الفصل الأول سما :- أرجوك يا بابا سيبني اسافر عايزة اعتمد على نفسي ولو لمرة واحدة أرجوك البعد عن هنا هيريحني عادل أبو سما :- حبيبتي انتي عمرك ما بعدتي عن حضني يوم واحد ويوم ما تبعدي تتغربي آخر الدنيا مستحيل اوافق سما وقد بدأت في البكاء:- بابا بليييييييز لو نفسك ارجع اضحك وافرح زي الأول سيبني ابعد عن البلد دي وبعدين انا مش هكون لوحدي انت ناسي إن أنس هناك ابن صديق عمرك هو ومامته هناك وأنا هكون معاهم وهشتغل في نفس الشركة اللي هو شغال فيها بليييييز بابا لو تهمك سعادتي وافق عادل أبو سما:- خلاص يا سما سافري بس ارجوكي يا بنتي انتي اللي طلعت بيها من الدنيا مش عايز اشوفك كدة عايزك قوية وهسيبك تبعدي بس على شرط سما :- اتفضل يا بابا أنا موافقة على أي شرط عادل :- عايزك تكوني قوية و واثقة ان اي حاجة هشوفيها هي نصيبك وترضى باللي ربنا قسمهولك سما :- حاضر يا بابا بس ياريت حضرتك تقنع ماما أنها توافق لأن خلاص انا هسافر بعد يومين عادل :- حاضر يا بنتي ربنا يقدم اللي فيه الخير (سما هي بنت عندها 23 سنة خريجة كلية هندسة وكانت متفوقة في دراستها جدا بنت رقيقة بمعنى الكلمة وروحها خفيفة شعرها لونه بني فاتح زي لون عنيها العسلي الفاتح قصيرة القامة رشيقة القوام وهي البنت الوحيدة لامها وأبوها وحالتهم المادية متوسطة لأن باباها شغال في شركة كبيرة بمرتب كبير جدا ) وبعد حوار طويل بين عادل أبو سما وسلوي أمها سلوى :- أنا مش فاهمه ازاي توافق على حاجة زي دي وكمان بتطلب منى اوافق أنها تسافر دي عمرها ما باتت يوم بره البيت تقوم تسافر بره مصر كلها عادل :- يا سلوى افهمي سفرها ده في مصلحتها انتي مش شايفة حالتها عاملة ازاي وبعدين هي مش هتكون هناك لوحدها انتي ناسية ان أنس وأمه هناك بقالهم 5 سنين وهي هتقعد معاهم وكمان شغلها في نفس شركة أنس وعينه هتكون عليها دايما سلوى :- ولو بردوه دول حيالله معارفنا وكانوا جيرنا قبل ما يسفروا يعني مش هيهتموا بيها زيينا علشان نبعت بنتنا عندهم في آخر الدنيا ولبلد متعرفش فيها حد عادل :- يا سلوى ابوس ايديكي بلاش عند وبعدين انتي شفتي أنس قبل ما يسافر كان بيخاف عليها قد إيه وأمه كمان كانت بتعاملها ازاي وبعدين دي مسافرة الإمارات يعني بلد عربية مش أجنبية علشان تقلقي كدة وبعدين انا مش هسيب بنتي كدة انا عايزها تخرج وتعامل الناس كفاية حبس في البيت من يوم ما اللي حصل ده حصل سلوى :- خلاص انت حر انت وهي خليها تسافر وأفضل انت مشجعها كدة على كل حاجة ماهو انت السبب بردوه في اللي حصلها ولا نسيت لو كنت رجعتها عن اللي في دماغها مكنش ده حصل عادل بحزن كبير :- حرام عليكي كفاية بقى انا منستش علشان تفكريني وبعدين ذا كان نصيب ومحدش مطلع على الغيب ليه مصره تعزبيني سلوى :- خلاص يا عادل الحمد لله على كل شئ خليها تسافر يمكن ترجع تاني زي الأول وربنا يملى حياتها فرح وسعادة ٠٠٠٠٠ وبالفعل أكملت سما اجرئات السفر لدبي لكي تعمل بشركة هناك مع صديق طفولتها أنس وقبل السفر بكام ساعة سما في اوضتها وخلصت توضيب شنطتها ___________________ سوف أهرب سوف أهرب من اللامي واحزاني سأرحل عن بلد شهدت ضياع أحلامي هكسر يقودك واترك العنان لخيالي هبدآ حياتي واعيش أيامي مش هسمحلك تخليني ضحية تاني كان نفسي اشوفك قبل ما اروح بعيد بس اللي انا عرفاه أن ده مش من حقي اكيد هبعد علشان أمنع جرحي يكبر أكثر ويزيد يتتتتتتتتبع يا ترى ايه حصل مع سما ال2 _____________________________ في المطار وسما خلاص هتمشي سلوى أم سما :- سما حبيبتي خلي بالك من نفسك ولو تعبتي ارجعي على طول ما تفتكريش اننا ممكن نقول عليكي فاشلة لا يا حبيبتي انتي احلي بنوتة في الدنيا وعارفين أنك شاطرة سما :- حاضر يا ماما بليز مش تقلقي عليا عادل أبوها :- ارجعي بس عايزك ناجحة قوية محدش يقدر يكسرك عايزك ترجعي اقوى بنت في الدنيا فاهمه سما :- حاضر يا بابا سلوى :- تكلميني كل يوم مرتين الصبح وباليل سما :- طيب قبال الأكل ولا بعده نسمه صاحبة سما من وهما صغيرين :- لا يا خفيفة قبل ما تخرجي وبعد ما ترجعي سما :- وانتي مالك انتي يا باردة مش كفاية سيبتك توصليني معاهم نسمه بدموع :- لا بجد يا سما تكلميني وتطمنيني عليكي وتحكيلي كل حاجة كل يوم سما :- اووووووووف الطيارة هتفوتني خلاص بقى حفظت امشوا بقى انا عارفة انكوا عايزين تاخروني علشان مسافرش ياللا سلام الكل :- سلام وركبت سما الطيارة ودي أول مرة في حياتها تركب طيارة وحاسة أنها خايفة بس احساس الخوف ده ما يجيش أي حاجة جنب ذرة حزن في قلبها وهي في الطيارة غمضة عنيها وافتكرت هي مسافرة ليه فلاش بااااااك من سنتين (نور عز :- حب سما أول حب في حياتها عشق الجنون شاب وسيم من عيلة غنية ومشهورة عنده 27 سنة بيساعد أبوه في إدارة شركاتهم ) نور :- حبيبتي امتى بقى تخلصي الزفتة الجامعة علشان نتجوز وتكوني معايا دايما بجد مش قادر على بعدك عايز كل ما احتاج لحضنك الاقيه سما :- حبيبي خلاص كلها السنة اللي جاية واتخرج ووقتها هقولك شبيك لبيك حبيبتك بين ايديك نور :- يااااااه يا سمايا مستني اليوم ده دا أنا هخدك شهر عسل ما اتعملش قبل كدة هخليكي تلفي العالم. كله معايا سما :- حبيبي أنا أي مكان انت فيه هو بالنسبالي جنة وبعدين انا عمري ما سفرت برة مصر أو ركبت طيارة نور بفرحه :- بجد يا سمايا عمرك ما ركبتي طيارة قبل كدة سما :- أيوة يا حبيبي وهي دي حاجة تبسطك نور :- طبعا علشان تكون أول مرة تركبي طيارة تكون معايا انا سما :- على فكرة انت طماع يعني انت أول حب وأول حضن وأول ضمه وأول كلمة بحبك وكل ده مش مكفيك نور :- مافيش حاجة في حبك تكفيني وبعدين انتي نسيتي حاجة سما :- ايه هى الحاجة اللي نسيتها نور :- أول بوسة 😉😉😉 سما بزعل :- والله انت رخم وبعدين احنا مش قلنا الموضوع ده مانتكلمش فيه علشان منزعلش مع بعض وإن ده كان تهور منك نور بآسف :- خلاص يا سمايا حقك عليا بس اوعى تزعلي مني أو تفكري بتعدي عني تاني لحسن اقت\لك سما :- حبيبي انا عمري ما هبعد عنك ابدا ولا لحظة وهفضل دايما الحضن الحنين ليك طول ما انت لسه عايزني في حياتك مش هبعد عنك غير لما انت اللي تطلب مني كدة نور :- أنا مستحيل اطلب منك تبعدي عني دا انتي حبي وحياتي وامي وصحبتي واختي بتعوضيني عن حاجات كتير نقصاني ومستحيل حد يا خد مكانك في قلبي أو اقول لحد غيرك كلمة حبيبتي ودام الكلام بينهم والوعود بأنهم مستحيل يبعدوا عن بعض وأنهم هيعيشوا اجمل حياة بااااااااااك سما في الطيارة فاقت على صوت وصولها مطار دبي وأول ما خرجت من بوابة المطار (أنس كان ابن جيرانهم واتربوا مع بعض وهو أكبر منها بي 5 سنين ولما أبوه توفي سافر هو و ولدته دبي علشان يشتغل في شركة كبيرة هناك وهو اللي شجع سما أنها تدخل كلية هندسة وكمان هو اللي شجعها على السفر ) أنس :- سماااااااااااااا حبيبة أنس ساسو أنا اهوه سما وهي بتجري عليه تحضنه :- أنس وحشتني موت يا احلي أخ في الدنيا أنس شالها وهي في حضنه ولف بيها :- قلب اخوها يا ناس عاملة ايه واخبارك ايه' ايه ده انتي تخنتي اوى وبقيتي تقيلة قطعتي نفسي سما:- لا والله دا أنا صح وبعدين كان حد قالك شيلني حضرتك أنس :- يا بنتي ماهو لازم دا أساس أي مقابلة بينا سما :- طيب يلا عايزة اشوف طنط مديحة وحشتني اوى ( وركبت سما العربية مع أنس وراحوا على الشقة اللي عايش فيها أنس وأمه واللي هتعيش فيها معاهم سما وطول ما هما ماشين في الطريق سما مبهورة بالمكان وإحساس جواها ببداية جديدة في مكان جديد بس جواها بتدعي وتقول يارب لو في سعادة جيالي خدها كلها واديها لحبيبي أنا مش عايزة أي حاجة غير أنه يكون أسعد راجل في الكون ) وفي مكان تاني في القاهرة في احدى الشركات الكبار نور عز :- يعني ايه سافرت وسافرت فين وازاي يا غبي انت ما تعرفنيش حاجة زي دي ممدوح المشرف على رجال الحرص والأمن :- يا باشا الراجل اللي انا مكلفه يراقب بيتها كان وراهم لحد لما دخلوا المطار بيحسبها بتوصل أبوها وامها أو صاحبتها. معرفش أنها سافرت غير لما خرجوا من غيرها من المطار نور بعصبية :- وازاي مكنتش تعرف انها هتسافر من الأول ولا سافرت فين ممدوح :- يا باشا هي مكنتش بتخرج من البيت حضرتك خالص غير قبل ما تسافر بيومين وكانت بتحضر هي وأبوها ورق السفر بس الغبي كان فاكر ان أبوها هو اللي هيسافر نور بصوت عالي :- أخلص قول سافرت فين ممدوح :- سافرت دبي حضرتك نور :- غور من هنا وعايزك تعرفلي سافرت ليه وقاعدة فين وبتعمل ايه وهترجع امتى ممدوح :- تمام يا باشا نرجع نروح دبي ___________ وصلت سما مع انس وسلمت على امه مديحة وكانت ست طيبة جدا وفرحانة بيها. ودخلت سما اوضتها اللي جهزوهالها علشان ترتاح على ما مديحة تحضر الغدا وبعد ساعة خرجت سما من الاوضة سما :- طنط اساعد حضرتك في ايه مديحة :- لا يا حبيبتي ارتاحي انتي أنا خلصت وعازاكي تعتبريني هنا زي مامتك وتركزي في شغلك وبس ويلا نادي على انس علشان ناكل ( اتغدوا كلهم والغدا كان لذيذ لأن مديحة كانت عاملة الأكل اللي سما بتحبه و فضلوا يتكلموا ويحكوا عن زكرياتهم وبعد ما خلص الغدا ) أنس :- ارتاحي النهاردة وبكرة هخرجك خروجة إنما ايه اوعى وشك سما :- بقولك ايه أنا مش عايزة لا خروجة اوعى وشك ولا اوعى أفاك أنا عايزة ابدا شغل من بكرة أنس :- بكرة كدة على طول انتي داخلة سخنة كدة ليه هو الشغل هيطير مديحة :- أنس معاه حق يا حبيبتي اتفرجي شوية على البلد وعيشيلك يومين قبل مسوؤلية الشغل سما :- يا طنط البلد مش هتطير وبعدين انا مش جاية اتفرج عليها أنا جاية اشتغل فيها وياريت لو أمكن يا أنس ابدأ من بكرة أنس :- خلاص براحتك الله يرحم أيام ماكنتي بتبوسي ايدي علشان أخرجك الشارع بس بكرة تندمي سما :- لأ بكرة مش فاضية لاندم عندي مقابلة. شغل في شركة فخيمة أنس :- فيخمة ههههههههههههه بيئة من يومك ( قضوا اليوم مع بعض بيفضوا الشنط بتعتها ويهزروا ويضحكوا وبعد العشا دخلت تاني سما اوضتها علشا لأنها هتصحي بدري تروح الشركة مع أنس ) سما وهي نايمة على السرير :- ومين ينام اليل غير مرتاح البال وإن نام العقل أزاي ينام القلب وهو بينزف اللام وجراح وبيبكي على الحبيب اللي راح وبيصرخ ويقول مليون آاااااااااااااااااااااااااه في مصر ___________ ممدوح :- أيوة يا باشا أنا بكلم حضرتك علشان ابلغك ان البشمهندسة سما. سفرت دبي علشان هتشتغل هناك. وقال ممدوح ل نور على كل تفاصيل سفر سما وقفل معاه ونور اتفاجأ من حكاية سفر سما نور وهو حاسس بالدهشة :- ..................... الفصل الثالث نور بدهشه :- ياااه سمايا سفرت وهتشتغل كمان وهتعمل لنفسها حياة جديدة وتبني مستقبل وأنا اللي كنت خايفة عليكي تعملي حاجة في نفسك بعد الكلام اللي قولتهولك بس يلا كدة أحسن علشان محسش.