كان معاكي حق 1
رأها ولأول مرة باكية بعيون منتفخة ووجه محمر من كثرة البكاء .. عمرو جاتها قطع ايدها منى دى … ناردين بس بقى دى أمى متدعييش عليها … عمرو أمك دى مدت إيدها على حبيبتى والله لولا عيب لأروح أتخانق معاها دلوقتى … ناردين طب اسكت هى أصلا مش طايقاك خالص ولو شافتك قدامها هت… عمرو هتعمل إيه يعنى ناردين بابتسامة ساخرة بلاش لتزعل .. عمرو أيوا كدا والنبى تبسم يا قمرى … ناردين بابتسامة خفيفة اضحك اضحك ما هو مش أنت اللى تروقت من شوية
عمرو بمزح ليه هى أمك أيدها تقيلة أوى ناردين وتضع يدها على وجنتها أوى أوى عمرو معلش يا قلبى بكرا تبقى خطيبتى وخلى مخلوق يقرب منك … لتبتسم له ابتسامة عشق ساحرة .. …………………………….. في منزل رنا مساء … يقف خارج منزل رنا وبيده — باقة زهور اشترتها والدته وأعطته له بعد إلحاح كبير منها وبيده الأخرى يحمل علبه بها قالب حلوى … بتأفف ينظر لوالدته ما ترنى الجرس ولا هنفضل واقفين كدا كتير …
والدة سليم طب مش لما تفرد وشك الأول … سليم پغضب وضيق مكتوم ماما رنى الجرس بدل ما والله أرجع وأغير رأيى .. لتطرق الأم باب منزل أختها …. من داخل المنزل تجرى ناحية غرفة ابنتها وتدلفها بلهفة ها جهزتى خالتك وسليم بيرنوا الجرس لتصعق من رؤية ابنتها … لتجحظ عينيها پغضب وتقترب من ابنتها الممدة بفراشها قومى فزى يالا أنت لسه متنيلتيش لبستى رنا ماما أنا مش عايزة أتجوز سليم …. ماما دا بتاع بنات وصايع وأنت عارفة كدا كويس …
والدة رنا طب قومى أحسنلك ألبسى خلينى أروح أفتحلهم الباب بقالهم ساعة بيرنوا الجرس أخلصى قومى لتستسلم للأمر الواقع وتنهض لتبدل ملابسها … خارج المنزل سليم محدثا والدته يالا بينا باينلهم مش جوا الحمد لله والدة سليم بخفوت وصوت غاضب اخرس بلا نمشى خالتك جوا أنا لسه مكلماها سليم بخفوت وهو يلوى فمه طبعا هتلاقى فين عريس لقطة زيى لبنتها الهبلة … لتفتح والدة رنا الباب بترحاب أهلا أهلا وتحتضن شقيقتها وتبسط يدها لتصافح سليم فيمازحها …. ايدى مش فاضية يا خالتى كنت خدتك بالأحضان والله …
والدة رنا طب وليه التعب دا يا ابنى .. سليم بغيظ مكتوم ولا كتير ولا حاجة دى حاجة بسيطة ليكى وللجاموسة أأأأأأأأأ قصدى العروسة … يدلف ووالدته المنزل ويجلسا يتجاذبان اطراف الحديث مع خالته التى تنتظر خروج ابنتها عليهم بفارغ الصبر لتمر حوالى ربع ساعة فتقول والدة سليم أمال رنا فين ولا بتدلل علينا سليم محدثا ذاته جتها قطيعة يكش تولع البعيدة … لتخرج عليهما رنا بجمالها الساحر رنا فتاة شقراء ممشوقة القوام كانت ترتدى ليلتها فستان باللون البيج وحجابها يزين وجهها …
