شيرين من6-10

ايه اللي حصل تعجب مراد

حاجات كتير اجابه ببرود

آدم أبوس ايدك أنت الرسالة اللي بعتهالي قلقتني! وكفاية اللي فاطمة حكيتهولي معلش تعالى على نفسك المرادي وبطل تكلمني ببرود وأديني كده كام جملة مفيدة منطقية أقدر أفهم بيها اللي حصل

منطقية! ابتسم بسخرية واجيبها منين دي

طب حاول كده تتكلم وأنا هاسمعك.. جرب مش هاتخسر حاجة.. ها.. يالا.. حصل ايه مسح مراد على وجهه بضيق وهو يشعر وكأنما سيفقد عقله حنما من أفعال آدم وطريقته

طيب همس له بعد دقيقة من الصمت كلمت حبيبة زي ما قولتلك

آه آه.. متقلقش نفسك بالموضوع ده.. احكيلي بس اللي حصل اجابه سريعا

هاتيجي امتى

كمان ساعتين.. اتكلم بقا يا جبل التلج أنت وإلا أن..

أنت جبتهالي منين يا مراد سأله مقاطعا لينظر له مراد بدهشة

فيه واحد اسمه ي…

أنا وديتها المډفن قاطعه هامسا وخليتها تدخل الأوضة

آدم أنت أتجننت أنت عمرك ما سمحت لأي حد في الدنيا إنه يدخل الأوضة دي لا أنا ولا حتى عمي الله يرحمه لما حب يعرف فيها ايه وبتقعد فيها ليه كل يوم بالساعات لوحدك رفضت إنه يدخلها وتيجي هي في يوم وليلة وتسيبها تدخلها وكمان ت..

مش عارف يا مراد!! مش عارف ايه اللي حصلي! أول مرة أسمح لحد بكل ده أول مرة ابقا مش عارف مالي

أنت حاكيتلها كل حاجة سأل متعجبا

متكلمناش.. أنا سيبتها في الأوضة ومشيت

طب وايه اللي حصل امبارح ليه بيغيروا كل حاجة وكان فيه حاجات متكسرة أنت عم..

عصبتني امبارح ومكنتش شايف أنا بعمل ايه.. جت في يوم وليلة غيرت فيا كل حاجة! همس ببرود شاردا بنظره

آدم أنت بتهزر مش كده أنت عمرك ما عملتها! حتى يوم أماعرفت انت…

أسكت متفتحش الموضوع!! صاح به غاضبا تركه ليذهب لبار مكتبه

لم يدري مراد ماذا يقول وفكر قليلا ثم ذهب خلفه يتبعه وهو يحاول أن يجد تفسيرا لما يفعله ابن عمه كما شعر أن تلك المرة هناك شيئا ليس بهينا أبدا يحدث معه فهو حتى يوم معرفته تلك الإدعاءات عليه لم يفعل كل ذلك بل ويوم ۏفاة والده لم يفعل كل ذلك أيضا

وأنا كمان صبلي واحد أشار لكأس آدم

دلوقتي بدري كده ولو ليلي عرفت تبسم له متعجبا

بلا ليلى بلا بتاع.. أنا عقلي خلاص هيخرج من راسي من كتر التفكير

أنت ممكن يعني تكون حبيت.. كاد أن يسأله مراد بعد أن احتسيا كأسيهما في صمت تام دام لدقائق ولكن لم يكمل سؤاله!