزهار وحينما وجده يونس لا يزال واقفا امامه ينظر له بابتسامة شامته وهازئة وكإنه يحاول اغاظته حتى رمقه بطرف عينه ليقول بلا مبالاة: _روح اجعد چنب ابوك يا صُهيب مينفعش يجعد لوحده، لازم تلازم ابوك ياولد الچمال وتكون عصايته نظر له صُهيب ساخرا ليتحرك خلف والده ليتمتم يونس بغيظ: _ الله اعلم هتكون عصايته اللى هيتسند عليها ولا اللى هتجطم وسطه، چاتك جطم وسطك يا بعيد ربت عمران على كتف وحيده ليقول بقوة: _مليكش صالح بيه عاد هو چاى يستفزك نظر له يونس ليقول بقوة: _وانا مفايجش لحديته، كلمة كمان وهطلع غضبى فيه نظر له عمران ليقول برزانة: _بلاش يا ولدى علشان خاطر المرحومة اللى لسة متاويها التراب، جدر عزاها واعمل لها جيمة اومأ يونس برأسه بهدوء ليقف مكانه بقوة فى حين كان عمران يبادله نظراته بفخر اما على الجانب الاخر كان يجلس بجوار والده يتابع ما يحدث بغيظ ليوكز اسماعيل ابنه قائلا بضيق: _ شوف واجف وراسى كيف؟ الراچل واجف كيف الملك اللى بياخد تهانى تتويچه مش كيف واحد بياخد عزا مرته لكن انتَ... انت بتبجى زى الاهطل مش بتعرف تكون عاجل ورزين كيفه اكدة رمقه صُهيب بطرف عينه ليقول بغيظ: _حاولت اغيظه لكن معرفتش اعمل حاچة هز اسماعيل رأسه قائلا بضيق: _لانك خايب، اللى زى يونس كيف الحچر الصوان ما بينكسرش بسهولة، فضلت تجول كسرته على مرته وهنشمت فيه لكن شوفه واجف شامخ كيف!! يونس ده ما ينحنيش أبدًا، عامل كيف الفرس العربى الاصيل مش سهل تحنى راسه بالعكس ده چماحه جاتل واللى يجرب منيه ميت، اللى عاوز يلعب معاه يبجى من بعيد لانه كيف العجارب لدغته والجبر صرّ صهيب على اسنانه بغل ليومئ برأسه وهو ينظر لعدوه اللدود بحقد خالص. يونس الزهار عدوه منذ الطفولة والان، يونس الممتلك لاراضى لا تحصى ومزارع لا تعد ومصانع لحوم وخضار محفوظة ومجمدة. ما يمد يونس يده به يصبح ذهب، له عقل من ألماس لذا دائما ما يقارنه والده به ودائما ما كانت كفة يونس راجحة. والان حينما جاء ليراه منهزم تفاجأ به يقف بكامل قوته وهيبته وجموده وبكل شموخ وكأن ما حدث لم يؤثر عليه مثقال ذرة ليقف قائلا بغيظ: _بينا نعاود، جضينا واچبنا وخلاص اومأ اسماعيل برأسه ليتحرك خلف ولده بغيظ تحت نظرات يونس المحتقنة والمشمئزة منهم ـــــــــــــــــــــــــــــــــــــــــــــــــــــــــــــــ كان يقف بجوارها ويقف بجواره اثنين من اصدقاءه ليعطيها القلم قائلا بابتسامة عاشقة: _خدى امضى يا حبيبتى بادلت ابتسامته باخرى خجولة وتحت نظراته الماكرة قامت بالتوقيع على الورقة ليبتسم لها قائلا بحب: _مبروك يا حبيبتى ثم وتحت نظراتها الذاهلة وجدته يميل ليحتضنها لتحمر وجنتيها خجلا وهى تهمس بحياء: _رشدى مينفعش كدة اصحابك واقفين تجاهل رشدى حديثها يشد من احتضانها اكثر ويديه تتلمس منحنياتها بجراءة شديدة جعلت قلبها يقرع كالطبول وهى تعود للخلف بضيق لتجده يميل على اذنها هامسًا بمكر: _مالك مكسوفة كدة ليه؟ انتِ مراتى نظرت له بطرف عينها وداخلها شئ يخبرها بان ما يحدث خطأ لتجيبه بضيق: _بس اصحابك واقفين هز كتفيه ليجيبها ببساطة: _وايه يعنى؟ انتِ مراتى وحلالى نظرت له لتقول بقوة: _بس مفيش حاجة هتحصل بينا غير لما نتجوز رسمى بموافقة ابويا ظل ينظر جهتها بمكر وهو يقول بنعومة حية: _تمام، اللى عاوزاه يا حياتى هو اللى هيحصل ثم صمت لبرهة ليميل على اذنها قائلا بوقاحة: _بس فين بوسة الفرح احمرت وجنتيها خجلا لترفع عينيه له هادرة بغضب: _رشدي ثم نظرت لتقول بقوة: _انا ماشية اومأ برأسه بهدوء ونظراته تلتهمها ليميل على اذنه احد اصدقاءه قائلا بمكر: _بس تصدق فرسة؟ اومأ برأسه يجيبه ابتسامة مخيفة: _امال انا بلعب ولا ايه ضحك ثلاثتهم بمكر لينظر هو فى اثر ذهابها قائلا بخبث: _وقريب اوى هنول اللى عاوزه الفصل الثاني بعد هذا اليوم دخل المنزل يجر جسده ليصعد لاعلى، ولكن وقبل ان يفتح باب غرفته وجد تلك اليد التى تمسك يده ليلف وجهه جهتها بارهاق لتقول والدته بالم: _بلاش تنام فيها النهاردة، نام مع بتك ابتسم بسخرية ليجيبها بألم: _وتفتكري ده هيفرج يا امى؟ يعنى ان انا مانمتش النهاردة من بكرة هيكون فيه فرج!! كدة كدة هى مش اهنه واني عارف التفت والدته قاىلة بوجع: _النهاردة الچرح لسة سخن وبيكوى، كون مع بتك هى محتاچالك وبكرة ابجى نام مطرح ما تحب عاد اومأ يونس برأسه ليتحرك جهة غرفة صغيرته ولكن ما ان دخل حتى وجدها جالسة على الفراش تتلاعب بخصلاتها وكانها تريد تصفيفهم ولكن ما ان رأت والدها حتى قفزت من الفراش قائلة بمرح: _بابا ابتسم يونس لابنته الحبيبة وهو يميل ارضا يتلقفها باحضانه ليجدها تقول بطفولية: _بابا فين ماما؟ اغمض يونس عينيه بألم وهو يسمع سؤال صغيرته الذي حطم قلبه ليجيبها برقة: _ماما فوج عند ربنا رمشت الصغيرة بعيونها ويبدو انها لم تستوعب سوى كلمة واحدة وهى كونها بالاعلى لتعيد هذه الكلمة مرة اخرى: _فوج؟ اومأ يونس برأسه ليجدها تمسك يده تقول بطفولية: _يلا امشى فوج سقطت دموعه على وجنتيه ليجيبها بالم: _لا مش هينفع النهاردة، هيبجى نروح وجت تانى ثم وضعها على الفراش قائلا بمرح مفتعل: _ يلا ننام؟ تمارا شاطرة وهتنام فى حضن بابا اومات الصغيرة برأسها تلقى نفسها بحضن والدها وما هى دقائق حتى غطت فى نوم عميق ليهمس هو بألم: _جطعتى بجلبى جوى يا ازهار. ـــــــــــــــــــــــــــــــــــــــــــــــــــــــــــــ كانت تجلس بالمنزل تفكر هل ما فعلته كان الصواب ام خطأ؟ هى احبت وعشقت رجلا ولكن والدها وعمها وزوجته هم من وقفو بطريق سعادتها وحياتها. هي واثقة من اختيارها ولكن ماذا عن زواجها من ورائهم؟ كانت تبحر بافكارها اكثر واكثر ولم تلحظ تلك العيون المترصدة لها الا حينما همست ساخرة: _مالك يا روفان شايفاكِ مش على بعضك اكدة، لا واكلة ولا شاربة، اللى واخد عجلك؟ التفت روفان جهتها ترميها بنظرات حانقة لتجيبها بغيظ: _مفيش يا مرات عمى انا كويسة، بس ياريت كل واحد يخليه فى حاله. القت كلماتها لتخرج من الغرفة جهة غرفتها لتنظر هادية فى اثرها وهى تتمتم بخوف: _ياخوفى لتچيبيلنا فضيحة وتشيلينا العار اللى مهنجدرش نمشى بيه افاقت من افكارها حينما مال زوجها على اذنها هامسا بضيق: _مالك ومالها يا هادية عاد؟ لفت هادية نظراتها بينهم لتهمس بخفوت: _عبد السلام تعالى اوضتنا عاوزاك دون كلمة تحركت للدخول لينظر عبد السلام باثرها ثم نفخ بضيق ليتحرك خلفها، وما ان دخل حتى همس بغيظ: _فيه ايه يا هادية ساحبانى وراكى كيف الصغرة ليه؟ نظرت له هادية لترمى ما بجعبتها بخوف: _عبد السلام فيه حاچة مش مظبوطة بتحصل مع روفان انتبه عبد السلام لحديثها ليسألها بتعجب: _حاچة!! حاچة ايه؟ قضمت هادية شفتها السفلى ثم ودون تفكير القت ما بجعبتها كله لينظر لها عبد السلام قائلا بغيظ: _هادية.. هادية الله يخليكِ مش عاوز مشاكل مع اخويا ومرته عاد، احنا چينا من الصعيد وجعدنا اهناه علشان نبعد عن المشاكل فانا مش عاوز مشاكل اهناه كمان. احنا وجفنا ورفضنا العريس، ان اتكلمنا كلمة تانى هيجولو انها مش طايجاها تراجعت هادية للخلف بصدمة لتضع يدها على صدرها قائلة بالم: _آنى.. انى مش طايجة روفان يا عبد السلام!! كيف بتجول اكدة؟ روفان بتى اللى انى ماولدتهاش تساقطت دموعها على وجنتيها وهى تكمل بالم: _روفان بتى اللى انى شيلتها جبل امها كمان، روفان اللى ياما نامت فى حضنى ووكلتها بيدى، ياما ذاكرتلها ووجفت معاها ووديتها المدرسة، كيف اتجول اكدة؟ انا اه مخلفتش بس والله هى كانت بتى وعوضتنى عن الخلفة، انا مخلفتش بس ربيت نظر لها عبد السلام بالم وحزن على حالها، نعم يعلم وجع زوجته وجرحها الذى لا يبرأ، ويعلم عشقها لابنة اخيه كما عشقه هو لها، محبوبتهم الجميلة الصغيرة واميرتهم المدللة ولكن.... الامر اصبح لا يطاق، تدخل هادية بحياتها اصبح يضايق تهاني ومحسن اخيه، فبالنهاية هى ابنتهم ولهم كل الحق فى تحديد مسار حياتها، وازداد الامر بكراهية الفتاة لزوجته كونها ورفضت ذلك الشاب. نعم يعلم بان زوجته تدافع عن الفتاة بدافع حبها لها وامومتها الذى زرعتها روفان بقلبها ومشاعرها ولكن الصغيرة لا تفهم انما كل ماتراه تلك السك..ينة اللامعة والتى تنبهر بلمعانها فتطلبها بشدة لتلعب بها ولكن زوجته تقف كام ترفض ان تعطيها لها لانها تعلم خطورتها لتراها الصغيرة عدوه لفرحتها انتبه الى بكاء زوجته الذى تعالى ليحتضنها بحب وهو يقول برقة: _طيب اهدى يا هادية، روفان كبيرة مش اصغيرة هى وعيت وخلاص الجاها بس كانت عاوزة سمك ولا حاچة منه وانتِ عارفة ان مفيش محل سمك غيره فى المنطجة نفت هادية براسها قائلة بخوف: _جلبى بيجولى ان فيه مصيبة، هى تطلع تتحدت وياه بره وهو يبصلها بصات مش مريحة، الواد نيته شر والبت صغيرة لسة وساذجة كلمة توديها وكلمة تچيبها اومأ براسه ليقول بتعقل: _بس مفيش حاچة نتحدت فيها، لو اتكلمنا كله هيجول اننا واجفين ليها وكارهينها، خلى عنينا عليها من بعيد ولو حصل حاچة لازم نتدخل اومأت برأسها لتتنهد بتعب بينما هو نظر للبعيد خشية من القادم ــــــــــــــــــــــــــــــــــــــــــــــــــــــــــــــــــــــــــ تجلس داخل غرفتها لتسمع رنين هاتفها، ركضت تجاهه تنظر له بلهفة وما ان رات المتصل حتى تحركت لتفتح الباب لتتأكد من ان لا احد يسمعها ثم بعدها قامت بفتح المكالمة وهى تجيب بخجل: _ألو اجابها هو بنبرة عاشقة: _يا مساء الفل يا زوجتى العزيزة احمرت وجنتيها خجلا لتقول بحياء: _رشدى بس بلاش تكسفنى ارتسمت ابتسامة ساخرة على وجهه ليجيبها بمرح مفتعل: _اكسفك ايه بس مش انتِ مراتي؟ صمتت تستمع له بهدوء لتجده بعدها يقول بحزن: _حبيت اسمع صوتك قبل ما انام، حتى تشيلى عنى النكد دة قطبت جبينها لتساله بتعجب: _نكد؟ نكد ايه؟ صمت يقول مفتعل الحزن: _مفيش، بلاش ازعلك معايا اصرت روفان على رأيها وهى تجيبه بجدية: _لا يا حبيبى، يعنى لو ما حكيتش معايا هتحكى مع مين؟ قولى ايه اللى حصل انا سمعاك ابتسامة خبيثة ارتسمت على وجهه ليجيبها بعدها بنبرة حزينة افتعلها بجدارة: _مفيش، بس انا كنت مستلف من هويدا فلوس ولما عرفت ان انا عاوز اطلقها وعرفت بحبى ليكِ اصرت على انها عاوزاها قطبت جبينها بتعجب لتجيبه بهدوء: _طيب ما تديها فلوسها؟ تنهد رشدى يجيبها بضيق: _ما هو انا لو معايا كنت اكيد اديتها، هى اديتنى الفلوس دى افتح بيها المحل ودلوقتى بقى لما عرفت اللى فيها بتلوى دراعى وعاوزة فلوسها والا هتودى الوصولات دى للنيابة اتسعت عينيها لتساله بصدمة: _ وصولات!! هى فيه واحدة تمضى جوزها على وصولات؟!! اجابها وهو يفتعل نبرة الانكسار والحزن: _قالتلى وقتها انها بتضمن حقها وانا مضيتلها على الفلوس، ودلوقتى مصرة انها تربطنى بيها العمر كله ولما عرفت بحبى ليكِ عاوزة تكسرنى اتسعت عينى روفان وامتلأت بالدموع لتجيبه بألم: _وانت هتعمل ايه؟ تصنع البكاء وهو يقول بانهيار _ مش عارف، انا مش معايا المبلغ ده كله ولما بقولها هقسطهم قالتلى مش كفاية بتحب عليا لا انا هوديهم للنيابة، غير انها عاوزة تتطلق وتاخد حقوقها كاملة وانا مش عارف اعمل ايه تنهدت روفان بحزن لتجيبه بضيق: _طيب واصحابك يا رشدى؟ اجابها رشدى بحزن: _هيجيبو منين؟ الواد سيد بيجهز علشان فرحه، والواد مصطفى بيجهز لفرح اخته وغير انه برضو مديون، وكل واحد همه مكفيه. وانا حاولت انى اتكلم معاها بس هى رفضت ومصرة تبهدلنى فى المحاكم وتاخد كل فلوسها ثم اكمل ببكاء مفتعل جعلها تنهار معه على الحانب الاخر: _انا مش عارف اعمل ايه يا روفان حاسس ان وسطى اتقطم بدرى، وهى بتقول هتطلع بكرة على النيابة. اعمل ايه يا روفان انا كدة هتسجن، انا مش عارف ايه الجبروت اللى فيها ده؟ هو الحب بالعافية؟!! تنهد يسحب شهقاته وهو يقول بألم: _أنا مستقبلى هيضيع يا روفان وهتحرم من ابنى وكله ده لانى معرفتش احبها وحبيتك، حاسس انى فى دوامة ومش عارف اعمل ايه، قلبى بيوجعنى اوي. هى شايفانى خاين، معقول اكون خاين لمجرد انى حبيتك؟ بكت روفان لتجيبه بوجع: _لا يا حبيبى انتَ مش خاين، انت احسن واحد فى الدنيا، متكسرش نفسك كدة انا هنا جنبك وهفضل جنبك العمر كله صمتت ثم سالته بهدوء: _هى الفلوس دى كام؟ ارتسمت ابتسامة ماكرة على شفتيه حينما وصل الى ما يريده: _مية ألف جنيه ده حق الوصولات بس شهقت واضعة يدها على فمها وهى تسمع الى ذلك المبلغ والذى يعد كبيرا بالنسبة لفتاة فى عمرها لتجيبه بتوتر: _ده مبلغ كبير: تصنع الانكسار وهو يجيبها: _انا عارف وعلشان كدة هتحبس، ياريت بس حد يسلفنى وبعد شهر واحد هكون جمعت الفلوس وهديهاله لكن مفيش، والمشكلة انها مش صابرة قضمت شفتها السفلى بتوتر وهى تفرك يدها لتقول ببراءة ممزوجة خوف: _يعنى لو انتَ اخدت الفلوس دى هترجعها بعد شهر؟ ابتسم حينما وصل لمبتغاه ليجيبها بخبث: _ويمكن اقل كمان، بس الاقى اللى يسلفنى رمقت بطرف عينها خزانة غرفة والديها والتى تعلم ان بها مبلغ اكبر مما قاله ايضا حيث يقوم والدها بتجميعه طوال الشهر من عمله هو وعمها ثم يضعها بالبنك فى نهاية كل شهر . قضمت شفتها السفلى لتقول بخوف: _بص هو انا اقدر اجيبلك الفلوس اللى قولت عليها بس لازم قبل آخر الشهر تجيبها يا رشدى لان ممكن اموت فيها اجابها بلهفة: _سلامتك يا روحى دة انا اموت وانتِ ميتكسرلكيش ضفر ده انا حياتى فداكِ ابتسمت بتوتر لتجيبه بابتسامة عصبية وهى تتحرك فى الغرفة بتوتر: _لا يا حبيبى سلامتك، بس الاكيد يا رشدى ترجع الفلوس آخر الشهر لانها مش بتاعتى ابتسم يجيبها بمكر: _اكيد طبعا يا روحى قبل آخر الشهر هتكون عندك ابتلعت ريقها تنظر جهة غرفة والدها بخوف لتجيبه اخيرا بهدوء: _تمام يا رشدى، بكرة ان شاء الله الفلوس هتكون عندك، وربنا يستر بقا صمت الاخر يبتسم بمكر ليقول بمسكنة مفتعلة: _روفان لو الموضوع هيعملك مشاكل بلاش قاطعته قائلة برقة: _لا يا حبيبى مش هيعملى مشاكل ولا حاجة ان شاء الله ومحدش هياخد باله صمتت لتقول بجدية: _بكرة اكيد الفلوس هتكون عندك ابتسم الاخر وهو يجيبها بخبث: _شكرا يا حياتى اغلقت الهاتف تنظر جهته بشرود وهى تفكر كيف تاخذ هذه الاموال دون ان يدركها أحدهم، وهل هذا يعد سرقة ام لا؟ تنهدت وهى تؤكد لذاتها بان هذه اموالها لزواجها ومن حقها ان تعطيها لمن تشاء، وهي فقط ستعطيها له عدة ايام. انتفضت من مكانها بفزع حينما وجدت باب الغرفة يُفتح مرة واحدة وتدخل اختها الكبرى لتصرخ بها بغضب: _ايه يا لينا، فيه حد يدخل الاوضة كدة؟؟ رمشت لينا بعينيها بتعجب من رد فعل اختها المبالغ به لتشير جهة كتابها مجيبة بذهول: _ايه يا روفان انا كنت جاية اخد كتابى علشان اخلص مذاكرتى صرخت بها الاخرى بغضب: _ بس نخبط الاول التمعت عينى شقيقتها بالدموع وهي تجيبها بضيق: _فيه ايه يا روفان مالك؟ دى اوضتى برضو ان كنتِ نسيتى كانت تتحرك خارجة من غرفتها متوجهة صوب المطبخ حينما سمعت هذا الصياح لتتحرك جهته متسائلة بتعجب: _ايه فيه اللى بيحصل اهنه؟ مالكم صوتكم چايب اخر الدنيا ليه؟ زمت روفان شفتيها بضيق من حديث زوجة عمها لتحول وجهها الجهة الاخرى برفض طفولي للاجابة بينما نظرت الاخرى لزوجة عمها مجيبة بحرقة: _يرضيكى يا مرات عمى ادخل الاوضة علشان اخد الكتاب روفان تفضل تزعقلى وتشتمنى وتقولى انى معنديش ذوق علشان مخبطتش؟ ضيقت هادية عينيها لتجيبها بجدية: _لاه ميرضينيش، ليه كنتِ غرببة اياك علشان تخبطى!! وبعدين دى اوضتك كيف ما هى اوضتها نظرت لها روفان بضيق لتجيبها بغرور: ده اتيكيت متفهميش فيه انتِ يا مرات عمى ضيقت هادية عينيها ولم ترد انما ربتت على ظهر الصغيرة قائلة بحنان: _ادخلى يا لينا خدى كتبك انتِ واخرچى ذاكرى وسيبينى اتكلم مع خيتك ثم اكملت ساخرة: _اهو منها تعملنى الاتيكيت ده ونستفاد منيها اومأت الصغيرة برأسها وتحركت ملبية امرها بينما تابعت روفان زوجة عمها وهي تدخل مغلقة الباب خلفها بهدوء ثم تحركت تجلس على الفراش الاخر بهدوء مريب جعل قلبها يضطرب لتبدا تحرك عينيها فى كل مكان سواها ابتسمت هادية على تصرفاتها ولكنها قالت بجدية: _هاه مبدكيش تعلمينى حاچة چديدة عاد لفت انظارها لها لتقول بحدة: _الذوقيات دى الواحد مولود بيها صمتت لتكمل ساخرة: _وبعدين مش بعد ما شاب ودوه الكتاب اومأت ضاغطة على شفتها السفلى تحاول كتم غضبها لترفع بعدها عينيها جهتها قائلة بكسرة اصابتها فى مق..تل: _تصدجى بالله، انا دلوك مبسوطة ان ربنا ما رزجنيش بعيل، عارفة ليه؟ لانه لو كان عطانى وكانت دى تبجى تربيتهم كنت زمانى مت فيها. يعني اكبر واربى واعلم وفى الاخر ده يكون جزاتى!! وعلى الرغم من الالم الذى اكتنف صدرها من حديثها الا انها تجبرت مجيبة بضيق: _ما هو مش كله زى بعضه يا مرات عمى، انتِ فى النهاية مش امى ارتسمت ابتسامة ساخرة على وجه هادية تجيبها بقهرة: _بس ربيتك كيف امك بالظبط، كبرتى على يدى، امك اول ما ولدتك كانت تعبانة وانا اللى چريت بيكِ على الصناعى وكنت برضعك، يا ما غيرتلك وحميتك وسهرت چنبك، يا ما بتى فى حضنى وخرجتى يدك بيدى صمتت وقد التمعت عيناها بالدموع لتكمل بحرقة: _يمكن ما ولدتكيش وما خرچتيش من بطنى بس حبيتك كيف ما تكونى حتة من جلبى، واهتميت بيكِ كيف ما تكونى بتى، وربنا اللى يعلم ان لو كان ليا عيل من لحمي مكنتش هحبه اكتر من اكدة وعلى الرغم من الالم الذى اصابها من حديثها الا انها اجابتها ساخرة: _اه ما انا عارفة لم تهتم بسخريتها انما دخلت فى صلب الموضوع وهى تقول جادة: _ايه اللى جالب حالك اكدة يا بت تهانى؟ اتسعت عينى الأخرى لتلف وجهها جهة زوجة عمها متسائلة بتوتر: _تقصدى ايه يا مرات عمى؟ اجابتها زوجة عمها بجدية: _اللى اجصده واضح يا بت محسن، انت اليومين دول فيكِ حاچة مش طبيعية، حالتك لا تسر عدو ولا حبيب صمتت ثم اكملت بنبرة ذات مغزى: _ من ميتى واختك بتخبط على باب الاوضة جبل ما تدخلها؟ ليه كانت داخلة بيت الچيران!! ما هى خيتك ودى اوضتها وبعدين انتو بنات زي بعض ايه اللى اتغير عاد صمتت لتكمل ساخرة: _او ان فيه حاچة عاوزة تخبيها وبتعملى اكدة لان بيعمل حاچة غلط بيبجى مش على بعضيه التفت لها بسرعة وقد اصفر لون وجهها وهي تجيبها بصوت متوتر: _حاجة ايه؟ مطت هادية شفتيها لتجيبها بنبرة غير مريحة: _معرفش عاد، انتِ اللى تعرفى يا بت تهانى صمتت لبرهة تناظرها بعيون تكاد تخترقها لتميل بعدها جهتها هامسة بصوت كالفحيح: _بس جريب هعرف ووجتها هنشوف ودون كلمة اخرى تركتها خارجة من الغرفة لتنظر في اثرها وهي تقضم اظافرها برعب خشية ان يعرف احد ما فعلت ووقتها مؤكد سيقت..لونها ولن يشفقو لحظة عليها ـــــــــــــــــــــــــــــــــــــــــــــــــ بعد اكثر من شهر على مرور فجيعتهم وقف ينظر حوله يستمع الى شكوى الجميع ليتنهد بضيق وهو يجد الكل يتكلم فى آن واحد ليهدر بحزم: _بس.... واحد واحد علشان افهم صمتو جميعا يستمعو لحديث كبيرهم ليقول احدهم اخيرا: _يا حاچ عمران مينفعش اكدة المصنع اللى هيعمله الحاچ إسماعيل ده هيدمر اراضينا لان مفيش ليه منطجة صرف واكيد المواد الكيماوية دى هيرميها فى الترعة وحتى لو محصلش فمصنع فى جلب الارض الزراعية هيأثر على الارض حواليه وهيبورها والعوادم بتاعته هتجلل المحصول وتدمره يا حاچ. المدن كبيرة ليه يدمر ارضنا اللى بناكلو ونشربو منيها!! نظر له عمران ليومئ برأسه قائلا بجدية: _تمام يا ولدى، بس هو عمل لسة حاچة علشان نتكلم؟!! هو لحد دلوك ده مچرد كلام فى الهوا نظر له آخر قائلًا بضيق: _هو خلاص اختار الارض اللي چنب الترعة اللى بنسجى منيها ومبجاش غير ارض اصغيرة وهو بيدور على اصحابها علشان يشتريها تنهد عمران بتفكير ليرفع انظاره بعدها بتعب ليجد ابنه قادمًا من بعيد متطلعًا فى ارجاء الاراضى الزراعية والمحاصيل بشرود ليرفع يده يشير له. نظر يونس لوالده بتعجب وهو يجد كل هذا الجمع محيط به ليتقدم جهتهم بسرعة وهو يلقى عليهم السلام بصوت قوى رد الجميع عليه السلام بينما مال على كف والده يقبله بإحترام وهو يقول بصوت اجش قوي: _كيفك ياحاچ اومأ والده يجيبه بحمد: _فى نعمة يا ولدى نظر له احد الرجال يقول بحرج: _البقاء لله يا يونس بيه والعمر الطويل ليك اومأ يونس برأسه ثم نظر لوالده يقول بصوت قوى: _خير يا حاچ نظر له عمران يقول بقوة: _الناس اهنه بتشتكى من صهيب ابن الحاچ اسماعيل انه عاوز يعمل مصنع فى الارض اهنه وده هيضر الارض والمحصول والفلاحين، انت ايه رايك؟ ارتفع حاجب يونس يجيبه بجدية: _الموضوع ده بجاله سنين وبردك معملش حاچة نظر له احد الفلاحين يجيبه بجدية: _بس هو اشترى الارض كلها وعرض على الفلاحين مبالغ كبيرة بس مبجاش غير ارض واحدة هى اللى عاوزين يشتروها ضيق يونس عينيه يتساءل بخفوت مخيف: _ارض مين دى؟ ابتلع احدهم ريقه ليوكزه اخر يمنعه من الحديث ليلاحظهم يونس ليعيد سؤاله هذه المرة بقوة اكبر: _جولت ارض مين دى؟ نظر له احدهم يجيبه بخوف: _ارض الحاچ خلف الله يرحمه واللى تجريبا ملك للحاچة راوية ضيق يونس عينيه يسأله بنبرة خطيرة: _خلف مين؟ صمت الجميع بخوف ليعيد سؤاله هذه المرة بصوت مخيف كزئير الاسد قوى جعل الجميع ينتفضو بأماكنهم كزئير الاسد: _انا جولت خلف مين؟ ابتلع الجميع ريقهم بينما جاءه الصوت من الخلف بنبرة مرحة مرحة: _خلف الزهار، يعنى هيبجى خلف مين يعنى؟ ارتفع حاجب يونس ينظر جهة القادم بضيق ولكنه لم يعلق وبالاخص حينما وجده يقف بجانبه يضرب على كتفه بطفولية ليبعد يونس يده معيدا كامل انتباهه للجمع امامه مجيبا بقوة: _اظن الكلام واضح، الارض دى ملك لينا احنا، وارض عيلة الزهار ما هتتباعش لحد، واللى هيحط رچله فيها هيكون خارچ على جبره، عيلة الزهار بتشترى ما بتبيعش، وبتكبر مش بتصغر، واللى يحط رچله خطوة فى ارضنا اجطعهاله نظر الجميع ارضا بخجل من حديث ابن كبيرهم، فهم بعلمون ان وصل الامر للارض التى تملكها عائلة الزهار فستقوم حرب ومجازر ولن يستطيع احدهم ان يطول شبر واحد منها. بينما ابتلع احدهم ريقه ينظر جهته قائلا بحرج: _ متزعلش يا يونس بيه بس انا سمعت انه بيجول انه هيكلم الحاچة راوية ويشتريها منيها حتى لو هياخدها بملايين ارتفع حاجب ثلاثتهم معا كلا من يونس ووالده وكذلك القادم بعدم رضى فى حين ظهر التباين على ملامحهم فقد كانت ملامح عمران هادئة، اما الاخر فقد ظهر بوجهه ابتسامة متسلية، فى حين ظهرت الشراسة على ملامح يونس وهو يجيبه ساخرا: _لا والله؟ اومأ يونس برأسه بقوة وقد علم ما يرنو له ابن الجمال، فهو لا يريد المصنع بقدر ما يريد الاستيلاء على ارضهم وارث عائلتهم وسيدفع الغالى والنفيس في سبيل ذلك لذا التف جهته يجيبه بشراسة: _لاه، ان سال على الارض جوله ولاد الزهار مش بيبيعو، وان حبو يبيعو فهما بيسلموها لبعضهم. وده سلو عيلتنا صمت ثم رفع انظاره جهة الجميع وقد اعلن حربه فى تلك اللحظة قائلا بقوة: _لكن اللى عاوز يبيع ارضه من اللى اهناه وحابب يخرچ من الحرب دى انى اهنه وهشتريها وبما يرضى الله صمت ليكمل بعدها بمكر: _وكله عارف مين يونس الزهار وكيف بيجدر الناس، فاللى عاوز يبيعلى ارضه لاى سبب انى موجود وهشتريها بحج ربنا وبزيادة كمان، لكن اللى هيخطانى ويروح يبيعها بره ميزعلش منى؛ لان الخراب محدش يرضاه. صمت الجميع يسمعون حديثه وقد علمو ان شرارة الحرب اندلعت بين كبارات البلد، والجميع يخشون الدهس تحت اقدامهم، فصُهيب الجمال كالثعلب الماكر يمتلك المكر والدهاء والخديعة. أما الاخر فهو يونس عمران الزهار والذى يمتاز بالقوة والشراسة. قوى كاسد شرس، وجامح كحصان عربى اصيل لا تستطيع احناءه، يقف فى وجه العواصف شامخ الهامة كالجبل الراسخ مما يجعل العواصف تمر بجواره دون حتى ان تخدشه. لذا وان فبمقارنة بسيطة فسيعلم الجميع بلا استثناء اى كفة راجحة، ليومئوا برؤوسهم بينما اكمل هو بذات القوة: _البيت مفتوح للكل، واللى هيبيع هشترى، واللى محتاچ حاچة بيت الحاچ عمران موچود، لكن... اللى يلف من بعيد ويلدغ كيف الحية ملوش عندى غير رچلى تنزل على راسه تدجها واخلص منه ومن سمه اومأ الجميع برءوسهم ولكن وما ان انفض الجمع حتى انطلقت ضحكات احدهم قائلا بمرح: _ خوفت منك آنى يا ولد عمى، اللى يشوفك وانت مع الغريب وفى چلسات الحكم مايشوفك وانت جاعد مع تمارا بتك بتلعب معاها كيف العيل الصغير ارتفع حاجب يونس جهته ليجيبه ساخرا: _واللى يشوفك وانت فارد اچناحك اكدة ما يشوفك وانى بجطعك وبتترچانى اسيبك تروح سليم لامك بدل ماتتنجل للمستشفى قضم الاخر ضحكاته بخجل لتنطلق ضحكات عمران فى المكان بينما اكمل يونس بتهكم: _وبعدين بتتريج على جعادى مع تمارا وانت عجلك ميفرجش عنيها اصلا!! ضحك عمران اكثر واكثر فى حين وضع الاخر يده على قلبه قائلا بمرح بلهجة قاهرية مرحة: _اه يا قاسى، كدة كسرت قلبى!! انقلبت سحنة يونس بقرف بينما تعالت ضحكات عمران وهو ينظر جهة ابنه وابن شقيقه ليقول بمرح: _انا من رايى يا عُدى انك تسكت احسن لانك مش هتخلص مع يونس اوما عدى برأسه قائلا بسخرية: _يونس مختص قصف جبهات اومأ يونس برأسه وهو يتحرك ليجلس بجوار والده مجيبا بسخرية: _وانت ولله الحمد من كتر چبهتك اتجصفت معدتش شايفها ومع ذلك سبحان الله معرفش بتجدر تچيب غيرها ازاى ومُصّر تجصفها بردك تعالت ضحكات عدى على حديث ابن عمه ليتحرك يجلس على احدى الاحجار المتراصة ثم القى بعدها عنه ذاك الوجهه العابث جانبا ليسال بجدية: _ايه اللى حصل؟ حك يونس جانب فكه قائلًا بخفوت شرس: _حرب هتبدأ مع ولد الچمال اومأ الاخر برأسه يجيبه بجدية: _اه اخدت بالى، بس ايه السبب؟ ظل يونس ينظر ارضا ليجيبه جادا: _طمع، ابن الچمال عاوز يبنى مصنع وساب الصحرا كلها وعاوز يبنيها وسط الارض الزراعية علشان يبورها، وبالاخص ان المصنع هيبجى وسط اراضى عيلتنا علشان يإذى زرعنا ومواشينا ويثبت انه جادر انه يإذينا لو حب ويدخل وسطينا ميتى ما شاء قبض عُدي على كفه يحاول كتم غضبه داخل صدره وهو يجيبه بغيظ: _الواد ده الواحد بيشمئز منه، مش عارف هو عاوز ايه بالظبط؟ رمقه يونس بطرف عينه ليجيبه ساخرا: لا والله!! هيكون عاوز ايه غير انه يكون كبير البلد، وبالتالي يبجى النايب فى المچلس بدل عمك، ووجتها يكون معاه الحصانة ومحدش يجدر يتكلم معاه او يعارضه لان ده سلو بلدنا. "كبيرها هو النايب فيها ومفيش حد بترشح او يجف جصاده، جانوننا وحطينه وماشيين عليه من سنين" ابتسم عدى ساخرا وهو يقول بإستهزاء: _اما عيل كياد بصحيح حك يونس جانب فكه بتفكير عميق ليقف بعدها من مكانه قائلا: _جوم معايا ضيق عُدى عينيه وهو يساله بتعجب: _على فين؟ نظر له ليجيبه بسخرية: _همشيك على الكورنيش ناكل دره ونعاكس فى البنات ثم قصف بعدها بصوت كالرعد نفضه من مكانه بفزع: _انت كنت نايم واحنا بنتحدت مع الرچالة؟ يعنى هنغور فين؟ هنشوف الست راوية فعلا هتبيع الارض لولد المحروج ده ولا لاه زم الاخر شفتيه ليقول بغيظ: _طيب بالراحة متزجش چاى معاك ارتفع حاجبه ليتحرك فى الزرع لياخذ طريقا مختصرا ثم قال لابنه عمه ساخرا: _هو انت هتتحدتلى ميت لهچة فى الدجيجة عاد؟ شوية مصراوى وشوية صعيدى؟ مترسالك على بر انطلقت ضحكات الاخر بالمكان لينظر له قائلا بجدية: _مبحسش بنفسى يعنى لما بتحدت صعيدى، هو بيطلع لوحديه اكدة لكن لما باچي اتحددت مصراوي لازم اكون مركز فى كل كلمة بجولها، يعنى لما بتعصب العرج الصعيدي بيفط هز يونس راسه بمعنى لا فائدة فى حين نظر له عُدى ليكمل بمرح: _أخاف هناك فى الچامعة اتحدت صعيدى يضحكو عليا ويجولو چاى من ورا الچاموسة وياخدوني تتريجه فعلشان اكدة بحاول امرن نفسى كتير على الحديت بالمصراوي احتدت ملامح يونس من حديث ابن عمه ليلف وجهه جهته يجيبه بحمية: _الصعيدى هو اصل الچدعنة والاحترام والرچولة والحمية فأوعاك تستعر من نفسك او لهچتك يا ولد عمى، خليك على طبعك وبكرة لما توصل وتكون حاچة كبيرة هتلجى الكل يتمنى يتحدت وياك، وهتبجى لهچتك اللى انت مستعر منيها دى كيف الغنيوة اللى الكل بيتمنى يغنيها، هتلاجى الكل بيتمنى يسمع منك اى كلمة مهما كانت لهچتك وهيكرروها بكل فخر وكيف ما بتجولها كمان ثم توقف مكانه لينظر له قائلا بجدية: _اللى بيستعر من اصله، او عرجه، او لونه، او دينه عمره ما بيوصل ولا يتحب يا ولد عمى، بيفضل الكل يبصله على انه مچرد مستغل بدون مِلة، لكن اللى بيفضل ثابت على مبدأه الناس بتجدره وبتحترمه كيف ما كان اومأ عُدى برأسه يجيبه بجدية: _معاك حج بس مش كل الناس عتفهم انتَ بتجول ايه، برضو بتفضل لهچتك غريبة وكلامك بيحتاچ يتفسر فبتستسهل وتتكلم بالمصراوى علشان اسهل فى الفهم ثم صمت ليقول بنبرة ذات مغزى: _وانت اكتر واحد عارف، يعنى لما بتيچى تتكلم مع العملا بتوعك فى الصفقات اكيد بتتكلم قاهرى اوما يونس برأسه يؤكد حديثه وهو يجيبه بحدية: _اه، بس ده للتوضيح مش لانى بستعر من لهچتى صمت لبعض الوقت الى ان نظر لابن عمه قائلًا بتعجب: _بس انا مش شايفك راكب العربية ولا روحت تچيبها هز كتفيه يجيبه بتعب: _لا ما هو انا حابب اتمشى، عاوز ابص على الزرع والارض، عاوز اهيم على وشى يمكن انسى زم عدى شفتيه بحزن على حال ابناء عمه فواحدة قد ماتت والاخر فارقته الروح من بعدها ليمد يده يربت على كتفه وهو يقول بحنان: _هى فى مكان احسن يا يونس، هى تعبت كتير وشاء ربنا يريحها، بس اللى انت بتعمله ده بيتعبها اكتر يا ولد عمى حول يونس عينيه تجاهه وقد غشتها غلالة من الدموع ليجيبه بصوت متحشرج: _بُعدها كسر ضهرى يا عدى، موتها كيف السك..ينة اللى انغرزت فى جلبى تأوه عدى على حال ابن عمه وهو يقول بألم: _يونس اجابه يونس بتعب: _ياريتنى كنت مت معاها يا ولد عمى، هى خدت روحى ومشت وسابتى چسم من غير روح تألم عدى على حاله ولكنه اجابه بقوة: _متجولش اكدة يا ولد عمى، حاشاك انك تعترض على حكمته، وبعدين انت عارف ان لو چرالك حاچة عمى مش هيتحمل فبكفياك يا ولد عم كفايا وچع جلبه على المرحومة بلاش تزودها عليه، اتماسك علشان خاطر حتى تمارا اوما يونس برأسه وهو ينظر فى طريقه ليكمل كلاهما سيرهما جهة المنزل المنشود الفصل الثالث خرجت من المنزل بهدوء دون ان ينتبه لها احد وهى تحمل الاموال داخل حقيبة ظهرها الخاصة بالمدرسة. تقر بان هناك ثقل على قلبها، وشعور بان ما تفعله خاطئ ولكنها تحاول قت..له. تحركت جهة محله تشير اليه ليومى برأسه وهو يشير لها ان تسبقه الى المخزن لتنتظره وما هى الا دقاىق حتى وجدته يقف امامها متسائلًا بلهفة: _هاه ايه الاخبار؟ ابتلعت ريقها وهى تنظر له بتوتر ولكنها مع ذلك فتحت سحاب حقيبتها لتخرج منها حقيبة سوداء بلاستيكية تقدمها له وهى تجيبه بتوتر: _خد دى الفلوس اللى انت طلبتها، مية الف بالتمام والكمال صمتت لتقول بعدها برجاء: _بس زى ما وعدتنى يا رشدى، قبل نهاية الشهر يكونو عندى ارتسمت ابتسامة واسعة على شفتيه وقد التمعت عيناه بوميض الطمع وهو ينظر الى المال بيده ليرفع بعدها عيونه جهتها مجيبًا بمكر: _عيب يا روفان انا وعدتك، ايه مبتثقيش فى جوزك حبيبك؟ صمتت ولم تتحدث لتفاجأ بعدها به يميل ليحتضنها بقوة وهو يقول بلهفة: _شكرا يا حبيبتى، شكرا جدا تخشب جسدها بين يديه من المفاجأة ولكن ما جعلها تنتفض وتتراجع للخلف هى يده التى بدا يسير بها على منحنياتها بجراءة لتنتفض وقتها متراجعة للخلف بصدمة وقد اصفر وجهها فى حين ارتجف جسدها بقوة من الخوف والاشمئزاز. انتبه رشدي لمنظرها ليقترب منها ولكنه تفاجﭢ بها تتراجع للخلف برعب لذا رسم البراءة على وجهه تماشيا مع ابتسامته الرقيقة وهو يقول بنعومة: _روفان حبيبتى متخافيش انا مش هاذيكى، وبعدين يا روحى انتِ مراتى فاللى بعمله ده شيء عادى، وان اتطورت العلاقة بينا عادى برضو تراجعت للخلف بذعر وكانها رات احد الاشباح يطوف حولها لتجيبه بصوت متهدج ومرتعد: _انا.. لازم امشى دلوقتى ودون انتظار رده كانت تركض من وجهه وصوت داخلها يحثها على الهرب بسرعة والا ستندم بل والادهى بان هناك صوت داخلها يخبرها بان هذا اللمسة ليست من حقه ولن تكون، جسدها ليس من حقه انما هى ملك لاخر وان فرطت فيه ستندم اشد الندم ولكن... من هذا الاخر ورشدى هو حبيبها وزوجها؟ ـــــــــــــــــــــــــــــــــــــــــــــــــــــ كانت تنظف المنزل لتتحرك جهة غرفة الفتيات تنظفها وتحضر الملابس المتسخة لتغسلها. زمت شفتيها بضيق وهى ترى الغرفة اشبه بأكوام القمامة. ملابس متسخة هنا، وكتب ملقاة هناك، وحقيبة ملقية ارضًا لذا نفخت هادية فمها بضيق وهى تحول انظارها من حولها لتقول بغيظ: _مش عارفة بنات ازاى دول وهيبجو مسئولين عن بيت وهما اوضتهم شبه مجلب الزبالة! نفخت بفمها بضيق لتنحنى بعدها تجمع الملابس المتسخة فى السبت الخاص بها، ومن بعدها بدات تضع الكتب على المكتب، وتجمع الحقائب تعلقها وما ان انهت ما تفعل حتى تحركت جهة الغسالة لتبدأ فى وضع الملابس بها وهى تفتش جيوبها اولا حتى لا يكون بها ورقة او اموال يكون نسيها احدهم داخلها. نظرت لبنطال زوجها وهى تخرج منه بعض المناديل لتزم شفتيها بضيق وهى تقول ساخرة: _الناس تجلب فى البنطلون تلاجى فلوس وانا ملاجيش غير مناديل ضحكت وهى تقول بمرح: _المفروض يتعمله فيلم اسمه المناديل لازالت فى چيبى ضحكت بمرح لتمد يدها بعدها تتفحص ملابس الفتيات وتخرج الأموال وكروت الشحن الى ان وصلت الى احدى بناطيل روفان لتمد يدها لتجد ورقة كبيرة مطوية لذا... وضعتها جانبا ثم فتشت فى باقى الجيوب تتأكد من عدم وجود شئ آخر ثم وضعته بالغسالة لتعود وتفتح الورقة لترى هل هى مهمة ام لا ولكن ما ان قرات ما بها حتى شهت بجزع ضاربة صدرها بذعر _يا مصيبتي امتلأت وقتها عيونها عيونها بالدموع وهي تلطم على وجهها هامسة برعب: _ يا ليلتك السودا يا روفان ياللى ما ارتحتيش غير لما حطيتى راسنا فى الوحل، عجد چواز عرفى!! بدات تلطم خديها اثناء تحركها فى ارجاء المنزل بخوف ودموعها تتساقط على وجنتيها بقهر متمتة برعب: _طيب دة لو ابوها عرف هيطب ساكت، والبلوة دى اكبر من انه يتسكت عليها والا هتكبر، ودي اكبر مني احلها لذا وبدون ذرة تفكير اخرى ركضت جهة غرفتها تهاتف زوجها والذي ما ان اجاب حتى قالت ببكاء مذعور: _عبد السلام هم وتعالى بسرعة مفيش وجت؛ فيه مصيبة وهتنزل على دماغنا لو ملحجنهاش ولم تدع له بعدها مجالا للتعجب انما اغلقت الهاتف فى وجهه وهى تمسح على وجهها بخوف وذعر واكبر مخاوفها هو ان تكون تورطت روفان وحولت هذا الزواج الى حقيقى ووقتها لن يستطيعوا ان يرفعوا اعينهم بوجه الناس ولن يعلموا ماذا يجب عليهم ان يفعلوه ــــــــــــــــــــــــــــــــــــــــــــــــــــــــــ عادت من جامعتها بعد ان انهت احد اختبارتها لتتفاجأ بالجميع فى حالة ترقب وخوف وكإن هناك شئ ما حدث لذا مالت لينا على زوجة عمها تسالها بنعومة: _هو فيه ايه يا مرات عمى؟ ربتت هادية على كتفها تجيبها بحنان: _مفيش يا حبيبة جلبى رمشت لينا بعينيها لتهز رأسها بالنفى تجيبها بجدية: _لا فيه، ده البيت مش على بعضه كادت هادية تجيبها ولكن قصف صوت تهانى فى المكان تقول بحدة: _لينا روحى اوضتك يلا واجفلى بابك لم يعجب لينا الوضع لتهز راسها متسائلة بتعجب: _فيه ايه يا ماما؟ ايه اللى بيحصل؟ _لينا كان هذا الصوت الحازم هو الخاص بعمها والذى هو اشد من والدها حتى لتومئ برأسها ثم تحركت جهة غرفتها على مضض ولكن.. و بعد عدة دقائق تم فتح الباب لتدخل روفان للمنزل وهي تزفر انفاسها برتحة بعد ان انهت اختبارها الاخير لتتفاجأ بوجود الجميع لذا... نظرت جهتهم بتعجب بالاخص وهى تجد والدتها تقف بينما اعتدل الجميع فى جلستهم بتأهب لترمش بعينيها بذهول بينما هدر قلبها داخل صدرها بعنف وصوت يخبرها بان القادم لن يعجبها البتة ولكنها مع ذلك قالت بخفوت: _مساء الخير لم يهتم احد بالاجابة عليها انما قصف صوت والدها متسائلا بغلظة: _كنتِ فين؟ رمشت بعينيها بتعجب لتجيبه بعدها بصدق: _كنت فى المدرسة اومأ محسن برأسه ليشير لها بيده ان تقترب قائلا بجدية: _تعالى اقولك يا روفان تحركت روفان جهته ولكن قبل ان تجلس انتفضت متراجعة للخلف بذعر وهى تجد اقتراب عمها منها بخطوات بطيئة ونظرات شرسة كادت ترديها قتيلة. ابتلعت ريقها برعب من هذا الرجل الذي تخشاه اكثر من والدها ذاته نظرا لشراسته وشدته لتساله وقتها بتوتر: _فيه ايه يا عمى؟ رفع عبد السلام وجهه جهتها يجيبها بصوت جامد: _سؤال واحد هساله وعاوز اچابته من غير كذب اومأت برأسها بخوف لتجده يخرج احدى الاوراق من يده قائلا بجدية: _اللى مكتوب فى الورجة دى حجيجى ولا لاه؟ قطبت روفان جبينها بتعجب ولكنها مع ذلك مدت يدها تنظر جهة الورقة بفضول والتى ما ان رأتها حتى شهقت برعب وهى ترى ماهية الورقة والتى لم تتوقع ان يراها احدا قط ولكن يبدو انها كانت من الاهمال بان تسقط بين يدى عائلتها. اما عبد السلام فقد كان يقف مكانه يتابع كل اختلاجاتها بعيني صقر شرس يراقب حركتها لينقض عليها ممزقا اياها الى اشلاء وقد حصل وقتها على الاجابة جلية دون حديث ولكن... يبدو ان للسانها راى آخر وهى تجيبه بعيون باكية وبصوت متوتر: _لا مش حقيقى، انا استحالة اعمل كدة _متأكدة؟ انتفضت تهانى من مكانها وهي تجيب اخو زوجها بعنف وشراسة: _اهى جالتلك انه مش حجيجى، اسال مرتك منين چابت الورجة دى وبتلزجها فى بتى وشوفها حطاها فوج راسها وزاعجة ليه اتسعت عينى هادية بصدمة وهى تشير بسبابتها جهة صدرها بعدم تصديق، ولكن قبل ان تقول شئ قصف صوت عبد السلام فى المكان هادرا بعنف: _بس لم يفتح احد فمه بعدها ليلف بعدها بعينيه جهة ابنة اخيه وربيبة يده يقول بهدوء مخيف: _انتِ واعية اللى مكتوب فى الورجة دة ايه؟ اللى مكتوب فى الورجة دة لو صحيح يبجى انتى متچوزة راچل وعلى زمته دلوك صمتت روفان ولم ترد ليقول بجدية موضحا: _يعنى لو جومتى واتچوزتى تانى يبجى زنا اغمضت عينيها وقد سالت دموعها على وجنتيها لتجيبه بقهر: _عارفة ومحصلش اوما برأسه ليقول بجدية: _طيب حيث اكدة ف تميم ابن سليمان الچزار طلب يدك للچواز وانا وافجت، الواد مال وشباب وحلاوة وادب واخلاج واحترام ودكتور علاچ طبيعي واد تتمناه كل البنات وفوج ده كله الواد بيحبك ورايدك فى الحلال وچاهز بشجته التمعت عينى تهانى بالفرحة وهى تهتف بسعادة: _بچد يا سلفى؟؟ لم يهتم عبد السلام بالاجابة انما كان كل تركيزه على ابنة اخيه والتى تقبع امامه وهو يحلل كل حركة منها كقناص بارع، بينما ضيقت هادية عينيها لا تستوعب ما يفعله زوجها، هل بالفعل لا يصدقها؟ هل يظنها كاذبة؟ تجاهل عبد السلام كل النظرات الموجهة جهته وهو يسال ابنة اخيه: _ايه رايك عاد؟ قضمت شفتها السفلى وقد هبطت دموعها اكثر لتجيبه بألم: _مش انت قولت انك موافق؟ اوما هو برأسه قاىلا بجدية: _ايوة والموضوع منتهى كمان، الواد ميعبوش حاچة واصل، ولو لفيتى الدنيا كلها مهتلاجيش ضفره. دكتور محترم، وحالته المادية ميسورة، وعينه مبتترفعش عن الارض، وفوج ده كله بيحبك ورايدك فى الحلال، يبجى ايه سبب الرفض؟ تساقطت دموعها اكثر بقهر، فهي لو قالت شئ سيق..تلها عمها لذا عليها ان تنتظر وتتحدث الى رشدى ليأتى ويحل هذا الامر، ولكن... ما لم تكن بحسبانها هو حينما هتف عمها بقوة: _الولد عاوز يكتب كتابك على طول وتتعرفو على بعض فى الحلال والفرح على المهل فعلشان اكدة هو چاى كمان ساعة بالمأذون وهيكتب عليكِ فادخلى چهزى نفسك. اتسعت عيناها بصدمة وهى لا تستوعب حديثه الغير عقلانى لتصرخ بغضب ممزوج برعب: _انت بتقول ايه؟ انا يستحيل اتجوزه بسرعة كدة نظر لها ليقول بجدية: _جولنا كتب كتاب مش چواز، يعني خطوبة رسمي تتعرفو فيها على المهل والفرح بعدين، الولد معاوزش كلمة عليكِ من حد حتى لو كان السبب خطيبك اتسعت عينيها تجيبه بغضب: _بس انا مبحبوش التف اليها ليجيبها بقوة: _الحب بيچى بالعشرة والكلمة الطيبة لكن المهم انك تختارى راجل يتعاشر ويتحب، راچل لما الدنيا تحطه فى مواجف صعبة وهو يكون رد فعله الرچولة، اما الكلام فمفيش اسهل منه نظرت له لتصرخ بضيق: _وانا مش موافقه هنا قصف زئير عمها بقوة جعلهتا تتراجع للخلف بخوف: _أنا جولت اللى عندى وچوازك بعد ساعة لكن رفض لولد زيه مهجبلش من غير سبب مقنع هنا وخرجت لينا من غرفتها على صوتهم العالى ولكنها تسمرت مكانها وهى تسمع حديث اختها الصغرى وهى تهدر بقوة: _عاوز سبب؟ ايوة متجوزة والورقة دى حقيقية، انا متجوزة رشدى وقبل حتى ان تستوعب كانت صفعة عمها تهبط على وجنتها بقوة جعلتها تسقط ارضا ليميل عليها يجذبها من شعرها ليصفعها ثانية وثالثة وهو يجيبها بجنون: _كنت متوكد، والله كنت متوكد انك عملتيها، انا كان جلبى حاسس ان مفيش غيرك هيچيب راسنا فى الوحل، انتِ اللى عينك مفتوحة ودماغك ممشياكِ ركضت هادية جهته تبعده عنها حتى لا يق..تلها وهى تقول بخوف: _ابعد عنيها يا عبد السلام، ابعد، يرضى عنك هتموت فى يدك صرخ هو بغضب: _اموتها وادفنها اهنه جبل ما تچيبلنا العار نفت برأسها تقول برجاء: _علشان خاطري لاه، كل حاچة وليها حل بس بلاش تعمل حاچة تندم عليها العمر كله اما تهانى فسقطت ارضا تلطم وجنتيها وتبكي بقهر وهى تهمس بحسرة: _ليه؟ ليه عملتى فيا اكدة؟ ليه شمتى فيا الحبيب جبل العدو؟ عملت فيكِ ايه علشان تجطمى ضهري اكدة؟ كنت جصرت معاكِ فى ايه؟ طأطأت روفان رأسها ارضًا بخزي ولم تجب انما ظلت تبكي ولكنها انتبهت على حركة والدها جهتها لتصرخ وقتها بألم حينما سحبها من خصلات شعرها وهو يقول بصوت مخيف: _هو سؤال واحد ومنه هيتحدد هتعيشى ولا هتموتى تعالت صرخاتها المتالمة وتساقطت دموعها بوجع ولكنه لم يهتم انما مال عليها يسألها بشراسة: _الچواز ده على الورج بس ولا بجيتي مرته فعلا؟ تعالى بكائها اكثر من نظراتهم الكارهة والمحتقرة لها لتبكى بقهر وهي تدرك فداحة خطأها ولكن فجاة صرخت بألم حينما هبطت صفعته على وجنتها لتشعر بطعم الدماء في فمها وهو يهدر بغضب: _ انطجى تساقطت دموعها على وجنتيها لتجيبه بصدق: _والله ما لمسنى ولا حتى كان هيلمسنى، احنا اتفقنا اننا نتجوز كدة كوسيلة ضغط عليكم علشان تجوزونى ليه، حتى انه رفض يتجوزنى رسمى علشان محدش يعرف، وبعدها يكتب الكتاب قدام الناس علشان ميبقاش فيها قيل وقال ارتسمت ابتسامة ساخرة على وجه والدها وهو يجيبها بتهكم: _لاه ده علشان انتى عيلة خايبة وساذجة خليتي نفسك رخيصة. ده بدل ما تتعززى وان كان بيحبك بجد يوطى ويبوس رچلينا علشان نچوزك ليه حطيتى رجابينا كلنا تحت رچله وخليتيه راكب على اكتافنا كلنا. بدل ماتكونى چوهرة متصانة يتعب علشان يحصل عليها خليتى نفسك مداس يتچوزك علشان يستر عليكِ، وانتِ اللى رضيتى بالذل ده لنفسك ولينا بكت بقهر وهو تضع يدها على وجهها بإنهيار وهى تصدق ما قاله لتجده يقول ساخرا: _الراچل منينا مبيعرفش جيمة الحاچة غير لما بيتعب علشانها وبيفضل فاكر انه تعب علشان يوصلها فبيفضل محافظ عليها لانها غالية، لكن الحاچة اللى تيچى بالساهل يرميها ويدوس عليها. وهو هيفضل يذلك باللى عملتيه العمر كله وعمره ما هيثق فيكِ، لان اللى تخون ثقة اهلها مينفعلهاش ثقة ظلت تبكى بقهر ليقول ساخرا: _ودلوك يا روح امك حتى لو مفيش چواز ليه بس المشكلة انى حتى لو جطعت الورجة اللى ملهاش عازة دى ف انتِ لسة مرته، ولسة برضيك معاه واحدة لازم تتجطع ويرمي عليكِ اليمين. شوفتى بجى ذل اكتر من اكدة؟ اننا نوطيله علشان يطلجك ويعتجك وميفضحناش؟ ودلوك لازم نبعت نطلبه ونحط راسنا تحت مداسه ونشوف عاوز ايه، ما هو على آخر الزمن چيبتى شيبتى الارض بكت اكثر واكثر بانهيار لتجده يتركها يتحرك جهة غرفته وهو يمسك تلك الورقة قائلا: _دلوك هنشيل البلوة دى وهنروح لواد المركوب ده نشوفه عاوز ايه ظلت تبكى ولم تستوعب بعد الكارثة الثانية الا حينما هدر صوت والدها بعنف وغضب هز ارجاء المكان: _تهانى فين الفلوس اللى فى الخزنة؟ انتِ شيلتى الفلوس منيها؟ اصفر وجهها فى تلك اللحظة وهى تعلم بانها النهاية بالاخص وهى تسمع صوت والدتها تقول بخوف: _لا والله ابدا عاد والدها فى تلك اللحظة ليقف امامها ثم همس بصوت مخيف: _اوعى تجوليلى انك سرجتى ابوكِ علشانه ولم تكن اجابتها سوى انهيارها فى البكاء وهي تهمس بخزى: انا اسفة وما كانت اجابته فى تلك اللحظة سوى صفعة قوية هبطت على وجنتها جعلتها تسمع الصفير بأذنها والدماء تسيل من انفها بينما تساقطت دموعه على وجنتيه بحرقة وقد شعر فى تلك اللحظة بالالم والغدر من اقرب الناس له وهو صغيرته المدللة والتى احنت راسه ليطلق صرخة ممزقة ترد صداها فى المنزل ليهدر بعدها بحرقة وهو يضع يده على صدره بألم: _ليه؟ جوليلى ليه؟ عملت فيكِ ايه علشان تعملى فيا كله ده؟ لم تستطع قول شيء انما دفنت وجهها بين كفيها وتنهار فى البكاء اكثر واكثر وضع محسن يده على صدره يتنفس بعنف وهو لا يستطيع تصديق ما يراه، بينما انهارت تهانى على الجانب تبكى بحرقة وألم مما فعلته ابنتها والتى دفعت عمرها كله لتربيتها والاعتناء بها. اما لينا فقد سقطت بالجانب تبكى بإنهيار وهى لا تصدق بان كل هذا يخرج من اختها الصغرى، اما عبد السلام فقد توحشت نظراته فى تلك اللحظة وهو ينظر لابنة اخيه يسالها بصوت مرعب حفف الدم باوصالها: _طيب وايه السبب اللى جالك عليه علشان تسرجى ابوكِ؟ رفعت وجهها الغارق بالدموع لتجيبه بخجل: _كان هيتسجن، هويدا مراته عرفت انه بيحبنى وكانت هتسجنه بوصولات امانة عليه بسببى علشان كدة سلفته الفلوس وقال هيرجعها اخر الشهر ارتسمت ابتسامة ساخرة على وجهه وهو يرى لاى مدى وصلت سذاجة ابنة اخيه ليجيبها بتهكم: _وانتِ بجلبك الحنين اللى ميرضالوش الاذى جومتى تإذى ابوكِ وتسرجيه علشان خاطره؟ ثم هدر بعدها بعنف: _عملك ايه علشان تطعنينا كلنا عشانه؟ جدملك ايه علشان تبيعينا كلنا اكده جدامه؟ وكانت اجابتها هى آخر اجابه تمنى سماعها وهى تجيبه بقهر: _حبيته ظل ينظر لها ليجيبها بجدية: _ده مش حب دى سذاچة، لكن الحب لسة متعرفيهوش وبچهلك ده ممكن تضيعيه من يدك ثم ودون كلمة اخرى هدر بعنف: _هادية اقتربت هادية تجيبه بهدوء: _نعم يا اخوى حول انظار مشمئزة جهة هذه الصغيرة يقول بقرف: _خديها لعند دكتورة نسا وجوليلها اى حاچة المهم تكشفيلى وتعرفيلى هى بنت ولا لاه لانى معدتش واثج فيها اتسعت عينى روفان بصدمة لتهز راسها نافية وهى تميل على يده تقبلها قائلة بذعر: _لا يا عمى الله يخليك بلاش، والله ما كدبت عليك فى كلمة فبلاش تدبحنى كدة هز رأسه قائلا بلا مبالاة: _انتِ اللى عملتِ فى نفسك اكدة، ولو طلعتى كدابة يبجى هدفنك مطرحك، اما لو طلعتي صادجة وجتها هتعرفى جيمة اللى عملتيه فى نفسك لما تتكسرى الكسرة دى وتشوفى الذل والمهانة اكدة ودون كلمة اخرى صرخ بغضب: _خديها دلوك من وشى يا هادية اومات هادية برأسها ببكاء وهى تسحب تلك الملكومة معها ولكن.. وقبل ان تتحرك قصف صوت عمها قائلا بسخرية: _انتِ جولتِ انه بيحبك ومتوكدة واحنا جولنا كلتمنا بس كنت عاوز اضيف حاچة اللى بيحب حد ميهنهوش زى ما هانك، اللى بيحب حد بيصونه مهما كان مليان عيوب وبيعزه حتى جدام اهله ثم حول عينبه جهة زوجته قائلا بعشق: _اللى بيحب حد بيستغنى عن اى حاچة فى سبيل انه يكون معاه، يستغنى عن اكبر امنياته لان وچوده وحده بيكفيه، كيف ما انا استغنيت عن الدنيا والخلفة فى سبيل مرات عمك، ووچودها وحده بيكفيني صمت ليقول ساخرا: _دورى الكلام فى عجلك وانتِ هتعرفى حبك ولا لاه ـــــــــــــــــــــــــــــــــــــــــــــــــــــــــــــــــــــ تحرك جهة ذلك المنزل يطرق على بابه بقوة وهو يقول بصوت قوى: _يا ساتر يا اهل الدار، يا حاچة رواية خرجت سيدة عجوز تعدت السبعين من عمرها ترفل فى جلبابها الطويل تأملها عُدي من اعلى لاسفل ليجد بعد بها لمحة من جمال لم تندثر وان كان يوضح شيء فهو انها كانت فاتنة فى صغرها، بينما نظر لها يونس قائلا بصوت قوى: _السلام عليكم يا حاچة رواية اجابته راوية بصوت لم يخلو من التوتر: _وعليكم السلام يا يونس بيه يا ولدى، خير يا ولدى فيه ايه؟ نظر لها يونس ليجيبها بقوة: _معلش يا حاچة بس كنت عاوزك فى موضوع اومأت برأسها ليتحرك يونس يجلس على تلك المصطبة بجوار باب المنزل فى الشارع وهو يشير لها على احدى المقاعد امامه لتجلس عليها، اما عُدى فتحرك ليجلس بجوار ابن عمه. قطبت العجوز جبينها بتعجب ولكنها مع ذلك تحركت لتجلس ليتنحنح يجلى حلقه ليستهل بعدها حديثه قائلا بجدية: _فيه موضوع اكدة عاوز اتحددت معاكِ فيه يا حاچة اومات العجوز برأسها لينظر لها يونس ليقول بعتاب: انا وصلى كلام اكدة انك هتبيعى فدان الارض بتاعكم اللى يامت الترعة لصهيب ابن الحاچ اسماعيل الچمال اتسعت عينى راوية بصدمة لتجيبه بضيق: _كلام ايه اللى بتجوله ده يا ولدي؟ من ميتى واحنا ممكن نحط يدنا فى يد اسماعيل او ولده؟ ما انتَ عارف ان بينا مصانع الحداد، وده لو آخر واحد فى الدنيا مش هنخليه يحط رچله فى شبر من ارضنا تنهد يونس براحة ليسألها مرة اخرى: _يعني الكلام ده مش حجيجى يا حاچة؟ نفت العجوز برأسها تجيبه بجديه: _لاه يا ولدى محصلش ومش هيحصل ابدا طول ما فيا نفس، سواء انا او ولادى تنهد يونس براحة ليظل ناظرا جهتها بهدوء ليقول اخيرا بجدية: _بصى يا حاچة، انتِ عارفة مكانتك عندى من غير كلام كتير، وعارفة برضو انك فى مكانة چدتى الله يرحمها ومش عندى بس لاه ده عند شباب عيلة الزهار كلها، انتِ اكبر واحدة عندينا ومكانتك تعلى على الكل ابتسمت فى وجهه بحنان ثم ربتت على يده قائلة بحب: _تسلملى يا ولدى ابتسم يونس فى وجهها بينما كان عُدى يتابع كلمات ابن عمه وهو يؤكد بداخله ان هذا اليونس ماكر كالثعلب يستطيع ادارة الامور بهدوء وروية وسحب البساط من اسفل قدميك دون شعور ليسمعه يكمل بهدوء: _واحنا كلنا عيلة فى بعض يا حاچة، ووجت ما تحتاچى حاچة بيتنا مفتوح ليكِ، انتِ من عيلتنا وشايلة اسمنا انت وكل اولادك واحفادك، واذا كان بيتنا مفتوح للغريب اكيد الجريب اولى، اذا كنت انا ولا ابوى ولا عُدى ولد عمى كلنا تحت امرك. صمت لبرهة من الوقت ليكمل بجدية: _لكن لو حبيتى تبيعى ارض او بيت او اى حاچة ملككم جوليلنا احنا الاول وان رفضنا شوفى غيرنا، لكن خليكِ متوكدة اننا عمرنا ما هنرفض ولا هنبخس حج حاچة وانتِ عارفة هنعاملك بما يرضى الله وزيادة حبتين تلاتة كمان لكن... ميصحش حاچة تبجى ملك لعيلة الزهار وتروح لحد غريب، اسم عيلتنا على الحاچة لازم يفضل موچود، واللى ملك لعيلة الزهار ميملكوش حد تانى طول ما احنا على وش الدنيا، احنا بنزود مش بنجص اومأت العجوز برأسها بتفهم ليسالها بعدها بهدوء: _ولا رأيك ايه يا حاچة؟ لو شايفة فى كلامى حاچة غلط جولى ابتسمت العجوز وهي تربت على كفه قائلة بجدية: _معاك حج يا ولدى، والاصول مفيش زعل منيها صمتت لتكمل بعدها بهدوء: _بس احنا ما هنبيعش واصل يا ولدي دلوك ولا جدام، الارض بتتزرع بالانفار ومحصولها بيتبعت للولد وانت ربنا يخليك بتبقى واجف معاهم، اما بخصوص الفدان ده فهو من الأساس ملك لحفيدتى وهى ما هتبيعهوش واصل، فعلشان اكدة ريح بالك ومتخافش اومأ يونس برأسه باستحسان ليتحرك من المكان يتبعه عدى: _اكدة طمنتينى يا حاچة وريحتى بالى ولو عوزتى حاچة انا فى الخدمة من غير حاچة اومات برأسها تربت على كتفه بحنان: _تسلم يا ولدى ربنا يخليك، وما يحرمنا من طلتك البهية اومأ براسه بابتسامة باهتة ثم تحرك من المكان يتبعه الاخر الى ان ابتعد ليقول وقتها بفضول: _ايه حكاية الست دى يا يونس؟ يعنى انا عارف انها من عيلتنا، ومش فجرا، بس اللى مش فاهمه ليه جاعدة لوحديها ومش معاها حد؟ نظر له يونس بطرف عينه ليجيبه بجدية: _لاه ده موضوع طويل يطول شرحه، بس كل اللى اجدر اجوله انها متعلجة ب اهنه، وچوزها مات، وعيالها سافرو يجدعو فى مصر لكن هى رفضت وجاعدة على ريحة المرحوم، اما هما فتحو محلات وبجو تچار والمحصول بيتوردلهم وبيبعوه هناك ظل عدى ينظر له ليهز كتفيه بلا اهتمام ثم تحرك مع ابن عمه وقد القى هذا الامر جانبا الفصل الرابع كانت تبكى بإنهيار وهى تتذكر ما حدث معها، جرح غاىر اصبح فى منتصف صدرها وشعور بالعرى والانكسار اكتنفها، بعدما اخذتها زوجة عمها الى الطبيبة النسائية لتكشف عليها لتظل تبكي منذ خرجت من العيادة حتى وصلت للمنزل انتبهت على صوت زوجة عمها وهي تقول بقوة الى الذين كانو يجلسون بالمنزل منتظرين الاطمئنان: _لساتها بنت بكت بقهر وخزي من هذه الجملة وهى تجد الجميع فقدو ثقتهم بها لتسمع بعدها كلام والدها الحاسم: _يبجى لازم يطلجها من سكات ولا حس ولا خبر وبعدها نشوف حل ودون كلام آخر تحرك جهة الخارج يتبعه عمها لتنهار في بكاءها اكثر وهى تجد نفسها فقدت كل شئ، فقدت اسرتها واحترامها وحتى حبها ـــــــــــــــــــــــــــــــــــــ وقف امامه فى ذلك المحل قائلًا بجدية: _عاوزك يا رشدى رفع رشدى انظاره يتطلع جهة محدثه ليجد كلا من عبد السلام وايضا محسن ليضيق عينيه وهو ينظر جهتهم يتفحصهم بعينيه ليجد نظراتهم الغاضبة والمشمئزة تجاهه ليتساءل داخله ترى هل علمو انه تزوج ابنتهم، ام علمو بامر اخذه للمال، ام الاتنين؟ ولكنه مع ذلك تصنع الجهل لينظر لهم قائلا بتعحب برئ: _خير يا حاج اؤمرنى؟ ابتسم عبد السلام إبتسامة مخيفة ليجيبه بشراسة: _ما هو انا هأمرك فعلا متستعجلش ثم تشار جهة الخارج قائلا بجدية: _تعالى عاوزك ارتفع حاجبيه بصدمة مفتعلة وقد فهم بانهم علمو شيئًا ليجيبه بتعجب: _طيب والمحل يا حاج ابتسم عبد السلام ليجيبه بهدوء مخيف: _سيبه فى ايد الواد اللى واجف معاك، احنا مش هناخرك صمت ثم قال بتهديد مبطن: _الا لو انت طولت فى الحديت عاد نظر له الاخر بتخوف ولاول مرة يدرك سبب خوف روفان منه خصيصًا، فهذا الرجل يمتلك شراسة غير مسبوقة ك اسد بالكاد يستطيعو لجم ذاته على الا يفتك بالجميع، ولكن... ان كان هو اسد فمن امامه هو ثعلب ماكر يستطيع اقامة حروب وسفك الكثير من الدماء دون ان يتحرك، لينظر له ثم ابتسم متحركا معه جهة الخارج وهو يدير ما سيفعله برأسه بمكر، فهو لديه جميع خيوط اللعبة ويستطيع ادارتها بيده ببراعة ـــــــــــــــــــــــــــــــــــــــــــــــــــــــــــــــــ جلس الجميع ينظرون له بهدوء بعد ان القى قنبلته ليكون اول من يقطع الصمت هو صوت محسن المبهوت: _يعنى ايه؟ حك رشدى جانب فكه حيث لحيته النابتة وهو يجيبه بجدية: _اللى عندى قولته، جواز مش هتجوز، وطلاق مش هطلق يعنى اطلقها ليه وانا ماصدقت اتجوزتها؟ واتجوزها ليه تانى وادفع مؤخر ومقدم وكدة وانا كدة كدة متجوزها وتحللى؟؟ التف اليه عبد السلام ليتساءل بملل: _ من الاخر اكدة انت طلباتك ايه؟ ظل رشدى ينظر جهته لبرهة من الوقت وهو يصدق فى تفكيره، هذا الرجل ليس بهين،؛ هو مخيف، وغير مريح، ويبدو عليه الشراسة على عكس محسن الذى يبدو بأنه هادئ ولكن... الفرصة لا تأتى سوى مرة واحدة لذا اجابه وهو يستريح بمقعده: _خمسمية الف جنيه اتسعت عيني محسن بصدمة بينما ارتسمت ابتسامة متهكمة على شفتى الاخر فى حين اكمل رشدى بجدية: _بيتهيألى انه مش كتير على حرية بنتك وانها متتفضحش وسط الناس بانها حرامية وسرقت اهلها وكمان انها متجوزة عرفى ظل عبد السلام ينظر جهته بهدوء ليقول بجدية: _واذا مادفعناش ايه اللى هيحصل؟ ابتسامة ماكرة ارتسمت على شفتى المعنى بالحديث ليجيبه بجدية: _فضيحة بجلاجل، ده ان ماوصلتش كمان للصعيد انتفض محسن من مكانه يجيبه بسخط: _ ده انا اجتلك واشرب من دمك ابعده الاخر عنه بقوة ليقف قائلا بسخرية: _يا راجل اصلب طولك الاول دة انت اد ابويا، وبعدين انا ورايا رجالة وهجيبهم واعملكم نصيبة حاول الاخر الاقتراب منه ولكن اوقفه عبد السلام قائلا بجدية: _بس يا محسن مش عاوز كلمة التف له صارخا بسخط: _مش شايف بيجول ايه يا اخوى؟؟ ظل عبد السلام ينظر له ليلف عينيه ينظر جهة هذا الماكر ليقول اخيرا بجدية: _الغلط غلطة بتك اللى حطت راسنا فى الطين وخلت واحد زى ده لا راح ولا چه يتحكم فينا ثم التف بعدها جهة الاخر ثم حك جانب فكه متسائلًا بنبرة غير مريحة: _انت جولت عاوز نص مليون وهتطلج البنت من سكات وتجطع الورجة وترمى اليمين ولا من شاف ولا من درى؟ اومأ رشدى برأسه بخوف ليبتسم الاخر بشراسة قائلا بغموض: _تمام، كلها كام يوم وتطلجها رمش رشدى بعينيه وهو يتساءل بغضب: _مش هتدفع ولا ايه؟ انت مجيبتش سيرة الفلوس ارتفع حاجب عبد السلام ليجيبه بنبرة غير مريحة: _لاه ازاى، كله الا شرف البنت، وبعدين زى ما جولت اللى هيصيبها هياذى اختها، بس انت تچيب الورجة وتطلج من سكات، ومش عاوز كلمة تخرج برانا لحد ما أچهزلك الفلوس. يومين تلاتة اكدة اوصل الصعيد هبيع حتة ارض واچيلك ونخلص الموال ده؛ لانى مش معايا سيولة دلوجتى وعلى الرغم من ان الحديث معقول بالنسبة له الا انه كان هناك قلق داخله، ولكنه مع ذلك وافق على حديثه وهو يومئ برأسه فى حين حول محسن نظراته لشقيقه بعدم تصديق وهو لا يصدق بان اخيه الشرس كان خانعًا هكذا وهو الذى لم يحنى رأسه يوما لاحد ـــــــــــــــــــــــــــــــــــــــــــــــــــــــــــــ صرختها التى عمت الاجواء جعلت الجميع ينتفض من مكانه بفزع ليركضو جهتها ولكن اصابتهم الصدمة حينما وجدو خصلاتها تقبع بين يدى عبد السلام وهو يصرخ بغضب: _اهو باعك بنص مليون چنية، باعك وانتِ اللى بعتينا كلنا علشانه، رفض يتچوزك وهدد بفضحك وفضحنا، شوفتى عملتى فينا ايه بعد العمر دة كله؟ صرخت روفان بالم نافية ما يقول: _لا مستحيل رشدى يعمل فيا كدة، انت بتكدب عليا ضحك بسخرية وهو يجيبها بتهكم: _لا يا حيلتها دى الحجيجة انهارت وقتها ارضا وهي تصرخ بجنون متجاهلة ألمها: _لا ده كدب لم يتمالك نفسه من الغضب لذا صفعها صفعة مدوية رن صداها فى ارجاء المنزل جعلتها تشعر بطعم الدماء فى فمها ثم صرخ بعدها بغضب: _هادية انتفضت هادية من مكانها بخوف ليصرخ بها بقوة: _دلوك تلمى حاچتها وهدماتها واوراجها وكل اللى يخصها ومش عايز كلمة نظرت له بتعجب لتسأله بذهول: _ليه رايحين فين؟ التف ينظر جهة ابنة اخيه مجيبا بشراسة: _ الصعيد صدمة حلت على الجميع ولا يستطيع احد استيعاب ما يقوله الا حينما هدر بغضب: _يلا انتفضت هادية من مكانها تركض تنفذ ما قاله زوجها فى حين انتفضت تهانى تسأله بخوف: _واخد بتى ورايح بيها فين يا عبد السلام؟ التف عبد السلام ينظر لها بشراسة وهو يجيبها بغضب: _بتك اللى زهجتينا بيها وياما طولت لسانها على مرات عمها، ادى تربيتها وادى ادبها علشان اكدة.... صمت ليبتسم بعدها ابتسامة مرعبة ليكمل بشراسة: _هنفيها، هبعدها عن اهنه علشان ميطولناش الفضايح من وراها وهوديها مكان ما اتربينا تعيش تحت رجلين ستها واهلها علشان متچيبلناش فضيحة تانية وترچع للى ما يتسمى تانى ويلف دماغها ونچيبلنا مصيبة اوعر، هناك هتكون فى امان وهوصى عليها اللى ياخد باله منيها صرخت روفان بغضب: _انا مش ماشية من هنا وقبل ان يتحرك محسن تجاهها صرخت بألم وهى تجد عمها يرفعها من خصلاتها صارخا بغلظة جعلتها ترتجف من الخوف: _كلمة تانية والله هجتلك وارمى چتتك على الصحراوى، سامعة؟ مش عاوز حديت كتير لاني ماسك نفسي عنك بالعافية بس لاچل ابوكي اومأت برأسها بذعر وما هى الا ثوانى حتى وجدت حقيبتها امامها ليمسكها عمها من مرفقها يسحبها كالبهيمة التى تساق للذ..بح ولم يكن بيدها سوى الطاعة ــــــــــــــــــــــــــــــــــــــــــــــــــــــ كان يجلس برفقة والده بداخل منزلهم يقص عليه ما حدث حينما ذهب لرواية ليومئ عمران برأسه باستحسان من حديث ابنه: _خير ما عملت يا ولدى، ومتجلجش الست راوية طيبة وهما چماعة كلهم محترمين وولاد اصول من اول الست راوية وچوزها خلف لحد ولادها التنين وقبل ان يجيبه ولده تفاجأ بهذا الرجل المعين بحراسة قصرهم وهو يركض جهتهم قائلا بجدية: _فيه واحد عاوز يجابلك يا حاچ عمران قطب عمران حاجبيه بتعجب ليسأله بتعجب: _واحد مين ده؟ التف له الرجل يجيبه بجدية: _بيجول ان اسمه عبد السلام هز عمران راسه يساله بهدوء: _عبد السلام مين؟ هنا صدح صوت من الخارج يجيبه بقوة: _عبد السلام ولد خلف الزهار يا حاچ انتفض كلا من عمران ويونس فى اماكنهم ينظرون جهة ذلك الدالف للمكان بقوته وهيبته المعتادة كأسد شرس خارج من معركة للتو شأنه كشأن كل افراد عائلته القوة والشموخ واضحين على محياه وتظهر الشراسة بعينيه تخيف اعتى العتاة رمش يونس بعينيه وهو يتطلع جهة هذا الرجل بهيبته والذى لا يتذكر ملامحه ابدا ولكنه مع ذلك يراه رجل قوى، بينما اقترب عمران ينظر جهة الدالف بابتسامة حانية، يتطلع الى ملامحه والتى يبدو انها امتلأت شراسة اكثر من ذي قبل. ولكن ما ان اقترب حتى بهتت ابتسامته وهو يلاحظ عينيه التى امتلأت بالوجع والالم والقهر والغضب، امور لن يلاحظها سوى من يعرفه جيدا ولكنه مع ذلك لم يتحدث انما ركض لاستقباله يتلقفه فى احضانه وهو يقول بسعادة: _عبد السلام، كيفك يا اخوى؟ ابتسم عبد السلام يبادله الاحضان وهو يقول بسعادة: _الحمد لله كيفك انت يا عمران؟ وكيف احوالك؟ ابتسم عمران له وهو يرد بشكر: _الحمد لله نحمده ونشكر فضله ابتسم له الاخر مجيبا بهدوء: _يستاهل الحمد يا خوى. ثم حول عينيه جهة هذا الشاب مليح الوجه الذى يقف جواره ليبتسم عمران وهو يربت على كتف وحيده قائلا بفخر: _ يونس ولدى ابتسم عبد السلام له بحنان وهو يقول بلطف: _كيفك يا يونس؟ ابتسم يونس وهو يقول بمودة: _الحمد لله يا عم عبد السلام، كيفك انت؟ ابتسم له عبد السلام وقد التمعت عيناه بالسعادة من سماع حديث هذا الشاب امامه والذى يضج بالاحترام ليجيبه بحنان: _الحمد لله يا ولدى تحرك عمران يدفع ضيفه قائلًا بجدية: _ادخل يا عبد السلام يا اخوى تحرك عبد السلام معه يجلس داخل تلك الغرفة ينظر حوله بتوتر ليقول بخفوت حرج: _انا چايلك مخصوص يا حاچ عمران وجاصدك فى طلب هتنچدنى فيه وتنچد عيلتى وهبجى مديونلك فيه ليوم الجيامة بس الاول..... صمت ليبتلع رمقه بحرج ليكمل بخزي: _عاوز كل كلمة اجولها اهناه متخرجش برانا علشان ده فيه سمعة ولايا وشرفى وعرضى وانا بأمنك عليه اعتدل يونس فى جلسته حينما لاحظ هذه الكلام الخطير بينما نظر لها عمران بتخوف ليساله بخوف: _جول يا اخويا ووعد عليا مفيش كلمة هتطلع، خير جلجتنى؟ رمق عبد السلام يونس بطرف عينه وكأنه يطلب رحيله لينتبه عمران على نظراته ليقول جادا بفخر: _يونس ولدي، وصاحبى، ودراعى اليمين، وبير اسرارى، وكبير البلد من بعدى. متخافش منيه بالعكس ده الحاچة اللى ملهاش حل عندى يونس عنده ليها الحل بإذن الله اومأ عبد السلام برأسه بحرج ليبتلع ريقه بخزي وقد استصعب عليه قول هذا الكلام المخجل ولكنه وبالنهاية بدأ يقص عليه مصابه تحت نظراتهم المصدومة وما ان انهى حديثه حتى دفن رأسه بين كفيه هامسًا بتعب: _أنا مش رافض اديه الفلوس من فجرى ولا حاچة بس انا مضمنوش ولا اضمن اذا كان الورجة دى ليها نسخة او صورة تانية عنديه وهيرچع يبتزنا بيها ولا لاه، وفوج اكدة انا خايف من الخايبة بت اخوى، البت لساتها عيلة مكملتش التمنتاشر سنة وهو دخلها من باب الحب وهى لساتها خام وكلمة توديها وكلمة تچيبها وهو لفها على صباعه بإنه بيحبها. والبت عشجاه ومش راضية تصدج حديتنا انه بايعها وبيستغلها وللاسف وجعت فى حبال الهوى الدايبة وشايفاه اخر الرچال المحترمين ومهما جولنا فيه هى مش مصدجة رمش يونس بعينيه بصدمة ليجيب بذهول: _طفلة!! بيلعب بطفلة ومتچوزها وواخدها لعبة؟!! هى لساتها طفلة ماوعياش للدنيا حاچة ولسة مشافتش منيها حاچة اومأ عبد السلام يقول بحرج: _طفلة لبست توب الانوثة بدري، وواحد رايح چاى يتغنى بحبها ويجول في عشجها وفي چمالها اشعار، وفوج اكدة الواد بيجولها كلام مقنع انا لو مكانها اصدجه، وهى بتحبه ومراية الحب عامية تنهد عمران بارهاق ليقول بتعب: _أنا اسف يا اخوى بس البت محتاچ اللى يشد عليها اومأ الاخر ولكنه اجابه بجدية: _المشكلة الاهم نخلص منه وبعدها افوجلها رمش عمران بعينيه ليقول بخجل: _طيب شوفتوها حامل منيه ولا لاه؟ لو اكدة يبجى لازم تجوزه علشان العيل قاطعه الاخر بجدية: _ملمسهاش واصل، كشفنا عليها وطلعت لساتها بنت وورجتهم ستر ربنا كاتبينها من يومين هز الاخر رأسه بحزن ليسأله بأسى: _طيب المطلوب ايه؟ ظل ينظر ارضا ليجيبه بتعب: _محتاچ حد يچى معايا ويجرص ودنه وبعدها ناخد منه الورجة ومن غير فلوس لان واحد زيه ميستحجهاش، وبعدين لو اديناله هيعملها مع غيرها وياخدها وسيلة ويلعب ببنات الناس واللى هنلحجه المرة دى والبنت سليمة ممكن غيرها تكون اتأذت اومﭢ عمران براسه ليقول جادا: طيب البنت فين دلوك؟ شرد بعينيه يتذكر الفتاة التى جلبها معه وما ان دخل بها منزل عائلته حتى ألقاها ارضًا تحت اقدام والدته التى نظرت جهة الصغيرة بذعر وهى تميل لتحتضنها قائلة بخوف: _فيه ايه يا عبد السلام؟ مالك ومال البنية؟ ارتمت روفان باحضان جدتها تبكى بإنهيار ليميل هو عليها قائلا بشراسة: _ هتعيشى اهنه مع چدتك تحت رچليها وتخدميها وعينى هتكون عليكِ، وهتفضلى اهنه لحد ما اروجلك، ولو فكرتي بس تخرچي يا روفان وجتها هيكون البيت ده مجبرتك اللى هتاويكي فيها صرخت الصغيرة بانهيار: _لا مش هعيش هنا وهتصل بجوزى شهقت رواية بفزع وهي تستمع لحديث حفيدتها ولكن قبل ان تستفسر وجدته يقول بسخرية: _چوزك اللى عايز يبيعك؟ والله لاچيبه تحت رچليكِ بس ملحوجة ثم تحرك ساحبا اياها من مرفقها غير مهتم بألمها يلقيها داخل احدى الغرف مغلقا الباب عليها بالمفتاح من الخارج ليقول بحزم: _مفيش خروچ من اهنه غير لما اشوفلك حل يا بت اخوى ظلت تبكى بانهيار ولكنه لم يرأف بحالها افاق من ذكرياته على سؤال عمران له للمرة الثانية ليحول وجهه جهة هذا الشاب والذى كان يركز فى الحديث دون مقاطعة ليجيبه بهدوء: _فى بيت ابوى اوما عمران برأسه باستحسان ولكنه افاق على حديث الاخر: _بس الواد عاملها غسيل مخ ومش مصدجة اى كلمة عليه صمت حل على المكان ولكنهم انتبهو على ذلك الصوت وهو يقول بمكر: _وماله نخليها تصدج حولو رؤسهم جهة يونس بتعجب ليجدوغ يكمل بتهكم: _ومش تصدج بس لاه وتحضر العرض صوت وصورة كمان نظرو له بتعجب ليعتدل هو فى جلسته مكملا بشراسة: _انا هجولكم هنعمل ايه وننهى الموضوع ده ازاى ـــــــــــــــــــــــــــــــــــــــــــــــــــــــــــ لم تعلم كيف ولا متى ولكن كل ما تعلمه ان احدهم يسحبها من بيت جدتها الى هذا المكان بأمر من عمها شخصيًا، عمها الذى جلبها واغلق عليها الباب وكان يُقدم لها الطعام لمدة ثلاثة ايام دون ان ترى خارج الغرفة وعلمت انه تركها واوقف احدهم على الباب ليعود الى القاهرة وقد كان هذا الرجل يمنع خروجها بل واغلق النافذه بالخشب والمسامير حتى لا ترى احد ولا ترى حتى ضوء الشمس ولكنه مع ذلك يقدم لها الطعام بموعده، هزت راسها تصرخ به بغضب فى الشارع: _قولى احنا رايحين فين؟ _صوتك همس بها هذا الرجل الخشن لتصرخ به بذهول: _هو انت خاطفنى؟ ارتفع حاجبه ينظر جهتها بنظرة هازئة ليجيبها بتهكم: _ولما ابجى خاطفك هخليكِ تكلمِ عمك!! لم تهتم انما صرخت بضيق وهى تتململ فى يده: _طيب قولى رايحين فين اجابها بجدية: _معنديش اوامر اجول حاچة واصل، لكن كل اللى عندى اجوله انك رايحه بأوامر من عمك متصانة لبيت الكبير لكن ليه معرفش يا ست البنات انا عبد المامور، ووطى صوتك علشان منظرك ومنظرنا، احنا فى ارياف والناس بتتفرچ وده مش فى صالحك لم تفهم كلماته ولا معناها او فحواها لذا جاءت لتصرخ ولكنها انتبهت لقوله: _وصلنا رفعت عينيها تنظر جهة المكان المنشود لتتفاجأ بمنزل ضخم، عفوا ليس منزل انما هو قصر، قصر كبير يخص عائلة ثرية للغاية لم تحلم بأن ترى مثله بحياتها، قصر يبدو كأحد قصور الملوك العظام، ضيقت عينيها تستوعب هذا المنزل والذى سمعت عنه فى صغرها بان هناك بيت مثله على الرغم من انه بقرية الا انه ملك ل... توقفت افكارها حينما وجدت نفسها داخل احدى الغرف ويقبع امامها رجل فى عمر والدها تقريبًا ولكنه يمتلك قوة لازالت به وملامح على الرغم من طيبتها الا انها تبدو قوية وخشنة تشبه فى طباعها ملامح عمها، انتفضت عائدة للخلف بخوف حينما وصل لتفكيرها هذه الخاطرة ولكنها انتبهت لاشارة الرجل لذاك الذى جلبها ليذهب لتجده ينظر لها بعدها بتقييم وهو يتساءل بكلمة واحدة: _روفان؟ اومأت روفان برأسها متراجعة للخلف بخوف ليظل ينظر لها بتقييم وهو يقول: _متخافيش محدش هيإذيكِ حسنا ان كان يود طمأنتها فهو لم يفعل اطلاقا فملامحه لازالت جامدة وحادة وكأنه لم يقل شئ اضافة الى كلماته المعدودة، انتبهت الى قوله: _انا عرفت باللى حصل يا بتى بس عاوز اسمع منك، ليه عملتِ اكدة؟ احنا ماعنديناش بنات تعمل العملة دى؟ وقبل ان ترد عليه وجدت باب الغرفة يفتح دون استئذان مما جعلها تنتفض مكانها بفزع ثم لفت وجهها لا اراديا تنظر جهة الدالف بخوف ولكن وللعجب لم يلف العجوز وكأنه يعرف من الفاعل. تطلعت رفان الى هيئة الشاب الدالف بخوف وبالاخص حينما وجدته يتحرك ليقف بجوار العجوز قائلا بصوت اجش ومهيب: _تحت امرك يا بوى، كله تمام رمشت بعينيها تنتظر التفسير لكل ما يحدث وان كان الرعب والخوف حبسو الكلمات فى حلقها وقد ظهر ذلك جليا من انتفاضتها كعصفور مبتل فى منتصف ليل شهر ديسمبر مما جعل العجوز يتطلع جهتها بشفقة ليقول بعدها بحنو محاولا امتصاص خوفها الواضح: _انا عمك عمران الزهار ارتفع حاجبيها بصدمة وهى تستوعب امام من تقف، هى تقف تمام كبير عائلتهم وكبير بلدتهم ككل، عمران الزهار الرجل الاغنى بمحافظتهم ومن اثرى اثرياء الصعيد. اذا من كان يقف امام باب غرفتها وجلبها لهنا واحد من رجاله، انتبهت من افكارها على تربيتته على كتف الداخل قائلا بفخر: _وده ولدى تطلعت هى لاول مرة جهة ذلك الدالف بتعجب ممزوج بإستحسان خفى لا يخلو من الخوف، شاب طويل القامة، قوى البنية، وعريض المنكبين، يمتلك جسد قوى، ووجه مليح، عينان خضراواتان كعشب الحقل وخصلات شعر بنية داكنه تميل للسواد وبشرة برونزية لامعة وجذابة. حسنا هو امر مفروغ منه فهناك الكثير من الصعيد يمتلكون العيون الملونة ومنهم زوجة عمها هادية ولكن مع ذلك فان هذا الشاب الذي امامها مخيف، عينيه شرسة مرعبة جعلتها تتراجع تلقائيًا عدة خطوات للخلف بذعر فى حين ملامحه على الرغم من وسامتها الفذة الا انها تنطق بالشراسة والجمود وكانه مسلوب المشاعر الخوف فقط هو ما كان ينبض به بدنها فى هذه اللحظة وبالاخص وهى ترى نظرات هذا الشرس امامها والمصوبة جهتها بتقييم وكإنه يقيم فريسته الذي سيقت..لها اليوم لذا... تراجعت روفان للخلف اكثر برعب بخوف وهى تجده يتطلع جهتها من اعلى الى اسفل بشراسة جعلتها ترتجف امامه كارنب مذعور، وكم كانت تود فتح الباب والركض فى هذه اللحظة من امامه ولكن للاسف وامام نظراته الشرسة تجمدت اقدامها مكانها وبالاخص وهى تعلم بانها حتى ولو ركضت لاخر الارض فهو سيجلبها فهذا عمران الزهار صاحب اليد العليا على الصعيد. وعند هذه الخاطرة زاد ارتجافها وهى تعلم انه حتى ان قت..لها فلن يستطيع احد ايقافه او اثبات شئ عليه. اما عند يونس فقد كان يتطلع لها بقوة، يدرسها تحت عينيه الصقرية والتي ترصد كل حركة منها. لمعت عينيه بنظرة استحسان تجاهها لم ينكرها وهو يرى هذة الفتاة امامه طفلة كما قال عمها ولكنها تمتلك ملامح انثوية طاغية تجذب ناحيتها الذئاب، ولكنها بالنهاية طفلة بريئة وشفافة مما يجعلك تستطيع قراءة ما يدور بذهنها من نظرات عينيها، خوفها الواضح وانتفاضتها مكانها كفرخ مبلول وهى تحول انظارها بينهم وكانها تخشى ان يقت..لوها. ابتسامة جانبية ارتسمت على شفتيه زادتها ذعرًا، حسنًا الامر ممتع ومسلي فهذه الصغيرة من السهل التلاعب بها وبمشاعرها حتى من نظرة او ابتسامة اذا لا عجب بأنها وقعت بين يدى هذا الحقير فهى من السهل خداعها بنظرة شرسة او ابتسامة مخيفة وبالتأكيد واحدة حانية ستجعلها تخر صريعة الهوى طفلة ساذجة دخلت عالم كبار فقط بجسدها ولكنها مازال عقلها يقبع هناك فى عالم الاطفال البرئ والساذج. ظل ينظر لها الى ان قطع صوته الصمت المتوتر بالنسبة لها والممتع بالنسبة له وهو يرى تأثيره عليها وهو يقول بصوت اجش قوى وشرس بعض الشيء مما جعلها ترتعد اكثر: _وصلنا اللى انتِ عملتيه يا بت الزهار تعمد تذكيرها بلقبها لتعلم لما جاءت إليه هو ووالده، وما فعلته بهم وبعائلتها ككل، وليجعلها تدرك ما يستطيع فعله ولما ابتلعت ريقها بخوف لتفتح فمها محاولة خروج اي كلمة امام هذا الوحش الشرس امامها ولكن يبدو من فرط خوفها منه هرب صوتها لذا سعلت تضغط على ذاتها محاولة خروج صوتها والذي خرج بالفعل ولكنه مبحوح وضعيف تماشيا مع دموعها التى سقطت من رعبها: _انا معملتش حاجة، انا اتجوزت ارتفع حاجبه جهتها باستنكار لتتراجع خطوة للخلف برعب منها لينظر لها ثم اجابها بصوت مخيف وهو يقترب منها خطوة جعلتها تتراجع ثلاثة على اثرها: _فى السر يا بنت محسن؟ تتچوزى عرفى وفى السر كأن ملكيش اهل!! ارتسمت ابتسامة خافتة غير مرئية على وجه عمران وهو يلاحظ استمتاع ابنه بلعبه مع هذه الصغيرة وتأثيره الفج عليها والذى كان واضح بها سذاجتها الفعلية من مجرد النظر لها ليصمت يستمع الى الحديث الدائر بينهم ليسمع صوتها المرتعد: _هو مش جواز ولا ايه؟ ضحكة عالية صدرت عنه جعلتها ترتجف فعليا فقد كانت ضحكة بلا اى مرح انما كانت جوفاء، ساخرة بل وغاضبة وهو يجيبها بغضب: _چواز مش معترف بيه لا وسط حكومة، ولا ناس، ولا شرع، ولا دين، چواز فى السر من غير اشهار يبجى مش چواز، واحنا معنديناش بنات تتچوز اكدة. البنت عندينا يتعملها فرح تلات ايام وليالى والبلد كلياتها تعرف، وتخرچ من بيت ابوها معززة مكرمة وچوزها اللى ييچى ياخدها. البنت عندينا عريسها من اول ما يشوفها يدخل البيت من بابه ويوطى راسه ويرضى بكل طلباتهم بس علشان تنور بيته. بنتنا بتكون غالية يتعب علشانها ويبذل لاجلها الغالي والنفيس مش رخيصة تتچوز كيف الغوازى بورجة تتجطع يوم مايبجاش ليه مزاچ والاسم حلال وهو بعيد عنه، ولا حتى تتچوز ستر ابدا ضربها فى مق,,تل بهذا الحديث المخزي لها ولكنها اجابته بجدية: _هو اتقدملى وبابا رفض هو وعمى فعمل كدة علشان يوافقو بس هو ملمسنيش ووعد ميعملش غير والكل عارف ضحك ساخرا وهو يجيبها بإستهزاء: _جالو للحرامى احلف، تفتكرى اللى يرضى يحط راس واحد كبير تحت رچليه يبجى ايه غير واحد جليل الرباية وميستاهلش انه يدخل البيت او اننا نأمنله اصلا؟ صمت لينظر جهتها يقول بتهكم: _انتِ ساذجة وغبية يا بت الزهار، ورخصتي نفسك وبيعتى نفسك واهلك وحياتك بالرخيص جوي جوي.. بيعتى نفسك لواحد ميستاهلش ضفرك ودلوجتى انا هثبتلك ده انهى كلماته ليخرج من الغرفة بنفس القوة والشموخ الذي دخل بهم بينما ظل عمران ينظر جهتها بشفقة ليخرج بعدها من الغرفة وهو يربت على كتفها بحنو الفصل الخامس كانت تجلس داخل تلك الغرفة المعزولة بالحديقة تنتفض بخوف وذعر، بالاخص وهى تجد هذا الرجل يصوب سلا..حه تجاه رأسها، لتبتلع ريقها برعب وهى تسب هذا الكائن الهمجى الذى قابلته منذ قليل ابن كبير عائلتهم والذى يظن انه يمتلك العالم ويمتلكهم بما انه اغناهم وابن زعيمهم. جاءت لتفتح فمها ولكنها وجدت هذا الرجل الخشن يقول بحزم: _ولا كلمة والا هفرغه فى راسك، البيه مش طايجك اصلًا ومش طايج يسمع صوتك ومستنى على غلطة علشان يخلص منيكِ تساقطت دموعها على وجنتيها بألم وقهر ولم تتحدث بالاخص وهي تراه بداأ في تقييد يديها وقدميها بذلك المقعد الخشبي لتشعر وقتها بالقهر والحسرة وهي تجد الجميع يتفنون بدهس كرامتها ومشاعرها وكبريائها، ولكنها انتفضت في مكانها بخوف وهى تستمع الى تلك الجلبة القادمة من الخارج لذا لفت نظراتها جهة هذا الرجل الواقف بجوارها بتساؤل لتتفاجا بملامحه المتحجرة وكإنه لا يهتم بما يحدث ابدًا الاهم ان يلبى امر سيده، لتكز على اسنانها بغيظ وهى تشير جهة الخارج قائلة بضيق: _فيه صوت برة اطلع شوف فيه ايه ليكون حرامى ارتفع حاجبيه بسخرية ليجيبها بتهكم: _ومين اللى هيجدر يعدى من الحراسة اللى برة دى ويدخل جصر عمران الزهار؟ ده جبل ما يحط رچله چوة هيكون متخرم من الرصاص. وبعدين نهار ما هييچى يسرج هيدخل بيت الضيوف!! تنهدت بضيق لتقول بسأم: _طيب اخرج شوف فيه ايه وكإنه لا يسمع فقط اشار لها بالصمت لتنفذ امره على مضض، ثوانى ورن هاتفه ليرفعه جهة اذنه بهدوء ودون كلمة تحرك ليكمم فمها بشريط لاصق ليشعل بعدها التلفاز ثم فتح النافذة المطلة على الردهة لتسمع ما يحدث ولكن.. ما ان رأت ما يحدث وسمعت الصوت حتى تصنم جسدها بذهول وعدم تصديق اما بالخارج فكان واقفًا يرتجف وسط هذا الجمع الذى من حوله وهو يجد نفسه محاط بالكثير من الرجال الاشداء الذين يحملون بين ايديهم الكثير من الاسلحة النارية ويقفون بملامح صخرية حجرية، حاول التحرك خطوة واحدة ولكن قصف صوت احدهم وهو يرفع سلا..