بالذنب بسببها عايدة ( الدادة اللي بتهتم نور من وهو صغير ) :- نور بيه انت بتكلم نفسك نور :- لا يا داده أنا كنت بتكلم في التليفون عايدة :- طيب احضرلك العشا نور :- لأ اتعشيت تصبحي علي خير __________ في دبي أشرقت الشمس لتملئ بضيها المكان وتعلن عن بداية أول يوم لسما بهذه البلد ( صحيت نور وقامت اخدت شاور وليست ازدال الصلاة وصلت وبعدين لبست لبس كلاسيكي عبارة عن جيب قصير اسود وفوقه بلوزة باللون الأبيض بثلث كم ولكن في غاية الروعة ورفعت شعرها بطريقة تديها سن أكبر من سنها واديها منظر حلو وخرجت من اوضتها كانت مديحة صحيت وبتحضر الفطار وخلصته وأنس كمان صحي وخرج في نفس الوقت اللي خرجت فيه سما ) سما :- صباح الخير مديحة :- صباح الجمال والسعادة لقلبك يا حبيبتي أنس :- بيصفر واو لأ بجد عجبتيني ايه النشاط ده كله استمرى بقى عايزك كل يوم كدة سما :- على فكرة انت مقولتش صباح الخير لسه أنس :- متقلقيش يا أختي ما انتي هتفضلي في خلقتي كل يوم هبقي اقولك بكرة سما :- لا مافيش بكرة ادخل الأوضة تاني وبعد كدة اخرج قول صباح الخير أنس :- لا والله بت انتي همد ايدي عليكي ماتنسيش اني اخوكي الكبير سما :- يامي يامي تصدق خوفت أنس :- خلاص طالما خوفتي مش هأذيكي علشان صعبتي عليا سما :- لا والله بجد طيب خود بقى ( حدفته بخدادية من اللي على كراسي الصالون ) أنس :- كدة ماشي انتي الحرب وجبتيه لنفسك تعالى بقى ( فضلوا يجروا مع بعض ويهزروا شوية لحد ما مديحة حطت الفطار على السفرة ) مديحة :- يلا يا حبايب قلبي علشان متتاخروش على شغلكم انس وهو رايح على السفرة :- حاضر يا ست الكل بس كنت بعلم البت دي الأدب سما سبقته على السفرة :- ما تقولش بت البت دي رايحة تشتغل في نفس الشركة اللي انت بتشتغل فيها 😝 مديحة :- والله يا سما انتي جيتي عملتلنا حس ومليتي علينا البيت أنس :- ماهو أنا بقولها تخنتي مش مصدقة شفتي اهي بتقولك مليتي علينا البيت ههههه سما :- بس ياض انت ياض أنس :- ياض لا أنا كدة اغير رأيي مافيش شغل معايا في الشركة ( وفضلوا يهزروا وهما بياكلوا وخلصوا ومشيوا على الشركة اللي سما هتشتغل فيها مع انس وطول الطريق في عربية أنس بيشرحلها حاجات في الشركة وطريقة شغلهم وطبعا بما أن أنس بيشتغل في الشركة بقاله أكثر من 4 سنين اكيد ليه منصب هناك اداري أما سما فهي لسه هتكون موظفة جديدة وتحت التمرين كمان لمدة شهر ووصلوا واستلمت شغلها وأنس بيوديها مكتبها اعرفها فين مكتبه وكانت مبهورة بكل حاجة في الشركة والبناء الضخم بتاعها وبالمكاتب وبكل حاجة ) وكان مكتب سما مشترك مع بنت تانية اسمها تالين لبنانية( بس ايه صاروخ ) سما :- هاي اذيك أنا سما وانتي تالين :- أنا تالين من لبنان انتي شكلك مصرية صح سما :- هههه أيوة ايه ما ينفعش أكون زميلتك تالين :- لا بالعكس ذا انا مبسوطة جدا بيكي ( أتعرفوا على بعض واعجبوا ببعض جدا وكان يوم جميل جدا وبداية مبشرة لسما وبدأت تتعلم الشغل وتستوعبه وتتعرف على الناس اللي بتتعامل معاهم وانتهى اليوم وأنس مراحلها علشان يمشوا ونزلوا وركبوا العربية ) اتصلت سما بابوها وأمها علشان تكلمهم سما :- يا بابا كل حاجة هنا تجنن حتى الشغل مبسوطة اوى انا بجد فرحانة يا بابا سلوى أمها :- ايه يا ست سما ماشبعتيش من الكلام مع بابا مافيش ليا شوية سما :- لأ طبعا دا انتي ست الكل يا حبيبتي ( استمرت المكالمة 10 دقائق وخلصت سما المكالمة ) وأنس كل ده جنبها في العربية أنس :- يا ام الرغى فصلتيني كل ده كلام ايه بالعة راديو سما :- أخرس وسوق وانت ساكت مش لازم اطمنهم عليا أنس :- طيب بقولك اتعرفتي على تالين سما :- ايه ده انت قلبت كدة ليه على كيوت ورومانسي في ايه احكيلي أنس :- تخلصي بقى بطلي رغى اتعرفتي عليها ولا لأ سما بغمزة :- أيوة اتعرفت عليها بس شكلها جامدة 😉 أنس :- هي جامدة بس دي حتة منجاية سما يضحك :- أيوة أيوة الصنارة غمرت يا كبير يا ابو الانانيس أنس :- يا اختي اهدي دا مجرد إعجاب مش اكتر ومن طرفي أنا بس كمان. المهم خلاص احنا وصلنا عايزك تاكلي وتغيري هدومك علشان نخرج سما :- لا يا عم انا هغير هدومي وهقعد اقرأ في الورق دا شوية علشان أتعلم منه وأنام مش عايزة اخرج أنس :- سما أنا مش هغصبك على حاجة ابدا بس عايزك تعرفى حاجة واحدة الحياة مابتوقفش على حد ولازم احنا كمان نعيش حياتنا وننسى و مقاطعته سما :- أنس بلييز مش عايزة اتكلم في الموضوع ده وياريت ماتفتحهوش تاني ابدا وتسيبني على راحتي ( احترم أنس كلام سما جدا ومافتحش الموضوع ده تاني ومرت أيام وشهر على وجود سما في دبي وهي من الشركة للبيت ومن البيت للشركة وما تعرفش اي مكان في البلد غير الطريق من الشركة للبيت واللي بياخد ربع ساعة في العربية مع انس وجه اليوم اللي سما لازم تجتمع فيه مع المدير العام للشركة هي والمتدربين الجداد علشان يمضوا العقود وقبل اليوم ده باليل ) في اوضة سما مديحة :- يعني خلاص يا حبيبتي بكرة هتمضي العقد سما :- أيوة يا طنط ادعيلي ربنا يوفقني مديحة :- بدعيلك والله على طول انتي وأنس ربنا يسعدك يا بنتي يا رب هسيبك أنا بقى علشان تنامي وتستدعي كويس سما :- باست ايديها وقالتلها شكرا يا طنط (وخرجت مديحة وسابت سما لوحدها وسما مسكت الفون ودخلت على الفيس لصفحة نور ودا اللي هي بتعمله من وقت للثاني علشان تشوف صوره أو تعرف اي حاجة عنه بس للأسف ما بتلاقيش أي أخبار ) إلى متى سوف يطول انتظاري إلى متى سيستمر عذابي حبيبي ارجع بقى يلا خلاص قلبي قرب يموت من كتر عذاب الفراق معقولة كل ده ماحستش ببعادي دا انا سبت مصر كلها علشان ابعد عنك خالص واوحشك وترجعلي خلاص مش قادرة قلبي بيزف كل يوم أوجاع ارجع بقى ارجع يا (نور سماك ) فاكر لما بعدت عنك يومين بس عملت ايه فاكر ارجع بقى فلاش باااااك نور وسما قاعدين مع. بعض في مكان رومانسى بيحتفلوا بعيد ميلاد سما نور :- حبيبتي كل سنة وانتى معايا كل سنة وانتى في حضني وحبك ساكن جوايا سما :- حبيبي أنا أسعد انسانة في الدنيا وعايزة أفضل معاك على طول نور:- حبيبتي انا كمان نفسي نبعد عن الدنيا كلها ونكون في دنيا لوحدنا أنا وانتي وبس امتى بقى تيجي بيتي وتكوني مراتيبقي يا سمايا سما :- خلاص يا حبيبي كلها كام شهر واتخرج ونتجوز يا نور سماك نور ضمها وهما بيرقصوا رومانسى وشالها لف بيها لحد ما تعبوا هما اللي اتنين ونور وقف بيها بس هي كانت داخت فل بقيت في حضنه لحد ما راحوا قعدوا مع بعض نور قرب اوى من سما وبيشم في عطرها وبيحسس على شعرها ونفسهم بيقرب اكتر من بعض ونور عينه على شافيفها مش قادر يبعد عنيه عنهم وبالفعل طبع قبلة طويلة عليهم وضم سما ليه اكتر حتى كادت أن تعتصر ضلوعها بين يديه حتى فاقت سما من حالة التوهان وفضلت تقاومه لحد ما ساب شافيفها وبعد عنها سما ضربت نور بالقلم وجريت بأقصى سرعة أما نور فضل واقف مكانه ما اتحركش مصدوم من اللي سما عملته. أما سما فوصلت لبيتها وجريت على اوضتها تعيط ابوها شافها وهي داخلة بتعيط وراحلها عادل :- سما حبيبتي بتعيطي ليه مالك سما :- مافيش يا بابا أنا بس تعبانة شوية عادل :- هو ايه اللي مافيش انتي مش كنتي بتحتفلي بعيد ميلادك مع نور فهميني هو عمل حاجة ضايقتك سما :- مسحت دموعها لا يا بابا مافيش دا سوء تفاهم بس عادل :- طيب يا ستي براحتك هطلع أنا منها وما تقلقيش دلوقتي يتصل يصالحك وياريت تصالحيه على طول لحسن ييجي هنا زي المرة اللي فاتت تماتك تعملنا مصيبة سما وهي بتبتسم :- حاضر يا بابا ( وفضلت سما سهرانة طول اليل مستنية ان نور يتصل يصالحها بس للاسف النهار طلع ونور ما اتصلش وسما قامت غيرت هدومها وراحت الجامعة علشان تحضر المحاضرات بتاعتها وقالت اكيد هييجي يصالحني في الجامعة ووصلت سما الجامعة وحضرت أول محاضرة وخرجت الكافتريا مع صحبتها مستنية المحاضرة التانية اللي باقي عليها نص ساعة نسمه صاحبتها :- مالك يا سما شكلك متغير وزعلانة سما :- لا ابدا مافيش أنا كويسة نسمه :- عليا أنا بردو دا أنا صحبتك حبيبتك وبعدين انتي مش كنتي امبارح بتحتفلي بعيد ميلادك. مع نور حصل ايه احكيلي سما حكت الموضوع لنسمه كله :- بس يا ستي ولحد دلوقتي لا اتصل صالحني ولا اعتذرلي على اللي هو عمله نسمه :- بصي يا سما انتي تعرفى نور بقالك سنتين وعمالين تخرجوا مع بعض وتبقوا لوحدكوا وهو اتعود انه كل حاجة يعملها انتي بتقبليها وبتاخديها عادي فهو بالنسبالة اللي حصل عادي وانتي بالنسبالة اللي غلطتي سما :- لا طبعا انا مستحيل أكون في نظره كدة وهو هيجي ويصالحني ( خلص اليوم ورجعت سما للبيت ونور بردو ما اتصلش سما قلقت عليه اوى وخافت يكون حصله حاجة فاتصلت هي بيه مرة واثنين وثلاثة وهو ماردش قالت تستنى شوية يمكن عنده ميتنج ودلوقتي يتصل بيا بس بردوا ما اتصلش قلقت أكثر لأن نور عمره ما اهملها كدة فل بعتتله رسالة ( حبيبي انت كويس فيك حاجة رد عليا علشان انا قلقانة عليك) بس بردو نور ما اتصلش راحت سما غيرت هدومها وقالت لازم اعرف هو كويس ولا لأ وراحت الشركة بتاعته تسأل عنه وتطمئن عليه وهي نازلة من التاكسي عند شركته شافته خارج من الشركة فوقفت بعيد ورثت عليه علشان ييجلهاا بس للاسف شافت نور وهو بيطلع الموبايل وشاف الاتصال ومردش عليها وركب عربيته ومشي وهي رجعت البيت تاني زعلانة لأن دي اول مرة نور يعمل كدة معاها وراحت بعتاله رسالة ( خلاص يا نور لو عايز تبعد أبعد وأنا مش هتصل عليك تاني ولا هتشوفني تاني ) وقفلت تليفونها ونامت أما نور فكان قافل موبايله علشان مايكلمهاش ونام هو كمان بس اول ما صحي الصبح فتح موبايله واتفاجأ بالرسالة ولبس هدومه بسرعة وخرج وكل ده وهو بيحاول يتصل بيها لكن تليفونات مقفول وفي الوقت ده كانت سما صحيت وراحت جامعتها وقاعدة في المحاضرة وطبعا نور عارف مواعيد محاضرات سما كلها وعارف أنها هتكون في الجامعة وفعلا راحلها الجامعة وكمان مراحلها مكان المحاضرة بتاعتها وخبط على الباب ودخل الدكتور اللي في المحاضرة :- مين حضرتك وازاي تدخل كدة نور وهو في قمة غضبه :- ................ __________________ الفصل الرابع__________________ البارت الثالث خلص لما نور دخل لسما المحاضرة الدكتور راشد :- انت مين وازاي تدخل المحاضرة كدة نور :- أنا نور عز وأظن اني خبطت قبل ما ادخل الدكتور راشد :- طيب وحضرتك عايز إيه نور :- عايز الآنسة سما عادل دلوقتي الدكتور راشد :- نعم أنت مجنون انت داخل بالطريقة دي وعايز طالبة تخرج معاك من المحاضرة انت انسان نور يقاطعه :- ما تغلطش لو سمحت انت متعرفش أنا مين وبعدين انا عايزها في حاجة مهمة لأن في إنسان بين الحياة و الموت وعايز يشوفها قبل ما يموت (كل ده بيحصل وسما اساسا قلبها خلاص وقف مش مستوعبة ايه اللي بيحصل وقلقانة لأنها عارفة ان نور متهور ) نور :- يلا يا آنسة سما قومى معايا لو سمحتي سما بتبص للدكتور وبتتكلم بتوتر :- دكتور هو أنا ممكن اخرج حضرتك يعني بعد اذنك الدكتور راشد :- لو عايزة تخرجي اخرجي يا سما أنا هأذنلك تخرجي لأن المحاضرة قربت تخلص بس ياريت بعد ما تشوفي الإنسان اللي بين الحياة والموت تيجيلي مكتبي نور وهو خلاص شوية وهينفجر وهاين عليه يشيل سما ويجري بيها على بره :- قالك امشي اتفضلي اخلصي سما وهي بتقوم علشان تخرج بتبص للدكتور :- متشكرة يا دكتور نور شد أيد سما جامد وخدها وخرج وهي ماشية معاه وهو بيشدها من ايديها جامد وكل اللي في الجامعة بيبصوا عليهم سما :- ايه اللي انت بتعمله ده سيب ايدي الكل بيتفرج علينا انت اتجننت ( سما بتتكلم ونور ما بيردش عليها لحد ما دخلوا العربية ونور قفل الباب جامد بدرجة افزعت سما ولما هو عمل كدة سما بعدها ماقالتش كلمة واحدة لحد ما وصلوا المقطم في مكان هادي متعودين ان لما يكون في مشكلة بينهم أو نور عايز يحكي حاجة مهمة لسما يروحوا المكان ده ) نور نزل من العربية ومشي وقف بعيد شوية و سما نزلت هي كمان وراحت وراه سما :- ممكن افهم ايه اللي انت عملته ده وازاي تجرجرني زي الحمارة كدة من وسط المحاضرة نور بصوت عالي :- علشان انتي فعلا حمارة وماينفعش معاكي غير كدة سما :- نور مسمحلكش تعاملني كدة او تكلمني بالأسلوب ده وانا غلطانة اني جيت معاك هنا مع ان مافيش اى حاجة تربطنا ببعض سما قالت كدة وماشية من قصاده نور مسكها من ذراعها جامد :- قلتلك قبل كدة مليون مرة لما اكون بكلمك ماتسبينيش ولا تديني ضهرك فاهمه وبعدين ايه الرسالة اللي انتي بعتهالي دي ها ممكن تفهميني ماتردي سما :- والله الرسالة دي ردي على اللي انت عملته فيا اليومين اللي فاتوا نور :- أنا وأنا عملتلك ايه ان شاء الله ضربتك رفعت ايدي عليكي سما :- لا حضرتك بتتجاهلني ولا كأني موجودة وكمان غلطت في حقي ومافكرتش تعتذرلي وبعدها كمان لما أنا قلقت عليك حاولت اكلمك مردتش قلت يمكن مشغول بعتلك رسالة بردو ماردتش ورحتلك الشركة علشان اشوفك لقيتك نازل واتصلت عليك علشان تشوفني ونتكلم مع بعض فصلت التليفون ومشيت ولا كان في واحدة قلقانة عليك نور :- سما انتي عارفة انتي عملتي ايه انتي رفعتي ايدك عليا انتي عملتي حاجة قسما بالله لوحد غيرك فكر بس يعملها ادفنه حي سما :- أنا عملت كدة بسبب اللي انت عملته معايا انت اتجرات معايا زيادة عن اللزوم وده كان رد فعل طبيعي نور :- هو فعلا رد فعل طبيعي لما واحد يعمل كدة مع واحدة لا تعرفه ولا يعرفها إنما انتي ملكي وأنا اعمل فيكي اللي انا عايزه فاهمه سما بدموع :- لا مش فاهمه و مش من حقك تعمل كدة أنا اذا كنت بسمحلك تترمى في حضني فا دا لأنك بتكون محتاجله لما الدنيا تديق بيك بس ماكنتش فاكرة أن ده هيخليك تتجرأ على تصرف زي ده نور قرب منها ومسح دموعها :- سما لو سمحتي ما تعيطيش أنا والله ما كنت أقصد احنا نعرف بعض بقالنا اد ايه عمري عملت كدة انا بس علشان مشتقلك اوى وانتي مصممه ما نتجوزش غير بعد ما تخلصي جامعة وأنا تعبت ومحتاجلك جنبي سما :- .......... نور :- خلاص بقا يا سما حقك عليا لو عايزاني ابوس رأسك ابوسها اهوه سما :- بس بقى هو انت كل حاجة عندك بوس واحضان أبعد يا عم كدة نور :- عم!!! تصدقي انتي رخمة بس بصراحة البوسة كانت جامدة ماتجيبي واحدة كمان سما :- نور بطل لحسن والله ما تشوفني تاني نور :- خلاص بهزر معاكي ايه مابتعرفيش تهزري بس يا سما ان عايز اقولك على حاجة سما :- اتفضل قول اللي انت عايزه نور :- انتي دخلتي حياتي عوضتيني عن وجود أمي اللي اتحرمت منها من وأنا صغير وعن الاخت اللي كان نفسي تكون عندي وبقيتي ليا كل حاجة فيا ريت مش اى حاجة تحصل بينا تقولي هسيبك وأبعد عنك لأني مش هسمحلك تعملي كده حتى لو هتكوني ليا غصب عنك فاهمه سما :- حاضر عمري ما هبعد عنك إلا لو انت اللي طلبت مني كدة نور :- وأنا عمري ما هطلب كدة دا انا بعدت عنك اهوه يوم واحد وكنت هموت ولو حضرتك كنتي صبرتي شوية ووثقتي في حبي كنت هجيلك النهاردة واقولك حبيبتي الحقيني بموت من غيرك سما :- بجد يا نور عمرك ما هتبعد عني وتسيبني نور :- يا بت انتي سمايا وانتي عمري ومستحيل ابعد عنك ابدا ودا وعد مني بااااااااااااك نرجع للوقت الحالي سما وهي بتفتكر الموقف دا نامت ومصحيتش غير على صوت المنبه وقامت وجهزت نفسها بعد ما صلت الصبح وخرجت فطرت مع أنس وراحوا على الشركة وأنس راح مكتبه وهي راحت عند قاعة الاجتماعات سما قعدت فى الاستراحة مستنية الاجتماع وشافت واحد دخل وهو متوتر وبعدين خرج كلم السكرتيرة شوية وبعدين خرج في المكان اللي بيطل على الشارع واللي تقدر تشوف منه البنايات العالية سما راحت وراه وكلمته سما بعد ما وقفت جنبه :- على فكرة مافيش حاجة تستاهل التوتر دا كله الشاب :- عفوا انتي بتتكلمي معايا أنا سما بفرحة :- ايه دا انت مصري أنا بحسبك ايماراتي أو لبناني الشاب :- أيوة مصري ايه غريبة دي سما :- لأ طبعا دي حاجة حلوة اوي انا مبسوطة ان في متدرب جديد مصري زيي وبعدين انا ملاحظة أنك متوتر زيادة عن اللزوم دا حيالله اجتماع مش هتتشنق جوه الشاب :- يعني انتي عايزة تفهميني انك مش متوترة سما :- واتوتر ليه طالما واثقة في نفسي وفي شغلي وبعدين لو ربنا مش كاتبلي اكون هنا مش هكون هنا فعادي أنا راضية بقضاء ربنا الشاب :- نظرية حلوة وأنا أتشرفت بمعرفتك ( ومد ايده ليها ) أنا ساهر سما سلمت عليه :- وأنا سما واتشرفت بيك أنا كمان ساهر :-انتي هنا من أمتي سما :- من 5 دقائق أصلي حبيت اكون هنا قبل الاجتماع بشوية ساهر ضحك :- أنا قصدي انتي بتشتغلي هنا من امتي سما :- سوري بحسبك بتسالني عن الاجتماع أنا بشتغل هنا بقالي 35 يوم وانت السكرتيرة جت :- الاجتماع بدأ يا فندم سما :- نهار ابيض زمان المدير دخل يلا بسرعة علشان ما يخدش عننا انطباع غلط (جريت سما على الاجتماع وهو ماشي وراها بيضحك ودخلوا قاعة الاجتماعا والكل قاعد مكانه بانتظار المدير ودخل ساهر وقعد على كرسي المدير ) سما لنفسها :- هو اهبل دا ولا ايه دا قعد على كرسي المدير ساهر :- أحب اعرفكم بنفسي مستر ساهر المدير العام للشركة سما لنفسها :- يا حلاوة (ثم أكمل ساهر حديثه عن العمل وتم توظيفهم وتوقيع العقود بالعمل لمدة سنة في الشركة وخلص الاجتماع) ساهر :- دلوقتي تقدروا تتفضلوا على مكاتبكوا بس استنى انتي يا بشمهندسة سما سما :- أيوة يا فندم ساهر بضحك :- لو كنتي وقفتي دقيقة كمان كنت قولتلك اني في الشركة بقالي سنتين وأنا المدير العام سما :- حصل خير يا مستر ساهر عادي ساهر :- طيب فرصة سعيدة يا آنسة سما وفي إي وقت تحتاجي حاجة أنا موجود سما :- شكرا يا فندم عن اذنك ( سما بقت في القسم اللي أنس هو مديره وطبعا معاها تالين واليوم خلص وهي مع أنس في العربية وحكيت له على الموقف بتاع ساهر ) أنس :- هههههههههههههههههههههههههه يخرب بيتك يا مجنونة انتي أي حد تتكلمي معاه كدة 😂😂😂 سما :- ما خلاص يا عم خف شوية مش نقصاك هي أنس :- عم مين يا ماما أنا رئيس القسم بتاعك يا شطورة 😏 سما :- الكلام ده هناك مش هنا يا اخوية أنس :- بس يا بتاعة ساهر هههه دا انتي مسخرة وربنا ( اشتغلت سما في الشركة بكل ضمير وبكل طاقتها حتى وقت الراحة في الشركة ما كنتش بتاخده وكانت بتقعد تشتغل ومرت الأيام سريعة على الكل إلا سما بتعد الأيام والسعات وهي مستنية على أمل أن في يوم تلاقي نور قصادها يخطفها من دنيتها ويروحوا على الدنيا اللي كانوا بيحلموا بيها ) وفي يوم انس طلب من سما أنهم يروحوا يتغدوا مع بعض بعد الشغل بره وطلب منها تقنع تالين تروح معاهم وطبعا سما ماكنتش عايزة تخرج بس لما عرفت ان أنس عايز يتقرب من تالين فاضطرت توافق علشان تساعده وبالفعل عرضت سما على تالين تتغدا معاها هي وأنس تالين :- حبيبتي انتي وياه راح تتغدوا سوا ليش انا لحتى اكون عازول بيناتكم سما :- هههه عزول مين يا ماما انتي أنس دا اخوية ومتربيين سوى تالين بفرحه :- عم تحكي الصدق سما :- يا لهوى ايه الفرشات والقلوب اللي ملت المكتب دي كلها تالين :- شو عم تقصدي سما :- لا ما تخديش في بالك واه يا ستي أنس اخوية يلا بقى ( وبالفعل نزلوا التلاتة مع بعض تالين وسما وانس وهما في الاصانصير قابلهم ساهر وطبعا ساهر عارف أنس وبيدردشوا مع بعض في أوقات لأنه بصفته رئيس قسم في تعامل بينهم كتير وساهر من الشخصيات اللي بتحب تتعامل مع كل الناس مش من المتحفظين ) أنس :- أهلا مستر ساهر ازيك عامل ايه ساهر :- أهلا يا بشمهندس أنس أنا تمام الحمد لله ثم رحب بتالين وبص على سما وقالها بشمهندسة سما ازيك سما بتوتر وحرج :- الحمد لله ك كويسة الحمد لله ساهر :- وياتري الشغل معانا عجبك أنا عرفت انك في القسم اللى بشمهندس أنس بيديره سما :- الحمد لله الشغل تمام ( كل ده في الاصانصير وأنس واقف معاهم هو وتالين وأنس هيموت ويضحك وماسك نفسه بالعافية لأنه افتكر الموقف اللي سما حكيتهوله وأول ما خرجوا من الاصانصير وساهر استأذن ومشي أنس عند عربيته وقع من طوله من كثر الضحك ) سما وهي بتضرب أنس على كتفه :- قوم هتفضحنا الناس بتتفرج علينا بقى ده شكل مدير يا ناس تالين :- طيب ممكن تحكيلنا انت ليش عم تضحك أنس لسه بيضحك وبيشاور على سما وفي الاخر انس قام ودخلوا العربية وراحوا المطعم سما :- ماشي يا أنس بس لما نروح البيت هخليك تضحك من قلبك أنس وهو بيضحك :- ك ك ك كويسسة ههههه😂😂 سما :- كمان بتتريق عليا تالين :- سما احكيلي انتي شو صاير أنس :- اصبري بس انا هحكيلك وحكالها علي الموقف باختصار وفي الوقت ده كانوا وصلوا المطعم وتالين وأنس عمالين يضحكوا وأول ما وصلوا اتفاجئوا ان ساهر كمان بيتغدا في نفس المطعم ساهر :- حلوة بجد الصدفة دي اتفضلوا بقى اتغدوا معايا أنس :- لا مش عايزين نتطفل على حضرتك خليك مرتاح ساهر :- لاحظ أن أذا كنت انت مدير قسم فأنا مدير الشركة اتفضل اقعد ( وقعدوا كلهم مع بعض وطبعا سما سابت تالين تقعد قصاد أنس وقعدت هي قصاد ساهر وعاملين يتكلموا ) ساهر :- بشمهندس أنس هو انت كنت بتضحك على ايه لما خرجتوا من الشركة أنا شفتك وانت قاعد وعمال بتضحك وبجد عايز اعرف ايه بيضحكك اوى كدة أنس بص لسما اللي جابت ألوان احمر في اصفر وفضل يضحك ساهر ضحك :- اوه أنا كدة عرفت انت كنت بتضحك على ايه ( بص لسما ) هو انتي حكيتيله الموقف سما وهي بتبص لأنس بغيظ :- للأسف ايوة أنس :- هههههه ماتبصليش كدة علشان