البارت العاشر ………. وبعد اسبوع من أحداث بدء نهار جديد في مطار القاهرة تحديدا كانت ناريمان و ملك و مليكة وصلو و يونس في انتظارهم يونس …. حمد لله على السلامه ناريمان …. الله يسلمك يا حبيبي يونس حضن بناته و ركبو كلهم عربية يحيي ال سابها في اليوم دا ل يونس ناريمان …. يونس ممكن نطلع ع فيلا عندنا الاول نحط الشنط و بعدين نروح نسلم ع اهلك؟ يونس باستغراب … فيلا ايه ؟ ما انا حكتلك كل حاجة حصلت وان مفيش فيلا خلاص ناريمان …. اقصد فيلا بابي يعني وضع مؤقت لحد ما ندبر امورنا يونس …. وليه الوضع المؤقت دا ميكنش في شقتي ؟ ناريمان …. حبيبي انا وانت واحد دا اولا ثانيا بقا انا مش هقدر ادخل الشقة دي مش عشان الكلام ال ف دماغك وان لازم فيلا لا والله اي مكان معاك جنة يونس …. اومال في ايه ؟ ناريمان …. الشقة دي شقة ليلي اتجوزت انت وهي فيها ع نفس العفش ال موجود مش هقدر يا يونس صدقني عشان خاطري وافق نفضل ف فيلا بابي مؤقت بس لحد ما ندبر امورنا باي شقة مش لازم فيلا يعني يونس …. حاضر يا ناري زي ما تحبي ناريمان بفرحة …. شكرا حبيبي بعد مدة وصلو الفيلا و طلعو الشنط و ارتاحوا شوية ونزلو تاني اتحركو ل شقة نعمان عشان يشوفو أهل يونس و وصلو وكان الكل ف انتظارهم كانت النظرات مختلفة من شخص ل تاني نعمان كان باصص لاحفادة بشوق وحب و مبصش حتي ناحية ناريمان ؛ يحيي كان باصص ل ناريمان بسخرية و كراهيه نفس بصتة ل ليلي و مبصش حتي ناحية ملك و مليكة ؛ أما بقا ناهد فهي باصة ل يونس بنظرة تحمل الكثير والكثير يونس … احم اقدم لكم ناريمان مراتي ودول ملك ومليكة نعمان بحب … اهلا وسهلا تعالو يا حبيايبي تعالو في حضن جدو يونس اخد بناته و راح لابوة ال اخدهم جامد في حضنة يونس مسك ايد ناريمان وقرب من أمة ناريمان … ازي حضرتك يا طنط يونس حكالي عنك كتير اوي وكان نفسي اشوفك من زمان ناهد بضيق … اهلا وسهلا نورتم اتفضلو اقعدو يونس بحرج …. احم ايه يا يحيي مش هتسلم يحيي … لا ازاي اهلا بمرات اخويا (وراح ع البنات ) اهلا يا قطاقيط عاملين ايه؟ ناريمان حست انها مش مرغوب فيها واتاكدت أن قرار أنها تقعد في فيلا والدها كان صح مليون في المية القاعدة كانت باردة و كلها توتر و مكنش بيكسرها الا هزار البنات مع جدهم ___________________________________ مراد رجع من المهمة بتاعتو ع بيت خالتو علي طول أمنة كانت وحشاة وحاول كتير يتصل بيها كان تلفونها مغلق ع طول ولكنة اتصدم اكتر لما عرف من خالتو أن أمنة سافرت ف شغل في الفرع التاني لشركتها في تونس اتاكدت أن ف حاجة ف موضوع تقي حصلت وخلت أمنة تهرب منه للمرة التانيه حاول كتير يوصلها مش عارف حتي لما حاول يكلمها علي ماسنجر اتفاجا أنها عملت له بلوك من كل حاجة الغضب سيطر عليه و مكنش في دماغة غير حاجة واحدة بس أن أمنة اتخلت عنة بسهولة للمرة التانيه ومراد معندوش فرص تانيه وعمرة ما اقتنع بأن أي شخص يستحق فرصة تانيه ____________________________________ ليث كان بيفسح مالك و ليلي في مكان جميل علي النيل وكان فيه جزء مخصص للأطفال مالك كان مبسوط جدا وكان بدء يتعود ع الوضع الجديد اي نعم كان كل شوية يسال ليلي سؤال تعجز عن الرد عليه بس اهو بدء يتعود ليث بحب…. مالك شكلة مبسوط ليلي … اه وبدء يتعود المشكلة أن يادوب هو يبدء يتعود تقوم حضرتك سيبنا و مسافر ليث … غصب عني يا حبيبتي مش مسموح ياكتر من كدة اجازات ليلي كشرت …. وتسافر ليه اصلا مش كفايه غربة بقا؟؟ ليث…. وشغلي اللي تعبت وشقيت علي ما عملت اسم فيه؟ ليلي …. وايه يعني لما تتعب وتشقي هنا بس وانت جمبي ومعايا مش بعيد عني ليث …. ليلي انتي عارفة اني اتعودت علي العيشه هناك مش بسهولة كدة ارجع هنا ليلي … اوك اوك براحتك ليث…. احنا هنتقمص زي العيال الصغيرين ولا ايه ليلي …. يا ليث انا خايفة أفضل لوحدي ليث… ليلي اختي حبيبتي قوية ومش بتخاف و ياستي متقلقيش الحراسة ع باب ديما مش هتتحرك دول ناس ع أعلي مستوي ومدربين كويس جدا جدا و هكون معاكي خطوة ب خطوة مش هسيبك لحظة متخافيش ياست البنات ليلي ببتسامة … لسه فاكر الاسم دا ؟ ليث … طبعا طول عمري شيفك ست البنات كلهم ليلي …. ربنا يخليك ليا يا حبيبي ليث…. ويخليكي ليا يا ست البنات __________________________________ سلمي بعد الطلاق قابلت عاصفة أسئلة من امها ليه وأزاي وكريم فين ؟ ومكنتش بترد عليها رد يقنعها بس حاله سلمي السئيه كانت مخليه ماماتها تأجل مواجهتها لما تتحسن وتكون قادرة عشان متضغطش عليها اكتر من كدة سليم قعد الاسبوع دا عند والدة و والدته مكنش حابب يكون لوحدة رغم أنه طلقها واتنازلت عن كل حاجة حتي ابنة إلا أنه كان لسه جواة غضب كبير وكان بيحاول يسيطر عليه عشان ابنة اللي ملوش ذنب أن واحدة خائنة زي دي تكون أمه عز … وبعدين يا سليم سليم … بعدين ايه يا بابا مش فاهم عز …. هتفضل قاعد في البيت كدة تندب حظك ؟ سليم …. معقول لحقت زهقت مني عز … واد انت انت عارف ان دا مش قصدي سليم ببتسامة… عارف يا بابا ومتقلقش يومين كدة وهستلم شغلي في مستشفي من مستشفيات الناجي عارفاها؟ عز … اه طبعا ودي عرفوك ولا عرفتها منين سليم …. عمرو صحبي من ايام الجامعه صاحب المستشفيات دي يبقي والدة وهو كمان شغال معاه ولما عرف اني رجعت مصر نهائي عرض عليا اشتغل معاهم عز كشر …. تصدق انك واد رخم وسيبني قلقان عليك ليه هه مقلتش ليه من اول ما جدع كلمك سليم … معلش يا بابا اعذرني انت عارف الظروف وكنت بحاول اشغل كريم ديما عشان ميسالنيش كتير عن ماماتة عز …. ماشي يا حبيبي المهم عندي انك تشوف حياتك و مستقبلك سليم … متقلقش عليا __________________________________ في تونس أمنة خلصت شغلها ورجعت اوضتها ترتاح شوية وبعدها مسكت تلفونها وطلبت رقم ماماتها عشان تتطمن عليها كعادتها كل يوم أمنة …. الو ازيك يا ماما وحشتني مراد …. ماماتك مشغولة مع خالتك عشان انهاردة خطوبتي انا وتقي أمنة دموعها نزلت غصب عنها وقفلت التلفون من غير ولا كلمة فضلت تعيط كتير كانت عايزاة يتمسك بيها تاني وتالت وعاشر كانت عايزاه يحس بالحيرة و النار اللي هي فيها مكانتش قادرة تواجهه عشان كدة بعدت تخيلت حاجات كتير إلا أنه يخطب تقي بجد فتحت الفيس لاقت تقي منزلة أن انهاردة خطوبتها بحب عمرها ومنزلة صورة ليهم سوا مبصتش ع تقي بصت ل مراد ب بدلتة السودا ونظرة عينية الباردة حست انها خسرتة للابد بعد شوية رقم ماماتها رن حاولت ترد من غير ما يبان عليها أمنة … الو والدتها … مال صوتك يا أمنة ف ايه أمنة … مفيش يا ماما تعبانة شوية من ضغط الشغل والدتها … يولع الشغل سيبيه وتعالي بقا انا قلبي وجعني عليكي أمنة … مش هينفع يا ماما انا اصلا كنت متصلة أبلغك اني هفضل هنا شهرين تلاتة كمان والدتها … ايه ؟ لا لا مش هقدر تكوني بعيد عني كل دا يا بنتي فيكي ايه تعبتيني أمنة … والله تعبانة شوية من ضغط ال انا فيه متقلقيش انتي وان شاء الله الايام تعدي بسرعه وارجعلك تاني و ابقي قولي ل خالتو مبروك والدتها … الله يبارك فيكي حبيبتي عقبالك لما افرح بيكي كدة بس يكون عاقل مش زي المجنون ال جوة دا ال فجانا كلنا أنه جايب الماذون معاه عشان يكتب الكتاب كمان مع الخطوبة أمنة …. هقفل انا يا ماما وهكلمك تاني بكرة أمنة قفلت مع ماماتها وهي مش عارفه تتنفس حتي خلاص كدة هي خسرتة للابد خسرت من قبل ما تبدء حتي فضلت تعيط مكانها لحد ما راحت في النوم من غير ما تحس ___________________________________ يحيي مكنش طبيعي ابدا ليل نهار بيفكر ازاي ياخد حقة من ليث ومن ليلي ازاي يكسرهم و يزلهم وكان مكلف حد يراقبهم من بعيد بس مكنش لسه ظبط الخطة اللي في دماغة واللي بتعتمد علي أن ليث يسافر وليلي تبقي لوحدها وفي عز شرودة في خطتة قاطعة صوت نعمان نعمان بصوت عالي…. يحيي يحيي انتبة … أيوة يا بابا في حاجة ؟ نعمان …. بقالي ساعه بكلمك وانت ولا انت هنا في اية يا بني يحيي … ابدا يا حج هيكون ايه بفكر ف شغل و طلبيات الجديدة اللي هنجبها قريب إن شاء الله نعمان … والله يا ابني انا خايف من فتحة الصدر اللي دانت داخل بيها السوق دي حاسس أننا اتسرعنا يحيي …. لا يا حج جمد قلبك كدة السوق بيحب القوي واحنا أن شاء الله هنبقي رقم واحد انت بس خليك معايا وهتشوف نعمان … هه اديني معاك لما اشوف اخرتها ايه يحيي … كل خير يا حج كل خير _________________________________ يونس مرجعش لطبيعتة من وقت ما طلق ليلي بيحاول ميبينش ل ناريمان بس هي عارفة كدة كويس وسيباة فترة يلملم نفسة علي ما هي تظبط كل أمورهم في مصر البارت الحادي عشر ……… صباح يوم جديد ليث كان بيحضر شنطتة و ليلي قاعدة ع سرير بتبص عليه و الدموع في عينيها كل تفكيرها ازاي هتكمل من غير ليث هو كان السند والامان ليها ازاي هترجع لوحدها تاني ليث كان عينة عليها وحاسس بكل اللي بتفكر فيه خلص شنطتة و قعد جمبها ليث… انا عارف كل اللي بتفكري فيه يا لولا بس صدقيني انتي اقوي مما تتخيلي ومش انا مصدر قوتك زي ما انتي مفكرة ليلي انتي قوية و هتقدري وهتكملي وانا معاكي وجمبك وف اي وقت احتاجتيني هكون هنا فورا متقلقيش ليلي بدموع … بجد ! وعد يعني لو احتجتك هلاقيك؟ ليث حدفها بالمخدة … وحياة امك أنتي كان عندك شك في كدة يا هبله انتي ؟ ليلي … بس متقلش هبله ليث … لا هبله و متخلفة كمان عندك اعتراض مالك من علي الباب … عيب كدة يا خالو دي ماما ست البنات ليث … دي كلمتي انا يا لوكا لو سمحت محدش يقولها كدة غيري مالك بتحدي… تؤ دي ماماتي وانا اقول زي ما انا عايز ليث … رخم زي امك يلا روح البس ولا حضرتك مش ناوي توصلني للمطار؟ مالك … اكيد هوصلك طبعا أنا عشر دقايق واكون جاهز ليث بص ل ليلي …. والهانم ايه؟ ليلي … حاضر يا حبيبي انا كمان عشر دقايق واكون جاهزة ليث … أيوة كدة ناس مبتجيش الا بالعين الحمرا مالك وليلي في نفس واحد … ليث خالو ليث … خلاص خلاص يلا اخلصو هتاخر ع طيارة خلصو ونزلو وصلو ليث المطار و بعد سلامات و وداع و دموع مشي ليث (مز الروايه سافر يا بنات ) ليلي رجعت ع الفيلا ومعاها الحرس وكان في عيون وراهم في كل حركة ___________________#بقلم_مني________ أمنة بعد تردد كتير حسمت أمرها و فكت البلوك ال عملاه ل مراد و بعتتله مسج أمنة … مبروك كتب الكتاب يا حضرة الظابط لو فاكر أن دا عقابي احب اعرفك أن دا عقابك انت مش انا …. قبل ما ارجع البلوك تاني احب اعرفك أن تقي و خالتي وجوز خالتي اتفاجات بيهم في شغلي بيترجوني ابعد عنك عشان خاطر تقي ولما قلتلهم اني مش هقدر وأن أنت لما ترجع يبقي يتكلمو معاك خالتي خليتهم خرجوا و اترجتني وهي لوحدها اني ابعد فترة بس واعتبرة اختبار لحبك ليا لو أنت رجعت وهما قدرو يغيرو رايك وانا بعيد يبقي اسيبك ل تقي ولو انت رفضت هي هتخلي تقي تختفي من حياتنا نهائي …. دموعها نزلت ادامي ومسكت ايدي عشان تبوسها اني اوافق تخيل خالتو ال ف مقام امي وال تعتبر هي ال مربيانا انا وانت توطي عشان تبوس أيدي وعدتها اني هبعد كنت واثقة أن حتي لو انت زعلت مني بس اكيد مش هتوافق تكون ل تقي عموما الف مبروك مرة تانيه …. سلام أمنة بعتت الرسالة ودموعها نازله اول ما اتاكدت أن الرسالة وصلت رجعت البلوك تاني و كان البلوك مش كافية قفلت الفون كله وانهارت تاني من العياط مراد كان معزوم عند خالته ع الغدا كان قاعد معاهم بس فكرة و عقلة ف مكان تاني مخنوق كان فاكر أنه هيقدر يطلعها من قلبة بسهولة لكن مش قادر يبطل تفكير ولو للحظة فيها تقي كانت بتعملو القهوة ع ما الغدا يخلص وهو طلع البلكونة حس أن مفيش هوا حواليه وهيتخنق تلفونه رن برسالة واتفجأ أنها من أمنة ولما قراها اتفاجا اكتر قراها اكتر من مرة جسمة اتشنج و ضم أيدية جامد من غضبة في اللحظة دي دخلت تقي اللي كان التعب بدء يظهر بشكل كبير ع شكلها رغم الميكب الكتير ال حطاة تقي برقة …. قهوتك يا حبيبي مراد حاول يكون هادي خد نفس طويييل وطلعه مرة واحدة …. تقي لو سمحتي انهديلي خالتو عايزاها تقي … مالك يا مراد وعايز ماما ف ايه؟ مراد … تقي اخلصي انا ع اخري اندهيلي خالتو لو سمحتي تقي … حاضر حاضر ثواني تقي دخلت ندهت امها و رجعو هما الاتنين سوا نهال والدة تقي … اية يا حبيبي تقي بتقولي انك عايزني مراد … لو سمحتي يا تقي سيبنا لوحدنا شوية تقي كشرت … لية بقا أن شاء الله هتقولو اسرار ولا ايه مراد نفخ بضيق ونهال ال اتكلمت .. روحي ياتقي شوفي ال ع نار عشان ميتحرقش ولا عايزة مراد ينزل جعان من عندنا تقي …. ماشي يا ماما حاضر هخرج اهو بس هعرف بردو هه هعرف تقي خرجت ونهال بصت ل مراد بتوتر ومراد شاف توترها دا اتاكد أن أمنة مكدبتش عليه نهال بتوتر … خير يا ابني ؟ مراد …. حضرتك فعلا روحتي ل ٱمنة و (قالها محتوي الرسالة) نهال دموعها نزلت … غصب عني يا مراد انا ام وبنتي تعبانة و امنيتها الأخيرة انت مكنش قدامي حل تاني كنت عارفه كويس اوي انك مش بتسامح بسهولة ولو أمنة اختفت انت هتبعد عنها ودي كانت فرصتي عشان خاطر ببنتي تكون سعيدة ومبسوطة تقي بتحبك بجد مراد بصدمة … وعشان بنتك تكون مبسوطة اولع انا و أمنة ؟ واحنا مش ولادك ؟ دا انتي اللي مربيانا دا انا الحل ال كنت بفكر فيه اني اتكلم معاكي انتي بصفتك امنا كلنا احكيلك اد ايه انا بحب أمنة وهي كمان ونشوف ازاي منجرحش تقي ونطلع من مشكلة دي (ضحك بوجع) تخيلي فكرت انك امنا كلنا وهتفكري ف مصلحتنا كلنا اتريكي مخططة ومقررة أن سعادة بنتك اهم مننا كلنا مش كدة ياخالتو نهال بدموع … والله ولادي كلكم بس تقي تعبانة بجد يا مراد اتجوزها ولما ربنا يسترد امنتة ارجع لامنة تاني مراد … بالبساطة دي ؟ انتي دمرتينا كلنا ياخالتو الله يسامحك عن ازنك خرج من البيت و رزع الباب وراه ركب عربيتة وقبل ما يتحرك حاول يكلم أمنة لاقها عملتله بلوك تاني اتعصب اكتر و طلع تلفون الشغل وجرب يتصل بيها منه لاقاه مقفول خبط جامد علي الدريكسون __________________________________ يحيي كان في المعرض بيظبط الشغل تلفونة رن برقم الراجل الي مكلفة ب مراقبة فيلا عند ليلي رد بسرعه يحيي بلفهه … الو ف جديد؟ الراجل … ف يا باشا اخوها سافر انهاردة الصبح وهما لسه راجعين الفيلا كانو بيوصلوة يحيي … ومكلمتنيش ليه اول ما خرجوا يا زفت الراجل … ملحقتش يا باشا و كنت مركز اكون وراهم عشان ميتهوش مني يحيي … طيب طيب خليك مكانك متتحركش واي حركة تبلغني ع طول مش بعد الهنا بسنة الراجل …. حاضر يا باشا يحيي قفل مع الراجل ورجع براسة لورا ع كرسي و شبك أيدية ورا راسة وابتسم اوي يحيي … اخيرااااا بقيتي لوحدك لا يونس ولا ليث ولا اي حد هيقدر ياخدك تاني مني يا ليلي يونس كان هيم.وت ويشوف ليلي تاني عاوز بس يشوفها وحشتة حاسس ان كل خنقتة دي هتختفي لو بس لمحها قدامة وفجأة ابتسم لما لاقي الطريقة اللي هيقدر يشوفها بيها طلع يلبس هدومة ويادوب هيخرج لاقي ناريمان في وشة ناريمان … رايح فين يا حبيبي؟ يونس بتوتر … هه ابدا اصل اصل يعني ناريمان … في ايه يا يونس يونس … بصراحة كدة ابني وحشني ملحقتش اشوفو ناريمان … ابنك ال وحشك؟ يونس … اه اه ابني وبعدين انا عايز اخليه يجي ويشوف اخواتة ولا مش من حقي؟ ناريمان … لا ازاي من حقك طبعا ف الاول والاخر دا اخوهم الكبير يونس … بالظبط كدة عن ازنك بقا عشان متاخرش ناريمان … اتفضل يا حبيبي وبعد ما خرج ناريمان ل نفسها … ماشي يا يونس ماشي أنا كنت عارفة اني قدامي طريق طويل معاك بعد ما نرجع وانا جاهزاله و قدة انا ناري عمري ما عوزت حاجة ومحققتهاش ___________________________________ مراد عمال يلف بالعربيه مش عارف يروح فين تلفونة الشخصي عمال يرن برقم تقي قفلة خالص و فجأة جتلة مسج ع تلفون الشغل أن أمنة فتحت تلفونها مسك الفون بسرعه واتصل عند أمنة بعد ما فتحت الفون لا خافت ماماتها تقلق عليها لاقت رقم غريب بيرن مردتش اول مرة لكن رن تاني قلقت ل يكون ماماتها أو حد من شركتهم ف قاهرة ردت أمنة … الو مراد قلبة دق جامد مجرد ما سمع صوتها أمنة … الو مين ؟ مراد … أمنة ارجوكي متقفليش أمنة اول ما سمعت صوتة دموعها نزلت مسحتهم بسرعه واتكلمت بتماسك… واقفل ليه ؟ خير يا عريس ف حاجة ولا متصل تعزمني ع معاد الفرح؟ مراد … أمنة انا انا مكنتش اعرف بالنسبالي هروبك مني للمرة التانيه وجعني ومقدرتش افرض نفسي عليكي اكتر من كدة الغضب عماني بجد أمنة مش بترد دموعها نازلة ومش عارفه تتكلم مراد بحب … حبيبتي ردي عليا والنبي أمنة انتي سمعاني؟ ٱمنة بصوت مخنوق وعياط… انا مش حبيبة حد ومن فضلك متتصلش بيا تاني ومبروك مرة تانيه روح ل مراتك مراد اتوجع اوي لما سمع صوت عياطها لسه هيرد عليها لاقاها قفلت السكة حاول يكلمها تاني عملتله بلوك تاني رمي الفون بعصبيه مراد بغضب …. غبي غبي ضيعتها من ايدي غبي _____________________________________ يونس مكنش يعرف أن ليث سافر وصل ليلي ادام الفيلا وطلب منهم يبلغوا ليلي أنه موجود وعايز يشوفها الحرس كلمها ف الفون اتفاجات واتوترت بس استجمعت شجاعتها بسرعة و وافقت يدخلوة يونس قعد ف صالون و مالك جري عليه مالك بسعادة. … بابا حبيبي وحشتني اوي يونس بحب …. حبيبي انت كمان وحشتني اوي اوي ليلي نزلت وهو عينيه متعلقة عليها بنظرات كلها حب وندم ليلي … اهلا يا يونس اتفضل يونس بحب … متشكر ازيك عامله ايه؟ ليلي …. الحمد لله تشرب ايه؟ يونس … لا متشكر مش عايز حاجة ليلي … لا ازاي لازم تشرب حاجة يونس … صدقيني مش عايز انا احم كنت جاي اشوف مالك لو مش هسببلك أي إزعاج يعني ليلي … لا ابدا مفيش إزعاج ولا حاجة دا ابنك وحقك تشوفو اي وقت يونس … اومال فين ليث؟ مالك بحزن … خالو سافر انهاردة يونس بص ليلي بأمل أنها تسمعه … بالسلامة ان شاء الله احم لوكا ممكن تجيلي مية؟ مالك … حاضر يا بابا يونس … ليلي ممكن تسمعيني لمرة واحدة بس ليلي بقوة … يونس اوعي تتخيل ان عشان ليث سافر هيكون ف كلام بينا أنا لحد دلوقتي مراعيه اوي ان مالك ملوش ذنب وأنه من حقة يشوف باباه ف اي وقت لكن هاتضايقني و تعمل مالك سلمة تفتح بيها كلام معايا اقسم بالله امشيها رسمي معاك وحتي ابنك كمان تخسرة تمام يونس بحزن …. ماشي يا ليلي خلاص هسكت مالك رجع و ليلي انسحبت وسابتهم قاعدين سوا يونس … احم بقولك يا لوكا انا يعني كنت عايز اقولك ع حاجة كدة مالك بحزن … عارف يا بابا يونس … عارف ايه مالك …. إن حضرتك عايش مع ست تانيه وعندك بنتين كمان و انا وماما هنعيش هنا لوحدنا وانت هتفضل عايش معاهم يونس … حبيبي انا هبقي معاك انت كمان انا خلاص رجعت وهنتقابل و نلعب و نخرج ونعمل كل حاجة سوا مالك بفرحة. … بجد يا بابا؟ يونس بتأثر … بجد ياقلب بابا بس كنت عايز اعرفك ع اخواتك ملك و مليكة انت اخوهم الكبير هتبقي الراجل بتعاهم من بعدي مالك …. هو ف ايه انا راجل بتاع ماما ولا بتاع بناتك ؟ يونس ضحك …. انت راجل بتاع ماما عشان انا مش موجود ولا خالو و كمان راجل بتاع اخواتك هه اسمها اخواتك مش بناتك عندك اعتراض؟ مالك…. لا معنديش يلا كله ثواب يونس فضل شوية مع مالك وبعدين انسحب ف الوقت دا الراجل اللي بيراقب ليلي اتصل وبلغ يحيي بأن يونس جة ورجع كلمة لما يونس مشي ___________________________________ صباح يوم جديد مالك كان بيلعب في جنينه الفيلا و الكورة بتاعته جت جمب السور الفاصل بين فيلتهم وفيلا الجيران راح ناحيه السور عشان ياخد الكورة لاقي طفل في سنة واقف ومبتسم اوي له واول ما قرب كريم ابن سليم … هاي انا كنت بتفرج عليك انت بتلعب كورة حلو اوي علي فكرة مالك …. شكرا انا اسمي مالك وانت؟ كريم … انا كريم هو انت ساكن هنا ؟ مالك … اه لسه جاي انا وماماتي من وقت قريب وانت ؟ كريم بحزن … لا انا ساكن هنا من زمان كان معايا مماتي و بابي كان مسافر ولما بابي رجع مامي مشيت وسبتيني وبقيت هنا انا بابي بس مالك بحزن … انا كمان هنا انا وماماتي بس بابا كان مسافر هو كمان بس رجع عندة بنات غيري وعايش مع واحدة تانية وجيت هنا انا وماماتي ملحقتش حتي اقعد مع بابا كريم … بما انك لوحدك من غير باباك وانا لوحدي من غير مامي ممكن نكون صحاب ؟ مالك … اكيد انا موافق كريم … طيب ما تقول ل ماماتك ونتقابل في النادي ال في الكموبند ونلعب كورة في الملعب الكبير اللي هناك مالك … طيب انت هتروح امتي؟ كريم … بابي وعدني بكرة بعد الظهر نروح ايه رايكم نتقابل هناك ؟ مالك … اوك هقول ل ماما وان شاء الله توافق ونتقابل ليلي خرجت الجنينه وبدأت تنده ع مالك مالك … أيوة يا ماما جاي (وبص ل كريم ) عن ازنك بقا ونتقابل بكرة أن شاء الله كريم … اوكي يا مالك باي مالك …. باي _______________________________ تقي عرفت الحوار ال دار بين مراد و ماماتها وكانت منهارة من العياط و ماسكة الفون وكل دقيقة ترن ع رقم مراد بس هو قفلة نهال دخلت لاقتها ف حالتها دي نهال بحزن…. وبعدين يا تقي هتفضلي كدة يا حبيبتي الجواز دا قسمة ونصيب وانتي حاولتي كتير وانا حاولت وساعدتك خلاص ارضي بلي ربما يكتبة بقا تقي بدموع … انا ملحقتش افرح يا ماما ملحقتش هي ليله واحدة اللي نمتها مبسوطة هما بيعملوا معايا كدة ليه انا طلبت منهم مجرد وقت اكون مبسوطة وهم.وت واسيبه خالص حرام عليهم ليه بيعملوا فيا كدة ليه نهال … عشان بيحبو بعض يا تقي مش قادرين ع أنهم يوجعو بعض أو يبعدو عن بعض انا غلطانة لما ساعدتك مراد انهاردة انا خسرتة خسرت ولادي الاتنين عشان فكرت ق سعادتك انتي وبس تقي بغضب …. كلة من أمنة لو مكنتش عرفته كان زماني بحضر ل فرحي بس والله ما هخليها تطولة ابدا لا وانا عايشه ولا بعد ما ام.وت سامعه يا ماما مش هيكونو لبعض ابداااااا وهتشوفو كلكم هتشوفو نهال حست أن الكلام ملوش فايدة مع بنتها سبتها وخرجت و تقي رنت تاني ع مراد واخيرا فتح الفون ورد عليها تقي بدموع … مراد ممكن تسمعني بليز؟ مراد بعصبية …. بقولك ايه انا ع اخررررري سيبيني دلوقتي اهدي وبعدين اكلمك تقي … لا يا حبيبي مش هقدر ارجوك اسمعني مراد …. بصي يا تقي ال حصل امبارح كله كان غلط وانا هصلح الغلط دا بس بعد شوية وقت عشان سمعتك قدام الناس للاسف ف الاول وف الاخر انتي من دمي ولحمي لكن جو حبيبي واتصالات و كلام دا تنسية تماما مفهوووووم تقي بعصبية…. لا مش مفهوم انا مراتك ع فكرة انا بحبك سامع بحبك و أمنة مش هيكون ليها وجود ف حياتنا تاني مش هتفرق بينا تاني سامع يا مراد مش هسيبك ليها يا حبيبي مش هسيبك ليها لا وانا حيه ولا حتي بعد ما ام.وت تقي كانت بتتكلم بعصبيةوبسرعه و دموعها نازلة خلصت كلامها وقفلت السكة قبل ما مراد يرد مراد خاف من نبرة الغضب اللي تقي كانت بتتكلم بيها خصوصا لما قالت له أن أمنة مش هيكون ليها وجود بينهم تاني حس أنه متكتف مش عارف يخلص من كل دا ازاي هو مش عايز غير حبيبته وبس مش عايز غير حضنها في الوقت دا اتنفس بضيق وغضب من كل اللي بيحصل و قرر يفكر بهدوء ف كل الاحتمالات شغلة خلاة يكون حريص جدا وهو اتاكد بعد مكالمتة مع تقي انها مش متزنة وخائف تتصرف اي تصرف ياذي حبيبتة _______________________________ البارت الثاني عشر ……… صباح يوم جديد علي ابطالنا في فيلا سليم كان بيجهز عشان مقابلة العمل اللي عندة في مستشفي صديقة دخل عليه كريم كريم … صباح الخير يا بابي سليم … صباح الخير يا كوكي كريم … انت خارج ؟ سليم … اه يا حبيبي عندي مشوار مهم عشان شغلي كريم بحزن … وهتسيبني لوحدي؟ والنادي انت وعدتني توديني النادي انهاردة كمان سليم … حبيبي بابي لازم يرجع يشتغل تاني مينفعش افضل ف البيت ع طول بس اوعدك اني اظبط مواعيدي واكون معاك ع قد ما اقدر أن شاء الله وبالنسبة للنادي انا مش ناسي هخلص مشواري واعدي اخدك ونروح ع طول لسه بدري متقلقش كريم … ومامي مش هتيجي هي وحشتني اوي سليم بضيق … لا مش هتيجي وممكن انزل بقا عشان متاخرش عليك ع النادي ؟ كريم … اوكي يا بابي سليم اضايق من نبرة الحزن اللي ف صوت ابنة بس هو معرفش يرد عليه يقولو ايه ف فضل أنه يهرب منه حاليا لحد ما يشوف ايه اللي مفروض يتقال ل طفل ف سنة ___________ مراد فضل طول الليل ماسك الفون وبيحاول يوصل ل أمنة باي طريقة مش عارف كان مضايق من نفسة أنه اتسرع ف خطوتة تجاة تقي حاول يشوف حل مش لاقي غير اللي هو قاله ل تقي شوية وقت و يطلقها ويقولو أنهم متفقوش عشان سمعتها وسط الناس بس أمنة ازاي يكلمها ازاي يخليها تسامحهه هو مش هيقدر يكمل من غيرها اول ما نهار طلع قام خد شاور و لبس ونزل ع بيت خالته ماما أمنة هي الوحيدة ال تقدر تساعدة وصل بسرعه وخبط وسهير فتحت واتفجأت بيه قدامها سهير … مراد خير يا بني ف حاجة حصلت ؟ مراد … صباح الخير يا خالتو طب دخليني الأول هنتكلم ع باب كدة سهير … تعالي يا حبيبي معلش من خضتي عمرك ما جيت بدري اوي كدة مراد … انا منمتش طول الليل يا خالتو لما صدقت نهار طلع جتلك جري هحكيلك كل حاجة بس الاول ممكن اسالك أمنة جايه امتي؟ سهير … والله يا ابني كل ما اسالها تقولي لسه شوية لسه شوية معرفش هتيجي أمتي وقلبي واكلني اوي عليها مراد … طيب يا خالتو ف موضوع انتي الوحيدة كدة ال متعرفهوش وانا عايز رأيك ضروري سهير … خير يا مراد قلقتني مراد حكي ل سهير كل حاجة مراد … دا كل الموضوع ودلوقتي انا مش عارف اتكلم مع أمنة خالص مش مدياني فرصة انا عايز بس اشرحلها الوضع كان ازاي وانا عملت كدة ليه سهير … الغلط ع الكبار اللي مفكروش كويس يا مراد مراد … طيب الحل ايه يا خالتو سهير … يا حبيبتي يا بنتي اتعذبت كتير وهي بتحبك في صمت وهي مستنية اليوم اللي هتقولها فيه انك بتحبها ويوم ما تقولها يحصلها كل دا … اوعي تكون. فاكر اني مكنتش عارفه انكم بتحبو بعض انا بس كنت مستنياك أنت تتكلم ومحبتش اعرفها اني حسه عشان مكسفهاش مراد … والله وانا بحبها وبم.وت فيها وموجوع اوي أنها زعلانة و مجروحة بسببي ومش عارف اعمل ايه سهير … ربك يحلها من عندة عموما لما تتصل بيا هتكلم معاها واقولك لكن بلاش انت تكلمها دلوقتي اديها وقتها تهدي ممكن مراد بحزن … حاضر يا خالتو عن ازنك انا بقا سهير … اقعد يا واد لما نفطر سوا وبعدين ابقي امشي اقعد بدل ما ازعلك واقولك معنديش بنات للجواز مراد … لا وع ايه نفطر ونتغدي ونتعشي كمان انتي تأمري يا سوسو سهير بحب … ميأمرش عليك ظالم يا حبيبي ثواني والقطار يكون جهاز سهير راحت تحضر الفطار و مراد قام وقف قدام صورة ل أمنة متعلقة علي الحيطة وقطع تفكيره فيها صوت تلفونة برقم خالتة نهال خد نفس طويل وبعدين رد مراد … ايوة يا خالتو نهال ببكاء … الحقني يا مراد تقي بتروح مني مراد … اهدي بس وفهميني ف ايه ؟ نهال … احنا ف طريق للمستشفي تعالي بسرعه ارجوك هي مش بتنطق غير اسمك وتعبانة اوي الله يخليك يا ابني تعالي بسرعه مراد …. حاضر حاضر هحصلكم ع هناك ع طول مسافة الطريق مراد قفل وسهير كانت واقفة وراه سهير … في اية يامراد مراد بتوتر … تقي تعبت تاني ونقلنها المستشفي وخالتو عايزاني اروح سهير … استني ثواني بس هحط عباية عليا واجي معاك مراد لسه هيعترض سهير كانت دخلت الاوضة شدت عباية وخرجت جري ناحية باب الشقة سهير … يلا يا ابني بسرعة خلينا نحصلهم ونطمن عليها يلا اتحركو هما الاتنين علي المستشفي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ليلي نزلت تدور علي مالك اللي كان زعلان منها عشان رفضت موضوع النادي هي خايفة ل يونس او يحيي يتعرض لها وتحصل مشاكل وفي نفس الوقت عارفة ان اكيد مش هتفضل هي وابنها محبوسين كدة ف الفيلا طول الوقت دورت علية كتير لاقيتة قاعد ف الجنينة ومضايق ليلي … وحضرتك مستخبي يعني مني ؟ مالك … انا مش مستخبي انا قاعد ف جنينة عادي ليلي … ولا زعلان من ماما ؟ مالك مردش ليلي … مالك لما ماما تكلمك ترد عليها بسالك انت زعلان مني ؟ مالك … ايوة زعلان كتير جدا خالص ليلي وهي تحتضنة … ياخبر كتير وجدا وخالص لا دا انا وحشة اوي بقا مالك … لا انا مقلتش كدة ليلي … طيب ياسيدي انا مش يهون عليا زعلك هنروح النادي ونقضي اليوم هناك واتعرف كمان علي صحبك اللي حكتلي عنة ها مبسوط كدة ؟ مالك بفرحة… حبيبتي ياماماتي يا جميلة انتي ليلي … دلوقتي بقيت جميلة وحبيبتك انت ولد بكاش مالك … لا انا ولد جميل وماماتي جميلة انا هروح البس بقا ويلا انتي كمان تلبسي بسرعه عشان اروح واشوف كريم صحبي يلا يلا ياماما ليلي … حاضر حاضر يلا ياسيدي وخلال نص ساعة كانو جهزو واتحركو بالحرس تجاة النادي اللي ليث كان مشترك ليهم فية قبل ما يسافر ( مش بينسي حاجة ليثو دا ) كريم كان جاهز وقاعد مكشر ومستني سليم اللي اتاخر عن معادة ربع ساعه و يادوب هيقوم يطلع اوضتة لاقي عربية سليم دخلت الفيلا ونزل هو منها جاي جري ناحيتة سليم … سووووري يا كوكي والله الطريق كان زحمة جدا لو جاهز يلا ع طول عشان مش نضيع وقت كريم قام وركب العربية وهو بردو مكشر ومتكلمش مع باباه ولا كلمة وسليم اتنهد وركب هو كمان واتحركو للنادي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ في المستشفي …. مراد وصل هو وسهير وداخلين سالو ع مكان تقي وعرفو انها ف العناية المركزة وراحو للمكان لاقو نهال و مصطفي والد تقي واقفين قدام الباب ونهال بتعيط جامد و مصطفي ساندها جريو عليهم سهير … ف اية تقي مالها طمنيني يانهال ؟ نهال ببكاء … بنتي بتم.وت والدكاترة بقالهم كتير جوة ومفيش حد بيخرج يطمنا بكلمة حتي مراد … اهدي ياخالتو ان شاء الله خير نهال لسة هترد الدكتور خرج من عند تقي وكلهم جريو عليه مصطفي بقلق … خير يا دكتور طمني بنتي كويسة مش كدة ؟ الدكتور بحزن … للاسف الحالة اتاخرت جدا وهي دلوقتي بين ايدين ربنا احنا عملنا ال علينا لكن دا مرض نادر وللاسف ملوش علاج مصطفي … لا حول ولا قوة الا بالله يارب الطف بينا يارب الدكتور … مين ف حضراتكم مراد ؟ مراد … انا يا دكتور الدكتور … طيب هي زيارة مفروض ممنوعة بس المريضة مصرة تشوفك والانفعال غلط عليها هتدخل معايا دلوقتي تتعقم وتدخلها هما خمس دقايق بس مش اكتر تمام مراد … حاضر يا دكتور اتفضل مراد لسه هيتحرك مع الدكتور نهال مسكت دراعة وقفتة نهال ببكاء … ارجوك متزعلهاش عشان خاطري يابني هودها بس عشان خاطر الحالة اللي هي فيها الله يخليك يامراد ماتتعبها ارجووك مراد بحزن … حاضر ياخالتو متقلقيش عن ازنكم مراد دخل اتعقم و دخل ل تقي كان وشها شاحب جدا ومتوصل ليها اجهزة كتير قعد علي كرسي جمبها واتنهد وكلمها مراد …. تقي تقي مجرد ما سمعت صوتة فتحت واتكلمت بتعب واضح اوي ف صوتها تقي بصوت ضعيف …. مراد انت جمبي بجد مش بحلم مراد … انا جمبك وان شاء الله هتبقي زي الفل وتخرجي من هنا بسرعة تقي … لا انا خلاص مش هخرج من هنا اانا عارفة بس عايزة اوصيك بحاجة قبل ما ام.وت مراد بحزن … بعد الشر عنك متقوليش كدة تقي بضعف … ارجوك يامراد اسمعني مفيش وقت انا فعلا تعبانة مراد … طيب قولي تقي … الاول دي وصية يا مراد اوعدني انك تنفذها لما ام.وت مراد … حاضر اوعدك تقي ابتسمت … طمنتني وصيتي انك مترجعش ل أمنة بعد ما ام.وت حب واتجوز وافرح مع اي حد الا أمنة يا مراد متكنش ابدا في يوم ليها سامع ( بدات تتنفس بصعوبة) انت و و عدتني م مراد و وعدتني مراد ملحقش يستوعب ال هي بتطلبة منة اتفاجا بصوت جهاز القلب بيصفر و الدكاترة دخلو وبععدوة وحاولو مرة واتنين وتلاتة ينعشو قلبها تاني لكن كان خلاص ماتت غطوها واعلنو ساعة الوفاة وكل دا هو واقف متخشب مكانة مش مستوعب ومش عارف يتحرك ولا يعمل اي فاق ع ايدين الدكتور ال بتهزة عشان تفوقة الدكتور … يا استاذ فووووق عشان تكون جمب الناس ال برة البقاء لله عن ازنك مراد هز دماغة واتحرك خرج برة كانت خالتة نهال واقعة ع الارض من كتر العياط وجمبها سهير و مصطفي واقف وساند بايدية علي الحيطة ودموعة نازلة قرب منة وطبطب علية مراد بحزن …. البقاء لله ياعمي شد حيلك عشان ندفنها بسرعة اكرام الميت دفنة انا هروح اخلص اجراءات المستشفي وارجعلكم تاني مصطفي مقدرش يرد اكتفي انة هز راسة ل مراد و وقف يردد ايات قرءان ومراد سابهم وراح يخلص الاجراءات في المستشفي ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ليلي ومالك وصلو النادي ليلي … ادينا وصلنا النادي يا لوكا فين بقا صحبك دا ؟ مالك … قالي هيستناني عند ملعب كره القدم عشان اقدم معاه ونبقي سوا ليلي … طب تعالي لما اشوف اخرتها معاك قربو من الملعب وهنا مالك شاف كريم واقف عمال يتلفت حوالية وكريم كمان لمحة وهما الاتنين ف نفس الوقت جريو علي بعض وسليم و ليلي كانو بيجرو وراهم مالك وكريم حضنو بعض وسلمو ع بعض ليلي وهي بتنهج … كدة يا لوكا في حد يسيب ايد ماما ويجري كدة ويجريها وراة سليم رفع عينية وشافها ولما هي رفعت عينيها وبصتلة اتكلم سليم … احم سوري انا سليم عز الدين والد كريم ( ومد ايدية ليها ) ليلي وهي بتسلم علية … ليلي والدة مالك سليم ببتسامة …. اهلا وسهلا تشرفنا مالك … ماما مش هتكلمي المدرب وتشتركيلي ؟ ليلي … حاضر يا حبيبي بس انا مش شيفاة كريم … اهو ال واقف هناك دا يا طنط سليم … طيب يلا نروح كلنا سوا نتكلم معاة عشان يخليكم سوا اتحركو كلهم للمدرب و بعد كلام كتير واتفاقات وافق المدرب ان يخلي مالك مع كريم في نفس المواعيد و انهم يبدو من دلوقتي كمان بعد ما ليلي خلصت الرسوم و اطمنت ان مالك بيعلب مع كريم بتلف لاقت سليم وراها سليم … ممكن نقعد نستناهم هنا علي ما يخلصو هيفرحو اوي لما يبصو و يشوفونا قاعدين بنتفرج عليهم ليلي باحراج … احم اوكي ماشي مفيش مشكلة وفعلا قعدو ع تربيزة قصاد الولاد و كريم ومالك كانو مبسوطين اوي وليلي كمان كانت فرحانة لفرحة ابنها لكن اتفاجات بللي واقف ادامها وبيبتسم اوي البارت الثالث عشر …….. وقفنا لما ليلي كانت بتتفرج علي مالك ف التدريب ومبسوطة اوي لحد ما اتفاجات بللي واقف ادامها ومبتسم اوي ليلي بصدمة … يحيي يحيي وهو بيبص لسليم … ازيك يا مرات اخويا ليلي بعصبية … اسمها طليقة اخوك ثم اية اللي جابك هنا ؟ اية بتراقبنا يحيي … حتي لو اية مش من حقنا نطمن علي ابننا اللي معاكي ولا اية وبعدين واضح اانك مبتضيعيش وقت ( قالها وهو بيبص ل سليم بسخرية ) ليلي بهدوء … بقولك اية يا يحيي انا لا هتعصب ولا هتخانق انت زي الشاطر كدة تتكل ع الله وتمشي ومشفش وشك تاني و ابن اخوك ليكيو يوم ف الشهر تشوفو ف المكان والمعاد اللي انا احددة يا كدة يا بتلفون صغير مني ل اخويا وانت عارف اية ممكن يحصلك يحيي بتوتر وغضب …. انتي بتهدديني يا ليلي ؟ اية خلاص محدش بيملي عبينك ومبقاش ليكي كبير ؟ نسيتي من هو يحيي لا فوقي وقبل ما يعلي صوتة قاطعة سليم ببرود … متعليش صوتك انت ف مكان محترم والولد اول يوم له ف النادي انهاردة بلاش تسببلة مشاكل هتمشي بهدوء ولا اجبلك الامن يطلعك برة ؟ يحيي … هه وانت مين بقا ان شاء الله ؟ اية معيناك المحامي بتاعها سليم … شيء ميخصكش ها هتمشي بهدوء عشان خاطر ابن اخوك ولا اندة الامن ونخلص ؟ يحيي … ماشي يا ليلي انا همشي دلوقتي عشان مالك بس الكلام بينا لسة مخلصش ويحيي نعمان مبيتهددش يا طليقة اخويا اتحرك يحيي من قدامهم وهي بصت ل سليم بحرج شديد ليلي بتوتر … انا اسفة جدا علي الموقف البايخ دا سوري بجد سليم بهدوء … عادي جدا علي فكرة محصلش حاجة لكل التوتر اللي انتي فية دا بس الراجل دا مش سهل ع فكرة ليلي بتنهيدة … عارفة عشان كدة بقالي مدة قاعدة ب مالك ف الفيلا ومش بخرج مطمنة بالحرس اللس ليث اخويا سيبة معانا ديما وبخاف اخرج ب مالك عشان كدة سليم … الهروب عمرة ما كان حل واكيد مش هتحبسية ودول اهله واكيد هيشوفهم ليلي بحزن… هما مش فارق معاهم مالك اديك شفت عمة مكلفش خاطرة يبص بصة واحدة علية حرق دمي وبس ودا هدفه من الاول لكن مالك اخر اهتمامتهم سليم …. طيب بلاش التكشيرة دي احنا مفروض جايين نبسطهم ونفرحهم وبعدين هو دا اخرة متقلقيش والنادي هنا صارم جدا والامن هنا ناس محترمين اوي ممكن اى مواعيد رؤية ل مالك تكون هنا اضمن مكان عام و مقفول وفي امن كمان ليلي ببتسامة … فكرة حلوة تمام ماشي ا قاطعها مجي كريم ومالك سليم ببتسامة … اهلا بالابطال اية الاخبار ؟ كريم … مالك هيدرب معايا يومين ف الاسبوع هنا وف البيت اانا هلعب عندة يوم وهو هيلعب عندي يوم سليم … ومين اللي قرر بقا كدة ان شاء الله ؟ مالك … احنا الاتنين ياعمو هو ف مشكلة ؟ ليلي … مش مفروض تستاذنو مننا الاول ولا اية يا استاذ مالك ؟ مالك … سوري يا ماما طيب اديني بستاذنك اهو ؟ ها موافقة صح ؟ سليم … هههههه اية الكروتة دي يا لوكا ؟ كريم … اية يا بابي انت مش موافق ولا ايه انا عايز مالك معايا انا عطول لوحدي وهو كمان اية المشكلة نكون سوا ؟ سليم … لا يا حبيبي انا بهزر معاكم اكيد موافق دا بعد ازن طنط ليلي طبعا ؟ ليلي … يعني انا ال هطلع شريرة اكيد موافقة طبعا مالك وكريم فرحو جدا وكان فرحتهم دي معدية ليلي وسليم هما كما اتبسطم اوي ان ولادهم اللي الحزن بقالو مدة محاوطهم بدؤا يضحكو ويعيشو طفولتهم من تاني سليم كانت نظراتة ل ليلي كلها فضولية سرح في قوة شخصيتها وضعفها اللي بتنجح انها تدارية كان عندة فضول جامد يعرف اية حكايتها بالظبط ولية اطلقت وفين اهلها ولاقي نفسة بيسرح في ابتسامتها حسها كزا شخصية ف انسانة واحدة ست مرحة ام حنونة امراءة قوية وانثي ضعيفة فاق من افكارة ع صوت كريم وهو بيقولو انة جعان واتغدو سوا كلهم في جو مرح جميل وبعدين كل واحد روح بيتة _____________________________________________________________________ في بيت والد ناريمان يونس مكنش مرتاح لا هو قدر ينسي ليلي ولا مرتاح ل بعد ابنة عنة ولا مرتاح لقعادة ف بيت حماة المدة دي قطع تفكيرة رن موبايلة برقم نعمان ابوة يونس .. السلام عليكم يا حج ازيك ؟ نعمان .. وعليكم السلام يا حبيبي اية يا بني رحت وقلت عدولي انا ملحقتش انا وامك نشبع منك ومن عيالك ؟ يونس .. والله يا بابا غصب عني ظروفي ملخبطة شوية نعمان … طب هات بناتك و مالك وتعالي بكرة نتغدي كلنا سوا ونتكلم مع بعض ف اللي ملخبط حالك كدة انا هم.وت ع العيال يا يونس ومالك وحشني انا وامك اوي يا ابني يونس … طب يا بابا خليني بس اكلم ليلي الاول اشوف هتوافق ولا لا وارد عليك نعمان بضيق .. نعم وهي ممكن ترفض وتحرمنا منة ولا اية ؟ يونس … مش عارف يا بابا بلاش نسبق الاحداث خليني اكلمها الاول وهرد عليك ممكن ؟ نعمان .. ماشي يا يونس انا جمب التلفون اهو هستني مكالمتك سلام يونس .. سلام قفل يونس و لاقي ناريمان في وشة ناريمان .. مالك ياروحي وهتكلم ست الحسن والجمال لية ؟ يونس … ناري من تعليقاتك السخيفة بابا وماما عايزين يشوفو البنات و مالك كمان وانا كمان عايز مالك يتعرف ويشوف اخواتة ف هتصل بيها عشان اقولها واشوف هتوافق ولا هتعند ناريمان … طب كلمها يلا شوف هتقولك اية ؟ ولا لازم اخرج ؟ يونس كشر ومردش عليها وطلب رقم ليلي وانتظر الرد ,,,, ليلي كانت لسة راجعة هي و مالك من النادي لاقت رقم يونس خدت نفس طويل وردت ليلي .. الو يونس .. احم ازيك يا ليلي عاملة اية ومالك عامل اية ؟ ليلي … تمام الحمد لله خير ف حاجة ولا مكملين مراقبة ليا انت واخوك ؟ يونس بعدم فهم … مراقبة ايه ويحيي ماله ؟ ليلي بضيق … انت عايز تقنعني انك متعرفش ال اخوك عمله؟ يونس … يحيي عمل ايه يا ليلي والله ما اعرف حاجة ليلي حكتله اللي حصل ف النادي وهو استغرب جدا تصرف يحيي يونس … والله انا مش عارف اقولك ايه حقيقي اسف وانا هيكون ليا تصرف معاه اكيد ومش هيتعرضلك تاني ليلي .. اومال انت متصل ليه ؟ يونس .. احم بصراحة بابا وماما عايزين يشوفوة مالك و وانا يعني كمان نفسي أنه احم يعني يشوف اخواتة وكدة ليلي حست بوجع ف قلبها من كلمة اخواتة بس اتكلمت بهدوء وبرود عكس كل ال جوانا ليلي ببرود … تمام بس ف النادي ال مالك مشترك فيه تقدر تقولي يناسبكم أمتي ونتقابل هناك غير كدة لا سوري مضمنكوش يونس بضيق … اوكي يا ليلي ينفع بكرة ؟ ولا مش مناسب ليكي ؟ ليلي … اوكي مناسب هبعتلك العنوان والمعاد ف رسالة سلام قفلت قبل ما يرد عليها و دخلت اوضتها وقفلت ع نفسها حست بخنقة وسالت نفسها ليه حست بنغزة ف قلبها من كلمة اخواتة وهل هي ف حمل مواجهه زي دي وخطر ع بالها سؤال معملتش حسابة هو ممكن يجيب مراتة معاه طب وهي هتعمل ايه لو جابها؟ عند تقي كان ف وقت قليل خلصو كل حاجة الإجراءات والدفنة وكانو ف البيت بيحهزو عشان العزاء سهير حاولت توصل ل أمنة عشان تبلغها معرفتش الموبايل ديما مقفول بدأت تقلق مراد كان بيحضر نفسه ف بيت خالتو لبس بدله سودا وخرج من أوضة حبيبتة ال كان بيلبس فيها لاحظ سرحانها قرب منها وحط أيديه ع كتفها مراد بحب … مالك يا خالتو ؟ سهير بحزن … قلقانة ع أمنة مش بعادتها متكلمنيش كل دا و تلفونها مقفول من الصبح مراد … طيب نخلص العزا ولو مكنتش كلمتك من هنا لحد ما يخلص انا هتصرف متقلقيش يلا بينا سهير … يلا يا حبيبي ربنا يهون الايام دي وبعديها ع خير __________________________________ يونس بعد ما قفل مع ليلي مستناش لحظة ونزل جري من البيت ع بيت ابوة حتي كلام ناريمان له وهو نازل مسمعش منه حرف واحد وصل وهو غضبان ومخنوق من تصرفات اخوة ال معدش فهمه خبط وفتحت ناهد ناهد … اهلا اتفضل يونس كشر … ايه مقابلة دي يا امي ناهد … دا ال عندي خير جاي ليه ؟ يونس لسه هيرد قاطعة خروج نعمان و يحيي من اوضه المكتب نعمان باستغراب… يونس ايه خير انت مش قلت هتكلمني اوعي تقول الهانم موفقتش؟ يحيي … هانم مين وتوافق ع ايه يونس بغضب … انا اللي عايز اعرف انت رحت ل مراتي النادي ليه وضايقتها بكلامك السم دا يحيي ضحك اوي …. مراتك مين يا حبيبي اسمها طلقتيك اللي كانت هتخلعك كمان بس حبت تخلص بسرعه متنساش دا يونس بغضب اكبر … يحيي متنساش نفسك انا اخوك الكبير مراتي طلقتي رد روحت ليه ومالك بيها اصلا يحيي ببرود … ميخصكش نعمان … يحيي اتكلم مع اخوك الكبير عدل ورد عليه مالك ب ليلي عايز ايه منها يحيي سكت واللي ردت كانت ناهد وصدمتهم كلهم البارت الرابع عشر ………. وقفنا لما يونس و نعمان سالو يحيي عايز اية من ليلي وهو سكت وناهد ال ردت ناهد … انا اقولكم هو عايز ايه كلهم بصولها باستغراب ماعدا يحيي ال بصلها بتوتر وخوف ناهد … طبعا يا يونس ليلي عمرها ما اشتكتلك من معامله ابوك و اخوك ليها قاطعها نعمان … مالها بقا معاملتينا للهانم ناهد .. محدش يقاطعني وبالنسبة للمعامله كنتم بتعملوها كأنها خدامة تأمرو وتتأمرو عليها و تعلقياتكم السخيفة اللي في رايحة والجايه خصوصا انت يا يحيي كنت بتستمتع لما بتحس أنها خايفة منك وطبعا مكنتش بتقولك يا يونس عشان كانت يا حبة عيني مش عايزة تشيلك هم فوق هم غربتك كانت فاكرة أنها كدة كانت بتحافظ ع بيتها أما بقي يحيي عايز منها ايه ف يحيي مش قادر يستوعب أن ليلي الهشة الضعيفة ال كانت ع طول بتخاف منه و بتجري ديما من قدامة ازاي تتطلع من تحت طوعه مش قادر يصدق أن القطة المغمضة بتعرف ترد وتخربش كمان مش قادر ينساها لأنه حب ليلي الضعيفة ال كانت بتحسسة برجولتة و سيطرتة مش كدة؟ كلهم اتصدمو واكثرهم يونس ال فعلا ليلي عمرها ما لمحت ولا اشتكت من معامله أهله ليها و أن يطلع اخوة بيحبها ايا كان شكل الحب دا ف الآخر كان بيحبها وهو مرات اخوة نعمان بضيق … ايه تخاريف اللي بتقوليها دي انتي كبرتي وخرفتي شكلك (بص ل يونس) متصدقهاش يا بني امك كبرت ومش عارفه هي بتقول ايه ال بتقوله دا محصلش ناهد … لا حصل وانا شاهدة عليه انا لا كبرت ولا خرفت انا بختي مال ف جوزي و ولادي الاتنين ومش هسكت تاني بعد كدة نعمان بغضب .. لا هتسكتي و تخرسي خالص ايه ملكيش راجل يحكمك ولا ايه ؟ يونس واقف مصدوم مش مركز ف باقي كلامهم ويحيي متوتر من سكوت يونس واخيرا يونس نطق يونس بتوهان … انا همشي بكرة هعدي اخدك انتي وبابا عشان تشوفو مالك يونس خرج و يحيي من غير ولا كلمة دخل اوضتة و قفل عليه و نعمان بص ل ناهد بغضب ودخل مكتبة ____________________________________ عند تقي العزا خلص و نهال ومصطفي كانت حالتهم صعبه جدا سهير و مراد حاولوا يكونو جنبهم علي قد ما يقدرو وصلوهم و سهير دخلت حضرت عشا بس محدش كان قادر ياكل وفي وسط مناقشات لا مش هناكل لا لازم تأكلو قطع الكلام جرس الباب اللي رن سهير … ومين ال جاي دلوقتي الوقت اتاخر ع أن حد يجي يعزي مراد … خليكي انتي انا هفتح مراد فتح الباب واتفاجا أن اللي قدامة أمنة كانت خسة جدا و الحزن مسيطر عليها دبلت مش هي أمنة حبيبته اللي شافها اخر مرة نظراتة كانت كلها شوق وحب ولهفه ،،، أمنة بصت لاقيته هو اللي فتح نزلت عينيها من عينيه بسرعه و كانت بتتنفس بصعوبة قطع الموقف دا صوت سهير من ورا مراد سهير … مين يا مراد (شافت أمنة) بنتي حبيبتي تعالي يا حبيبتي تعالي أمنة دخلت و اترمت في حضن امها وعيطت جامد سهير … بس يا حبيبتي اهدي انتي عرفتي منين؟ انا حاولت اكلمك كتير أمنة ببكاء … عرفت من الفيس صحاب تقي كانو كاتبين حجزت و نزلت ع طول سهير … طب ليه مكلمتنيش بدل القلق ال قلقته عليكي أمنة… معلش يا ماما تلفوني اتكسر و مكنش ف وقت اجيب غيرة واديني قدامك اهو اومال فين خالتو و عمو مصطفي ؟ خرجت نهال من اوضتها ع جملة أمنة الأخيرة نهال ببكاء … أمنة انتي جيتي شوفتي تقي ماتت جريت أمنة عليها و خدتها بالحضن و عيطت هي كمان و شددت من حضن خالتها أمنة … البقاء لله يا خالتو متعيطيش كدة مفروض نصلي وندعيلها هي اكيد ف مكان احسن أن شاء الله يا حبيبتي نهال … خلاص سبتني وبقيت لوحدي أمنة وهي بتطبطب عليها … متقوليش كدة هو انا مش بنتك ولا اية؟ دا انتي امي مش خالتي وانتي عارفة كدة كويس نهال … عارفه يا حبيبتي عارفه أمنة … هو عمو مصطفي نايم ولا ايه نهال … لا يا حبيبتي جوة بيقرا ف المصحف وقافل ع نفسه أمنة … طيب انا هروح اشوفو عن ازنكم أمنة اتحركت لاوضة مصطفي و سهير خدت نهال تغسل وشها ومراد فضل واقف مكانة لا نطق ولا اتحرك ولا عارف المفروض دلوقتي يعمل ايه؟ ________________________________ الليل خلص يونس بلغ ليلي أن هيستانها ف نادي ومعاه ابوة وأمه و بناته عشان يشوفو مالك و ليلي قضت ليليه صعبه جدا وكانت خايفة و متوترة اوي من المقابلة دي أمنة باتت هي وامها ومراد مع خالتها و متكلمتش مع مراد خالص متجهلاه تماما وهو مكنش عارف مفروض يقول ايه او يتصرف ازاي ف موقف زي دا يونس منمش طول الليل كلام أمه بيتردد في ودانة ندمة زاد أضعاف بعد اللي سمعه لكنه أضعف من إنه ياخد اي حركة أو قرار يحيي مخرجش من أوضتة اتصدم أن مشاعر كانت مفضوحة لامة اوي كدة و مش عارف هيتعامل ازاي مع يونس بعد الكلام ال اتقال وهل هيتراجع عن قرارة بالنسبة ليلي ولا لا ؟ طلع نهار يوم جديد مليء بالاحداث ليلي صحيت كانت بتحاول تكون طبيعيه لاقت تلفونها بيرن برقم ليث فرحت جدا وردت علي طول ليلي بلهفه … الو حبيبي وحشتني ليث … انتي وحشتني اكتر يا ست البنات عامله ايه و لوكا حبيبي عامل ايه؟ ليلي … كويسين الحمد لله إنت اخبارك ايه اوعي يكون حصل مشاكل ف الشغل بسبب اجازتك هنا ليث … لا يا حبيبتي كله تمام متقلقيش المهم طمنيني مفيش جديد؟ ليلي اتنهدت … انهاردة هقابل الحج و الحجة ويونس وبناته عشان عايزين يشوفو لوكا ليث بجدية … هتقابليهم فين ؟ ليلي … في النادي اللي انت اشتركتلنا فيه ليث … ليلي بتخرجي بالحرس ولا لا؟ ليلي … متقلقش كل ال انت قلتة بنفذة والله بالحرف بس انا بدأت ازهق وقاعدة البيت بتخليني افكر كتير و اتوتر ليث … بتفكري ف ايه ؟؟ ليلي … والله ما حاجة محددة انا بس لما صدقت انك كلمتني ف بفضفض معاك ليث … ولما انتي عايزة تكلميني متصلتيش بيا ليه؟ ليلي بحرج … انا قلت اكيد مشغول بعد الإجازة بتاعتك محبتش اعطلك ليث … بت متعصبنيش عليكي انا مش متفق معاكي اي وقت احتاجتيني تكلميني علي طول ؟ ليلي … خلاص بقا يا ليثو اللي حصل بجد كنت متوترة اوي الأيام ال فاتت ليث … هو انا لية حاسس ان في حاجة حصلت وانتي مقلتهاش ليلي بتوتر … احم لا لا مفيش ليث بعصبية … ليلي اخلصي حصل ايه حكت له ليلي ال حصل في النادي كله ليث … مممم و بيشتغل ايه سليم دا؟ ليلي … انت سبت كل اللي حكيتة ومسكت ف سليم ليث … جاوبي من غير لماضة ليلي … ماشي ع ما اتذكر دكتور ليث … مممم دكتور ماشي يا ليلي عموما انتي اتصرفتي صح و انا هكلمك بالليل اعرف ايه حصل انهاردة خلي بالك من تلفونك ليلي … هدؤك دا مش مريحني يا ليثو ليث … ماتشغليش بالك انتي هسيبك دلوقتي واكلمك بالليل زي ما قلتلك ليلي … ماشي ياعم الغامض سلام ليث … سلام ___________________________________ في المستشفي اللي سليم استلم فيها الشغل من اول ما دخل وهو جذب انتباه الكل ليه ولكنة كان ديما غير مبالي باي نظرات تتوجهله خلص العمليه اللي كان بيعملها و دخل الاوضة اللي اتخصصت ليه ويادوب هيقعد الباب خبط سليم … ادخل دخلت شابة في منتصف العشرينات شعر اسود متوسط ملامح جميلة للغاية اسراء … السلام عليكم سليم … وعليكم السلام اتفضلي اسراء … انا دكتورة اسراء دكتور مساعد مفروض هكون مع حضرتك ف العمليات بس معرفتش غير من عشر دقايق بس عشان كدة ملحقتش حضرتك ف العمليه ال اتعملت من ساعه سليم … اتشرفنا يا دكتورة عموما اليوم طويل ومليان عمليات وانا يشرفني انك تحضري معايا طبعا اسراء بنظرة اعجاب … الشرف ليا يا دكتور والله (حست انها نظرتها و نبرة صوتها فضحتها) احم طب استاذن انا بقا واقابل حضرتك ف عمليه الجايه سليم بجدية… تمام يا دكتورة اتفضلي اسراء خرجت من الاوضه وحطت ايديها ع قلبها اسراء بهيام … يا واد يا تقيل ______________________________ أمنة صحيت من النوم وخرجت لاقت خالتها وامها قاعدين ف الصالة أمنة … صباح الخير سهير ونهال … صباح النور أمنة … اومال فين عمو مصطفي سهير بعفوية … عمك مصطفي مريح جوة شوية لانه سهر كتير امبارح يصلي ويقري قراءن ومراد نزل يخلص حاجات ف شغله وجاي أمنة بصتلها بغيظ وسهير بعدم فهم أما نهال ف فهمت أن أمنة زعلانة من مراد هي كانت واخدة بالها أنها متجهلاه تماما بس مكنتش قادرة تتكلم نهال … بقولك يا سهير سهير … نعم يا حبيبتي نهال … لو ممكن تعمليلي فنجان قهوه لحسن مصدعة شوية أمنة بسرعه … اعملك انا يا خالتو نهال وهي بتقعدها تاني … لا انا بحبها من ايدين امك اقعدي انتي سهير وهي رايحة المطبخ … وزعوني يختي ماشي هعملهالك اهو بعد ما سهير دخلت نهال بصت ل أمنة بتركيز وأمنة اتوترت أمنة … في حاجة يا خالتو نهال … بصي يا أمنة يمكن تشوفي أن مش وقتة اللي انا هقولو دا بس انا لازم اقولك الكلمتين دول دلوقتي أمنة … ايه يا خالتو قلقتيني نهال … انا اللي غصبت علي مراد عشان يكتب الكتاب علي تقي انا كان كل اللي هممني اني اسعد بنتي ف اخر ايامها حتي لو علي حساب سعادتك انتي و مراد انا عارفه اني كنت انانيه ومفكترش غير فيها هي وبس بس يابنتي انتم ولادي بردو واكيد هتسمحوني أمنة بدموع … طب ممكن متعيطيش يا خالتو عشان خاطري بلاش عياط لو بتحبيني نهال ببكاء … سامحية يا حبيبتي عشان خاطري وسامحيني والأهم تحاولي تسامحي تقي عشان خاطري انا أمنة … مسمحاها يا خالتو والله ربنا يرحمها ويغفر لها يارب خلاص والنبي بطلي عياط خرجت سهير … اية يا نهال حرام عليكي نفسك كفاية عياط بقا ضغطك هيعلي تاني نهال … خلاص هسكت اهو سهير … شاطرة يلا اشربي القهوة أما حتة فنجان عمرك ما شربتي زية ابدا _____________________________ ليلي لبست و لبست مالك و نزلت اتحركت للنادي وصلت و يونس كلمها كانت شيلة خبر للأمن أنهم يدخلوة ،،،،، قربو من تربيزة ومالك قام جري حضن ناهد اول واحدة ناهد بلهفه … ياقلبي وحشتني وحشتني اوي اوي نعمان وهو بيسحبو من حضنها… اوعي بقا سيبه ليا شوية حبيبي وحشتني اوي يا روح جدك مالك … وانتم كمان وحشتوني اوي اوي ( وبص لابوة) ازيك يا بابا يونس … ازيك من بعيد كدة مليش حضن انا كمان ولا ايه مالك حضنة … وحشتني يا بابا اوي يونس … وانت كمان وحشتني يا روح بابا تعالي اعرفك ع اخواتك مالك وقف قدام اخواته يونس … دي ملك ملك … ازيك يا لوكا بابا حكالي عنك كتير اوي مالك … انا كويس انتي ازيك يونس … ودي يا سيدي مليكة مليكة بتعالي .. هاي ازيك مالك … كويس ناهد بصت بلوم ل ليلي اللي كانت واخدة جمب ليلي استجمعت شجاعتها وراحت ناحيتهم ليلي … علي فكرة انا مقدرش ع البصة دي يا ماما وانتي عارفه ناهد بدموع … وحشتني يا بنتي اوي ليلي وهي بتحضنها … انتي اكتر يا ماما وحشتني اوي اوي نعمان بضيق … مش هنقعد ولا ايه يونس كان بيقيم اللي بيحصل وبيقارن مقابلة ابوة وأمه بكلام أمه امبارح بالليل واخيرا نطق يونس … اه طبعا تعالو نقعد هن قعدو ع تربيزة كبيرة كلهم سوا ليلي كان من ناحيه جنبها ناهد و ناحيه تانيه مالك هي وناهد مبطلوش كلام سوا و ناهد وعدتها أنها هتيجي تزورها وتقضي معاها هي ومالك يومين تشبع منها نعمان كان فرحان أنه قاعد ما احفادة ويونس كان بيحاول يفتح حوار وكلام بين مالك و اخواتة ملك كانت متفاعله جدا مع مالك اما مليكة كانت بتتكلم بالعافيه وترد ع قد السؤال وبس (طالعه لامها ) واخيرااا عدت المقابلة علي خير ______________________________ مراد خلص شغلة وطلع ع بيت خالتو كان متوتر من وجود أمنة معاه ف نفس المكان ومش قادر يتكلم معاها خد نفس عميييق ورن الجرس فتحت أمنة وكان باين من لبسها وشنطتها اللي علي دراعها أنها خارجة،،،، أمنة فتحت ومتكلمتش بتحط موبايلها ف شنطتها و متجهلاه تماما مراد … انتي رايحة فين ؟؟ أمنة مردتش مراد بعصبية مسك ايديها و عدلها ناحيته .. لما اكلمك ردي عليا يا أمنة انا ع اخري رايحة فين ؟ أمنة شدت أيدية واتكلمت بعصبية اكبر… مراد اوعي تكرر اللي عملته دا تاني مفهوم ورايحة فين ملكش فيه امي عارفه عن ازنك بقا عشان اتاخرت خرجت من جمبه وهو وشه بقا احمر من كتر الغضب والعصبية ودخل يعرف من سهير هي رايحة فين ____________________#بقلم_مني ليلي كانت قاعدة ف الجنينه مستنية مكالمة ليث ومالك كان نام لاقت واحد من الحرس بيبلغها أن ف واحدة برة بتقول اسمها أمنة جايه تشوفها بلغتهم بكل لهفه أنهم يسبوها تدخل واي وقت تيجي تدخل ع طول أمنة دخلت و البارت خلص رأيكم ياحلوين _ايه حكاية اسراء؟ وسليم هيكون معاها ف حكايتها ولا لا ؟ _أمنة ومراد حياتهم هترجع طبيعيه ولا لسه في عقبات هتقابلهم _يحيي استسلم وشال ليلي من دماغة ولا حكايتة معاها هتبتدي لسة _يونس هيكمل مع ناري ولا حبه ل ليلي هينتصر _سلمي اختفت ولا هتظهر تاني البارت الخامس عشر ……. ليلي كانت قاعدة ف الجنينه مستنية مكالمة ليث ومالك كان نام لاقت واحد من الحرس بيبلغها أن ف واحدة برة بتقول اسمها أمنة جايه تشوفها بلغتهم بكل لهفه أنهم يسبوها تدخل واي وقت تيجي تدخل ع طول أمنة دخلت وليلي استقبلتها وبعد سلامات ليلي … مالك يا أمنة فيكي حاجة مش مظبوطة ليه ؟ ومقلتليش ليه انك راجعه من تونس لما كنا بنتكلم قلتي لسه قدامك شوية أمنة بحزن … من ناحيه فيا ف انا فيا كتير اوي ليلي … في ايه قلقتيني أمنة حكت ل ليلي كل حاجة من اول زيارة خالتها ليها لحد ما رجعت و عزت ف تقي ومش قادرة تبص ف وش مراد ليلي … الله يرحمها ويسامحها بقا طيب انتي عايزة ايه دلوقتي هتديلو فرصة ولا لا؟ أمنة بغضب … هو انا بحكي ف ايه كل دا انتي مش مستوعبه ليه الوضع الزفت ال انا فيه بعد أيام من خطوبتهم وكتب كتابهم قصاد الدنيا كلها الناس يلاقوني مرتبطة بيه ازاي يعني هيتقال كلام كتير وكلة وحش غير كمان ليلي … أيوة سيبك بقا من كلام الناس وقوليلي وغير كمان ايه ؟؟ أمنة بدموع … انا مش قادرة اسامحة انا من الاول قلت هبعد عشانها هو ال قرب وصارحني بحبه و خلاني طايرة في السما و مبسوطة وقلت هنواجهه كل حاجة مع بعض بعد ما يطلعني سابع سما اتفاجا بيه خطبها و كتب كتابة كمان انا مش هقدر اسامحة ليلي … انتي ليه بتنطنشي الجزء ال خالتك ادخلت فيه؟ أمنة … مش فاهمه ليلي … لا فاهمه انتي لأن خالتك عزيزة جدا عليكي لما جتلك و طلبت منك تبعدي وتعتبرية اختبار ل حبكم احرجتي منها و وافقتي و سافرتي كمان بالنسباله كان انك ل تاني مرة بتتخلي عنه الحل الأسهل عندك انك تبعدي عنه ليه ؟ زي ما شفتي نفسك واحساسك شوفي هو احساسة كان ايه حرام عليكي تظلمية و تضيعه من ايديك أمنة سكتت بتفكر في كلام ليلي و ليلي تلفونها رن برقم ليث ليلي … الو ليث … ازيك يا لوله عامله ايه ؟ ليلي …الحمد لله يا حبيبي انت اخبارك ايه ليث … تمام احكيلي ايه حصل انهاردة؟؟ ليلي … كلة تمام متقلقش حتي ماما ناهد هتيجي تقعد معانا يومين انا ولوكا ليث … اكيد محدش ضايقك؟ ليلي .. ابدا والله يونس جه ب بناتة و ماماتة وباباه بس الحمد لله عدت ع خير ليث … تمام يا حبيبتي انا هقفل دلوقتي وهكلمك بكرة تاني ليلي … ماشي يا ليثو مع السلامة ليلي قفلت و بصت ع أمنة لاقتها لسه سرحانة زي ماهي ليلي بصوت عالي … يخربيت الحب انتي يا بنتي أمنة بخضة … ف ايه خضيتني ليلي بضحك … انتي روحتي فين كدة ايه سرحان دا كلو يا كوكو أمنة … بقولك ايه شكلك فايقة انا هقوم اروح احسن ليلي بتريقة… فايقة اوي ومحدش فايق فوقتي أمنة … ف ايه يا ليلي ليلي بدموع… شفت بناتة انهاردة بناتة من مراتة اللي اتجوزها عليا هناك أمنة مسكت ايديها … ليلي انتي لسه بتحبيه ؟ ليلي … لا بس لما شفتهم افتكرت اد ايه كنت عبيطة استغفلني اربع سنين يا أمنة لما شفتهم افتكرت طيبتي وحسن نيتي معاه و غدرة ليا ال جوايا مش حب لا ال جوايا قهره بكتمها عشان لازم تندفن مع كل حاجة تخصه دفنتها أمنة … و هتندفن ازاي وانتي ليل ونهار بتفكري كدة ليلي … دا ال كنت بقولو ل ليث أن القاعدة مخليه دماغي مش بتبطل تفكير وفي نفس الوقت ظروفي مش مستقرة عشان اشوف شغل أمنة … إن شاءالله كل حاجة هتبقي زي الفل فترة وهتعدي و هتقدري تنظمي حياتك تاني انتي قوية وهتقدري ليلي … إن شاءالله يا حبيبتي أمنة … انا هقوم اروح بقا و بكرة هكلمك أن شاء الله ونتقابل ف نادي مالك وحشني اوي ليلي … اوكي هنستناكي أمنة مشيت و ليلي طلعت خدت شاور يهدي اعصابها وخلت نامت ع طول عشان متقعدش تفكر تاني _________________________________ يونس كان مروح مبسوط ومعاه البنات واول ما دخلو لاقو ناريمان ف وشهم ناريمان … حمد لله على السلامه يونس …الله يسلمك (بص لبناته ) يلا يا حبيايبي اطلعوا اوضتكم غيرو ونامو البنات طلعت و ناريمان قربت منه ناريمان بدلع … شكلك مبسوط يعني يونس … جدا مبسوط جدا ناريمان … يارب ديما بس خير؟؟ يونس بارتباك … هه يعني عشان عشان اه عشان الولاد شافو بعض وكان في قبول بينهم وبابا وماما كانو مبسوطين اوي أنهم شافهم كلهم سوا دا حاجة تبسطني طبعا ناريمان… ممممم طبعا بس متاكد أن دا السبب الوحيد يونس … اه يا ناري دا السبب الوحيد عن ازنك بقا تعبان وعايز انام تصبحي علي خير يونس سابها وطلع اوضتة و هي كانت حسة أن انبساطة دا لانة شاف ليلي وقررت أن جه الوقت تنفذ خطتها عشان تخلص من اي قلق جواها _________________________________ صباح يوم جديد سليم نزل بسرعه ع المستشفي وشاب خبر مع دادة أنها تبلغ كريم أنه هيعدي عليه قبل معاد التمرين بنص ساعه وأنه يكون جاهز وصل المستشفي قابلتة اسراء ببتسامة اسراء .. صباح الخير يا دكتور سليم … صباح الخير المريض جاهز ؟ و اوضه العمليات ؟ اسراء … كلة تمام عشر دقايق وكل حاجة تبقي جاهزة ف معادها سليم… طيب ع ما تخلصو اكون شربت فنجان قهوة واحصلكو اسراء … طيب حضرتك اتفضل ع مكتبك وانا هجبهالك سليم هز دماغة ودخل مكتبة و اسراء راحت الكافتيريا تجيب القهوة وهي منتظره القهوة جة اتنين من دكاترة زميلها مساعدين بردو واتكلمو معاها نرمين … ازيك يا سو عامله ايه؟ اسراء … كويسة الحمد لله رضوي … طبعا مين قدك بتتدربي تحت ايد دكتور سليم بجلاله قدرة و كمان من كام يوم بس خلاكي تجيبلو قهوتة المخصوص لا لا دا واضح أن ف شغل عالي اوي بيحصل نرمين … بس بقا يا رضوي متحرجيهاش بس بصراحة يا اسراء سليم دا ايه مز دكتور وشاطر و قمر كدة ف نفسه ابن الاية بس بردو انتي لازقالاه ف كل مكان مش سهله انتي اسراء بصتلهم بغضب خدت من العامل القهوة و قبل ما تمشي اتكلمت بصوت مخنوق … انتم مش محترمين علي فكرة انا فعلا يحترم دكتور سليم جدا ومبسوطة اني بدرب تحت أيدية وهو راجل محترم لا عمرة هزر معايا أو تطاول وانا واخداة قدوة و مثل أعلي ليا و مش مضطرة اني ابرر لناس مريضة زيكم تصرفاتي عن ازنكم وياريت بعد كدة مفيش كلام بينا خالص المرة دي اتكلمت بالزوق المرة الجايه بالشبشب اقسم بالله ع بؤك انتي وهي انا مجنونة احذروا اسراء سابتهم مصدومين من كلامها و مشيت وهي بتضحك علي منظرهم وبتعيط في نفس الوقت لأنهم جرحوها بكلامهم قربت من مكتب سليم مسحت دموعها وخبطت ازنلها بالدخول دخلت اسراء بصوت مخنوق … اتفضل يادكتور سليم رفع رأسه وبصلها ولاحظ آثار الدموع ف وشها … مالك يا دكتورة ف حاجة حصلت ؟ اسراء ببتسامة … ابدا يا دكتور مفيش حاجة سليم … اكيد ؟ اسراء … اكيد يا دكتور هروح أتمم ع كل حاجة علي ما حضرتك تخلص قهوتك عن ازنك سليم … اتفضلي اسراء خرجت و راحت كملت شغلها وشالت كلام ال اتقال من دماغها هي اه اعجبت ب سليم اول ما شافتة بس فاقت لنفسها بسرعه هي هنا عشان تثبت نفسها وبس لازم تكون. ناجحة و قوية كفاية اللي مرت بيه سليم خلص العمليات ال عندة وبص ف ساعتة افتكر معاد تدريب كريم وأنه وعدة يروح معاه وكان تقريبا متأخر تلت ساعه غير هدومة بسرعه ونزل جري ع عربيتة و اول ما ركب تلفونة رن برقم الفيلا سليم … الو كريم … بابي انت اتاخرت عليا اوي سليم … اسف يا روحي انا ركبت أهو وجاي كريم … طب ممكن اروح مع طنط ليلي و مالك عشان الحق التمرين ف معادة وحضرتك تيجيلي ع هناك سليم … يمكن تكون طنط ليلي مشيت يا كيمو كريم … لا لا مش مشيو مالك و طنط ليلي ال قالولي كدة اصلا يا بابي ها اروح ؟ سليم …اوك يا حبيبي روح معاهم وانا هحصلك ع هناك ع طول كريم … ميرسي يا بابي باي سليم … باي سليم اتحرك ع النادي و اتقابلو كلهم فعلا ف وقت واحد وجريو عشان يلحقوا معاد التمرين وبعدها ليلي وسليم قعدو قصادهم زي المرة اللي فاتت سليم … متشكر اوي انك وصلتي كريم معاكم للتمرين لو كان فعلا استناني كان المعاد هيروح عليه ليلي … مفيش داعي تشكرني انا معملتش حاجة و بعد كدة أنا ممكن اجيبو مع مالك كل مرة كدة كدة أنا باجي وحضرتك متعطلش نفسك عن شغلك ولا مش واثق فينا سليم … لا طبعا واثق حضرتك واضح انك بنت ناس ومحترمة و كريم اتعلق بيكم جدا بس ليلي … بس ايه ؟ سليم … كريم بيمر بفترة صعبة شوية ومحتاجني اكون جمبة عشان كدة بحاول اجي معاه ديما تمرين ال بيحبو ليلي … مالك كمان بيمر بفترة صعبة عشان كدة فرحت لما اتصاحب ع كريم و بقو اغلب الوقت سوا سليم بحرج … هو احم والد مالك مش معاكم ؟ ليلي … لا احنا لسه منفصلين قريب بس قبلها بردو مكنش موجود في حياة مالك كان مسافر وكنت أنا الاب والام له ولما رجع انفصلنا عشان كدة مالك لسة مشوش مش مستوعب سليم .. سبحان الله تقريبا نفس ظروفي انا وكريم مع اختلاف أن أنا اللي كنت مسافر وبعيد عنة ولما رجعت انفصلت عن والدتة وهو عايش دلوقتي معايا عشان كدة بحاول اقرب منة واكون له كل حاجة ليلي … متقلقش أن شاءالله فترة وهتعدي المهم انك تحسسة ديما أنه هو رقم واحد في حياتك وياريت طول ما انت ف شغلك تخطف من وقت ل التاني دقيقة كدة وتعملو مكالمة تطمن عليه اكيد هيفرح اوي سليم ببتسامة … أن شاء الله فكرة حلوة فعلا يا ليلي … احم هو انا ممكن اسالك سؤال شخصي شوية ليلي … خير سليم … مين الشخص ال جالك المرة ال فاتت لما كنا هنا؟ ليلي … دا عم مالك انا كنت ساكنة ف الدور ال فوق حمايا وحماتي وابنهم يحيي دا ال انت شفتة و سوري فعلا مرة تانية ع موقف البايخ ال حصل المرة ال فاتت سليم … انا مش بسالك عشان مضايق أو عشان تعتذري ليلي … اومال بتسالني ليه سليم … فضول مش اكتر ضحكوا جامد هما الاتنين وسليم سرح ف ضحكتها عينة اتعلقت بيها وهي بتضحك و حس كانة في دينا تانية لا بقا سامع ولا شايف غيرها ليلي حست أنه سرحان وقفت ضحك ليلي… سليم مفيش رد ليلي … سليييييم ايه يا بني رحت فين سليم لما انتبة … هه لا ابدا مفيش معاكي اهو ليلي … احم طيب هما قربو يخلصو ممكن اخد كريم بعد التمرين مع مالك مشوار سليم … هتروحو فين ؟ ليلي … وعدت مالك هودية الملاهي انهاردة و فرصة كريم يخرج ينبسط شوية معاه سليم … طب وابو كريم مينفعش يجي معاكم ؟ ليلي بحرج .. احم اكيد طبعا أنا قلت بس أن انت اكيد مشغول وكدة سليم … لا معنديش عمليات تاني انهاردة لو مش هضايقكم هكون مبسوط اوي لو جيت معاكم ممكن ليلي … اكيد طبعا الولاد خلصو تمرين و طلعو ع الملاهي ليلي كانت طول الوقت مكسوفة من نظرات سليم ال ديما يبصلها يسرح فيها و حاولت تنشغل ب مالك و كريم طول الوقت و تتجنب اي حوار معاه الولاد كانو مبسوطين جدا وكان يوم جميل في حياة الكل وبدأت منه قصة ( سليم وليلي ) __________________________#بقلم_مني أمنة نزلت الشغل ولما خلصت وهي بتلم حاجتها اتصلت بيها سهير. ماماتها أمنة … أيوة يا ماما سهير .. تعالي ع خالتك انا مش هقدر اروح واسيبها دلوقتي أمنة … لا هروح ع البيت انا وانتي خليكي براحتك وسيبني براحتي ممكن ؟ سهير بضيق .. ازاي يعني هتقعدي لوحدك كام يوم ؟ أمنة … وفيها ايه هتخطف يعني عادي يا ماما كاني لسه مسافرة معلش سبيني ع راحتي عشان خاطري سهير … طيب طيب خلاص براحتك الكلام معاكي ملوش فايدة ابدا اعملي ال يريحك أمنة .. ماشي يا ماما عموما سلملي ع خالتو ع انكل مصطفي وانا ممكن بكرة اعدي عليكم سهير … ماشي يا حبيبتي خلي بالك من نفسك سلام أمنة … سلام خلصت مكالمة ونزلت ع طول كان مراد مستنيها في عربيته اول ما شافها اتحرك بالعربية ووقف قصادها وفتح الباب مراد … اركبي يا أمنة محتاجين نتكلم شوية أمنة بصلتة و مشيت من غير اي كلام مراد اتحرك تاني و الباب مفتوح مراد بصوت عالي …. أمنة بلاش حركات العيال الصغيرة دي واركبي قلت بدل ما انزل اركبك بالعافيه اقسم بالله ااااركبي أمنة اتخضت من صوتة وخافت فعلا وركبت من غير كلام وهي اول ما ركبت جري بالعربيه فضلوا ساكتين وقف قدام كافيه هادي ونزلو ودخلوا من غير كلام بعد ما قعدو مراد بدء يتكلم مراد … أمنة خالتو نهال قالتلي انها حكتلك كل حاجة ممكن اعرف انتي رافضه تسمعيني ليه؟ أمنة … عشان مفيش بينا اي كلام تاني يا مراد خلاص ال حصل حصل الكلام لا هيقدم ولا هياخر حاجة مراد … ازاي يعني مفيش بينا كلام ؟ أمنة انتي عارفه و واثقة اني بحبك أمنة … لا انا مش عارفه حاجة ولا واثقة في حاجة ولا بقا ينفع اصلا مراد … ازاي يعني وايه ال خلاه مينفعش ؟ اتكلمي يا أمنة ف ايه أمنة بتحاول تتحكم في اعصابها … عشان انت من فترة قصيرة أعلنت للناس كلها انك خطبت و كتبت كتابك كمان ع بنت خالتك ال هي بنت خالتي أنا كمان و كلمتني بمنتهي البرود ولا نسيت يا حضرة الظابط ؟ مراد بحزن … يا حبيبتي والله كان غصب عني بالنسبالي كان انك للمرة التانيه بتتخلي عني حسيت أن أنا وبس ال بحبك غير ضغط خالتك نهال و عمو مصطفي عليا معرفش ازاي عملت كدة بس الله يرحمها ويسامحها بقا هنقول ايه أمنة بدموع … وغصب عني مش قادرة افكر ولا اتكلم ف حاجة دلوقتي ممكن ؟ اصلا الوقت مش مناسب ف لو سمحت تبطل كلام ف موضوع دا ممكن ؟ مراد … حاضر يا أمنة انا مش هضغط عليكي اكتر من كدة هسيبك تهدي وبعدين نتكلم تمام كدة ؟ أمنة … تمام ممكن اروح بقا مراد … لا هنتغدي سوا الاول وبعدين هوصلك ياستي أمنة سكتت و مراد طلب الغدا ليهم و اتغدو ف سكوت تام وبعدها مراد وصلها للبيت و مشي من غير ولا كلمة ________________________#بقلم_مني يونس كان متجنب اي كلام مع يحيي من يوم كلام اللي ناهد قالتة مفكرش حتي تاني فيه بينه وبين نفسة ك عادتة الهروب ديما من اي مواجهه هو الحل الوحيد عندة كان قاعد ف فيلا حماة مخنوق من الوضع اللي هو فيه ككل دخلت عليه ناريمان وهي مبتسمة وباين ع وشها الفرحة ناريمان … حبيبي سرحان ف ايه يونس … ولا حاجة ناريمان … طيب عندي ليك خبرين احلي من بعض يونس … خير ناريمان وهي بتحط ف أيدية مفتاح … اتفضل اول مفاجأة يونس … مفتاح ايه دا ناريمان … مفتاح شقتنا الجديدة قريبة من شقة باباك و ماماتك عشان تكون ديما جنبهم وتعوضهم عن سنين سفرك يونس بضيق … قلتلك مش هاخد فلوس من ابوكي بردو اتصرفتي من دماغك ناريمان… انا مخدتش من بابا اي حاجة والله انا بعت الشبكة اللي انت كنت جيبهالي وكان حاجة كدة من حاجاتي و جبت الشقة عشان تكون مبسوط و قاعد براحتك ف بيتنا مش قاعدين عند حد يونس بدهشه … بعتي شبكتك و حاجاتك دول اغلي عندك من بناتك ناريمان انتي كويسة ؟ ناريمان بحزن … مفيش حاجة اغلي منك انت وبناتك عندي يا يونس انا بحبك افهم بقا اهم حاجة عندي من يوم ما حبيتك انك تكون مرتاح و مبسوط يونس … خلاص يا حبيبتي متزعليش انا بس مضغوط الفترة الأخيرة دي حقك عليا و شكرا يا ستي ع ال عملتيه دا اوعدك اول ما اشتغل و الدنيا تظبط معايا هعوضك عن كل اللي انتي بعتيه دا ناريمان … حبيبي مش عايزة غير راحتك و بالنسبة للشغل دا الخبر التاني ال عندي انت اتعينت خلاص وقبل ما تعترض بابي ف فرع من شركاتة حصل فيه خسارة بسبب تلاعب من مدير الفرع مع المحاسب ال هناك و هو طلب مني مساعدتك عشان مش واثق ف حد اكتر من جوز بنته وانا قلتلو انك اكيد هتقف جمبة ومش هتكسفة ولا ايه يا حبيبي يونس … حاضر يا حبيبتي اكيد مقدرش اتاخر عن مساعدتة ابدا ناريمان … طيب يلا نحضر الشنط و نبات الليلة في شقتنا ايه رايك يونس … ربنا يخليكي ليا يا ناري انا فعلا مليش غيرك بيهتم براحتي و سعادتي ناريمان … ويخليك لينا يا حبيبي ناريمان حضنته و هو شدد من احتضنها وحسن أن أول خطوة ف خطتها نجحت فاضل ليه خطوة كمان لازم تنفذها ف اسرع وقت ___________________________#بقلم_مني يحيي عرف من اللي مكلفة بمراقبة ليلي أنها خرجت من النادي مع سليم و راحو الملاهي هما و الولاد كان جواة طاقة غضب كبيرة وحاسس أنه متكتف ومش عارف يتصرف بحريتة حاول يتحكم في غضبة بس مقدرش ركب عربيتة و اتحرك ع بيت ليلي واول ما نزل وشاف الحرس ال قصاد الباب الغضب زاد اكتررر جواة فصل يض’رب بايدو الدريكسون وبعدين طلع تاني بالعربيه ع المعرض ليلي كانت قاعدة مبسوطة باليوم اللي قضتة مع الولاد و سليم و غصب عنها سالت نفسها واحد زي سليم دا دكتور محترم و وسيم و يشد اي حد اية يخلي مراتة تسيبة؟ في نفس الوقت كان نفس السؤال اللي عند سليم وهو قاعد ع كرسي الهزاز بتاعه و قافل النور و بيفكر فيها وبيسال نفسه واحدة برقتها و ضحكتها اللي تطير العقل ازاي تتطلق ازاي ال كانت متجوازة دا قدر ينطق الكلمة دي كان مستغرب نفسه جدا سليم الدكتور الجد ال حياتة شغل وبس قاعد وبيفكر في واحدة ضحكتها جننتة _______________________#بقلم_مني اسراء خلصت شغلها في المستشفي و روحت علي شقتها دخلت و اول ما قفلت باب الشقة حست بالبرد الشديد برد مش بتحس بيه غير شقتها اللي عيشه فيها لوحدها بعد م.وت ابوها وامها من كام سنة يادوب هتتحرك عشان تغير هدومها و تنام جرس باب الشقة رن راحت تفتح و وشها قلب اول ما لاقته قدامها صفوان… مساء الخير يا ست الدكتورة اسراء بضيق … مساء النور يا معلم خير؟ صفوان … كل خير يا ست الناس انا بس حبيت اطمن عليكي تكوني محتاجة حاجة كدة ولا كدة اسراء … مش محتاجة حاجة شكرا جدا ممكن بعد ازنك بقا وقفتنا كدة متصحش يا معلم ولا ايه صفوان … ما انا طلبت القرب منك اكتر من مرة عشان محدش يتكلم وانتي اللي دماغك ناشفة اسراء … وانا قلتلك طلبك مرفوض يامعلم عن ازنك بقا صفوان … الله ما براحة عليا شوية مالك شايفة نفسك عليا لية كلنا ولاد تسعه اسراء … انا بقا بنت سبعه و خلقي ضيق عن اززززنك قفلت الباب ف وشة و خنقتها ذادت قعدت تعيط زي حالتها كل يوم لحد ما راحت ف النوم __________________________#بقلم_مني صباح يوم جديد ليلي صحيت و فطرت مالك و وصلتو ل باص المدرسة و يادوب هتدخل تعمل قهوتها لاقت الحرس بيكلمها ع تلفون ليلي … خير يا فتحي فتحي … في واحدة عايزة تقابل حضرتك بتقول اسمها ناريمان حرم استاذ يونس طليق حضرتك ليلي … البارت السادس عشر …….. صباح يوم جديد ليلي صحيت و فطرت مالك و وصلتو ل باص المدرسة و يادوب هتدخل تعمل قهوتها لاقت الحرس بيكلمها ع تلفون ليلي … خير يا فتحي فتحي … في واحدة عايزة تقابل حضرتك بتقول اسمها ناريمان حرم استاذ يونس طليق حضرتك ليلي … نعم بتقول مين فتحي .. بقول ل حضرتك واحدة اسمها ناريمان بتقول انها حرم استاذ يونس طليق حضرتك ليلي سكتت شوية وبعدين اتكلمت ليلي … قولها المدام مش فاضية وقبل ما تيجي تبقي تتصل الاول وتحدد معاد محدش بيدخل هنا من غير معاد مفهوم فتحي … مفهوم يا هانم حاضر ليلي … ولما تمشي ارجع كلمني عرفني رد فعلها اوكي فتحي … حاضر حاضر مع السلامة فتحي قفل وبص ل ناريمان ال كانت مضايقه جدا من وقفتها كل دا عشان تقابل ليلي ناريمان بضيق … ها ممكن توسع بقا عشان ادخل فتحي … اسف يا هانم المدام بتبلغ حضرتك انها مش فاضية حاليا وإن حضرتك لو عايزة تقابليها لازم تتصلي بيها الاول وتحددي معاد ف تليفون قبل ما تيجي ناريمان بصدمة … نعم ؟؟ انت بتكلمني انا ! فتحي .. أيوة بكلم حضرتك ناريمان بغضب … تمام اوكي بلغ الهانم اللي مشغلاك أن ناريمان هانم هتعرف ترد كويس اوي علي الحركة الزبالة دي سابتة ومشيت وهي هتم.