حه مصوبه جهة رأسه: _خطوة كمان وهكون مفرغ اللى فى يدى فى راسك واخلص منيك ابتلع ريقه بخوف لينظر حوله بذعر وهو يقول بصوت مرتجف: _طيب افهم بس انا ايه اللى جابنى هنا وعاوزين منى ايه وكإنه يحادث الهواء حيث لم يهتم احد بالاجابة عليه ليشرد بعينيه بعيدا يتذكر منذ ايام بعدما تحدث الى عبد السلام ليأتى بعدها يحدد الميعاد وهو يقول له بجدية ان ياتى بورقة الزواج وان كان قد صورها او صنع منه نسخ سيق..تله، ثم يأتى فى مكان حدده معه وهو سيجلب له المال. تملكت السعادة من رشدي ثم تحرك جهة المكان فى الميعاد المحدد ليجد بالفعل عبد السلام يقف بانتظاره وبيده احدى الحقائب، نظر رشدي له وهو يشير جهة الحقيبة قائلا بجدية: _هات الفلوس ارتفع وجه الاخر قائلا بجدية لا تقبل النقاش: _اشوف الورجة الاول اومأ براسه يريه الورقة وهو يقول بجدية: _بس انا لسة مطلقتش ابتسامة ساخرة شقت وجه الاخر والذي ما ان رأى الورقة حتى ابتسم وهو يختطفها منه قائلا بجدية: _خدوه يا رچالة انتفض رشدى من مكانه وهو يجد نفسه محاطًا بالكثير والكثير من الرجال المدججين بالاسلحة وهم يصوبونها نحوه اتسعت عينيه بذعر ودون شعور منه كان يرفع يديه لاعلى وهو يقول بخوف: _اللى عاوزه هعمله بس من غير ما السلا..ح يطول ارتسمت ابتسامة ساخرة على وجه عبد السلام يجيبه ساخرا: _ما انت هتعمل اللى عاوزينه فعلا والا محدش هيلاجيلك طريج ابتلع ريقه بخوف وبالاخص وهو يجده يشير لأحدهم قائلا بحسم: _خده اومأ ذلك الرجل الخشن والذى كان يرتدى جلباب صعيدى، يسحبه بخشونه جهة احدى السيارات ويلقيه بها ثم جلس بجواره اثنين، وما ان جاء يفتح فمه حتى وجد احدهم يقول بخشونه وهو يرفع س..لاحه في وجهه: _طول ما احنا فى الطريج مش عاوز نفس ولا صوت والا هفرغه فى دماغك ومحدش هينفعك، احنا عندينا العار بنغسلوه بدم بارد وانت لوثت شرفنا فبلاش نستعمل أسلوب الموت واحنا واخدينك ودى اومأ براسه بذعر وهو ينظر له ولكنه فجاءه شعر بشئ يشكه فى الجانب الاخر لم يفهم ماهيته وما ان نظر الى من يقبع بجواره حتى وجده يلقى بشئ من النافذة بجواره وهو يقول بخشونة ساخرة: _هتتملى فى صورتى عاد ولا هتاخدلك صورتين؟ بص جدامك اومأ براسه بذعر لتبدا السيارات تشق طريقها ومعهم هبد السلام بسيارة اخرى ولكن مع ذلك الهدوء وبعد اقل من ربع ساعة شعر بأن رأسه تثقل وعينيه تبدا فى الانغلاق وقد جذبه سلطان النوم ولم يفق من نومه الا الان وهو يجدهم يوكزوه بأسلحتهم ليستيقظ وهم يجرونه كالبهيمة الى هذا المكان حول انظاره فى المنزل بانبهار وهو يجد انه يقف فى منزل رائع ويبدو انه ملك لاحد افراد الطبقة المخملية لذا لم يمنع ذاته من التطلع الى ارجاءه وهو يقول بجدية منبهرة: _بيت مين ده؟ _ليه كنت عاوز تتچوز اختى عرفى عاد؟ شق ذلك الصوت الاجش والقوى المكان ليجد الجميع ينتفضو من مكانهم واقفين باحترام جهة الدالف، نظر له ليجده شاب بجلباب صعيدي فى نهاية العشرين وبداية الثلاثين من عمره، ملامحه حادة، وعلى الرغم من وسامته الواضحة الا ان ملامحه تمتاز بالشراسة، شراسة مرعبة جعلته يبتلع ريقه برعب. نظر له الدالف قائلا بابتسامة ساخرة: _منورنا هز راسه يقول بخوف متلعثم: _ده نورك ولو انى مهرفكش.. ودى مش طريقة تليق انك تجيبنى بيها ارتفع حاجبى يونس لاعلى بصدمة مفتعلة وهو يجيبه بتهكم: _يا راچل؟ ثم اومأ برأسه يقول بشراسة: _معاك حج كان المفروض اچيبك مربوط فى العربية ومسحول من مصر لحد اهنه، انا اسف بس ملحوجة... ممكن نعملها اهنه فى البلد، حتى الارض اهنه اجسى من الاسفلت ومليانة طوب وزلط هتچيب مفعول اجوى، وكمان الطين هيخفى اثره ارتفع حاجبى رشدى لاعلى بصدمة وخوف وهو يجد تلك الشراسة والغضب من هذا الرجل تجاهه ليسأله بتعجب: _هو انا عملتلك ايه علشان كله ده؟ هز كتفيه وهو يجيبه بهدوء قاتل: _اتعرضت لشرف عيلتى ولعبت بيه، بس اكدة رمش الاخر بعينيه وهو يقول بجدية: _محصلش، انا اول مرة اشوفك، ومعرفش عنك حاجة اومأ يونس برأسه قائلا بجدية: _صحيح اول مرة تشوفنى بس انا بجى كيف عزرائيل مش بتشاف غير مرة واحدة، ولو اديتك فرصة فمش هديك التانية صمت ليقول بصوت قوي ومهيب: _احب اعرفك بنفسى، يونس الزهار ابتلع رشدى ريقه بخوف وهو لتوه علم ماهية من يقبع امامه ليكمل يونس بشراسة: _اللى انتَ اتعديت على شرف واحدة من عيلته نفى رشدى برأسه بخوف قائلًا بذعر: _محصلش انا والله ملمستهاش ابتسم يونس وهو يهز راسه قائلا بتأكيد: _اه ما انا عرفت، علشان اكدة لساتك عايش، لكن لو كنت لمستها كنت تاويتك فى التراب كيف ما تاويتها اتسعت عيني رشدي بصدمة وقفز قلبه داخل صدره برعب من جملة هذا الرجل الاخيرة ليجده بعدها يكمل بنبرة حادة قاسية: _ورايح تهدد بفضحها او تاخد نص مليون چنيه علشان تطلجها!! بذمتك هو فيه حد بيفضح ميت او بياخد دية عليه؟ مش حرام عليك لكن الغلط مش عنديك، انت فى النهاية راچل لكن الغلط عندينا. بتنا اللى ما اتربتش علشان تتچوز من ورا اهلها وتسرجهم بهت وجهه ليصبح في شحوب الموتى وهو يستمع لحديث هذا الرجل القاسي ليهمس بعدها بصوت مبحوح ومرتعد: _هو انتو قت..لتوها؟ _لا هنعملها تمثال للشرف ونحطه فى نص البلد اتسعت عينى روفان بصدمة من وقاحته وكذبه وما كادت تصرخ حتى انتفضت مكانها وهي تجد فوهة الس..لاح الباردة مصوبة على رأسها وصوت عتمان البارد يهمس بتحذير مخيف: _احنا جولنا ايه؟ ولا حابة ننفذ اللى جاله البيه دلوك؟ ابتلعت ريقها بخوف وابتلعت لسانها بذعر تتابع ما يحدث بغضب بينما الاخر فهو غزاه العرق البارد لدرجة انه كان كمن صب احدهم عليه دلو ماء وهو يستمع الى كلمات الاخر ليقول برعب: _اوامرك ظل يونس يتفحصه بجدية بنظرات مخيفة تخترقة، ليتحرك بعدها بإتجاه احدى المقاعد يجلس عليها ثم اشار لرجاله بالخروج ليبقى معه بمفرده وهو يقول جادا: _انا عاوز اعرف كل حاچة ومن غير كذب، انا سمعت كل حاچة من عمى عبد السلام وانا بوثج فيه لكن انا راچل حجاني وعاوز اسمع منيك كمان، وعلى الله تكذب في كلمة واحدة والا هدفنك هنا فى الچنينة ولا حدش هيعرفلك طريج ثم اكمل ساخرا: _اهو على الاجل معملتش خير فى حياتك هتعمله فى موتك وچسمك يتحلل وينفع الزرع اهنه مع انى خايف لتكون جتتك مسمومة وتضره. يلا اشجيني يمكن استفاد من خبرتك ابتلع ريقه بخوف من كل تلك الشراسة ولكنه انتفض من مكانه بذعر حينما هدر بغضب: _اخلص انتفض من مكانه بخوف ولكنه اجابه برعب لم يستطع منع المكر منه: _روفان بنت حلوة وعجبتنى، على الرغم من انها صغيرة الا انها حلوة اوي، حاولت معاها لقيتها ماشية دوغرى، روحت اتقدم قولت اتجوزها على المدام فبدأت املى ودانها بالكلام الحلو علشان تقنع اهلها وتتنازل عن اى حاجة وكنت متوقع برضو رفضهم ضيق يونس عينيه وهو يقول جادا: _وبعدين؟ ظل ينظر له ليتحرك ليجلس على الدرجة الوحيدة بالردهة وهو يكمل ببرود لا مبالي حينما عرف انهم لن يؤذوه: _ولا قبلين، بدأت اقنعها بالعرفى صمت ليرفع بعدها يده يكمل ببرود: _بس البنت الشهادة لله كانت رافضة، احنا بنتكلم عن اموات، بس انا قولتلها انها وسيلة ضغط على اهلها علشان يوافقو وكلمة من هنا على كلمة من هناك اقتنعت ومضت الورقة صمت ينظر امامه يمرر لسانه على شفتيه وهو يكمل بضيق: _قولت البنت وقعت فى ايدك يا رشدى وهتبقى الدنيا طراوة لكنها نشفت دماغها ما ألمسهاش غير بعد ما تعمل الفرح. هاودتها فى كلامها وانا عارف ان الزن على الودان امر من السحر وشوية وهتبقى الفرسة دى تحت ايدي حاول يونس اخفاء اشمئزازه وغضبه تحت قناع الصمت ولكنه لم يستطع السيطرة عليه كاملا لذا قبض على كفه بقوة حتى ان اظافره خدشت باطن كفه لينظر له نظرة باردة يطالبه بالاكمال ليكمل هو بلا مبالاة وكإنه يتحدث عن احد آخر: _بس امر الله نفذ واكتشفو كل حاجة قبل ما المسها نظر له يونس بهدوء ليقول بفضول مفتعل: _وانت كنت هتتچوزها رسمى فعلًا؟ اشاح رشدى بيده يجيبه بضيق: _اتجوز مين يا با!! انا بس كنت هتسلى مع الفرسة دي يومين واخد اللى فيه النصيب وخلاص كل واحد يروح لحاله سيطر يونس على حالة الاشمئزاز التى تملكته من حديثه هذا النذل امامه وهو يتماسك على الا يفرغ كل ما في معدته وهو يقول بتهكم: _النصيب اومأ برأسه يحيبه بهدوء: _اه النصيب، ما هو اصل عيلتها معروفة انها غنية وعندهم محلات خضار كبيرة ومن كبار التجار هناك، فبنت زى دى هيبقى المشى معاها مكسب كل يوم والتانى فلوس ظل يونس ينظر له ليساله بجدية: _واخدت منها فلوس؟ ظل ينظر له ليقول جادا: _قولتلها انى مديون وعاوز فلوس وهى اديتنى زى المغفلة، ما هى مراية الحب عامية، وانا كنت هقعد اسحب شوية بشوية لكن لما اكتشفو قولت هاخد النبشة الكبيرة فقولتلهم نص مليون قصاد الطلاق صمت ليقول بعدها جادا: _عارف لو كان حصل بينا حاجة؟ كنت طالبت بأكتر من كدة لجوازنا علشان استرها بس اعمل ايه، امر الله ولكن اجابة يونس هى ما صدمته حينما اجابه بقرف: _يا اخى تجولش جاعد فى مجلب زبالة دة انت كلامك جلبلى معدتى وحسسنى انى هرچع، دة انت عار على چنس الرچالة اما هى فكانت تستمع للحديث بصدمة ودموعها تنزل بلا هوادة وقد شعرت بان هناك سكين بارد انغرز فى منتصف قلبها وهي تجد انها لم تكن سوى جسد يطمع به اقذر الرجال وهي اعطته الحق في ذلك بسذاجتها بل وكانت وسيلة لجنى المال، هى احبته، عشقته، فضلته على روحها وعائلتها، كذبت الجميع وخانت الكل فقط لاجله ولكن على ماذا حصلت؟؟ الخيانة!! والطعن من الظهر انقلبت ملامحها وهى ترى انها لم تكن سوى مجرد شهوة قذرة وجسد بلا روح وهى من اعطته قلبها وعشقته بقلب بكر لم ترى من الرجال سواه بينما هو دهس هذا القلب بكل تجبر انقلبت ملامحها اكثر واكثر وهى تبتلع ريقها بصعوبة وتجاهد لسحب انفاسها المسلوبة منها والتى شعرت بانها ستفقدها بينما صدرها بدا يعلو ويهبط بعنف قاتل. انتبه عتمان لها لذا سارع بإبعاد اللاصق عن فمها ليجدها تشهق بعنف محاولة سحب انفاسها المسلوبة منها لينظر لها بذعر وهو يفك وثاقها قائلا بخوف: _ست روفان، ست روفان الله يخليكِ اهدى، يونس بيه اهنه ومفيش حاچة عفشة هتحصل وضعت روفان يدها على صدرها المتألم حيث قلبها المذبوح ثم نظرت بأعين ضيقة جهة الشاشة وتحديدًا جهة هذا الذئب المفترس وهى تتذكر حديثه وتسمعه يرن فى اذنيها، تتذكر حديثه عن شهوته لها والحديث عن مفاتنها بهذا الشكل القذر والمقرف عنها امام رجل آخر بل وخطته القذرة جهتها ليصيبها الاشمئزاز والقرف لذا ودون ارادة منها كانت تميل على الجانب تفرغ كل ما فى معدتها بقرف لينظر لها الرجل بذعر وهو يهمس بخوف: _ اسم الله عليكِ يا بتى ولكنه انتفض من مكانه حينما سمع صوت سيده يقول بقوة: _عتمان هات اللى عندك وتعالى مال عتمان امامها قائلا بجدية: _يونس بيه عاوزك يا ست روفان ولاول مرة تنظر جهة هذا الكهل الخمسينى بالم لتقول بنبرة منكسرة مليئة بالرجاء ودموعها تسقط على وجنتيها بلا هوادة: _مش عاوزة اقابله او اشوفه يا عم عتمان، حاسة ان نظراته هتعرينى نظر لها الرجل بحنو ليحيبها بقوة: _مهيجدرش يرفع راسه فيكِ ويونس بيه اهنه، انتِ متعرفيهوش يا بتي بس هو مش هيخليه حتى يرفع عينه، احنا كلنا هنا هنكسر رجبته وهو هيحميكِ منيه بكت تجيبه بألم: _ انا حبيته وامنته على نفسي وهو كسرني، بس انا والله ما وحشه ولا خليته يفكر حتى يلمس شعرة مني ظل ينظر جهتها بحنان ليومى برأسه يجيبها بقوة: _عارف يا بتى وواثج من اكدة، هو استغل انك صغيرة ولعب بيكي واحنا هنكسره كيف ما كسرك. جومى يا بتى يهديكِ ربنا ومتكسريش كلمة كبيرك وخليكِ واثقة فيه وهو مش هيخليه يجرب منك او يلمح ضلك اومأت برأسها بألم تتحرك خلف هذا الرجل بوهن شديد وجسدها كله يرتجف بالخوف والقرف والصدمة. اما يونس فما ان لمحها حتى شمخ بجسده ووقف مكانه يتطلع لها بجمود ممزوج بسخرية لتنظر ارضا بقهر ممزوج بخزي لتتفاجا به يشير لها بان تاتى انتبه رشدى على حركته ليلف وجهه تجاه ما ينظر ولكن.. ما ان لمحها حتى انتفض من مكانه بذعر متساءلا بصدمة: _روفان انتى عايشة؟ ارتجف جسدها بخوف ممزوح باشمئزاز لترفع عيونها جهته تنظر له بقرف وهى تجيبه بنبرة ميتة: _لا موت، روفان اللى انتَ كنت تعرفها ماتت كاد يتحدث ولكن هدر صوت يونس بقوة: _مسمعش صوت صمت الجميع ينظرون جهته ليلف وجهه جهتها قائلًا بتهكم: _شوفتى حبيب الجلب اللى بيعتى الكل عشانه وسمعتى بنفسك عمل ايه، وليه، وكان لساته عاوز يعمل ايه؟ نظرت ارضًا بقهر وقد تساقطت دموعها على وجنتيها بخزى لينظر لها قائلًا بسخرية: _سمعتِ كان بيوصفك ازاى، وبيتكلم عنك كيف، وشايفك كيف؟ بكت اكثر واكثر ليهدر بها بغضب: _هو ده اللى حبيتيه واتحديتى الكل علشانه؟ هو ده اللى اختارتيه وفضلتيه على اهلك؟ هو ده اللى سرجتى اهلك علشانه؟ هو ده اللى حنيت راسك وراس عيلتك كلياتها علشانه وكنتِ هتضيعى شرفك وتموتى بسببه؟ صمتت تنظر ارضا بخزى ليصرخ بها بغضب: _عرفتي انك زى ما جولتلك انك مش اكتر من حتة عيلة ساذجة وعبيطة ومتعرفش حاچة فى الدنيا؟ تعالت شهقات بكاءها اكثر واكثر بينما نظر لها محاولًا تهدئة نفسه قدر الامكان ليقول اخيرا بجدية بحته: _محدش يعرف اللى حصل لحد دلوك، دلوجتى القرار بيدك عاوزة ايه وهو هينفذه من غير ولا كلمة، عاوزة تتچوزيه ولا تتطلجى منه؟ رفعت انظارها جهة ذلك الثعلب لترميه بنظرة قاتلة، مجروحة، ومقتولة ومقهورة وقد شعرت في هذه اللحظة بان كل خلية فى قلبها تتمزق بسببه. مشاعر كثيرة تملكتها، الخزى مما حدث من نفسها ومن اختيارها، الالم الذى يمزقها، الاشمئزاز منه ومن نفسها واختيارها، القهر مما حدث وهى تقف عارية امامه وامام هذا الرجل الغريب الذى يسمع مكانتها فى حياته ووصفه المخزى لها وانها لم تكن سوى جسد بالنسبة له ووسيلة لربح المال، ولم تكن روح او قلب او مسكن ابدا لذا... نظت ارضا بخزى ليعيد سؤاله هذه المرة بصرامة اكثر لتجيبه برجاء ممزوج بخزي: _اتطلق منه وما اشوفش وشه تانى، ده ان اعتبرنا ان اللى مرينا بيه كان جواز اومأ برأسه ليرفع عينيه جهته تزامنا مع رفع الرجال اسلحتهم ليقول هو بجدية بحتة: _طلجها نظر لها بصدمة ليكمل يونس جادا: _نزل س..لاح يا عتمان، هو هينفذ طلبنا من غير اچبار والا هيبجى باطل ثم اقترب منه ناظرا فى عينيه بنظرة شرسة مخيفة جعلت فرائصه ترتعد وهو يقول جادا: _هتطلجها ولا هنخليك عايش اهنه لحد ما يچيلك المزاچ؟ وما ادراك العيشة اهنه للى احنا كارهينه واللى لعب فى شرفنا ولبسنا العار وموچود فى ارضنا هتكون كيف نظر له ليقول بجدية وهو يومئ برأسه برعب: _هطلقها أعطاه يونس ذلك العقد لينظر له ثم دون ذرة تفكير مزقه امام عينيها لتشعر بالنصل الغادر الذى اصاب منتصف صدرها تزامنا مع قوله: _انتِ طالق يا روفان سالت الدموع من عينيها قهرا مجيبة بألم: _وهتوقع ايه من واحد زيك ارتسمت ابتسامة ساخرة على شفتيه وهو يجيبها بتهكم: _ماتحسسنيش انك ملاك، ما هو انتِ بعتى اهلك اللى ربوكِ علشان واحد زيى، وعلشان كلمتين حلوين سمعتيهم من غير حتى اى فعل ظلت تبكى وهى تومئ برأسها بتاكيد على حديثه لينظر لها يونس ثم جهر بقوة: _عتمان نظر له عتمان قائلا بطاعة: _تحت امرك يا بيه اشار بعينيه قائلا: _خد الست لفوج وسيبنى مع الباشا اوما الرجل فى حين التف ينظر هو جهة من يقبع امامه بنظرات شرسة ليبدأ بفرك يديه معا وهو يدور حوله كأسد مستمتع برؤية خوف فريسته قبل الانقضاض عليها وهو يقول جادا: _اكدة خلص حجها هى، فين حجى انا؟ حجى ككبير عيلة اتهانت من عيلته واحدة من رعياه واتذلت؟ حج استهزائك بإسم عيلتى وبواحدة شايلة نفس دمى؟ ابتلع رشدي ريقه متراجعا للخلف برعب وهو يجد الامور تأخذ منحنى خطير، فهذا الرجل الذى امامه لا ينفك عن التصرف بطرق ترعبه اكثر واكثر ليجيبه برعب: _ادينى طلقتها ارتفع حاجبى يونس لاعلى بصدمة مفتعلة وهو يجيبه جادا: _لا ده اللى لازم يتعمل، دى مفيهاش حج ولا مستحج، انت كحرامى اتمسكت وانتَ بتسرج لازم ترچع اللى اخدته جبل ما تطلع من الدار، لكن فين حج صاحب الدار اللى انتَ هددت امانه وسلامه ودخلت بيته من غير خشى ومديت ايدك على حاچته بدون وچه حج؟ ابتلع رشدى ريقه متراجعًا للخلف فى حين ارتسمت ابتسامة مخيفة على شفتي يونس وهو يجهر بقوة: _عرفة دخل ذلك الرجل الضخم ذو الملامح الخشنة ليقف امامه ليقول يونس بقوة: _الاستاذ اتهچم على بيتى، وكان بيحاول يسرج منى، يبجى چزاته ايه؟ نظر له عرفة بطرف عينه قائلًا بجدية: _كسر اليد اللى اتمدت على حاچتك يا كبيرنا اومأ يونس باستحسان قائلا بجدية: _اكويس زى ما جولت اكدة، اكسر يده اللى اتمدت على حاچتى، وعلموه ادب انه يرفع عينه فى حاچة مش من حجه اوما الرجل براسه ليميل يمسكه من ملابسه بقوة مخيفة يسحبه جهة الخارج متجاهلا تململه بيده وهو يصرخ بذعر وخوف مما سيحدث له ومن هذا المتجبر الذى سقط بين يديه. اما يونس فقد رفع عينيه جهة الاعلى جهة تلك الغرفة التى تقبع بها ليركض صاعدا لها وما ان وصل إليها حتى سمع تنهداتها الناعمة وشهقاتها المرتفعة. نظر جهة عتمان الذى يقف امام باب غرفتها متسائلًا بضيق: _بتبكى من بدرى؟ حول الرجل عينيه جهة الغرفة باسف ليجيبه بحزن: _من ساعة ما عرفت حجيجته فى الاوضة اللى تحت وهى عمالة تبكى، غير ما هي مخلتش حاچة فى بطنها ماچابتهاش صمت باسى ليقول بحزن: _متأخذنيش يا سعات البية بس متجساش عليها جوى، هى مهما ان كان عيلة صغيرة وهو ضحك عليها بكلمتين، والزن على الودان امر من السحر فما بالك بعيلة لسة متعرفش حاچة؟ حن عليها يا بيه وخدها تحت چناحك انت وعمران بيه، ونجول الحمد لله اننا لحجنا الموضوع من اوله، وبلاش نجسى عليها لتعمل فى نفسيها حاچة ونشيل احنا ذنبها تنهد بتعب ليحول انظاره جهته قائلا بحزن: _فكرتك ببتك يا عم عتمان ابتسم عتمان بأسى ليجيبه بحزن: _بتى ماتت فى سنها اكدة وسابتنى وحدانى، وهى لما مسكت بيدى تتحامى فيا من الخوف منه ومن سعاتك فكرتنى بيها وحسيت ناحيتها بالمسئولية. ابتسم يونس بأسى ليربت على كتفه قائلا بحنان: _متخافش يا راچل يا طيب مش هعمل فيها حاچة، بكفياها اللى شافته اومأ عتمان برأسه ليتحرك للهبوط بينما سحب يونس الهواء داخل صدره علّه يُهدئ نفسه ليطرق الباب ثم تحرك للدخول. دلف للغرفة ليجدها تجلس ارضا تحتضن ركبتيها لصدرها وتضع وجهها بينهم ولا يظهر من وجهها سوى خصلاتها السوداء تنهد بأسى ولكنه تنحنح ليجلى حنجرته قائلا بقوة: _مش بكفايانا بكى عاد؟ البكى مش هيرچع اللى راح رفعت انظارها له ليهاله منظرها المزري، كان وجهها غارق بالدموع، وجنتيها الوردية محمرة كثمرتي تفاح وكذلك انفها الصغير احمر من كثرة البكاء، بينما دموعها تلتمع فى مقلتيها العسليتين لتضيف لها لمعان غريب وكإنها جوهرتين ثمينتين ونادرتين. شهقت تسحب انفاسها لصدرها بقوة لتضرب شهقاتها قلبه فى مق..تل وهو يتطلع إليها بنظرة مشفقة، كانت طفلة صغيرة وبريئة تلعب دور ليس لها، طفلة مرتدية ثوب النساء اجبارًا ليجتمع من حولها الذئاب طمعًا بها ولكنها كانت ولا زالت طفلة لا تمتلك خبرة ولا عقل او مكر النساء الذي بجعلها تكتشف الكذب من على بعد اميال، تستطيع الضحك عليها بكلمة او بإبتسامة او تسترضيها بلعبة. طفلة لا تستطيع التمييز بين الالماس والزجاج، ويجذبها اللمعان حتى لو كان لمعان سكين حاد ولكنه يغريها للعب به. مجرد طفلة ولكن لسوء حظها كانت فى جسد انثى يافعة تنحنح يونس يجلى حلقه ليقول بصوت رخيم معاتب: _مبسوطة باللى چرالك ده؟ رمشت بعينيها تستمع لصوته الهادى والمعاتب ولكنها لم تجيب انما دموعها التى هطلت على وجنتيها هى ما اجابته ليتحرك يسحب مقعد يجلس عليه وهو يقول جادا: _عاچبك اللى عملتيه فى نفسك ده؟ وايضا لا اجابة فقط الدموع تهبط على وجنتيها وعينيها تنظر جهته بنظرات قططية بريئة ممزوجة بالالم ليقول جادا بصوت رخيم: _بصى يا بت الزهار انا عارف امليح انك واعية لكل اللى حصل، بس تفتكرى مين اللى رخصك اكدة وحط رجبتك تحت رچليه ورچلينا كلنا؟ نظرت ارضا بخزى ولم تجب فقط شهقاتها المستمرة هى ما اجابته ليكمل هو دون انتظار اجابتها: _انا مش هجولك غير من ستر ربنا ان الموضوع ما اتعرفش وماكبرش، بس تفتكرى لو كان اتكلم ولا الموضوع اتعرف كان سمعتك انتِ واهلك عاملة ازاى؟ مفكرتيش فيها؟ مفكرتيش فى ابوكِ الغلبان اللى بيچرى عليكِ انتِ واختك وجدرتى شيبته؟ مفكرتيش فى امك اللى فنت عمرها علشانك وانتى دمرتى فرحتها بيكِ وخليتيها تحس بالخزى من تربيتك وكسرتيها بيكي علشان واحد غريب ميسواش؟ مفكرتيش فى اختك الناس هتبصلها ازاى وهتعمل فيها ايه لما يعرفو اللى عملته اختها؟ وايه اللى هتتعرضله فى الشارع والكل شايفها رخيصة؟ ولا الكلام اللى هيطولها؟ مفكرتيش فى عيلتك واسمها واللى للاسف مربوط بيكِ؟ والاهم من كله ده مفكرتيش فى نفسك وانتِ تبجى دى اخرتها بدل ما تكونِ متصانة وجوهرة فوج راس الكل حطيتى نفسك تحت المداس؟ اذا كنتِ مجدرتيش نفسك ازاى عاوزة حد يجدرك؟ مفكرتيش طيب بعدين مين هيرضى ويوثج فى واحدة كانت بايعة نفسها وكانت متچوزة عرفى وبايعة شرفها اللى اغلى حاچة عنديها علشان واحد ولا يسوى؟ صمت ينظر جهتها ليقول بقوة: _اللى حصل محدش يعرفه غيرى انا وابوى وعتمان غير اكدة مفيش، الموضوع اتدفن اهنه ولا حدش عارف عنه حاچة، بس عمك عبد السلام امر انك تعيشى اهنه تخدمى چدتك اللى عايشة وحدها وتكونى تحت عنينا لحد ما يچيلك عدلك، لكن رچوع مصر تانى ما هيحصلش؛ فعلشان اكدة لازم تتأقلمى على الوضع صمت لبرهة لينظر جهتها متسائلًا بجدية هادئة: _انتِ بتدرسى ولا لاه؟ ابتلعت ريقها تجيبه جادة: _انا قدمت بس مستنية نتيجة التنسيق علشان اعرف داخلة ايه ارتفع حاجبيه ليسألها بجدية: _مستنية التنسيج!! ليه انتِ عندك كام سنة؟ نظرت له لتبتلع ريقها مجيبة بخجل: _سبعتاشر وداخلة على التمنتاشر ارتسمت ابتسامة ساخرة على جانب فمه وهو يقول ساخرا: _يعنى لسة حتى مكملتيش سن الچواز ومستعچلة عليه؟ لساتك طفلة ومستعچلة على الهم؟ ابتسم ساخرا ليقول جاد: _ده انتِ هم ما يتلم وبادئة مشاكلك وچوزاتك بدرى، اذا كنتِ لسة مكملتيش التمنتاشر ودى مشاكلك امال لما توصلى للعشرين هتعملى ايه؟ هتجتلى!! نظرت ارضا بخزى ليتنهد بضيق قائلا بهدوء: _تمام يبجى اول ما التنسيج يبان هنجدملك اهنه فى چامعة سوهاچ وبعدها يحلها ربنا صمت ليقول بعدها بهدوء: _ولو عوزتى حاچة تعالى اهنه على الجصر واطلبى ابوى الحاچ عمران الزهار او جوليلى اني نظرت ارضا بخجل وهى تريد سؤاله عن اسمه ولكنها لا تعلم كيف تقول هذا، ولكنها انتبهت على سؤال الجاد: _انتِ تعرفى اسمى ايه؟ هزت رأسها بالنفى ولكنها اجابته بجدية: _ابن الحاج عمران ضحك هذه المرة بخفة على حديثها ضحكات متناغمة من قلبه لترفع نظرات مذهولة تجاهه، نعم هى اول مرة تراه هو اليوم ولكن منذ راته وهى تسمع ضحكاته ولكنها كانت ضحكات ساخرة او جوفاء تثير الخوف فى قلبها ولكن هذه المرة ضحكته مختلفة، كانت ضحكة ذات رنة وبحة خاصة تطرب الاذن وتهدئ القلب. لينظر لها بعدها بإبتسامة هادئة لم يستطع منعها من الظهور وهو يقول بسخرية مرحة: _هو انتِ بتسألى على عيل فى الحضانة عاد؟ صمت ليقول بعدها: _اسمى يونس، يونس عمران الزهار ظلت تنظر جهته لتومئ برأسها لتجده بعدها يقف وهو يشير لها بيده قائلا بجدية: _تعالى ورايا اوصلك لبيت چدك ولكنه توقف فجأة قائلا بجدية: _الا جوليلى اسمك ايه علشان اما اعرف اسحب ورجك من مدرستك واجدملك اهنه اعرفه ابتلعت ريقها بتوتر لتجيبه بصوت خافت ذو بحة واضحة من كثرة البكاء ونبرة لم يزول منها اثر الحزن والخزى بعد: _روڤان، روڤان محسن خلف اوما براسه ليشير لها لتتبعه بينما شردت فى البعيد واين ستقذفها الحياة انتبهت من ضجيج افكارها على صوته القائل بجدية: _شوية والچامعة هتبدأ، اظن لازم تخلى بالك من مستجبلك وانسى الكلام الفاضى اللى عيشته ده، ومش عاوز مشاكل عاد ولا وش، انا مش چايبك اهنه علشان اكون رجيب عليكِ او اتعرض لمشاكلك اومات برتسها تجيبه بخجل وخزي: _تحت امرك يا بيه، وعد مش هتسمع عنى خالص ولا كإنى موجودة هز رأسه بإستحسان ولكنه مع ذلك قال بنبرة يشوبها الشك: _اتمنى انهى حديثه ليتحرك للصعود لسيارته بينما تبعته هى ولكنها ما ان وصلت لها حتى سمعت صراخ وتاوهات خشنة بصوت تعرفه جيدا لتلف وجهها جهة ذلك الذى يقبع بجوارها لتجده يقول جادا: _ده عقاب الحرامى، وهو مد يده وكان هيسرج من عيلة الزهار اللى مش من حجه وفوج اكده كان عاوز يساوم عليه فده اجل واچب ظلت تنظر جهته ولكنها مع ذلك ابعدت رأسها عنه تنظر من زجاج النافذة بجوارها متمتمة بنبرة خافتة وقد سالت دموعها مرة ثانية بقهر: _يستاهل التقطت اذناه تمتمتها ولكنه لم يهتم كل ما كان يهمه ان يعود لمنزله ليحظى ببعض، الراحة ف امامه امور كثيرة عليه ان ينهيها بعمله، بالاضافة لانه اشتاق لصغيرته الحمبلة وملاكه البرئ حد الجنون

مقالات ذات صلة

عشقي 5الاخير

ظنتني شحاتة حصري روايات رولا

حكاية من 6-10

عماد 1

طه 2

رواية جديدة تحغة 3

اترك تعليقاً إلغاء الرد