بخاف سما :- بتخاف معلش يا أخوية بس لما نروح بس شوف مين هيحوشك عني ساهر :- ايه دا هو انتوا عايشين مع بعض أنس :- للأسف عايش معاها في بيت واحد ساهر :- وعلي كدةانتوا تعرفوا بعض من قبل ما سما تشتغل في الشركة أنس :- طبعا سما أختي الصغيرة وأنا اللي مربيها على ايدي وأنا اللي طلبت منها تيجي تشتغل هنا سما :- وأنا اقول انا طلعت مش متربية ليه اتاري بسببك تالين :- لا بجد دي حاجة حلوة جدا سما وأنس بصوا لتالين :- انتي اتكلمتي مصري تالين :- طيب وشو المشكلة انتي معي بنفس المكتب صارلك شهرين ومستر أنس أنا من يوم ما وصلت الشركة من 6 شهور وهو بيحكي معي مصري وكمان انا عندي صحاب كتير مصريين أنس بس لتأبين بانزعاج :- والصحاب دول يا تري بنات ولا شباب تالين :- يعني من الصنفين مشكل ( في اللحظة دي سما سرحت وتاهت بتفكيرها وعنيها ظهر فيها حزن شديد ما حدش اخد باله منها غير ساهر اللي قاعد قصادها ) سما :- يا نهار ابيض أنا نسيت حاجة مهمة اوى فى الشركة ولازم أرجع أجيبها أنس :- نعم ايه يا ماما الاستعباط ده احنا لسه جايين حاجة ايه اللي انتي نسيتيها سما :- حاجة مهمة جدا خليكوا انتوا وأنا هجيبها و هروح أنس :- لأ طبعا انتي ماتعرفيش حاجة هنا خالص اصبري شوية نخلص اكل كلنا ونمشي سما برجاء :- أنس بلييييز خليني امشي والله هبقى كويسة ماتقلقش عليا ساهر اتكلم قبل ما أنس يتكلم :- خلاص يا جماعة أنا هوصلك يا بشمهندسة سما أنا خلصت أنس :- لا ما ينفعش نتعب حضرتك ساهر :- لا مافيش تعب أنا هعدي على الشركة هخلص شوية بسرعة تكون هي جابت الحاجة بتاعتها واوصلها للبيت يلا يا بشمهندسة سما :- خلاص يا أنس ماتقلقشي وأول ما اروح هكلمك أنس :- خلاص يا سما روحي وخلي بالك من نفسك ( ومشيت سما مع ساهر وبقيت تالين مع أنس ) عند أنس وتالين تالين :- طيب ليش هيك ما كنا رحنا وياهم أنس. :- انتي هترجعي لليش وهيك تاني ليه خليكي في المصري شوية ممكن تالين :- اوك انس :- تالين ممكن اسالك سؤال تالين* اتفضل اسأل أنس :- انتي مرتبطة يعني في حد في حياتك تالين :- لا مش مرتبطة ومافيش حد في حياتي أنس :- طيب ليه انتي انسانة جميلة ومحترمة ومليون واحد يتمناكي تالين :- صراحة ما بفكرش في الموضوع ده لانى عايزة ابني مستقبلي وابقى مهندسة كبيرة أنس :- طيب بصي يا تالين من غير لف ودوران أنا معجب بيكي وعايز ارتبط بيكي ________________ في العربية عند ساهر وسما ساهر :- مش عايزة تقولي هربتي ليه سما :- هربت !! وأنا ههرب من ايه ساهر :- على فكرة انتي مابتعرفيش تكذبي واللي جواكي بيبان في عنيكي سما :- مستر ساهر ممكن تقف على جنب ( ساهر وقف بالعربية راحت هي نازلة ومشيت فنزل هو كمان مشي وراها بسرعة ومسكها من دراعها ) ساهر :- سما انتي بتعملي ايه استني سما شدت أديها منه :- وانت مال أهلك زعلانة ولا هربانة ومالك باللي يبان في عنيا وبعدين انا اسمي البشمهندسة سما وغور بقى من هنا بدل ما اعمل فيك جر\يمة سابته ومشيت وهو اتصدم من اللي هي عملته وركب عربيته ومشي هو كمان ______________________ ال5💮 ______________________ رجعت سما للبيت لوحدها وهي بتقول لنفسها ( خلاص يا دموعي أرجوكي اصبري شوية متنزليش خلاص كلها كام دقيقة وابقى لوحدي وانزلي مش همنعك ) وأول ما دخلت قبلتها مديحة سما :- سلام عليكم عاملة ايه يا طنط مديحة :- الحمد لله يا حبيبتي كويسة أومال انتوا رجعتوا بدري ليه مش قولتوا هتتغدوا بره سما :- ما أنا اتغديت يا طنط وجيت علي طول علشان عايزة انام أما أنس خليته يقعد يكمل غدا مديحة :- طيب يا حبيبتي ادخلي نامي شوية وأنا هبقي أصحيكي علشان نتعشى سما :- لا يا طنط أنا اكلت كتير النهاردة متصحنيش علشان جعانة نوم مديحة :- حاضر يا حبيبتي أدخلي دخلت سما أوضتها وأول ما دخلت راحت على الحمام وفتحت الدوش على المياه الباردة ونزلت تحته بهدومها وهي بتبكي وبتبكي بحرقة آااااااااااااه آااااااااااااه يا نور يا نور أرجع بقى كفاية كدة انا بموت مش قلة ثقة فيك دا ضعف منى انا أنا بنهار كل حاجة فيا مشتقالك حتى حضني اللي لما الدنيا تضايقك بيكون هو امانك مشتاق لك حتى عيوني مشتاقة تشوفك كنت دايما بتقولي أني لما ببعد عنك شوية بس الكون كله بيوقف من حوليك معقولة كل ده لسه الكون موقفش لسه ما حستش بالوجع اللي في قلبي اآااااااااااااه آاااااااااه وبعد وقت طويل من البكا والنواح على اللي راح خرجت من الحمام وغيرت هدومها ونامت في السرير وهي بتفتكر مواقف ليها مع نور علشان تقدر تروح في النوم فلاش بااااااااااك نور :- مين اللي حضرتك كنتي واقفة معاه ده سما :- يا حبيبي دا زميلي في الكلية وكان بيسألني على حاجة في المنهج نور بعصبية :- سمااااا أنا حزرتك قبل كدة مافيش حاجة اسمها زميلي ومافيش صحوبية او إي كلام مع أي شاب خلقه ربنا غيري انا وبس سما :- يا نور والله ما بقف مع حد ولا بتكلم مع حد هو بس كان بيسألني على حاجة وماكنش ينفع أقول لأ علشان كان هيحتقرني ويقول عليا بتكبر عليه نور :- وهو يقول عليكي متكبرة بتاع ايه ويقول عليكي حاجة ليه من الأساس ماهو انتي لو عاملة حدود للتعامل مع الكل ماكنش اتجرأ وكلمك في حاجة إنما انتي بتتشيكي وتلبسي كويس ولا اللي رايحة فرح مش الجامعة كله منك أنتي سما :- بس بقى يا نور حرام عليك غيرتك دي بقت فظيعة ومش قادرة استحملها وبعدين اللبس ده حضرتك اللي مختاره معايا ( عيطت والدموع نزلت على خدها )وأنا ما بلبسش لبس غير اللي يناسب الجامعة وبنفز كل اللي انت بتقوله نور :- انتي بتعيطي ليه دلوقتي قولتلك لما اكون بتكلم معاكي مش عايز اشوف دموعك سما ............... نور :- يا حبيبتي اسف غصب عني مابحبكيش تتكلمي مع أي راجل في الدنيا وبتعصب من كدة وبعدين انتي زعلانة من غيرتي عليكي سما :- لا يا نور أنا زعلانة علشان ما بتثقش فيا نور :- سما أحنا اتكلمنا في الموضوع دا قبل كدة قولتلك اني بثق فيكي أكثر من نفسي بس انا ما بثقش في الناس اللي حوليكي افهمي بقى يا حبيبتي سما :- حاضر يا نور هعمل اللي انت قولتلي عليه نور :- قلب نور وعقل نور و عمره وروحه ما بحبكيش تبكي علشان قصاد دموعك بحس اني ضعيف وعاجز بااااااك سما استسلمت للنوم واللي هو دايما ما بيشوفش عيونها إلا وهي بتفتكر حياتها مع نور (في مصر ) نور :- يا بابا أنا قلت لحضرتك اني مش هتجوز خالص انت طلبت مني أبعد عن سما بعدت عنها خالص وطلعتها من حياتي إنما اني ادخل واحدة تانية حياتي ابدا محمد عز أبو نور :- لو كنت طلعتها من حياتك فعلا كنت وافقت تتجوز البنت اللي انا اخترتهالك نور :- بابا لو سمحت انت عارف كويس انك بتطلب حاجة مستحيلة فبلاش تطلبها بلاش يا بابا أحسن ليا وليك ________________ سما صحيت من النوم قبل الفجر بساعة لأنها نامت بدري وقامت اتوضت وصلت ركعتين لله وقعدت تفكر في اللي حصل امبارح سما :- دا أنا عكيت الدنيا حتة عكا معكتهاش قبل كدة دا لو رفدني هيبقى حقه دا أنا كسفته وهزقته طيب بس انا كنت يعني هعمل ايه كنت هقعد واحكي معاه وييجي نور بقى بعد كدة يعرف أني اتكلمت مع حد غريب يقت\لني فيها طيب بس كدة هخسر شغلي ودي الحاجة الوحيدة اللي بتشغلني شوية وبتصبرني على فراق نور خلاص أنا هروح الصبح أعتذرله وأخلص وهو شكله كيوت وهيسامحني بسهولة كدة خلاص المشكلة دي اتحلت نروح للمشكلة التانية يي مشكلة ايه تاني أنس أنا بقيت حاسة اني عبأ عليه دا مبقاش بيخرج مع صحابه زي قبل ما أنا اجي وكمان مش هيعرف يقرب من تالين طول ما أنا عقبة في طريقه طيب بس هعمل اإيه يعني ما أنا ما أعرفش حاجة هنا علشان أروح وأجي لوحدي لازم أتعود ماهو طول ما أنا بعتمد عليه مش هعرف حاجة بس خلاص الصبح أنا هروح الشركة لوحدي واقوله أني كان لازم أروح بدري اوك كدة خلاص مافيش مشاكل تاني ( وقامت من على سجادة الصلاة وبعد ما قامت رجعت قالت ) فكري يا بنتي لحسن تكون في مشكله كدة ولا كدة لا مافيش أتطمني يا نفسي وحتى لو في هحلها هو أنا أي حد ولا أيه _______________ وبالفعل نزلت سما بدري عن معادها بعد ما عرفت مديحة أنها عندها حاجات مهمة لازم تعملها وطلبت منها تعرف أنس ووصلت سما الشركة وأول حاجة عملتها طلعت عند سكرتيرة المدير العام وطلبت منها إن لما المدير ييجي تقابله و السكرتيرة قالت لها هسأله وأشوف مواعيده وأبلغك ونزلت سما لمكتبها قعدت فيه تشتغل شوية وبعد نص ساعة جت تالين تالين :- إيه دا سما جاية قبلي مش ممكن دي أول مرة تحصل سما :- قولي بس الله أكبر وسمي الله كدة علشان متبقاش أخر مرة تحصل تالين :- وليش بقى هالنشاط كله سما :- يا ستي ولا حاجة بس أنا كل يوم بنيجي أنا وأنس سوى بس بصراحة بقى أنا عايزة أعتمد على نفسي شوي ( وهما بيتكلموا سوى رن تليفون المكتب وردت سما وكانت السكرتيره بتطلب منها تطلع علشان تقابل مستر ساهر وفعلا طلعت وخبطت على الباب وأذنلها ساهر بالدخول ودخلت وهي مرعوبة ومتوترة ) ساهر :- أتفضلي أقعدي يا بشمهندسة سما سما :- مستر ساهر أنا بعتذر لحضرتك على الموقف اللي حصل أمبارح ساهر :- مافيش حاجة حصلت أنتي معاكي حق أنا ماليش أتدخل فيكي وبعدين ماتقلقيش وتتوتري أوي كدة اللي بيحصل بره الشركة ملهوش دعوة بالشغل سما لنفسها يخربيتك عرفت أزاي أن أنا بفكر كدة ثم قالت له :- أنا عارفة أني غلطت حتى لو مكنتش عايزاك تدخل كنت ممكن أطلب دا منك بس باسلوب كويس وبجد لو ماقبلتش أعتذاري هيفضل ضميري يآنبني ساهر بمكر مرح :- أنا ممكن أقبله بس بشرط سما ( اأووووف وأنا اللي فاكرة نفسي أستغلاليه ) :- أتفضل يا مستر ساهر تحت امرك ساهر :- تحكيلي ليه زعلتي أمبارح وأيه خلاكي تخترعي حجة علشان تمشي سما يا اآختيييييييي :- بس حضرتك أنا دلوقتي عندي شغل ولازم أنزل ساهر :- خلاص نتقابل في وقت الراحة سما لأ بقى دا مستقصدني :- بس حضرتك والله أنا ما بخدش وقت الراحة دا لأني بيبقى ورايا شغل كتير ساهر :- والله اأنا ماليش فيه ماهو أنا لازم أعرف السبب اللي أتهزقت علشانه سما (هو خلاص حلف طلاق تلاته لازم يعرف خلاص يا بنتي هوديه خلينا نخلص) :- خلاص يا مستر ساهر أول ما أخلص الورق اللي معايا نتقابل تحت في الرسبشن عند كفترية الشركة ساهر :- طيب هاتي رقمك علشان ابقى اكلمك قبل ما أنزل وقبل ما تتكلمي أه لازم ( وفعلا أدته رقمه وهي بتقول لنفسها أنسان ثقيل وفضوله هيموته. وفي أثناء نزولها لمكتبها كان أنس وصل وراحلها مكتبها ملقهاش وقلق عليها متكونش جت الشركة وسأل عنها ) أنس :- بشمهندسة تالين هي سما ما وصلتش تالين :- وصلت حضرتك بس هي ( ولم تكمل جملتها لأن سما وصلت مكتبها) سما :- لأ يا مستر أنس البشمهندسة سما وصلت من ساعة أنس :- لأ والله ولكي عين تتكلمي حضرتك ما بترديش على التليفون ليه وجيتي لوحدك أزاي سما :- أهدى يا أنس أحنا هنا في مكان شغل أنس :- ماشي يا سما لما نروح البيت نتكلم ( ( ومشى أنس على مكتبه وساب سما متعجبه من عصبيته الزائدة دي وبعد ما مشي ) سما :- تالين هاتي الورق اللي طلبتي منى أشتغل فيه تالين :- ............ سما :- تالين تالين تالييييين تالين :- شو صايرلك ليش عم تعيطي عليا سما :- إيه أعيط عليكي وأنا هعيط ليه وانتي كانت أكلتك عربية دا إيه اليوم اللي باين من اأوله ده 😠😠😡 تالين :- تعيطي يعني تزعقي بس بالبناني سما :- ولما دي هي دي ما تقولي اللي أقدر أفهمها وتريحي نفسك وتريحيني معاكي تالين :- المهم شو بدك سما :- ولا أي حاجة سلامتك ( و اشتغلت سما شوية وبعدين جه وقت الراحة وخرجت من مكتبها راحت مكتب أنس وخبطت ودخلت) سما :- ممكن أفهم حضرتك متعصب ليه من الصبح لحد دلوقتي. أنس :- وهو أنا أهمك في إيه علشان تسألي ما أنتي ولا بيهمك قلقي ولا زعلي علشان بتتصرفي من دماغك سما :- أخص عليك يا انس بقى أنت اللي بتقول كدة أنس :- يا سما غصب عني أنتي ماتعرفيش حاجة هنا وأنا عارفك متهوره وخايف عليكي سما :- بس يا أنس سما المتهوره بتاعة زمان أنتهت وخلصت خلاص وأنا عايزة أعتمد على نفسي وأروح وأجي لوحدي وأعتمد على نفسي ولو بتحبني بجد وعايزني أبقى مبسوطة ريحني أنس :- ماشي يا سما هعمل كدة بس على شرط ما تروحيش أي مكان ولا تعملي حاجة من غير ماتعرفيني سما :- حاضر ممكن بقى تقولي عملت إيه مع تالين أمبارح أنس :- لازم تعرفى سما :- أيوة طبعا فلاش بااااااااااك أنس :- تالين من غير لف ولا دوران أنا معجب بيكي وعايز ارتبط بيكي تالين :- إيه حضرتك فاجئتني أنس :- بس أنا مش عايز أفاجئك أنا عايز ردك وياريت تكوني صريحة معايا تالين :- باشمهندس أنس أنا صريحة مع حضرتك أنا مش معترضة عليك بس أنا حاليا عايزة أركز في شغلي علشان أنا عايزة أكبر في مجالي فلو أجلت طلبك شوية هيكون أفضل وياريت تعذرني أنس :- ولا يهمك دا حقك وصدقيني أنا جنبك وقت ما تحتاجيني هتلاقيني باااااااااااااااااااك سما :- طيب كويس دي حاجة في حد رأتها حلوة أنس :- بت أنتي عبلة بقولك رفضتني بالذوق سما :- يا حبيبي مارفضتكش قالتلك أجل طلبك وفي فرق كبير معنى كدة أن هي موافقة عليك بس مش عايزة تشغل نفسها بأرتباط دلوقتي أنس :- تفتكري كدة سما :- كدة وأبو كدة وعن أذنك أروح بقى أشوف ورايا إيه ومتعديش عليا وأنت مروح أوك أنس :- خلاص فهمت أوك روحي بقى على مكتبك ( ورجعت سما مكتبها وطحنت نفسها شغل وفي أخر اليوم أتصل عليها أنس يعرفها أنه ماشي وقفات معاه وشوية وأتصل بيها ساهر يبلغها أنه نازل وفعلا نزلوا وقعدوا مع بعض ) ساهر :- قوليلي بقى إيه اللي حصل سما :- بص بأختصار لما أنس سأل تالين عن صحابها شباب ولا بنات أنا أفتكرت حبيبي لما كان بيمنعني أكلم شباب بس هو دا كل الموضوع . ساهر :- حبيبك !!!!!! _____________ ال6 ____________________ ساهر / حبيبك هو أنتي عندك حبيب سما / أيوة عندي حبيب ومش أي حبيب دا أغلى حبيب ساهر / طيب هو فين وأزاي يسيبك لوحدك كدة من غير ما يكون جنبك سما / كل واحد عنده ظروفه ومشاغله وهو رجل أعمال كبير في مصر ولازم يهتم بشغله ساهر / طيب وهو سمحلك تسافري كدة عادي و تيجي تعيشي هنا سما / على فكرة أحنا أتفقنا على أني أحكيلك على سبب زعلي أمبارح مش على سبب وجودي في دبي ساهر / بس أنا بجد عايز أعرف حكايتك إيه وإيه سبب هروبك من مصر سما / هروبي من مصر. ليه حد قالك أني قت\لت قتيل وهربت ولا ايه ساهر / إنتي عارفة أنا قصدي إيه أنا قصدي هروبك من مشاكلك واللي هي أكيد مع حبيبك واللي هو أغلى حبايبك سما / أستاذ ساهر ياريت ما تدخلش في الموضوع ده لأني بجد مابحبش أتكلم فيه مع أي حد أوك ساهر / أوك بس ممكن أطلب منك طلب سما / أتفضل أطلب ساهر / ممكن تقبلي نبقى صحاب يعني تعتبريني صديقك سما / ههههههههههههه أنا لسه قايلة لحضرتك ان حبيبي كان بيرفض اني أتكلم مع أي شاب دا ممكن يقت\لني لو عرف أني قاعدة معاك دلوقتي تقوم تقولي نبقى صحاب ساهر / بس هو مش موجود دلوقتي ومش معاكي علشان يعرف عنك حاجة أو يحاسبك على حاجة سما / مين قالك أنه مش معايا وأنه مش موجود بالعكس دا معايا في كل لحظة وحتى لو مش موجود لازم أنفذ كلامه وإذا كنت قعدت معاك دلوقتي دا علشان تقبل أعتذاري مش أكتر عن أذنك ( وقامت علشان تمشي ) ساهر / سما لو في يوم حبيتي تتكلمي معايا أو أحتجتي لصديق جنبك أنا موجود سما / شكرا يا مستر ساهر ( مشيت سما وكمان ساهر مشي بس تفكيره كله كان في سما!!!!! عايز يعرف حكايتها إيه وليه عنيها دايما ملينين حزن وبتمر الأيام وسما بتتقدم في شغلها وبدأت تخطيط لمشروعات لوحدها وكمان بقت تنزل أوقات لمواقع العمل وبقت بتشتغل شغل أضافي كتير وطبعا الشغل ده كان بمقابل مادي كبير بس سما ماكنش يهمها الفلوس بقدر ما يهمها أنها تشغل نفسها عن التفكير في أي موضوع تاني ومر شهرين كمان وسما بقت مهندسة شاطرة في شغلها والكل بيشهدلها بكدة وبدأت تتعامل مع ساهر شوي بسبب الشغل وفي يوم كان في شغلانة كبيرة وسما كانت نفسها هي اللي تقوم بيها بس أنس رفض وقالها أن ده مش مسموح لأن هي لسه ما كملتش 6 شهور في شغلها ومعندهاش خبرة كافية علشان تنفذ الشغل ده وأن العميل اللي هينفزولوا الشغل ده مهم جدا رسما قررت أنها هتروح تقابل ساهر وتطلب منه يوافق على أن هي اللي تقوم بالمشروع ده لوحدها ) ساهر / بس أنتي مش شايفة يا أنسه سما أن الشغل ده صعب عليكي وأنك لسه مبتدأة سما / يا فندم أنا عايزة فرصة بس علشان أقدر أثبت وجودي أرجوك ساعدني ساهر بعد تفكير / موافق بس على شرط سما بفرحه / موافقة من قبل ما اأعرفه ساهر / لازم تعرفيه مش يمكن ترفضي سما / لا طبعا مش هرفض وعمتا إيه هو ساهر / أعرف حكايتك مع حبيبك من أول ما عرفتيه لحد ما جيتي هنا سما / ودا إيه داخله بالشغل يا مستر ساهر ساهر / والله دا شرطي وأنتي حرة سما بعد تفكير / خلاص أنا تحكي لحضرتك كل حاجة بس أستلم شغل المشروع دا لوحدي برسوماته والإشراف على تنفيذه ساهر / أوك تحبي نبدأ كلام أمتي لأني عايز أعرف قبل ما المشروع يبدأ علشان ما تتشغليش بيه أو عنه سما / أوك أمري إلى الله هحكيلك كل حاجة ساهر / أمتي سما / النهاردة لو عايز بس أستلم المشروع بسرعة الله يخليك ساهر / طيب أوك تعالى معايا هوريكي الموقع بتاع المشروع ونتكلم كمان ( وخرجوا الإتنين وسما شافت الموقع وكانت مبهورة بيه وفرحانة أنها هي اللي هتعمل المشروع دا لوحدها بدون مساعدة أنس أو تالين أو غيرهم وبعدين ساهر أخد سما وراحوا مكان هادي شبه الكورنيش اللي في مصر وبدأت سما تحكيله ) سما / بص يا مستر ساهر أنا قابلت حبيبي واللي هو أسمه نور من سنتين و 6 شهور كنت رايحة الجامعة وبابا كان نسي أوراق مهمه تخص شغله في البيت وطلب مني أوديهاله قبل ما أروح الجامعة و وفعلا عديت على بابا في الشركة فلاش بااااااااااك (سما ماشيه بسرعة وهي بتخرج من الشركة علشان خايفة تأخر على المحاضرة خبطت في نور جامد ) سما / أنا أسفة ما أقصدش نور / ولا يهمك حصل خير (سما قلبها دق جامد أول ما عنيها جت في عين نور وحست كأن عقلها أتخطف وبعدها خرجوا هما الاثنين رسما فاقت من شرودها وبتكلم نفسها ) شكل الدكتور هينفخني النهاردة قدام الدفعة كلها لأني مش هلاقي تاكسي دلوقتي أبدا بسهولة نور وقد سمع ما قلته سما :- على فكرة يا أنسة أنا طريقي قريب من جامعة القاهرة لو تحبي أوصلك في طريقي سما :- لا شكرا لحضرتك أنا هستني تاكسي نور وهو مبتسم :- بس أنتي فعلا مش هتلاقي تاكسي بسهولة فاركبي أوصلك بدل ما تتأخري على محاضرتك سما :- أنا بجد متشكرة لحضرتك نور :- لا شكر على واجب ( وركبت سما معاه العربية وطول الطريق بيهزووا ويضحكوا وأتعرفوا على بعض ونور كان مرتاح لسما جدا وحس جواه بأحساس غريب أول مرة يحسه وكان مبسوط جدا ومش عايز الوقت يخلص بس للأسف وصلوا الجامعة ونزلت سما جرى و راحت على المحاضرة بعد ما شكرت نور بس نور بعد ما دخلت فضل وراها مراقبها وبعدين مشي لكن ما بطلش تفكير فيها وكل ما يفتكر شكلها ولا شعرها الطويل الحرير ولا ضحكتها اللي سحرته يحس أن قلبه طائر في السما ولم يختلف الأمر عند سما أبدا لأن هي كمان كانت فرحانة جدا ومبسوطة ومن رآها بتتمني أنها تقابله تاني ) وفضل نور بعدها كام يوم يراقب سما وعرف عنها حاجات كتير وعرف أنها كانت في الشركة في اليوم دا عند باباها ودا عرفه بسهولة لأن الشركة دي بتاعة واحد صاحب نور وهو كان هناك بيخلص شغل معاه بينه وبين شركته المهم بعد أسبوع من مراقبة نور لسما قرر يقابلها تاني بعد ما تخلص محاضرتها وفعلا شافها وهي بتخرج من الجامعة وراحلها نور :- أنسة سما عاملة إيه أنا نور فكراني أنا قابلتك زي النهاردة سما :- أستاذ نور طبعا فكراك عامل إيه نور :- كويس الحمد لله أنا كنت ماشي من هنا شوفتك من بعيد وأنتي خارجة قلت أجي أسلم عليكي ( وبكدة أبتدا الحوار يكبر بينهم بسبب أعجاب من أول نظرة ودقة قلب من أول ما العين جت في العين وبقوا يتقابلوا دايما و تبادلوا أرقام الموبيلات وبقوا بيتكلموا مع بعض كتير جدا وتقريبا سما ما كنتش بتعمل حاجة من غير ما تقول لنور عليها وسما أتعلقت بيه وبقت بتحبه بجنون بس كانت خايفة تقوله على مشاعرها يكون هو مابيحبهاش ويبعد عنها وكذلك نفس الكلام عند نور. بس نور أعتزم أمره أنه هيصرحلها بحبه يوم عيد الحب ويطلب منها الجواز لأنه خلاص مابقاش قادر يعيش من غيرها وفعلا جه يوم عيد الحب ونور طلب منها أنها تخرج معاه وسما وافقت ونور أخدها ولأول مرة على المكان اللي في المقطم اللي منه تقدر تشوف منظر جامد وفي نفس الوقت مكان هادي ونور بيرتاح في المكان دا جدا ) نور / سما أنا بحبك ومش بس بحبك أنا بموت فيكي وبعشقك سما / إيه أنت بتقول إيه أنا بحلم صح نور / لا يا حبيبتي مش بتحلمي أحنا فعلا مع بعض وأنا بقولك بحبك وهموت وأسمع الكلمة دي منك بتحبيني يا سما سما / لأ يا نور أنا مش بحبك أنا بموت فى حبك أنا مجنونة بيك يا نور نور / بجد يا سمايا بتحبيني سما / إيه سمايا نور / لأ سمايا أنا الياء دي عايدة ملكيتها عليا أنا سما / سماك بتموت فيك يا ( نورسماك ) ( نور ركع قدامها على ركبته وطلع خاتم من جيبه وقالها تتجوزيني يا سمايا ) سما وشها جاب ألوان / إيه جواز كدة علطول أحنا مانعرفش بعض غير من شهرين نور أتصدم من ردها وقام وقف / بس أنا حبيتك من أول ما عيني جت في عينك من أول مرة شوفتك فيها سما / وأنا كمان والله حبيتك من أول ما شوفتك نور / طيب لما أنا وأنتي بنحب بعض ليه ما نتجوزش