وت من الغيظ و فتحي كلم ليلي وبلغها برد فعلها و ليلي ابتسمت بانتصار هي اه مكنش قصدها تضايقها هي خافت تواجهها لوحدها يبان عليها الزعل خافت تشوف ال جوزها خانها معاها شكلها ايه خافت تضعف ف هربت بالطريقة بالطريقة اللي تحفظ بيها قوتها اللي رسمها حوالين نفسها قدام كل أهل يونس ويونس أولهم بس فرحت أنها ضايقتها اتنهدت بضيق وقامت تحضر الغدا اهو تشغل نفسها ف اي حاجة بدل التفكير اللي بقا يخنقها ______________________________________________________________#بقلم_مني مر اسبوع بدون أي احداث جديدة يونس كان غرقان ف الشغل اللي مسكة وبدء ينسي كل مشاكله بالشغل كان عايز يثبت ل نفسه أن قد المسؤلية اللي حماه حطها فيه ناريمان كانت مبسوطة أن يونس مشغول اوي ف الشركة وبيرجع بتحاول تنسية تعب اليوم كله بعشا رومانسي ودلع و حنيه كانت بتعمل كل ال تقدر عليه عشان ميفكرش ف ليلي وابنها ويبقي ليها هي وبناتها وبس يحيي كان مشغول بالصفقة ال حط فيها كل فلوسه هو و ابوة بس كل الشغل دا مكنش بيمنعه من إنه يخطف اي فرصه و يشوف فيها ليلي من بعيد ليلي كانت بين البيت والنادي اتعلقت جدا هي ومالك ب كريم و كانت بتستني مشوار النادي بلفهه كانت بتبرر لنفسها أن لهفتها دي عشان هي مش بتخرج مكنتش عايزة تواجهه نفسها انها بدأت تتعلق ب سليم و وجودة سليم كان بين شغله وبين كريم كان بيحاول يقرب منه ويعوضه عن غياب ماماتة اللي أختفت هي و امها محدش عارف راحو فين و كان هو كمان بيستني خروجة النادي بفارغ الصبر بس كان معترف ل نفسه أنة بدأ يتعلق ب ليلي اوي مراد وأمنة مكنش ف بينهم جديد مراد غرق نفسه ف الشغل و طلع مهمه برة البلد و أمنة بتحاول تنسي و تتعامل ع أن مفيش حاجة وامها ما بين بيتها وبين بيت اختها ________________________________________________________#بقلم_مني و بدء احداث جديدة بيوم الجمعه اللي مالك وكريم بيستونة عشان بيقضوة كله ف النادي ليلي راحت معاهم الصبح و سابتهم ينطلقو وهي قعدت ع تربيزة ف مكان هادئ وبتشرب قهوتها ومعاها رواية بتحبها بتقري فيها وبعد ساعتين تقريبا حست بحد وقف قدامها وحجب الشمس عنها رفعت راسها لاقتيه سليم و واقف ومبتسم اوي ليها ليلي … سليم اية المفاجأة دي سليم وهو بيقعد … وياتري مفاجأة حلوة ولا وحشه ليلي… اكيد حلوة بس انت مش قلت مش هتقدر تيجي انهاردة عشان شغلك ؟ سليم … مقدرتش مجيش احم قصدي يعني العمليات ال كانت مفروض انهاردة اتاجلت ف منهم انهاردة بالليل ومنهم بكرة ليلي … طيب كويس اوي كريم هيفرح اوي لما يشوفك سليم … هما فين صحيح ؟ ليلي بيجرو ف التراك عاملين نفسهم شباب بقا وكبرو وراحو يجرو ف تراك سليم … هههههه بجد طب ايه رايك نروح نجري معاهم ليلي .. مين نجري دي اسمها أجري انت حر ف نفسك يا دكتور انا كدة تمام اوي قاعدة مع فنجان قهوتي ال بحبه و بقرا رواية جميلة و حاجة اخر روقان قال اجري قال سليم … مممم طب رواية ايه دي اللي وخداكي اوي كدة ليلي… رواية رومانسية حلوة اوي اوي سليم … ماشي يا ستي وانا مش هقوم اجري وهفضل قاعد معاكي ف روقان اللي انتي قاعدة فيه ولا اضايقك؟ ليلي … لا طبعا تحب تشرب قهوة معايا ع ما الولاد يجو و نتغدي سوا كلنا؟ سليم… لا شربت ف المستشفي قبل ما اجي صحيح يا ليلي ممكن اطلب منك طلب ليلي … اكيد طبعا سليم… ممكن تخلي كريم يبات انهاردة مع مالك لأن غالبا هبات ف المستشفي و هبقي قلقان عليه ليلي … من غير ما تطلب انا كنت هعمل كدة اساسا سليم ببتسامة … ميرسي يا ليلي فعلا وجودكم فارق اوي ف نفسية كريم ف فترة ال بيمر بيها دي ليلي … اظن مفيش شكر بينا وبعدين مالك كمان بيمر بفترة صعبه و كريم مهون عليه كتير اوي هما الاتنين بيقو بعض و صداقتهم مخلياهم يعدو الفترة دي أن شاء الله ع خير سليم … هو احم هو والد مالك مش بيجيلو خالص ولا بيكلمة؟ ليلي … مش بيشوفه خالص لا بس بيكلمو ف الفون وهو بيقولوا أنه مشغول فتره وهيعوضة عن كل التقصير دا بس بحس ان مالك مش مصدقة وكمان بقا عندة لا مبالاة تجاة ابوة ال هو مش فارق اتكلم أو لا سليم… وانتي بتقوليلو ايه ليلي… بقولو أنه اكيد مشغول عشان لسه راجع من السفر وأنه اول ما يستقر هيجيلو ع طول وانة اكيد بيحبة وكلام من دا سليم … طيب ما تحاولي تكلمي باباه وتلميحلة ب أن كدة هو بيبعد ابنه عنه ليلي بتوتر … احم لا مش هينفع عموما مالك مجرد ما ابوة يرجع يهتم بيه أن شاء الله الفترة دي هتخلص سليم حس أن ف حاجة ليلي مش حبه تتكلم فيها محبش يضغط عليها بس كان جواة فضول كبير يعرف عنها كل حاجة ليلي … وانت لسة مفيش اي اخبار عن والدة كريم و جدتة سليم… للاسف مفيش اخبار والموضوع دا مآثر اوي ف كريم وانا مش عارف اقولو ايه ليلي … حاول تهون عليه و ممكن تقولو أنهم اضطروا يسافرو ضروري واول ما يرجعو هيكلموة سليم … وتفتكري هيقتنع ب حاجة زي كدة ليلي … هيحاول يقنع نفسه بكدة عشان يرتاح سليم … تمام هقوله كدة انهاردة قبل ما ارجع المستشفي تاني ليلي لسه هترد عليه تلفونها رن وردت بسرعه و ملامحها كلها فرح ليلي … حبيبي وحشتني اوي ياليثو سليم سمع حبيبي دي ووشة بقا يطلع دخان وحاول يتحكم في اعصابة ليلي … انا ف النادي مع مالك … متقلقش عليا كلة تمام …. اوكي هستني مكالمتك بالليل. … باي يا ليثو ليلي قفلت و بتبص ع سليم اتخضت من شكلة ليلي… مالك يا سليم ؟ سليم بعصبية مكتومة … مليييش انتي كنتي بتكلمي مين؟ ليلي … نعم سليم … اية سؤال صعب بسالك كنتي بتكلمي مين ليلي… ملكش الحق انك تسالني سؤال زي دا وبالطريقة دي سليم لسه هيرد عليها بغضب لاقي الولاد جايين عليهم سكت و نفخ بضيق وبص ناحيه تانيه ليلي … حبايبي ايه الاخبار انبسطو؟ مالك … جدا يا ماما ليلي وهي متعمدة تبص ع سليم وهي بتتكلم … لوكا خالو ليث بيسلم عليك وهيكلمنا بالليل تاني يطمن عليك تحولت ملامح سليم من الغضب بابتسامة عريضة علي وشه مالك … بجد يا ماما دا وحشني اوي اوي ليلي … بجد ياقلب ماما سليم ببتسامة… كيمو انت انهاردة هتبات مع لوكا عشان انا هبات ف الشغل كريم ومالك قعدو يهيصو لما عرفو انهم هيباتو مع بعض سليم … كل دي فرحة مالك … طبعا يا عمو احنا فرحانين اوي انا بحب كريم جدا كريم … وانا كمان بحبك اوي يا مالك انا مليش صحاب اصلا غيرك انت وبس ليلي … خلال لو بابي وافق ياكيمو انت تيجي كل خميس تبات مع لوكا ونسهر سوا ونعمل موفي نايت وفشار وكل اللي نفسكم فية طالما هيكون صابح بعدها الجمعة اجازة كريم بفرحة … بجد يا انطي ليلي ليلي … بجد يا روحي بس لازم تستاذن من بابا الاول كريم بص ل سليم ال مش شايل عينية من ع ليلي … بابي بليز وافق سليم … موافق طبعا هتسهر مع لوكا الخميس والجمعة نروح ل جدو ونانا عشان ميزعلوش غير اليومين بتوع النادي اظن كدة تمام اوي ياكيمو ؟ كريم … اوي اوي يا بابي انا بحبك اوي سليم …. وانا كمان بحبك ياحبيبي ها بقا الابطال تحب تتغدا اية انهاردة ؟ مالك … انا عاوز برجر كريم … وانا كمان زي مالك برجر سليم بحنية ( بيسبل يابنات )… احم وانتي يا ليلي ؟ ليلي وهي بتبص ف المنيو … مممممم انا ممكن اخد اسكالوب بيعملوه هنا حلو اوي سليم … اوك ندة للجرسون وطلب للولاد برجر ولية هو وليلي اسكالوب وطول القعدة هو بيصلها بحب وهي مش مديالو اي اهتمام اصلا والولاد مش مبطلين رغي مع بعض اليوم خلص وروحو كريم اخد حاجتة وراح ل مالك وطلعو ع اوضت مالك يعلبو سوا وليلي كانت بتتكلم مع أمنة ع الواتساب ومندمجة معاها اوي ….. اما عند سليم بعد ما وصل كريم ل بيت ليلي رجع عشان يجهز ويروح ع شغلة وهو ف الطريق كان بيفكر مع نفسه سليم لنفسة … مالك ؟ بما انت دكتور سليم ال مشهور ب برودة وبيتقال عليه ديما سليم اعصابة ف تلاجة اية ال حصلك مجرد ما سمعتها بتتكلم ف التلفون وبتقول كلمة حبيبي ؟ مالك ياسليم عمرك ما كنت متلخبط كدة اااااه منك لله يا ليلي هتجنني قريب شكلك ___________________________________________________#بقلم_مني يحيي كان المعرض طاحن نفسة ف الشغل يمكن يقدر يشغل تفكيرة شوية عن ليلي سهر ف المعرض لوقت متاخر و خلص ولاقي نفسة من غير ما يحس فتح تلفونة وقعد يتفرج علي صور كتير ل ليلي كان مصورها ليها وهي ف البيت عندهم من غير ما ليلي تحس وهي فالمطبخ وهي بترغي مع ماماتة وهي بتذاكر ل مالك وهكذا فضل يتفرج علي الصور يحيي لنفسة …. وحشتني اوي يا ليلتي بس هانت اخلص من المشروع دا وانفذ اللي في دماغي وهتبقي بتاعتي العمر كلو مش بعد صبري دا كلو تروحي مني انتي بتعاتي انا وبس ياليلي انا وبس مهما طال الوقت اتنهد وقفل الفون و قفل المعرض كلو وروح ع البيت كان الكل نايم ودا كان حالو من اليوم اللي امة قالت كلامها قدامهم وهو مش بيحتك لا بيها ولا بيونس نهائي و نهار يوم جديد أمنة جهزت ونزلت عشان تروح شغلها اتفجأت ب عربية مراد قدامها مراد ببتسامة … صباح الخير أمنة بصدمة … م مراد مراد … اه مراد ممكن تركبي اوصلك للشغل أمنة … لا شكرا عن ازنك بقا عشان متاخرش مراد نزل من العربية بسرعه واتحرك وقف قدامها مراد بعصبية … هو انا كل ما احاول اكون هادي ورايق ف الكلام معاكي تستفزيني ليه هه مبتسمعيش ام الكلام من اول مرة لييييييييية بقولك هوصلك للشغل مش هخطفك يعني يلالالالا اركبي أمنة بخوف … ح حاضر بس متزعقليش كدة مراد ركب وهي كمان و اتحرك بالعربية خد نفس مرة واتنين عشان يهدي نفسة لسة بيبصلها عشان يتكلم معاها اتفاجا بيها بتعيط ف صمت اتنهد ووقف العربية ع جمب مراد بهدوء … ممكن اعرف بتعيطي لية دلوقتي ؟ أمنة بدموع … عشان انت زعقتلي مراد … يا حبيبتي انتي اللي استفزت’يني مع ذلك حقك عليا ياس’تي انا اسف بس وحياة اغلي حاجة عندك بلاش دموعك دي لانها بت’وجعني يا أمنة وب’توج’عني اكتر واكتر لما بينزلو بسببي أمنة مسحت دموعها … احم خلاص حصل خير مراد … طيب اضحكي عشان اصدق انة خلاص أمنة كشرت … لا مش عايزة اضحك اانا هو بالعافية مراد بجدية … بردو تاني انتي ولما بشخط فيكي بتعيطي أمنة ضحكت بعصبية … اهو ارتحت كدة اوووف مراد ضحك … اه ارتحت اوي ضحكتك حتي لو برخامة حلوة اوي أمنة اتكسفت ومردتش مراد … وخدودك دول لما بيحمرو من الكسوف كدة بيقبو حلوين اوي اوي اوي أمنة بكسوف … مراد مراد …قلب مراد من جوة انتي والله أمنة ابتسمت ومن كسوفها معرفتش ترد تقول اية مراد اتنهد و وبعدها اتكلم مراد …. أمنة انا حاولت ابعد عنك واديكي المساحة والوقت اللي انتي طلبيتهم بس مقدرتش صدقيني خلاص تعبت من البعد دا تعبت اكتم مشاعري جوايا انا محتاجلك جمبي محتاجلك اوي يا حبيبتي أمنة بحزن … يعني انا اللي متعبتش ولا فاكرني مبسوطة كدة بس مراد قاطعها … من غير بس مش عايز اسمع اي مبررات لبعدنا عن بعض ارجوكي انا تعبان بجد وبحبك وبم.وت فيكي ومش قادر علي بعدك والله أمنة ابتسمت وسكتت مراد … افهم من كدة اية يعني ؟ أمنة بغيظ … انت ظابط ازاي انتي مراد … نعم ؟ هو كوني ظابط معناة افهم الابتسامة وسكوت دا اية معناهم ؟ أمنة … ايوة يا حظابط افهم لوحدك وع جمب بقا انا وصلت اهو ومش حبة تاخير مراد … امرك ياهانم هروح اخلص شوية شغل واعدي عليكي ف معاد خروج خالتي حبيبتي عزماني ع الغدا عندكم أمنة … اوكي هستناك باي مراد … باي _______________________________________________________#بقلم_مني سليم خلص شغلة في المستشفي وروح هلكان خد شور ولسة داخل ينام لاقي تلفونة بيرن بنمرة غريبة تجاهل الرنة لكنها اتكررت اكتر من مرة ف الاخر رد سليم …. الو طرف الاخر … حضرتك دكتور سليم عز الدين ؟ سليم … ايوة انا مين معايا طرف الاخر … انا ملازم اول محمود من قسم شرطة مصر الجديدة كنا محتاجين حضرتك شوية ف مستشفي الهلال اللي ف نفس المنطقة سليم بحيرة .. قسم ومستشفي انا مش فاهم حاجة ؟ ممكن حضرتك توضح محمود … طليقة حضرتك ف المستشفي هناك وحالتها خطر و طلبة تشوفك ضروري وهي اللي ادتنا رقمك عشان نتواصل معاك لانها مقبوض عليها و ممنوعة من تلفونات بس نظرا لسوء حالتها المامؤر وافق انك تزورها ف اقرب وقت سليم بصدمة … سلمي ! مقبوض عليها ليه وف المستشفي ليه ؟ محمود … لما حضرتك تيجي هتفهم كل حاجة سلام سليم فضل مكانة شوية مش مستوعب المكالمة اللي حصلت دي بعد حوالي خمس دقايق قام و لبس بسرعه واتحرك لعنوان المستشفي اللي الظابط قالة عليه ومليون سيناريو ف دماغة ______________________________________________________________ ليلي كانت قاعدة زهقانة وبتفكر ف حل للزهق اللي هي فية دا قطع تفكيرها صوت من وراها ليث … ست البنات سرحانة ف اية ؟ ليلي بدهشة … لييييث معقول انت هنا ليث وهو بيحضنها … وحشتني يا لولا وحشتني اوي اوي ليلي بفرحة … انت كمان يا حبيبي وحشتني اووووي اية المفاجاة الحلوة دي ليث … لا المفاجاة فعلا اني جيت نهائي صفيت كل شغلي هناك وهعيش معاكم هنا ع طول ليلي … ليث اوعي تكون بتهزر بجد الحاجات دي مفهاش هزار ليث … والله بتكلم جد انا ف دماغي حاجات كتيييير جدا هنقعد ونرغي ونتكلم وهتفهمي كل حاجة المهم دلوقتي اني هبقي معاكم ديما ومش هسيبكم ابدا تاني واني همو.ت من الجوع وعايز اكل من ايديكي الحلوة دي ليلي … بس كدة احلي اكل حالا يكون جاهز ليث … لوكا فين ؟ ليلي … لوكا في اوضتة بيذاكر هو وكريم صحبة اللي حكتلك عنة ليث .. طيب علي ما تحضري الغدا اكون طلعت سلمت علية ليث طلع لمالك وهي دخلت المطبخ مبسوووطة وفرحانة برجوع سندها و امانها من تاني ليها ____________________________________________________________ سليم وصل المستشفي في وقت قصير جدا سأل علي سلمي عرف مكانها و راح لاقي اتنين عساكر وافقين ع باب العناية المركزة و ظابط قاعد ع جمب خمن انة هو الظابط اللي كلمة رحلة سليم بتوتر … السلام عليكم انا دكتور سليم عز الدين طليق سلمي محمود .. اهلا يا دكتور كويس انك متاخرتش سليم … ارجوك فهمني ف اية ؟ ومالها سلمي بالظبط ؟ محمود … مدام سلمي متهمة ب’قت’ل المدعو مروان شاكر وهي معت’رفة علي نفسها سليم بصدمة … اية قت’لتة ازاي ولية وليه هي ف الع’ناية المركزة ف اية ؟ محمود … البارت السابع عشر ……. وقفنا البارت اللي فات لما سليم وصل المست’شفي وهو مش فاهم حاجة والظابط بلغة ان سلمي ف عناية المركزة وانها متهمة بق’تل مروان ومعت’رفة علي نفسها وس’ليم كان مش فاهم حاجة وهنا الظابط بدء يشرحلو محمود …. انا هشرحلك كل حاجة حصلت ف اليوم دا وفقا ل كاميرات المراقبة اللي سجلت اللي حصل فلاش بااااااااااااااااااااااك سلمي بعصبية … انا عايزة فلوسي يا حرامي يانصاب يا اما والله هقت’لك انا خلاص معدنيش حاجة اخاف عليها امي و اتجوزت وسافرت ومعرفش عنها حاجة و ابني وضاع مني خلاص واكيد ابوة خلاة يك’رهني ف رجعلي فلووووسي احسنلك يا مروان مروان ببرود … خلصتي زن ملكيش اي حاجة عندي ويلا بقا برة من هنا عشان انا عامل برتي وهتبدء كمان شوية ومحبش اصحابي يشوفو الاش’كال ال زيك معايا سلمي … يا واطي ياحقير يا زبالة بقولك هات فلوسي لسة جاية تهجم علية وتض’ربة مسك ايديها الاتنين وزقها جامد ع الارض مروان بغضب … اطلعي برة يا بت انتي انا لحد دلوقتي متحكم ف نفسي عشان مم’دش ايدي علي اش’كال و… زيك برررررررررة سلمي منكتش سامعة كل الكلام دا كل حواسها مع فكرة واحدة سيطرت عليها مروان … بقولك بررررررررررة سلمي بهدوء … ماشي يا مروان ممكن ادخل الحمام اغسل وشي واظبط نفسي انا مهما كان سلمي هانم مينفعش حد يشوفني كدة مروان بلا مبالاة …. اخلصي بسرعة بس سلمي قامت ودخلت الحمام غسلت وشها كزا مرة وبصت لنفسها كتير ف المراية وفي الاخر ابتسمت بشر و عدلت هدومها وخدت نفس عميق وخرجت سلمي وهي بتقرب من مروان …. هو سؤال واحد يا مروان وهمشي ع طول ممكن ؟ مروان … خير سلمي … انت عمرك حسيت باي مشاعر ناحيتي ؟ مروان … مشاعر هههههههههه ضحكتيني والله بصي انا منكرش اني قضيت وقت حلو معاكي بصراحة كنتي بتبسطيني اوي يا سوسو سلمي عدت من جمبة وبتتكلم بهدوء وهي بتمد ايديها علي سكنية اللي ف طبق ال جمبة من غير ما هو يحس سلمي … انا بقا حبيتك حبيتك اوي يا مروان حسيتك عوضتني عن مشاعر سليم الباردة معايا بس ياخسارة كنت مغفلة مروان وهو بيلف ليها … احنا مش هنخلص ب اااااااه فجأتة سلمي بطعنة في معدتة بصلها بصدمة ولسة بيحاول يتحرك مسكت انتيك تقيل جمبها ونزلت بيها علي راسة مرة اتنين تلاتة اربعة عدد مرات كتير لحد ما راسة اتهشمت تماما … الخدامة والسفرجي طلعو ع صوت لسة بيقربو منها جريت ناحية البلكونة ورمت نفسها من البرج اللي مروان كان قاعد فية ف الدور السابع باااااااااااااااااااااااك محمود … وعشان كدة هي في العناية وحالتها خطر وطلبة تشوفك ضروري سليم … لا حول ولا قوة الا بالله طيب ممكن ادخلها دلوقتي لو سمحت الظابط لسة هيرد علية اتفاجو بحركة ف العناية دكتور بيجري ع جوة وممرضين ومحدش فاهم حاجة اتحركو عشان يشوفو فية اية لاقو الدكتور خارج وعلي وشة الحزن باين محمود … خير يا دكتور ف اية سليم فهم اللي حصل بس استني يسمع الكلمة من الدكتور الدكتور … انا اسف جدا البقاء لله عن ازنكم محمود … لا اله الا الله البقاء لله يادكتور سليم … ونعم بالله لو سمحت ممكن تعجل باي اجراءات عشان الدفن وكدة اكرام الميت دفنة محمود …. اكيد اكيد متقلقش وكدة تبقي خلصت حكاية سلمي نهائي من الرواية ___________________________________________________________#بقلم_مني ليث بعد ما اتغدي مع ليلي ومالك وكريم خرجو كلهم ف جنينة الفيلا الولاد كانو بيعلبو قدامهم وهما قاعدين سوا بيشربو قهوة سوا ليلي … انا بجد مش قادرة اصدق انك هنا معايا وهتفضل جمبي ع طول ليث … لا يا حبيبتي صدقي الا صحيح البت أمنة عاملة اية ليلي لسة هتحكلية تلفونها رن بنمرة سليم ليلي … ثواني يا ليثو هرد ع بابا كريم ليلي … الو سليم … ازيك يا ليلي وازي الولاد يارب يكون كريم مضايقكيش ليلي … احنا تمام الحمد لله انت رجعت ولا لسة ومال صوتك ؟ سليم … انا ف مستشفي والدة كريم توفت من دقايق ليلي بخضة … اييية انت بتقول ايه يا سليم ؟ سليم … زي ما سمعتي اتوفت من دقايق وانا هنا بخلص مع ظابط اجراءات لان والدتها اتجوزت وسافرت ومالهاش حد تاني هنا بحاول اخلص بسرعة عشان ادفنها بكرة الصبح اكرام الميت دفنة ليلي بحزن … لا حول ولا قوة الا بالله البقاء لله سليم … ونعم بالله ليلي … طيب انت فين وانا اجيلك ؟ ليث بصلها سليم … لا تيجي فين انا هخلص واجي انا بس حبيت اعرفك عشان لو اتاخرت خلي كريم عندك معلش انا بتعبك معايا بس محبتش اقلق بابا وماما دلوقتي خصوصا ان ماما من يومين كانت تعبانة بسبب الضغط العالي ليلي … تعب اية متقلش كدة تاني ومتقلقش علي كريم خلي بالك انت من نفسك ولما تخلص طمني سليم … اوكي مع السلامة ليلي … مع السلامة ليلي قفلت كان ليث بصللها اوي باهتمام ليلي بارتباك … اية ! ف اية ؟ مالك بتبصلي لية كدة ؟ ليث … ابدا مستني افهم القلق ال ف صوتك دا ع مين ؟ وحكايتة اية بالظبط ؟ ليلي … ولا حكاية ولا حاجة الموضوع ياسيدي وبدات ليلي تحكيلة ع سليم وكريم وليث كان بيسمعها بهتمام اوي وتركيز قاطع كلامهم مجي واحد من الحرس ناحيتهم احدي الحرس … احم انا اسف ف افندم بس ف واحد برة عايز يقابل مدام ليلي ليلي … مين دا ؟ الحرس … بيقول ان اسمة يحيي نعمان البارت الثامن عشر …….. وقفنا البارت اللي فات لما ليلي وليث كانو قاعدين سوا و دخل الحارس بلغهم ان يحيي نعمان موجود برة وعايز يقابل ليلي ليلي بخوف … ي يحيي جاي لية ؟ ليث … اهدي ف اية عموما جة لقضاة واضح انة محرمش خلية يدخل يا ابني لما نشوف اخرتها ليلي … ليث انا مش عايزة اشوفة بليز ليث بهدوء … لا هتشوفية انا اختي قوية مش ضعيفة ف اية دا انتي مكنتيش بالخوف دا ف وجود يونس اشمعني يحيي ليلي ملحقتش ترد لان لاقت يحيي قدامها …. يحيي كان داخل و واثق انة لسة له تأثير علي ليلي وكان علي وشة ابتسامتة المستفزة اللي ليلي بتكرهها لكن الابتسامة دي اختفت تدريجيا لما شاف ال قاعد جمبها و بيبصلة بسخرية اوي ليث … خيييير اية ال جابك يحيي بتوتر حاول يدارية …. احم انا انا جاي اشوف مالك من يوم ما مشي وانا مشفتوش ليث … فعلا ؟ واللي عايز يشوف مالك مش يتصل الاول يشوف صحاب البيت موجودين ولا لا ؟ وبعدين هي مش ليلي محددة مكان رؤية مالك في النادي فقط ازاي تسمح لنفسك تيجي هنا وانت عارف انها لوحدها ؟ يحيي … احم عادي يعني انا حسيت انة وحشني جتلة و لو مكنوش موجودين او هي رفضت كان الحرس اللي علي البوابة هيمنعوني ولا اية ؟ ليث …. مممم ماشي ( بص ل ليلي ) ليلي اطلعي اندهي مالك من فوق يشوف عمة لو سمحتي خلينا احنا للاخر احسن منهم ليلي … حاضر ثواني واختفت ليلي من قدامهم بس الدقيقة اللي يحيي خطف فيها نظرات ل ليلي كانت كفيلة تطفي نار شوقة ليها وفرح انة قدر يشوفها لانها كانت وحشاة اوي ليلي طلعت ندهت مالك وفضلت هي مع كريم تتكلم معاه وتلعب معاه و في المساء كانت ليلي حكت ل ليث كل حاجة من يوم ما سافر لحد ما رجع ومالك و كريم كانو نايمين و بعد وقت الحرس بلغ ليلي ان سليم موجود برة وعايز يقابلها ليث بضيق … في حد يجي لحد ف وقت زي دا وهو عارف انك لوحدك ؟ ليلي … ليث سليم محترم جدا علي فكرة متنساش الظروف اللي هو بيمر بيها اكيد جاي عايز ابنة عشان يكون جمبة ويبلغة ب وفاة ماماتة قدر الظروف ييا ليث واهدي شوية هه اهدي ليث سكت وسليم دخل كان واضح علية التعب والارهاق جدا و اتفاجا بوجود ليث ودا ضايقة هو مش عارف دا مين ولية موجود دلوقتي وواازاي مش هيتكلم مع ليلي وتهون علية تعبة وضيقة ف بقا تعبان ومرهق و مضاااااااااايق جدا سيلم … السلام عليكم ليث وليلي … وعليكم السلام ورحمة الله وبركاتة ليلي ببتسامة … اتفضل يا سليم عامل اي ؟ شكلك تعبان ؟ سليم … يعني شوية ارهاق امبارح كنت مطبق ف المستشفي وانهاردة طول اليوم بين مستشفي ومشرحة ومقابر يلا ربنا يرحمها ويغفرلها يارب ليلي … يارب البقاء لله سليم … ونعم بالله ليث … اية يا لولا هو انا شفاف للدرجادي مش تعرفيني بالاستاذ ؟ ليلي بحرج … وبعدين ياليث مش وقت هزار احم دا ليث اخويا يا سليم و دا سليم والد كريم يا ليث ليث وهو بيمد ايدية ل سليم … تشرفنا بحضرتك و البقاء لله سليم وهو بيسلم علية … الشرف ليا شكرا ونعم بالله ( وبص ل ليلي ) احم ممكن تندهيلي بس كريم لو سمحتي معلش تعبتك معايا انهاردة ليلي … اولا مفيش تعب ولا حاجة كريم ع فكرة هادي جدا ومؤدب اوي ثانيا هو نايم دلوقتي حرام اصحية خليهم بكرة يأجزو من المدرسة و ابقي اقعد معاة براحتك ممكن ؟ ليث … سوري لو بدخل بس ليلي معاها حق حرام نقلق الولد وكدة كدة حضرتك شكلك تعبان ومرهق استريح الليلة دي وبكرة اتكلم معاه براحتك مالك كمان بكرة مش رايح المدرسة عشان انا لسة راجع من السفر انهاردة ف هيصحو الصبح براحتهم وانت ابقي خد كريم اي وقت تصحي براحتك سليم … اوكي اللي تشوفو اسف مرة تانية ع ازعاجكم تصبحو علي خير ليث وليلي … وانت من اهل الخير سليم … عن ازنكم ليث وهو بيوصلو … اتفضل ليلي انسحبت بهدوء تنام قبل ما ليث يفضل يسأل فيها كتير وعدي اليوم وجة صباح يوم جديد مكنش في احداث سليم اخد كريم وطلع علي بيت باباة وماماتة و اتكلم معاه وفهمه ان والدتة توفت كريم زعل جدا و كان طول الوقت ساكت لا بيرد علي حد ولا بيتفاعل معاهم ف اي حاجة و دا تعب سليم جدا ومكنش عارف يساعدة ازاي ؟ ليلي كانت مبسوطة برجوع ليث خصوصا انة فجأها انه هيفتح شركة هنا للبرمجيات و هي هتشتغل معاه فيها وديما كانت علي اتصال بسليم عشان تطمن علي كريم وكانت بتحاول تخفف عن سليم وتواسية انها فترة وهتعدي امنة ومراد مفيش اي جديد بينهم رغم الحب ال جواه قلوبهم الا ان امنة لسة شايفة انها محتاجة شوية وقت يونس وناريمان حياتهم بدات تستقر جدا و ليث بقا ياخد هو مالك ف اوقات زيارتة ل يونس واهله ودا كان مضايق يونس و يحيي جدا انهم مش بيشوفو ليلي عدي شهر علي ابطالنا بدون جديد وفي يوم جديد باحداث جديدة في فيلا ليلي كانت بتحضر الفطار بنشاط وهمة وفرحة لان انهاردة اول يوم ليها هي وليث في المكتب الجديد الل فتحة ليلي بصوت عالي … يلاااااا الفطاااار يا مالك يا ليث يلا بقا هنتاخر اية دلع دا مالك بنعاس … صباح الخير يا ماما ليلي وهو بتبوسة ف خدة … صباح النور يا روح ماما انت ليث … الله الله ااية الرضا والدلع دا كلة ليلي … صباح الخير يا ليثو ليث … صباح الفل يا قلبي وقعدو يفطرو مالك … ماما انا بقالي يومين واخد الاجازة ومشفتش كريم بقالي كتير وكل ما اطلب منك تقوليلي اصبر وبعدين يعني ؟ ليلي … اعمل اية طيب يا لوكا هو طول الشهر دا قاعد مع جدة وجدتة عشان يراعوة لما يرجع هتشوفو وتقعدو سوا براحتكم مالك كشر … انا عايز اشوفو بليز يا ماما اتصرفي ليث … طيب ما نكلم سليم يخدة النادي و نتقابل هناك الولد لازم يخرج ويغير جو مينفعش يسبوة ف البيت ديما كدة ليلي … طيب هكلم سليم انهاردة واقولو واظبط معاة ليث … طيب يلا عشان منتاخرش يا باشمهندسة ليلي … لوكا تحب تيجي معانا ولا تفضل هنا مع دادة لحد ما نرجع ؟ مالك … لا هستناكم هنا بس مش تتاخرو لو سمحتو ليث … اوامرك يا سيدي يلا باي مالك … باي اتحركو ع مكان الشركة الجديدة وليلي اول ما دخلت اتفاجات ب امنة قاعدة جوة ف المكتب ليلي بفرحة … ميمو مش معقووووووول اية المفاجاة الحلوة دي ؟ أمنة … حبيبتي وحشتني اوي اوي ليلي … وانتي كمان وحشتني اوي ليث … علي فكرة انا مدير رخم اوي وممكن ادي جزاء حالا دلوقتي ليلي بعدم فهم … جزاء لية ولمين ؟ ليث … ليكم انتم الاتنين طبعا ليلي بصت ل امنة ورجعت بصلتة … مش فاهمة بردو ؟ ليث … ام الغباء اكيد قصدي ان امنة كمان معانا هنا في الشركة مالك يا ليلي القعدة خلت مخك صدي ولا اية ؟ ليلي بفرحة …. بجد ايييييييييوة بقا دا هيبقي احلي شغل هيه هيه هيه كلهم ضحكو علييها وبعد سلامات بدء كل واحد شغلة ________________________________________________________________ عند يحيي في المعرض كان كسب الصفقة اللي حط فيها معظم فلوس نعمان بس طبعا كسبها بالرشاوي و ورق المضروب وكان شايف انة خلاص جة الوقت ال يصفي فية حسابة مع ليث لازم ليث يختفي من طريقة عشان ليلتة ترجعلو خاضعة وخايفة من تاني لازم مهما كان الثمن يحيي طلب حد علي الفون وبدء يتكلم معاة يحيي… الو اية الاخبار الطرف الاخر … نزلو انهردة سوا وموجودين ف الشركة اللي قولت ل حضرتك عليها يحيي… تمام زي ما انت واستني مني تلفون قريب للتنفيذ مفهوم الطرف الاخر … مفهوم يا باشا قفل معاة وابتسم اوي خلاص الدنيا هتبدء تتضحكلو الفلوس وبقت في ايديو زي الرز وليلي قريب اوي هتبقي في حضنة مشش محتاج اي حاجة تاني مراد دخل الشركة وسال علي مكتب امنة كان معاه بوكية ورد احمر جميل خبط ودخل مراد … ممكن ادخل ؟ أمنة بفرحة … مراد اتفضل طبعا مراد وهو بيديها البوكية … انا جيت اباركلك علي الوظيفة الجديدة واشوفك لانك وحشتني اوي أمنة بخجل وهي بتتاخد البوكية … ميرسي يا مراد مراد … ميرسي دي عشان اني جبت ورد وجيت اباركلك طيب بالنسبة ل وحشتني اوي ايه أمنة … مراد وبعدين انا ف الشغل علي فكرة مراد بضيق … وانا عارف اكلمك طيب اعمل اية امنة بجد وحشتني اوي بقا كفاية كدة يا حبيبتي امنة بخجل … وانت كمان وحشتني اوي مراد … قولي والله أمنة ببتسامة … والله وحشتني اوي مراد … ايوة بقا دا الوظيفة الجديدة دي وشها فل عليا أمنة … طب امشي بقا ونتكلم بعدين مراد … هتخلصي امتي ؟ أمنة … يعني لسة ساعتين كدة مراد … طيب هروح مشوار علي ماتخلصي و اجيلك اوصلك امنة لسة هتعترض قاطعها هو مراد … هتصل ب خالتو واستاذنها واعزم نفسي عندكم علي الغدا كمان ها حاجة تاني أمنة … لا خلاص اللي تشوفو مراد … حبيبي المطيع دا بحبك امنة ابتسمت بخجل وهو حدفلها بوسة ف الهوا ومشي ____________________________________________________________ عند ليلي خدت بريك من الشغل واتصلت ب سليم ليلي … الو ازيك يا سليم ؟ سليم … الحمد لله انتي عاملة اية ؟ ليلي… الحمد لله اية بقا مانش الاوان انكم ترجعو بقا ولا اية ؟ سليم … قريب ان شاء الله لسة كنت بتكلم مع بابا ف الموضوع وهيجو هما كل اسبوع يومين تلاتة كدة يقضوة معانا ليلي … طيب كويس مالك هيتجنن علي كريم كل يوم يسألني علية وجودهم مع بعض علي فكرة هيفرق اوي ف نفسية كريم يا سليم سليم … عارف والله يا ليلي ليلي … طب اية رايك نتغدي كلنا انهاردة في النادي سوا؟ بليييز وافق سليم ليلي اصلا كانت وحشاة جدا بس كان محرج انة يطلب منها يشوفها خصوصا انة عارف ان الوضع اتغير في وجود ليث سليم بلهفه … موافق طبعا تحبي ساعه كام؟ ليلي … خمسة كويس ؟ سليم … كويس اوي اوي تمام هنكون هناك قفلو وهما مبسوطين انهم هيشوفو بعض كل واحد فيهم سرح في التاني وراح ل دنيا تانية معاه _______________________________________________________________________ الوقت عدي ببطء علي ليلي مكنتش عارفة هي لية كل شوية تبص في ساعتها و قبل المعاد بنص ساعة اتحركت هي وليث اخدو مالك من الفيلا وطلعو علي النادي ومش واخدين بالهم خالص من العيون اللي وحو’طاهم اتقابلو مع سليم وكريم علي البوابة مالك اول ما شاف كريم جري علية وكريم كمان عمل كدة وحضنو بعض جامد اوي كان بقالهم سنين مشافوش بعض وسليم سلم علي ليث و ليلي و اتحركو عشان يدخلو للنادي بس كل شيء وقف فجاة مع صوت ر’اصة و وقوع ليث علي الارض غرقاااان في دمة للحديث بقية . البارت الثامن عشر الجزء التاني …….. وقفنا البارت ال فات لما ليث سمعو صوت رصا’ص وليث وقع غرقان ف دمة ليلي وقفت متجمدة ف مكانها و سليم جري ش’دها هي ومالك و معاه كريم ورا عربيتة وجري ع ليث ضر’ب الر’صاص خلص والعربيه ال انض’رب منها جريت سليم شال ليث و حطة ف عربيتة و في خلال دقائق كان ف المستش’في ال شغال فيها ليلي مش عارفة ازاي هي قاعدة قدام غرفة العمليات وجمبها مالك اللي دم’وعه مغرقه وشة و كريم جمبة بيوا’سية مش سامعه حاجة حتي دموعها معن’دها ورافضة تنزل مالك بص ع حالة مامتة خاف عليها طلع تلفونها و اتصل ب أمنة اللي في وصلت هي و مراد بسرعه جدا وكان لسه ليث ف العمليات أمنة بقلق ودموع … ايه ال حصل يا ليلي ليث فين؟ ليلي مفيش رد مالك ببكاء … خالو دخل الاوضه دي( شاور ع غرفة العمليات) ولسه مخرجش وماما مش بتتكلم ولا بتعيط ولا بتعمل أي حاجة أنا خائف يا أمنة اوي مراد اتحرك ناحيه مالك و وقعد قصادة .. حبيبي متخافش كل حاجة هتكون تمام انت راجل لازم تكون اقوي من كدة عشان خاطر ماما أمنة قعدت جمب ليلي وبدأت تهزها … ليلي اتكلمي عيطي اعملي اي حاجة متسكتيش كدة والنبي ليلي متوجعيش قلبي والنبي ليلي بصتلها و الدموع متحجرة ف عينيها مش راضية تنزل واتكلمت بصوت مهزوز وخايف ليلي … ه هو هيبقي كويس مش كدة هيكون بخير صح صح يا أمنة ليث بخير صح ؟ أمنة … اه يا حبيبتي أن شاء الله هيبقي كويس وبخير ربنا رحيم و كبير قولي يارب ليلي … يارب يارب انا مليش غيرة يارب ما تحرمني منه يارب يارب يكون بخير ااااااااه قلبي بيوجعني يا أمنة أمنة لسه هترد عليها خرجت اسراء من اوضه العمليات وكلهم جريو عليها ليلي … اخويا كويس طمنيني ارجوكي اسراء بحزن علي حالتها … اطمني دكتور سليم بعتني اطمنك ان اخوكي بخير و الحمد لله مفيش نزيف داخلي هو بيقفل خياطة الجرح بس قالي اخرج اطمنك ان شاء الله هيبقي تمام متخافيش قولي انتي بس يارب ڢ ليلي … يارب ان شاء الله شكرا ليكي اسراء ببتسامة .. العفو انا معملتش حاجة عن ازنكم لازم ارجع ل دكتور سليم تاني امنة .. الحمد لله اطمني بقا واهدي بصي مالك خايف ازاي ليلي بصت ع مالك لاقيتة خايف و بيعيط جامد وكريم حضنة جدا وبيطبطب عليه راحتلة ليلي بصوت مخنوق … حبيبي اهدي خالو كويس و الدكتورة ال خرجت دي طمنتنا أنه كويس وخلاص هيخرج من الاوضه دي وهنشوفه اهدي عشان خاطر ماما حبيبتك وعشان خالو لو شافك كدة هيزعل منك مالك ببكاء … ماما انا خايف ليلي حضنته جامد … متخافش حبيبي متخافش كل حاجة هتكون كويسة خالو مش هيسبنا أن شاء الله هيفضل معانا ع طول كريم … اهدي يا لوكا احنا كلنا جمبك ليلي ابتسمت ل كريم و حضنتة هو كمان و هو بادلها الابتسامة الباب اتفتح و خرج سليم و اسراء ليلي جريت عليه ليلي … سليم طمني ليث عامل ايه ؟ حالته ايه؟ سليم … اهدي يا ليلي هو بخير الحمد لله قدرنا نطلع الر’صاصة بدون مضاعفات الرص’صة كانت جمب القلب مباشرة الحمد لله ربنا كتبلو عمر جديد ليلي. .. الحمد لله طيب عايزة اشوفو ارجوك سليم … مينفعش دلوقتي اه هو كويس بس لازم يفضل ف العناية 24ساعه تحت الملاحظة نطمن عليه و أن شاء الله يتنقل أوضة عادية و تشوفيه براحتك دلوقتي ياريت تروحي انا هفضل جمبة اوعدك مش هسيبة ثانية ليلي … لا لا اروح ايه انا هفضل هنا جمبة مقدرش اروح ابدا واسيبة سليم … طب بصي كدة ع مالك ينفع يفضل ف حالتة دي ؟ ليلي بصت ل أمنة … أمنة خدي مالك معاكي انهاردة معلش انا مش هقدر اسيبة والله أمنة … حاضر اهدي وانا هعملك ال انتي عايزاة سليم اخد مالك و كريم اوضتة و طلب ليهم اكل و حلويات واتصل ع والدة عشان يعدي عليه في المستشفي ياخد كريم و عند ليلي أصرت ع أمنة تاخد مالك وتمشي و أمنة تحت إصرارها وافقت و مراد قالها أنه هيوصلهم و هيتابع تحقيقات بنفسه ع ما ليث يفوق وياخدة أقواله _______________#بقلم_مني____________ عند يونس وناريمان كان بيجهز عشان يروح غدا عمل تبع شغله و ناريمان بتساعدة يونس … تسلم ايديك يا حبيبتي ناريمان … تسلملي يا حبيبي بقولك يا نوسي ينفع المرة الجايه اللي تاخد البنات فيها عشان يشوفو اخوهم اجي معاكم ؟ يونس باستغراب … تيجي معانا؟ اشمعني يعني؟ ناريمان … عادي يعني اظن لازم يجي وقت اتعرف فيه ع اخوة بناتي ولا ايه ؟ يونس … اكيد يا ناري بس مش دلوقتي ممكن بس الأمور تتظبط بيني و بين مالك لأن لسة الولد مش ع طبيعتة معايا وبعدين هيجي الوقت المناسب اللي تتعرفي ياستي عليه فيه ناريمان بضيق … تلاقي الست ماماتة عماله تملي دماغة بكلام وحش عنك عشان كدة الولد مش بطبيعته معاك يونس … اكيد لا ليلي مش كدة خالص ناريمان … اومال ليلي ازاي؟ يونس … ناري مش طالبة نكد ع الصبح هه باي ياقلبي ناريمان ل نفسها .. لسه بتحبها يا يونس مهما اعمل ومهما احاول هي بس اللي ف قلبك _____________#بقلم_مني______________ بعد مدة في المستشفي كان والد سليم اخد كريم و أمنة اخدت مالك وفضلت ليلي قاعدة قدام غرفة العنايه سليم عدي يطمن علي ليث شافها قاعدة كدة صعبت عليه وحس بنغزة ف قلبة تلقائي كشر واستغرب نفسه ف ايه بيجرالة و رجع فاق أن دا مش وقتة و راح ناحيتها سليم … ليلي انا مش قادر اسيبك قاعدة كدة طول اليوم ممكن تريحي ف اوضتي شوية وانا والله كل شوية باجي اهو اطمن عليه ليلي لسه هتعترض سليم بصرامة … ليلي مش هسيبك ع الكرسي طول الليل كدة لو سمحتي متتعبنيش و قومي ريحي ف اوضتي شوية واديكي معاه ف نفس المكان اهو ليلي هزت راسها وبصت ع ليث من الازاز وبعدين اتحركت مع سليم ع اوضتة اول ما دخل فتح تلاجة صغيرة جمب مكتبة وطلع منها شيكولاتة و عصير وراحلها سليم … كلي الشيكولاته واشربي العصير الاول وبعدين ريحي ع الكنبة دي و وعد مني اول ما ليث يفوق هيجيلك ع طول اخدك ليه تمام؟ ليلي بتعب … ممكن اريح بس مش قادرة اكل حاجة سليم … لا هو باكدج كله كدة ع بعضة ولازم يتعمل عشان خاطر ليث لما يفوق يلاقيكي واقفه ع رجلك بلاش تقلقية عليكي لو سمحتي ليلي .. انت عنيد كدة ليه هات يا سيدي حاضر سليم ببتسامة… شاطرة لو حبة تقفلي ع نفسك من جوة مفيش مشكلة ليلي … لا ملوش لزوم سليم … اوكي هروح انا و هرجعلك كمان شوية ليلي … اوكي _________________________________ يحيي كان قاعد ف المعرض متوتر وقلقان لحد ما تلفونة رن يحيي .. أيوة ايه الاخبار؟ الطرف الآخر .. الرصا’صة جت جمب القلب وحاليا ف المست’شفي و حالتة خطر و اخته معاه يحيي بغضب… اغبية مش قلت الرص’اصة تكون ف قلبة أو ف راسة وقلتلي اطمن يا باشا ايه مشغل معايا حبه عيال ولا ايه الطرف الآخر … كان داخله ع القلب ياباشا والله هو ال اتحرك وقت خروج الرص’اصة وبعدين ملحوقة لو فاق اوعدك مش هيخرج من المستشفى الا علي المقابر علي طوووول يحيي … لما نشوف المهم مالك مع ليلي ؟ الطرف الآخر … لا في واحدة كان معاها واحد خدتة ومشيت بيه من شوية محدش جوة غير اختة بس يحيي … واحدة مين ؟ الطرف الآخر … معرفهاش يا باشا والله يحيي بضيق … طيب اقفل و اي جديد بلغني غور يلا قفل التلفون و هو مخنوق كان بينه و نجاح خطتة خطوة واحدة دلوقتي لسه هيستني تاني وهو سرحان كدة دخل عليه نعمان غضبان و متنرفز نعمان بغضب… انت ازاي تتجرء وتعمل كدة؟ يحيي ببرود … اعمل ايه ؟ نعمان … يا بجاحتك يا اخي ايه البرود دا انت ازاي تكتب المعرض باسمك بالتوكيل ال معاك ايه بتورثني بالحياة بتسرقني يا أبن ناهد يحيي … تؤ تؤ تؤ انا ابن نعمان وبعدين انا حفظت حقي مش اكتر العمارة انا سيبها باسمك هي و عمارة مدينة نصر شوفت بقا انا حقاني ازاي؟؟ كل ال خدتة حقي مش اكتر نعمان … حق ايه يا ابو حق دا معرضي وفلوسي و شقايا يحيي … والله ضحكتني شقي مين يا ابو شقي دا حقي انا انا اللي من سفر ل سفر و صفقات ومناقصات و ليل ونهار مطحون هنا دا حقي وتعبي ومعنديش استعداد تخلي ابنك الحيلة يشاركني في قرش واحد منه نعمان … بتسرقني يا يحيي بعد العمر دا كلو انا ابني يسرقني ليه كدة أنا عمري ما أخرت عنك حاجة ليه كدة يا ابني حرام عليك يحيي بضيق … يوة بقا الكلام اللي ملوش اي لزمة دا وبعدين انت متفاجا اوي كدة ليه ما انت سبق وعملتها زمان في ابوك لما كتبت المعرض دا باسمك عشان اخواتك البنات ميورثوش معاك وابوك اتشل فيها وبعدها مات وأخواتك قطعوك ايه بقا مستغرب ليه دلوقتي اني بضمن انا كمان حقي زي ما انت عملت زمان ؟ نعمان بصلة بحزن وحسرة و اتحرك يخرج من المكان بخطوات تقيلة اوي حس اني الدنيا ضاقت بيه و مكنش قادر يتنفس بصعوبة و وصل البيت واول ما دخل وقع من طولة ع طول ناهد اتصلت ب يحيي مردش عليها اضطرت تتصل ب يونس بسرعه اللي ساب كل اللي ف أيدية و اتحرك جري ع ابوة ________________#بقلم_مني___________ نرجع ل المستشفي سليم كان بيطمن علي مؤشرات ليث وجمبة اسراء و ابتدي ليث يفوق حسو بيه بيحرك أيدية بسيط و بيحاول يفتح عنينه وبعد كزا محاوله نجح سليم ببتسامة… حمد لله على السلامه يا بطل ليث بتعب وصوت واطي .. الله يسلمك ايه ال حصل سليم … متجهدش نفسك ف الكلام انت خدت رصا’صة جمب القلب بس الحمد لله عدت ع خير ليث … ليلي ومالك فين ؟ هما كويسين ؟ سليم …بخير متقلقش مالك مع أمنة صحبه ليلي وليلي رفضت تمشي وتسيبك هي بس ف مكتبي بدل قاعدة الكرسي حالا هجبهالك (وبص ل اسراء) اديلو من المسكن ال معاكي الكمية اللي حددتها متزوديش ولا تنقصي تمام ؟ اسراء ببتسامة… تمام يا دكتور سليم خرج و اسراء قربت من ليث تديلو المسكن ف المحلول اللي متعلقله اسراء … حمدالله على السلامه ليث … الله يسلمك شكرا اسراء … العفو ع ايه دا واجبي انت عارف ان انت محظوظ اوي وربنا بيحبك ليث … انا؟ اشمعني ؟ اسراء … رص’اصة بتاعتك كانت جمب القلب بالظبط ولو كنت اتاخرت عن دخول العمليات خمس دقايق بس مكناش هنقدر نلحقك خالص ليث … الحمد لله قدر الله وماشاء فعل اسراء … ونعم بالله قاطع كلامهم دخول ليلي وهي بتجري ناحيه ليث ليلي وهي ماسكة أيدية … حبيبي انت كويس ؟ حاسس بايه ؟ ف حاجة بتوجعك؟ ليث … متقلقيش يا حبيبتي انا بخير والله الحمد لله (وبص ل سليم ) شكرا يا دكتور علي تعبك معانا سليم … انا معملتش حاجة المهم انك بخير الحمد لله ليلي … الحمد لله يارب سليم هو كدة عدي مرحله الخطر ولا ايه ؟ وهيخرج أمتي بقا سليم ببتسامة.. مستعجلة كدة ليه ع خروجة لا ياستي لسه شوية نطمن طبعا عليه و علي جرحة بس الحمد لله مفيش خطر دلوقتي ليث. .. ليلي اهدي انا كويس قدامك اهو بلاش التوتر دا عشان خاطري ليلي… مش عارفه اهدي صدقني غصب عني مش عارفه اسراء … كل ما هتفضلي جمبة و تكلمية ويرد عليكي هتهدي بالتدريج اكتر واكتر واعصابك تهدي ربنا يخليكم لبعض ديما يارب ليلي وليث… اللهم امين يارب اسراء و سليم انسحبوا و ليلي فضل مع ليث مع أسئلتها اللي مش بتخلص و قلقها اللي مش بيهدي ________________#بقلم_مني___________ يونس نقل نعمان المستشفي و بعد وقت خرج الدكتور من عندة و يونس و ناهد جريو عليه يونس بلهفه وخوف … خير يا دكتور بابا ماله ؟ الدكتور … للاسف جلطة شديدة أدت ل شلل نصفي ناهد من الخضة قعدت ع الكرسي بتعب ومعرفتش تنطق يونس بدهشه … انت بتقول ايه ؟ انا ابويا كان لسه مكلمني الصبح و كان كويس ازاي مرة واحدة يقع كدة ويتشل ازاي؟ الدكتور … لازم تكونو اقوي من كدة المريض لما يفوق و يعرف ال حصل محتاج دعم حواليه مينفعش يشوف الحزن والكسرة ف عيونكم كدة يونس … لا حول ولا قوه الا بالله طيب نقدر ندخله ؟ الدكتور … حاليا صعب بس يفوق ونطمن عليه هتدخلولو ع طول عن ازنكم يونس … يحيي فين يا ماما؟ ناهد بصوت مخنوق … معرفش يا ابني بقالة مدة مش بيبات ف البيت ولما بكلمة بيقولي شغل وكلمتة لما ابوك تعب مردش عليا يونس حاول يكلم يحيي لكن تلفونة كان مغلق اتصل بالمعرض قالولوة أنه كان هنا من شوية و مشي اتنهد بياس من أحوال اخوة وسكت __________________________________ بعد اسبوع من اليوم دا الأحداث كالاتي مراد وأمنة عايشين قصة حب جميلة و مالك لسه قاعد مع سهير و أمنة ليلي مش بتفارق ليث ف المستشفي ابدا ديما جمبة و قربت اوي من اسراء وبقو أصحاب و سليم ديما معاها اغلب الوقت بيهتم أكلت نامت شربت مرتاحة ولا لا وليلي مش عايزة تفكر في اي احساس بتحس بيه ليث بدء يتحسن ملاحظ اهتمام سليم بس مخدش اي رد فعل هدوووووء و هو كمان بيرتاح ف كلام مع اسراء وبدء يحس أن قلبه هيدق يحيي اختفي من بعد مواجهتة مع نعمان بيتابع الشغل بالتلفون و رجالتة اللي ف المعرض مبيدوش يونس اي معلومة عنه وبيخطط للخطوة التانيه عشان يخلص من ليث يونس عرف أن اخوه كتب المعرض باسمة وانة السبب ف ال حصل لابوة ومن وقتها وهو بيدور عليه وهيتجنن ومش مركز ف اي حاجة تانيه نعمان خرج من المستشفى ع كرسي متحرك نفسيتة وحشه جدا مكتئب مش بيتكلم كتير و ناهد بتخدمة وتراعيه و بتحاول تخفف عنه ___________________________________ ليث كان قاعد مع ليلي بتاكله تفاح ليث … ليلو بقولك ليلي … ليلو ؟ تبقي عايز حاجة خير ؟ ليث بتوتر … احم هو هو انتي و اسراء يعني ملاحظ انكم بقيتم مقربين من بعض صح ؟ ليلي … اسراء ع طول كدة دا انت لحد دلوقتي بتقول ل سليم يا دكتور سليم و وهي بقت اسراء بس ؟ ليث كشر… بت بطلي رخامة بقا ليلي … انا رخمة ماشي شكرا يا سيدي ليث … يووووو ليلي اخلصي بقا ليلي … اخلص اعمل ايه مش فاهمه ؟ ليث … بقيتو اصحاب؟ ليلي … انا وسوسو اه بقينا صحاب ليث … احم طب هي يعني مقالتش ليكي إذا كانت يعني اا يعني ليلي … ايه يا ليثو علقت ولا ايه ههههههههههه عموما لا هي مش مرتبطة ليث حدفها بالمخدة … ابو شكلك بت رخمة صحيح ليلي … شكرا شكرا زود حسابك معايا زود وابقي قابلني لو قلتلك عنها حاجة تاني او سييتك حتي تقرب منها. ليث بغيظ … يا سلام علي اساس اني هاخد الأذن منك مثلا ليلي … لا يا حبيبي العفو بس مش هخليك تعرف تتكلم معاها كلمتين ع بعض بس هه ليث … ليلي حبيبتي ليلي … دلوقتي بقيت حبيبتك ماشي ماشي عموما الله يسهلو ياسيدي ليث لسه هيرد الباب خبط ودخلت اسراء اسراء ببتسامة… صباح الخير ليث وليلي … صباح النور ليلي … اتاخرتي ليه يا هانم عندك تأخير ربع ساعه بحالهم اسراء … سوري يا ليلي راحت عليا نومة اصلا و كنت بجري حوالين نفسي يادوب جيت مضيت حضور و جيتلك ع طول ليلي … خلاص سماح المرادي اسراء … عامل ايه انهاردة يا استاذ ليث ليث … كويس الحمد لله بس مش اتفقنا ليث بس رخمة اوي كلمة استاذ دي اسراء … احم اه حاضر اكيد ليلي … يلا يا سو نروح نشرب قهوة سوا ليث بغيظ … ما تشربوها هنا ليلي … لا أصل عايزة سو في كلمة سر عن ازنك بقا ليلي كتمت ضحكتها و خدت اسراء وخرجت و ليث كان هيمو.ت من الغيظ منها و اتوعد لها لما ترجع في الكافيترية. ليلي … بقولك ايه مش احنا بقينا أصحاب؟ اسراء. .. اكيد طبعا ليلي … طيب ايه بقا مفيش حبيب كدة ولا كدة اسراء … لا انا مبفكرش ف الارتباط خالص انا عايشة لشغلي وبس ليلي … ياسلام فالنفترض أن قلبك دا دق وحب هتقوليلو ايه سوري مبفكرش؟ اسراء بحزن … انا عمري ماهسمح لقلبي أنه يدق اصلا يا ليلي ليلي … ليه يا اسراء في ايه؟ انا بجد بحبك واعتبرتك صحبتي اه المدة اللي اتكلمنا فيها قليلة بس قلبي ارتحلك جدا والله اسراء … عارفه وأنا كمان ارتحتلك جدا وبعتبرك اخت وصديقة كمان ليلي … طيب انتي قافله قلبك كدة ليه تجربة فاشلة مرت بيكي يعني خليتك اتعقدتي من الحب؟ اسراء … لاء لا جربت ولا هينفع اصلا اجرب ليلي .. يا بنتي اتكلمي تعبتيني ف ايه ؟ اسراء … في البارت خلص البارت خلص هفهمك البارت الجاي خلص البارت خلص البارت البارت خلص يا حلوين
