نرمين من38-50
علي : يعني كنتم بتحاربوني في أختي؟ مش أنا دخلت معاكم علشان احمي عيلتي؟ سالم : إهدا كده، أنا ماكنتش أعرف الموضوع ده خالص. علي : عايز تقول إن أختي كانت شمال، و بتروح السهرات المشبوهه؟؟؟ سالم : أيوه. علي : لا لا، في حاجه غلط. مستحيل أختي تعمل كده، دي بتروح الجامعه وأبويا مش مخليها محتاجه حاجه. سالم : معلش، إنت إمتى آخر مره شفت فيها اختك؟
علي : ليه السؤال ده؟ سالم : أبوك مشغول بالستات، وانت عمرك ماسألت على أختك بتروح فين ولا بتيجي منين. وانت عارف إن أخوك في المستشفى أوفر دوز لما شاف في الحاره البوليس واخد اخته؟ علي : لا ده كثير. أبويا في المستشفى، و اختي في القسم، و أخويا أوفر دوز. سالم : دلوقتي إهدى لحد مانشوف المحامي هيقول إيه. وانا كلمت الناس بتوعنا يشوفوا حد من عندنا في القسم. و لو الولد فاق من الكومه، أكيد هنعرف نخليه يتنازل.
علي : عايز أشوفها. سالم : ممنوع قلتلك، مش لازم تبان في الصوره. خالد راح لطارق…. خالد : جايبلك أخبار لسه عارفها حالا . طارق : خير! خالد : أخت علي الصغيره ممسوكه في قضية و د\\عاره. طارق : عارف. خالد : مين قالك ؟؟ طارق : لسه زهره مكلماني. خالد : آه زهره. طارق : إتصلت علشان جوزها وقع من طوله وهو في المستشفى، بس مش عارف التفاصيل.
خالد : أنا أقولك التفاصيل، دي وقعة علي. طارق : تفتكر ؟؟ خالد : بقولك و دع\اره. طارق : علي مع ناس مابتعرفش ربنا، أكيد هيطلعوها زي الشعره من العجين. خالد : مش لدرجة إنهم يوصلوا للحكومه. طارق : ده لو مكانوش هما الحكومه نفسها. إنت ماتعرفش الناس دي. نسرين بلعجيلي خالد : هو انت ساعدت زهره بعد الجواز؟؟ طارق : ما تسألش كثير، زهره طلبت مني أروح اشوف الموضوع لأن علي مش بيرد عليهم. وانا قلتلها أروح أعرف، بس مش هتدخل.
خالد : أروح معاك. طارق : يلاه بينا. مراد اتصل على فرح و حكالها كل حاجه، وفضلت تعيط واتصلت بسميره تحكيلها، وحست إن دي آخر حاجه ممكن تربطها بمراد. إزاي تواجهه بعد الفضيحه دي؟ و لو أهله عرفوا هيعملوا إيه؟ وابتدت تفكر في الطلاق جديا. في القسم…. المحامي دخل عند سماح. المحامي : السلام عليكم، معاك عمر منشاوي من طرف علي. عايزك تحكيلي كل الحقيقه، علشان اعرف اطلعك منها. سماح : هو علي مش هيجي عندي؟