دلوقتي سما / نور أنت ناسي جامعتي و دراستي نور / طيب ومين قالك أني همنعك عن جامعتك و دراستك سما / أنا عارفة أنك مش هتمنعني بس أنا مش عايزة يكون بينا حاجة رسمي غير لما أتخرج بااااااااك ساهر / طيب وأنتي إيه اللي يخليكي تقولي كدة طلاما هيخليكي تكملي دراستك سما / لأني كنت متفوقة في دراستي جدا وبابا طول عمره بيحلم أني أكون مهندسة و أنا وعدته أني أحققله حلمه و أنا عارفة نفسي مش هقدر على الجواز والدراسة ساهر / طيب ليه ما أتخطبتوش لحد ما تتخرجي سما / أنت أصلك ما تعرفش نور دا كان قبلها مجرد صديقي وكان خانقني أومال لما يبقى خطيبي وبعدين صراحة أنا كنت قلقانة لأن هو طبعه عصبي جدا وقلت أننا لازم نتعود على طبع بعض قبل ما نتجوز ساهر / طيب وهو وافق على كدة سما / طبعا رفض و ساعتها روحني و فضل يومين بعدها ما يكلمنيش أبدا ولا ييجي يشوفني وأنا كنت زعلانة جدا. وما بتكلمش مع حد بس بابا حس بيا و أتكلم معايا وأنا حكيتله عن كل حاجة ساهر / طيب وباباكي كان رده إيه سما / بابا أكتر حد في الدنيا بيفهمني ودايما بيقف جنبي في أي قرار أنا بقرره وساعتها قالي أنه لو بيحبني بجد هيوافق ساهر / طيب وإيه حصل بعد كدة سما / قبل ما بابا يخلص كلامه كان نور بيتصل بيا وأنا طبعا جريت على التليفون رديت وساعتها قالي أنا تحت البيت أنزلي علشان عايز أشوفك بس ساعتها بابا رفض أني أخرج وقالي خليه هو يطلع وفعلا أنا قولتله كدة وهو ماصدق ساهر / طيب لما طلع حصل إيه سما / فضل يتكلم مع بابا شوية وبعدين أتفقوا إن أول خميس بأذن الله بعد تخرجي إذا كان هو لسه عايزني ييجي يتقدملي هو و أبوه ورد عليه ساعتها نور وقاله إنه بيحبني وهيستناني لو العمر كله وبابا أعجب بيه جدا بس في نفس الوقت ماما كانت ضد رأيي أنا وبابا وقالت أنه ماينفعش نفضل مع بعض من غير أرتباط رسمي بس بابا قالها إن دي حياتي ولازم أقرر لوحدي ساهر / طيب بعدها حصل إيه تاني كان بيتعامل معاكي أزاي سما / كان بيخاف عليا جدا وبيهتم بيا أوي وبيغير عليا بطريقة فظيعة وكان مانعني منع تام بأني أتكلم مع أي شاب أو راجل وكان بيرفض دايما أني أحط أي ميكب في وشي ساهر / أيوة علشان كدة أنا عمري ما شفتك حاطة ميكب من يوم ماعرفتك سما / صح حتى هدومي منعني ألبس أكتريتهم لدرجة أنه في مرة أخدني على مول كبير وفضل يختار لبس كتير وخلاني ألبسه قدامه ويشوفها عليا ويختار منه اللي هو شايفه مناسب ليا وقالي أن هو دا اللبس إللي أنا هلبسه ساهر / أوعى تقوليلي إنك أنتي قبلتي بكدة سما / هو أنا كنت أقدر أرفض دا كان يقت\لني لأنه على أد ماكان بيحبني على أد ما كان شديد شوية معايا لدرجة إن ماما نفسها بقت بتحبه علشان هو الوحيد اللي بيقدر عليا وكانت بتحاول تقنعني إني أوافق نكتب الكتاب لحد ما أتخرج علشان ما يضيعش منى بس أنا كنت برفض ساهر / يعني مامتك كان عاجبها تحكمه فيكي. وشديته عليكي سما / دا في مرة جالي البيت وكنا أنا وهي بس الموجودين في البيت وكان هيضربني قدامها وهي كانت مبسوطة ساهر / يا مصيبة سودة هي وصلت لكدة طيب كان إيه السبب سما / أنا كنت نشره بوست على الفيس حلو وأنس ساعتها علقلي عليه وأنا قلتله حبيبي منور عامل إيه و هو شاف الكومنت ده رجالي البيت جري وكان هيضربني فلاش باااااااااك نور :- حبيبك وربنا لأكسر التليفون على دماغك سما وهي واقفة ورا مامتها :- والله يا نور أنت مش فاهم حاجة أنا هفهمك نور :- أنا مابفهمش ومن اللحظة دي مافيش فيس كمان وهتقفلي الاكونت بتاعك ده وخلاص أنا قررت سما :- خلاص يا نور طلاما قررت ملعون أبو الفيس على الحب على اللي بيحبوا على غيره بشكل دا ( ورمت الفون في الأرض نزل متكسر وجريت على أوضتها تعيط ومامتها خافت الموضوع يكبر أكثر من كدة ويسيبوا بعض لأن أقيس بينهم علاقة رسمي فشرحتله علاقتهم بي أنس وأهله وأنه بالنسبة لسما أكتر من أخ وأنه هو متربي مع سما وبيحبها زي أخته وأكتر وهو طلب منها تنادي لسما وسما وقتها رفضت تكلمه وأمها طلبت منه يسيبها لما تهدا ) باااااااك ساهر / كل ده علشان كومنت كملي كملي سما / فضلت يومين ما أروحش الجامعة وطبعا أنا كسرت موبايلي يعني مش هيعرف يتصل بيا وكل ما يتصل على تليفون البيت مابرضاش اأني أكلمه ساهر / ليه أنتي قررتي وقتها تسيبيه سما / أسيبه دا أنا كنت أموت أنا بس كنت بحاول أعاقبه على طريقته معايا ساهر / طيب وهو عمل إيه سما / أتجنن وجالنا البيت الساعة 1 باليل وخبط على الباب وكان هيفضحنا في العمارة كلها و ساعتها ماما وبابا صحيوا وفتحولوا الباب وماما كانت متضايقة من تصرفه ده بس وقتها أنا صالحته وهو خلاني أوعده إن مهما حصل بينا ما أبعدش عنه خالص وجابلي ساعتها موبايل أحسن من اللي أتكسر وقالي لو قلت لحد غيره كلمة حبيبي سواء كان أخوية ولا أبوية أنا المسؤولة عن اللي هو هيعمله ساهر / وأنتي أزاي كنتي بتستحملي غيرته المفرطة دي وتحكماته سما / لأن هو حبني بجد وبيخاف عليا وقبل بيا في حياته مع إن هو غني جدا ومليون بنت من الوسط بتاعه تتمناه وكمان وافق علي شرطي وكان بيشجعني على دراستي ويوصلني كل. يوم للجامعة وكمان أنا بحبه وبحب حتى غيرته عليا ساهر / أنا بجد مستغرب طيب أزاي بعد كل ده ويسيبك تيجي هنا لوحدك ويوافق إنك تبعدي عنه سما / لاننا سيبنا بعض و أفترقنا ساهر / أزاي بعد الحب دا كله إيه السبب سما / ................ ____________ السابع ساهر / أزاي بعد الحب دا كله تسيبوا بعض وتفترقوا إيه السبب سما / معرفش ساهر / نعم هو إيه اللي متعرفيش سما / معرفش أزاي سبني بعد كل الحب ده ولا أعرف هو سبني ليه ساهر / طيب هو قالك إيه سابك أزاي فلاش باااااااااااك سما خلصت أمتحانات وفي أخر يوم للامتحانات راجعة البيت مع نور سما / الحمد لله أخيرا خلصت وهبقي المهندسة سما نور / الحمد لله دا انتي طلعتي روحي معاكي أنا كنت خلاص هموت سما / قلبي بعد الشر عنك نور / المهم أنا هسافر يومين شغل بره البلد أن شاء الله اول ما أرجع هاجى على بيتكم علشان اخطبك ونتجوز على طول مافيش وقت تاني هيضيع سما / حبيبي اللي يريحك أنا هعمله أنا ملكك ومافيش حاجة هتمنعني عنك تاني نور / قلبي ربنا يخليكي ليا ( وسافر نور وكان كل يوم بيكلم سما في التليفون ولأن نور كان بيعمل فرع جديد لشركتهم برة مصر غاب شوية في السفرية ونتيجة سما ظهرت ونجحت بتقدير جيد جدا ولسه نور بردو مارجعش وفي يوم اتصل بسما ) نور / سمايا وحشتيني سما / وعليكم السلام ورحمة الله أنا الحمد لله كويسة نور / أنا ماسلمتش عليكي وما قولتش أزيك أنا بقول وحشتيني سما / ما أنا لو كنت وحشتك كنت رجعت بقالك اد أيه مسافر وحشتني اوى نور / حبيبتي والله غصب عني أنا إن شاء الله راجع وأول ما أوصل هكون في بيتكوا علشان تكوني مراتي وأنا بخلص الشغل دا كله علشان أفضالك يا جميل سما / قلبي بجد انا مبسوطة اوى ( وفضلوا يتكلموا شوية مع بعض وأتفقوا أن الخميس اللي جاي خطوبتهم ونور طلب منها تعرف أبوها ان نور هييجي هو وابوه علشان يطلبوا أيد سما وخلصت المكالمة و تاني يوم الصبح سما عرفت أبوها ان بعد بكرة واللي هو يوم الخميس نور هو وابوه هييجوا يخطبوها وعدى اليوم ونور اتصل تاني بسما واطمن عليها وجه يوم الأربع وطول اليوم سما مبسوطة بس في اليوم دا نور ما أتصلش بسما خالص وهي قلقت بس رجعت قالت يمكن كان مشغول ولا حاجة وجه يوم الخميس ) سما وأبوها وأمها ونسمه صاحبتها قاعدين مستنين نور وابوه بس ماحدش جه عادل / يعني مافيش حد جه يا سما لا نور ولا أبوه نسمه / الغايب حجته معاه يا عمي زمنهم جايين سلوى أم سما / إنتي متأكدة أن هو قالك أنه جاي النهاردة سما / أيوة يا ماما متأكدة أنا قلقانة عليه أوي ليكون جراله حاجة لأن من أمبارح موبايله مقفول عادل / ماتقلقيش يا حبيبتي ان شاء الله خير ( وفضل التوتر والقلق موجودين لحد الساعة 12 باليل وماحدش جه خالص ولا نور أتصل والكل دخل نام ونسمه رجعت بيتها وكلهم فعلا قلقانين على نور لأنهم عارفين أنه بيتمني اليوم دا من زمان أوي وسما قررت أنها الصبح هتروح الشركة تسأل علي نور مع أنه مانعها قبل كدة ماتروحش الشركة ابدا وأول ما طلع النهار سما لبست هدومها بس قبل ما تخرج تليفونها رن وكان دا أتصال من نور ) سما / نور حبيبي انت فين وعامل ايه انت كويس جرالك حاجة فيك ايه يا عمري. نور / أهدي يا سما واسمعيني الأول سما / أسفة يا حبيبي أتكلم أنا سمعاك نور / اجهزي وانزلي أنا واقف تحت بيتكوا سما / طيب واقف تحت ليه ما تطلع نور / سما اسمعي الكلام بقى واخلصي أنزلي ( وقفل نور التليفون من قبل ما سما ترد عليه وفعلا سما نزلتله وركبت العربية وأول ما شفته في العربية كانت هتموت وتحضنه بس قالت لما نروح المكان اللي بنتكلم فيه هحضنه ماهو خلاص كلها يومين وهيبقي جوزي وأول ما وصلوا ونزلوا من العربية ) سما حضنت نور جامد وهي بتقوله :- حبيبي وحشتني اوى اوى انت ماتعرفش انا قلقت عليك اد ايه امبارح لما ماجتش ( سما حضناه جامد بس لاحظت أن هو مش حاضنها وأن ايديه جنبه مالفهاش حولين ظهرها) سما / نور حبيبي مالك أنت فيك حاجة نور / لأ مافيش أنا بس عايز أتكلم معاكي شوية سما / أتكلم يا حبيبي سمعاك قول كل اللي انت عايز تقوله نور / سما أحنا لازم نسيب بعض وكل اللي بينا لازم ينتهي سما / نور بطل بقى بالله عليك أنا مش حمل مقالب وهزار نور / سما أنا مابهزرش أحنا ما ننفعش لبعض أفهمي بقي سما / نور أنت عارف انت بتقول ايه نور علي فكرة لو ما بطلتش دلوقتي أنا هسيبك وامشي نور / أنا قلت اللي عندي وانتي حرة ويلا بقى علشان أنا ورايا شغل أركبي علشان أرجعك مكان ما جبتك ( سما مصدومة مش مصدقة حاجة من اللي بتحصل وركبت معاه علشان يوصلها وفعلا وصلوا وسما كانت طول الطريق ساكتة ما بتتكلمش بس ماشالتش عنيها من على نور اللي مابصلهاش ولا مرة ونزلت سما طلعت على شقتهم جري ودخلت أوضتها ومنعت أي حد يتكلم معاها في الموضوع ده ولا يسألها على حاجة وفكرت وقالت إن نور عمره ما يقدر يعيش من غيرها ولا لحظة وقالت أنه أكيد بيمتحنها وعايز يشوف هي هتعمل ايه وأنه أكيد هييجي يصالحها ) وفضلت سما في بيتهم مابتطلعش منه لحد يوم حفلة التخرج وكانت حاسة ان نور هيكون هناك علشان يشوفها ويقولها اد ايه وحشته وأنه كان بيختبر حبها بس كانت المفاجأة أن نور ماراحش الحفلة فسابت سما الدنيا كلها وجريت وهي مرعوبة يكون كل اللي نور قاله كان بجد وراحت الشركة عند نور وطلبت من السكرتيرة تقابله السكرتيرة / يا فندم من غير معاد سابق مقدرش أدخلك ( سما لما لقيت مافيش فايدة جريت على الباب فتحته ودخلت بسرعة قبل ما السكرتيرة تمنعها ) نور / سما أنتي