شيرين من6-10

بجد يا آدم

أكيد طبعا بجد وأنا من امتى قولت كلمة ورجعت فيها عمرك سمعتي عني كده

لا.. بس.. بس الناس كلها شايفة إن في حرب شغالة ما بيني وبينك وفي الآخر الموضوع كله بسببي.. أنا آسفة يا حبيبي ڠصب عني أنا أول ما قوليتيلي إنك هتفسخ الخطوبة وإننا مينفعش نكمل مع بعض خلتني اټجنن ومكنتش عارفة أنا بعمل ايه ملقتش حل قدامي غير إني أعمل اللي أنا عملته ده كان لازم أطلع بأي حجة أو أعمل أي حاجة عشان ترجعلي لما قولت لكذا مجلة إنك أغتصبتني وعملت مداخلات في كذا برنامج قولت يمكن تكلمني تاني بس لما مكلمتنيش فكرت إن ممكن كذا واحدة صاحبتي تساعدني وقالوا إنك اتحرشت بيهم.. أنا آسفة بجد يا آدم بس فعلا كنت متعصبة جدا

مال الناس ومالنا ما يولعوا وأنا من امتى بيهمني كلام الناس ما هو بردو الناس دي متعرفش أنا بحبك قد ايه.. أنا يمكن كنت غبي ومحستش باللي في ايديا غير لما ضاع مني أنا اللي المفروض أعتذرلك مش أنتي.. متقوليليش آسفة دي تاني!

آدم بجد أنا حاسة أني بحلم همست ميار تغمرها السعادة لتقترب منه فقبلها بنعومة ثم ابتعدت عنه قليلا ليه يا آدم كده ليه استنيت لغاية ما كل ده يحصل أنت كنت عايزني اټجنن وأنت بعيد عني!

انا آسف يا حبيبتي حقك عليا.. بس أنتي عارفة إن موضوع مۏت بابا مكنش سهل عليا ومكنتش عارف أنا بعمل ايه!

أنا عارفة يا حبيبي.. اقتربت منه لتطوقه بذراعاها استنى.. أنا عندي حل لكل ده افترقت عنه ممسكة بهاتفها لتجري اتصالا

آلو.. أيوة أنا ميار الحسيني أنا بكذب كل الإدعاءات عن آدم رأفت وهو

فعلا مغتصبنيش ولا حاجة.. أنا

—

اتهددت من أشخاص معينين كانوا عايزين يأذوه.. وباقي الممثلات عملوا بس معايا واجب عشان اللي هددني.. فيه بردو واحدة تقول كده على خطيبها ولا أصلا واحد بيحب واحده وخطبها يبقا هيعمل كده معاها ليه.. أنا آسفة بس فعلا مقدرتش استنى أكتر من كده عشان أكذب كل حاجة.. والموقف اللي اتعرضتله مكنش سهل.. شكرا اوي.. وبردو حبيت أقولكوا ده قبل ما أصرح بيه لأي حد تاني.. تمام.. باي

انهت المكالمة ثم نظرت له بفخر ليبتسم لها ابتسامه صغيرة مقتضبه لم تلامس عيناه ولم يظهر غضبه نهائيا على وجهه ولا ملامحه فقد برع بالتحكم بأعصابه وأخذت هي تجري اتصالات عدة للكثير من المجلات الفنية والجرائد والبرامج حتى تكذب ما أدعته على آدم وبعد قليل ذهبت إليه لتحتضنه وهي تبتسم له أنا آسفة يا حبيبي متزعلش مني أخبرته متأسفة بندم.