هنا السكرتيرة / والله يا فندم أنا قولتلها ماينفعش تدخل من غير معاد بس هي جريت ودخلت لحضرتك نور / خلاص أطلعي أنتي بره وخرجت السكرتيرة وبص نور لسما وقالها نور / إيه جابك هنا يا بشمهندسة سما سما / نور أنت إيه اللي بتعمله دا أنت ليه بتعمل كدة أنا سماك وحبيتك ليه بتعمل معايا كدة نور / أولا أسمي أستاذ نور ثانيا أنتي كنتي حبيبتي يعني فعل ماضي وأنا معملتش معاكي حاجة أنتي اللي دخلتي مكتبي من غير أستأزان سما وهي بتبكي / نور أرجوك متكلمنيش كدة أنا مقدرش أعيش من غيرك متسبنيش أبوس أيديك نور / لو سمحتي أتفضلي من هنا بدل ما أطلبلك الأمن سما بصوت عالي / طيب ليه أنا عملت إيه يخليك تسيبني وتبعد عني نور / ما عملتيش بس أنا مليت منك ومش عايز اشوفك تاني سما بصوت منهار / طيب ووعودك ليا وكل اللي بنا ودونيتنا اللي هنبنيها سوى نور / أوووووف أنتي معندكيش دم بقولك زهقت منك أطلعي بره ( وطلب السكرتيرة وقالها أرميها برة ومتخليهاش تقابلني تاني ورجعت سما البيت منهارة ) باااااااك ساهر / طيب وأنتي عملتي إيه بعد كدة وأهلك قالوا إيه سما / أنا ماعملتش حاجة بس قلت لأهلي أنه خلاص مافيش نصيب وفضلت في بيتنا ما اخرجش ابدا وقررت اني هستناه لحد ما يعرف انه مايقدرش يعيش من غيري ويرجعلي ويقولي إيه السبب اللي خلاه يسيبني ويبعد عني ساهر / بس أنتي أتحملتي أزاي كل ده أزاي أتحملتي يخرج من حياتك بعد ما كان هو كل حياتك سما / بالأمل أتحملت لأني عندي أمل في الحب اللي كان بينا وفي الوعود اللي وعدنا بعض بيها وكمان لما أنس قالي أن شركتكوا محتاجة موظفين أنا قلت فرصة علشان أبعد عنه وعن المكان اللي هو عايش فيه ويعرف قيمتي وإنه مش هيقدر يكمل من غيري ومن غير حضني وكمان علشان أشغل تفكيري في الشغل شوية لأني لقيت نفسي بضيع ساهر / أنتي عارفة أنا راجل أهوه بس لو حبيت كدة واللي حبيتها. بعدت عني بالطريقة دي ممكن أنتحر سما بضحكة مكسورة/ ههههههههههههه فكرك ما جتش في بالي الفكرة دي بس أنا الحمد لله مؤمنة بربنا وعارفه كويس إن اللي مكتوبلي هشوفه ( خلص الكلام بينهم وبدأ الشغل ومش أي شغل دا شغل صعب جدا بس برغم رفض سما إن أي حد يساعدها كان أنس وساهر بيساعدوها أوقات وكمان تالين بس ضغط الشغل كله كان على سما لوحدها والمشروع ده أخد شهر بحاله مليان بالتعب الكبير جدا وسهر كتير وتفكير أكتر من سما بس فعلا ربنا ما بيضيعش تعب حد والمشروع أتنفذ وعجب العميل جدا و سما أترقت في شغلها واخدت مكافأة كبيرة وأنس قرر يعزم تالين وساهر على العشا في بيتهم وكان من جواه بيتمني أن سما وساهر يقربوا لبعض وفعلا الكل وافق أنهم يتعشوا سوي و اجتمعوا هناك في البيت عند مديحة ) مديحة / والله يا حبايب قلبي نورتونا تالين / الله يخليكي يا طنط ساهر / الله يخليكي يا ست الكل البيت منور بيكي أنتي أنس / يعني إيه منور بالحاجة بس وأنا و سما مضلمينه يعني ساهر / لأ طبعا سما منورة دبي كلها أنس / أه كدة بقى أنا وقعت من قعر الاوفا وضلمت البلد كلها تالين / لأ طبعا يا انس دا أنت نورت الإمارات كلها أنس أتفاجئ إنها أول مرة تقولوا أنس بدون ألقاب ومعرفش يرد واللي ردت سما اللي من أول ما قعدوا كلهم ما بتتكلمش سما / ما تفرحش أوي كدة دي بتجاملك مش اأكتر تالين / لأ والله أنا بقول الصدق ( المهم أستمر العشا والقاعدة الحلوة وطول القاعدة سما بتحاول تقرب أنس من تالين و أنس بيحاول يقرب سما من ساهر وشوية وتليفون سما رن ودخلت أوضتها ترد لأن اللي بتتصل نسمه صاحبتها ) سما / قلبي يا ناس وحشتيني عاملة إيه ردت نسمه بصوت متوتر / أنا الحمد لله كويسة يا قلبي إنتي أخبارك إيه وأخبار شغلك سما / مالك يا نسمه في حاجة حصلت ردي عليا بسرعة نسمه / سما هو أنتي لسه بتفكري في نور وبتستنيه سما / من غير لف ولا دوران قوليلي بسرعة نور حبيبي جراله حاجة نسمه / سما فوقي بقا مابقاش حبيبك هو بطل يحبك دا إذا كان حبك من الأول أساسا سما / نسمه لو سمحتي فهميني في إيه نسمه / البيه اللي أنتي بتقولي إنه كان بيعشقك وإنه هيموت من غيرك شفته قاعد مع واحدة النهاردة في النادي ولما سألت عرفت إنها خطيبته سما / إنتي كدابة دا مستحيل نسمه / والله العظيم دا اللي حصل وأنا صورتلك فيديو وهما قاعدين مع بعض وبيمسك إيديها وكمان أخدتلهم صورتين لما قاموا يمشوا وهو كان ماسكها من إيديها وأنا هبعتهملك على الواتس علشان تصدقي إن هو أساسا نسيكي (وفعلا بعتتلها الصور وسما شافتهم أثناء ما سما في أوضتها بتشوف الصور الكل أستغيبها برة وقامت مديحة علشان تشوفها وخبطت عليها بس سما ماردتش فامديحة فتحت الباب ودخلت بس أول ما دخلت راحت مصرخة أنس وساهر وتالين سمعوا صرخة عالية فراحوا بسرعة على أوضة سما لقيوها واقعة في الأرض وغايبة عن الدنيا كلها تالين بفزع كبير / يا الله شو هالدم الثامن_________________ تالين / شو هالدم يلي عم ينزل من منخاره أنس / سما سمااا ردي عليا ساهر / لازم ننقلها مستشفى بسرعة ( أخدوا سما على المستشفى ودخلت الاستقبال علطول وكان معاها دكاترة كتير جوه وماحدش عارف في إيه أو إيه اللي بيحص وخصوصا إنها كانت لسه بتضحك معاهم والكل كان قلقان لحد ما الدكتور خرج من عندها وقالهم إن الدم اللي نزل من أنفها دا كان في مصلحتها لأنها كانت داخلة على جلطة في الدماغ بس الدم اللي نزل أنقذها وقال إن حالتها دلوقتي مستقرة ونقلوها على أوضة في عادية لانها هتفضل نايمة للصبح ومديحة طلبت من الكل يروح بس تالين رفضت وقالت أنها هي اللي هتفضل معاها وبالفعل بقيت تالين مع سما طول الليل لحد ما أنس وساهر ومديحة راحولهم الصبح وكانت سما لسه نايمة وبعدين سما بدأت تفوق وساهر طلب الدكتور ) الدكتور :- كيفك اليوم سما / الحمد لله كويسة الدكتور / كويس أنتي ضغطك دلوقتي مظبوط بس ياريت بلاش زعل خالص سما / هههه حاضر ( وخرج الدكتور وأنس ومديحة وتالين وساهر بيحاولوا يعرفوا إيه اللي وصل سما للحالة دي ) أنس / يا سما أتكلمي حرام عليكي كدة سما / فعلا حرام عليا (وبدأت سما في العياط بطريقة هيسترية ) ماكنش حب يا أنس ماكنش بيحبني أنس / هو مين يا سما سما / هههه نور ماسك إيديها زي ماكان بيمسك إيدي بيبصلها بعينه بيمشي وإيدها بين إيديه أنس / سما أحنا مش قلنا ما نتكلمش في الموضوع دا تاني مديحة / طيب بس يا حبيبتي متعيطيش تالين / خلاص يا سما بيكفي بكا سما / لأ ' لأ مش كفاية سيبوني أبكي لأن دي أخر مرة هبكي فيها سيبوني أعيط على أحلى أيام عمري اللي ضاعت في الأوهام خلاص مش هضيع لحظة من عمري تاني في اني أعيط ساهر / أبكي براحتك يا سما عيطي عليه براحتك سما بصراخ / بس أنا مش بعيط عليه هو أنا بعيط على نفسي بعيط على دموع غالية نزلت على إنسان رخيص بس خلاص ' خلاص كفاية كدة أنا عايزة أخرج من هنا عايزة أمشي من المستشفى دي مديحة / يا بنتي إنتي لسه تعبانة أستني بس يومين وبعدين أخرجي براحتك سما / يومين ' أنا لازم ألحق اخرج علشان أعوض نفسي ( وتحت أصرار سما وافقوا أنهم يخرجوها من المستشفى ورجعت على البيت وأنس طلب منها ترتاح واخدلها أسبوع أجازة وثاني يوم ما كانت تعبانة تالين راحتلها بعد الشغل ) تالين / كيفك اليوم يا قلبي سما / الحمد لله أحسن من قبل كدة كويس انك جيتي لأني كنت عايزاكي ضروري تالين / حبيبتي أنا تحت أمرك عايزاني في إيه سما / هتنزلي معايا نشتري شوية حاجات ضروري ليا تالين / حبيبتي بس انتي لسه تعبانة أجلى المشوار ده لما صحتك تتحسن سما / تالين أنا الحمد لله كويسة عايزة تيجي معايا تعالى ولو مش فاضية خليكي وأنا أروح لوحدي تالين / حبيبتي أنا تحت امرك بأي وقت ولو عايزة ننزل دلوقتي يلا سما / ماشي أستني هغير هدومي وننزل ( ونزلوا سوى وراحت سما على مول كبير واشترت هدوم كتير أقل ما يقال عنها إنها مثيرة واشترت فساتين سهره قصيرة جدا واشترت ميكب كتير وبعدين راحوا يشربوا حاجة في مطعم في المول ) تالين / بس يا سما أنتي أشتريتي حاجات كتير عمري ما شوفتك بتلبسي زيها وحاجات انتي ما بتستعمليهاش سما / وإيه المشكلة ألبس واستعمل الحياة قصيرة وأنا ضيعت من عمري كتير ولازم اتمتع باللي باقي منه تالين / سما ماتزعليش ربنا يرزقك باللي يعوضك عن الحزن اللي عشتيه سما / أنا مش زعلانة الحمد لله أنا بس عايزة أقولك حاجة مهمة تالين / قولي يا حبيبتي سما / أنس بيحبك بجد وانا حاسة إنك انتي كمان بتحبيه فلو أنا أحساسي صح أحب أقولك أمسكي فيه بأيدك وسنانك لأن اللي زي أنس أنقرضوا من زمان تالين / أنا مش هكدب عليكي يا سما أنا فعلا بحبه بس أنا عندي أحلام عايزة أحققها ومستقبل لازم أبنيه سما / طيب ما تحققي حلمك وانتي معاه وابنوا مستقبلكوا سوى مع بعض ( أتكلموا شوية مع بعض وبعد كدة رجعوا على البيت وتالين وصلت سما لحد باب الشقة لأن كان معاها شنط كتير وبعدين تالين رجعت على بيتها هي كمان وهي بتفكر في كلام سما وحاسة بالخوف إنها فعلا تخسر حد بيحبها أوي كدة وإن ييجي يوم وتبقى فيه زي سما بس وقتها هي هتموت لأنها ملهاش حد أبدا في الدنيا على عكس سما في ناس كتير حوليها بيسعدوها ) أشرقت شمس يوم جديد على سما لكن هذه الشمس مختلفة فهي أشراقة لحياة جديدة قامت سما أغتسلت ولبست هدومها وخرجت راحت الشركة مع إن هي في أجازة مرضية لمدة أسبوع لكن قطعت الإجازة وراحت الشغل تالين / سما جيتي ليه أنتي لسه تعبانة سما / تعبانة إيه يا بنتي تصدقي بالله أنا بقالي 7 شهور أول مرة أحس أني كويسة كدة تالين / حبيبتي ربنا يسعدك وتكوني دايما كويسة ( ساهر عرف إن سما جت الشركة ونزلها حاول يقنعها تروح على البيت بس هي رفضت وأشتغلت وساهر كان مستغرب جدا البنت دي جايبة القوة دي كلها منين أزاي بعد قصة الحب اللي هي حكتهاله دي كلها وبعد إنكسارها ترجع وتبقى أقوى من الأول أما سما فغيرت طريقة لبسها وشكلها حتى شعرها غيرت لونه للاصفر وفيه بعض الخصلات الزرقة وكمان بقت بتحطيم ميكب بطريقة عصرية لدرجة إن لو حد من زمايلها أيام الجامعة شافها مش هيعرفها الكل أتفاجأ من سما الجديدة وكمان كانوا بيشجعوها وخصوصا أنس اللي كان مبهور بالتغيير ده ومبسوط جدا إنها بتعيش حياتها وتخطت موضوع نور دا خالص أما ساهر فكان هو الوحيد اللي مش مقتنع باللي سما بتعمله وعارف بل متأكد أن سما مانسيتش نور لأن كل حاجة هي بتعملها مش بتعملها علشان بتحبها دي بتعملها علشان نور بيكرهها أما سما فكل كلامها مع اللي حوليها هزار وضحك حتى مع نفسها مابقتش بتتكلم وبقت بتشتغل كتير جدا لدرجة إنها أول ما توصل البيت بيبقى نفسها السرير يقابلها على السلم بس برغم كل ده مشاعرها وأحزانها وأوجاعها كانت بطلعها في شغلها وفي يوم العميل اللي هي كانت مسؤولة عن تنفيذ مشروعة وتخطيطه طلب من ساهر يقابلها وساهر عرفها ولما قبلته قالها إنه عايز يبني بيت كبير وعايزها هي اللي تعمل البيت ده وتشرف علي تنفيذه و في المقابل المادي اللي تطلبه وطبعا دي فرصة كبيرة أي حد يتمناها وبالفعل قبلت الشغل ده وساهر طلب منها تاخد أجازة من الشركة علشان تقدر تخلص التصميمات بسرعة ساهر / يا سما لازم تاخدي أجازة علشان تقدري تخلصي المشروع ده وكمان تبدعي فيه براحتك سما / يا ساهر قولتلك أنا مش بحاجة لإجازة أنا هقدر على شغل الشركة والمشروع دا وماتقلقش شغل الشركة مش هيتأثر ساهر / أنتي عبيطة ياسما صح أنتي فاكرة أني خايف على شغل الشركة سما / طيب لو أنت مش خايف على شغل الشركة ليه عايزني أخد أجازة لحد ما أخلص المشروع مع أني أقدر أعمل الاتنين مع بعض ساهر / سما أنتي بتشتغلي بطريقة فظيعة أنتي بقيتي بتشتغلي أد المهندسين اللي في الشركة كلهم ودا مينفعش سما / ما ينفعش أزاي يعني هو دا ضد قوانين الشركة ساهر / لا يا سما دا ضد قوانين الحياة أنتي كدة بتحملي نفسك فوق طاقتها ( وفضلوا يتكلموا شوية وكالعادة سما ماأقتعتش بكلام ساهر ونفذت اللي في دماغها وعملت تصميمات البيت للعميل وفي نفس الوقت شغل الشركة وخلصت التصميمات وعرضتها على العميل و عجبته جدا وبدأ التنفيذ وبناء البيت تحت اأشراف سما وخلص بناء البيت في وقت قياسي ودا أضاف لسما شهره في شغلها وخبرة كبيرة ليها ) أما تالين فكانت بتحاول تقرب لانس إلا أن أنس كان بيحاول يتجاهلها علشان متعلقهوش بيها وبعد كدة ترفضه لحد ما في يوم طلبت منه أنه يوصلها للبيت وهما مروحين علشان تتكلم معاه وفعلا وصلها تالين / أنس هو أنا ممكن أسألك سؤال بس تجاوبني بصراحة أنس / أنتي عارفة اأني صاريح ومابحبش الكدب أسألي علطول تالين / هو أنت لسه عايز ترطبت بيا أنس أتفاجأ بسؤالها لأنه مخطرش على باله يكون دا السؤال اللي عايزة أجابته بس رد عليها هو كمان / طيب ممكن قبل ما أجاوب أعرف أنتي بتسألي ليه تالين / هو أنت هترد على سؤالي بسؤال تاني رد عليا يا أنس لو سمحت ( أثناء ماهما مع بعض بيتكلموا كانت سما رجعت البيت ودي أول مرة من يوم مارجعت الشغل بعد ما خرجت من المستشفى ترجع بدري ويدوبك هي دخلت وبعدها بشوية جرس الباب رن وراحت سما تفتح الباب وكان على الباب مفاجأة مستنياها _____________ هنعرف المفاجأة دي باليل وكمان هنعرف الحياة الهادئة اللي مليانة بالنجاح والتقدم في الشغل هتستمر مع سما ولا الدنيا ليها رأي تاني رواية) الفصل التاسع بقلم : _____________ _________________ فتحت سما الباب واتفجئت أول ماشافت أبوها وأمها سلوى / مش قولتلك يا عادل أتصل ب أنس علشان العنوان ممكن يكون غلط أهي طلعت شقة ناس أجانب عادل أخد سما في حضنه /سما وحشتيني يا حبيبتي سما / بابا أنت وحشتني اكتر يا حبيبي سلوى / سما مين وبابا مين سما حضنت أمها / ماما حبيبتي وحشتيني أوي عاملة إيه سلوى / سما إيه اللي أنتي عملاه في نفسك ده واللي انتي لبساه كمان مديحة جت من ورا سما / عادل وسلوي هنا ( وطبعا سلامات وأحضان وبوس كمان ودخلوا قعدوا وأنس كمان جه وسلم عليهم ) أنس / دوله حبيبي وحشتني عادل / إنت اللي وحشتني أوي يا حبيبي ( أنس فضل حاضن عادل وعيش في حضنه لأن عادل كان صاحب أبوه أوي وهو بيعتبره مكان أبوه ) سلوى / هو إيه كله لدوله مافيش حاجة ليا خالص ولا إيه أنس سلم عليها / لا طبعا يا طنط دا أنتي الخير والبركة بس والله أحلى مفاجأة سما / طبعا والله مفاجأة جامدة أنس / أنتي عرفتي منين إن هما جايين سما / ماعرفتش أنا بفتح الباب لقيتهم هما أنس / أنا بحسبك عرفتي إنهم جايين علشان كدة جيتي بدري سما / لأ دا أنا كنت جاية أغير هدومي علشان كنت رايحة أشوف موقع الشغلانة الجديدة مع ساهر عادل / أحنا قلنا نعملهلكم مفاجأة ونيجي نقضي معاكوا يومين مديحة / خير ماعملتوا والله يا أخوية ( فضلوا يتكلموا مع بعض شوية وبعدها تليفون سما رن وكان ساهر مستنيها تحت البيت علشان يروحوا يشوفوا الموقع وسما أعتذرتله وعرفته السبب وفضلوا مع بعض شوية وبعدين أتعشوا وسما دخلت أوضتها علشان ترتاح شوية بس أبوها حصلها علشان يتكلم معاها ) عادل / سما ممكن أتكلم معاكي شوية يا حبيبتي سما / طبعا يا بابا أتفضل عادل / عامله إيه يا حبيبتي والدنيا ماشية معاكي أزاي سما / الحمد لله يا بابا كله تمام وشغلي كويس وبقيت مهندسة شاطرة والكل بيحكي عن شغلي ومجاني في وقت قصير عادل / لسه بتصلي يا سما ولا قطعتي الصلاة سما / بابا أنا متعودتش أكذب على حضرتك أنا بقالي فترة مابصليش عادل / طيب وليه يا حبيبتي ينفع كدة وكمان الهدوم اللي شوفتك بيها وشعرك وشكلك ليه كدة يا حبيبة بابا سما / بابا معلش يا حبيبي بس ممكن ما نتكلمش في الموضوع دا دلوقتي لأني بجد تعبانة عادل / ماشي يا حبيبتي بس أنا عايز أقولك حاجة ' أنا موجود يا حبيبتي وقت ما تحبي تتكلمي هتلاقيني سمعك وأعرفي أني دايما معاكي وعمري ما أتخلى عنك أبدا وهفضل في ضهرك سما / ربنا مايحرمنيش منك يا بابا عادل / ولا منك يا حبيبتي وخلي بالك يا سما الواحد لما بيبعد عن ربنا وطريق ربنا بيضيع يا حبيبتي وأنا مش عايزك تضيعي ( وبعدين خرج عادل من أوضة سما وسابها تفكر شوية مع نفسها بس قطع تفكيرها خبط على باب أوضتها وكان المرة دي أنس ) أنس / سما حبيبتي النهاردة أحلى يوم في حياتي سما / أكيد مش وجود بابا وماما اللي مخليك طاير كدة من الفرحة أنس / لأ طبعا وجودهم فرحني جدا بس في خبر تاني حلو سما / تالين صح أنس / يا بنت الايه وعرفتي أزاي سما / روح بص لنفسك في المراية وانت تعرف عنيك فضحاك وكمان تالين باين عليها بقالها فترة ' أحكيلي ايه اللي حصل أحكيلي فلاش باااااك تالين / أنس أنت هترد عليا السؤال بسؤال تاني رد وريحني أنس / أيوة يا تالين لسه عايزك وعايزك أكثر من الأول كمان تالين / طيب ليه بتتجاهلني أنس / علشان مش عايز أحس إني ضاغط عليكي ولا عايز أوهم نفسي بحاجة مش هتحصل أبدا تالين / ومين قالك إنها حاجة مش هتحصل أنس / قصدك إيه يا تالين وضحى كلامك تالين / يعني أنا موافقة على طلبك يا أنس بااااااااك سما / ههههههههههههه ربنا يوفقلكم يا حبيبي أنتوا تستاهلوا كل خير أنس / عقبالك يا سما سما / قول يارب. ( سما كانت فرحانة جدا لتالين وأنس لأنهم يستحقوا كل خير ' وصحيت الصبح ولبست هدومها. ورايحة الشغل وطبعا أبوها وأمها كانوا متضيقين من نزولها الشغل بس هي قالتلهم إنها عندها شغل ضروري وما ينفعش يتأجل وراحت الشغل فعلا بس ساهر أول ما عرف إنها وصلت راحلها مكتبها وقالها ) ساهر / بقى أنا كنت جاي النهاردة علشان أقعد معاكوا وسط اللمة الحلوة تقومي أنتي تسيبي الأمة دي و تيجي الشغل سما / أنت تنور في أي وقت وبعدين ما تروح أنس هناك يعني اللمة لسه موجودة ساهر / يا بنتي هو أنتي ما فيكيش عقل المفروض تقعدي مع أهلك تنزلي تفسحيهم شوية دا أنتي غايبة عنهم بقالك 9 شهور يا مفترية سما / ما أنا تقعد معاهم لما أرجع وبعدين أنس أخد أجازة ينزل يفسحهم بقى ساهر / قومي يا ماما أروحك على البيت أقعدي مع عيلتك الوقت دا مش هيتعوض تاني ( وفعلا راحوا الاتنين على البيت وسما أصرت على ساهر أنه يطلع وفعلا طلع وأتعرف على أهلها وحبهم جدا وهما كمان حبوه وسما قضت مع أبوها وأمها أحلى يومين في وكان بقالها فترة ما قعدتش واتكلمت كدة مع أبوها بس للأسف الأيام الحلوة بتخلص بسرعة وأبوها وأمها رجعوا مصر رسما رجعت بحياتها الطبيعية وبعدها بيومين قاعدة هي وأنس وساهر وتالين في أجتماع شغل للقسم بتاعهم ومبايلها رن وكانت دي أمها سما تجاهلت المكالمة علشان الاجتماع بس أتصلت تاني فردت سما عليها ) سما / أيوة يا ماما في ايه أنا في أجتماع سلوى / سما سيبي الاجتماع دلوقتي أهوه وتعالى على مصر أبوكي تعبان وعايز يشوفك أنتي وأنس سما / بابا أزاي حصله إيه سلوى / مش وقته يا سما تعالوا يلا بسرعة أحنا فى مستشفي **** بعد ما قفلت أنس / في إيه يا سما عمي ماله سما / ماما بتقول إنه تعبان وفي المستشفى وعايز يشوفنا أحنا الاتنين ساهر / تعبان ماله يعني سما / معرفش أنا لازم أروح مصر دلوقتي ( وأتصلوا بالمطار وعرفوا إن في طيارة رايحة مصر بعد ساعتين فحجزوا عليها وراحت سما وأنس على البيت بسرعة حضروا شنطهم ونزلوا جري على المطار لقيوا ساهر مستنيهم علشان هيسافر معاهم وطبعا هما رفضوا بس هو أصر وركبوا هما التلاتة الطيارة ووصلوا مصر الساعة 8 باليل وراحوا على المستشفى علطول وهناك أول ما سما دخلت المستشفى ) سما / نور العاشر ____________________ دخلت سما المستشفى وأول ما دخلت وقفت مكانها وحست إن كل شئ من حوليها بيقف إلا قلبها دقاته كانت سريعة وكل اللي قدرت تعمله إنها حركت شافيفها سما / نور ساهر وأنس شافوا شاب بيقرب عليهم شاب وسيم جدا وجسمه رياضي وملامحه باين عليها الجدية والقلق والدهشة في نفس الوقت نور / سمااااا أنتي سما سما / لأ أنا البشمهندسة سما أنس / سما مين ده سما بقوة مصطنعة / أستاذ نور كان صاحبي نور بدهشة / كنت صاحبك ساهر في الوقت دا حس إن سما تعبانة وحس إن ملامحها أتغيرت بس مقدرش يعملها حاجة كل اللي قاله ساهر / أنس أسأل بسرعة على أوضة عمي نور / أتفضلوا معايا وأنا هوريهالكوا ( أنس قرب من سما وهمسلها ) أنس / هو دا نور سما بنفس نبرة الصوت / أيوة هو أنس / ودا إيه اللي جابه هنا سما بصطناع عدم المبلاة / مش وقته دلوقتي المهم نشوف بابا ( نور كان سامع همستهم وماشي أدامهم للأسانسير أما ساهر فكان كل اللي شغله سما و يا ترى هي حاسة بأيه دلوقتي وطلعوا في الأسانسير ووصلوا بس سما أتفجأت إنهم رايحين على العناية المركزة ولقيت أمها واقفة هناك ) سما بفزع / بابا ماله وإيه اللي جابه هنا سلوى / أهدي بس يا سما سما / أنا هادية أهوه أحكيلي بقى نور / أنا هحكيلك الل قاطعته سما بصوت عالي/ أحكي يا ماما لو سمحتي سلوى / أنا جالي أتصال من شركته الصبح بيقولوا إنه تعب جدا ووقع في الأرض ونقلوه على هنا ولما جيت لقيت نور واقف هنا وكان وأبوكي فاق وطلب من الدكتور إنه يشوفني ولما دخلتله قالي أتصل بيكي علشان تيجي أنتي وأنس سما بتوتر شديد وقلب يكاد أن يتوقف / طيب أنا عايزه أدخله أنس / وأنا كمان ( الدكتور طلعلهم وقالهم سما وأنس وصلوا ردوا كلهم وقالوا أيوة وصلوا فالدكتور جهزهم وسمحلهم يدخلوا ولما دخلوا ) سما / بابا حبيبي أنس / عمي عادل مالك ( عادل ما أتكلمش كل اللي عمله إنه بصلهم وأبتسم وبعدها غمض عنيه وجهاز نبضات القلب وقف والأجهزة بتصفر ) وأنتقل عادل إلى الدار الآخرة وأعلن عن إنتهاء حياته في هذا اليوم ________
