نتيجة التحاليل 2الاخير
أنا زعلته في أيه؟ كل دقيقة عدت عليا معاك التفكير كان بيمـ,ـوتني إحساسي بالنقص وجعني، كلام الناس مشـ,ـنقه حولين رقبتي من غير رحمة وياريت كان ليا إيد في دا كله ذنبي الوحيد إني وثقت وصدقت إنسان المفروض هو أنا وأنا هو. فادي: بس بقى أنا محرمتكيش من حاجة عايشه أحسن عيشه فلوس بتصرفي براحتك سفر ولبس وبيت وعربية معيشك ملكة مية واحدة تتمنى عيشتك دي. نغم: يا بجاحتك يا أخي الكلام دا كنت تقولوا لو خيرتني وأنا اخترتك وبعد كدا اعترضت،
للأسف أنت حكمت عليا غيابي حكمت عليه أقبل وضع من غير ما أقرر، الفلوس إلى بتتكلم عنها دي لو بتعمر بيوت كنت لاقيت أم تربي وعرفت تعمل منك راجل، هنا لم تشعر نغم إلا بصفعة قوية على وجهه صفعة أخرجت صدي لا مثيل له لتصمت الكلمات وتتسع العيون بدموع غزيرة.. إنهيار. نغم: كمان بتمد إيدك عليا؟ الكلام تقيل على قلبك مش قادر تسمعوا؟ رجولتك وجعتك؟ ليه مسبتليش القرار وأنا إللي اختار؟ فادي بأنكسار وقد جلس على أقرب كرسي ليدلي برأسه للأسفل.
فادي: كنت خايف تسبيني كنت عارف إنك هتخاري تبقى أم هتختاري تبعدي. نغم: كداب يا فادي أنت خوفت من نظرة الناس ليك مش مني عشان أنت أكتر واحد عارف أنت أي في حياتي. يعلم جيدًا أن كل كلمات العالم في هذه اللحظة لن تعني لها شيء. إلتزام الصمت هو سيد الموقف لتؤلمه كلماتها وكأنها صاعقة نغم بهدوء شديد وقد جلست أرضا دموع تذرف بهدوء شديد بلا عناء وكأنه جدول مائي يعرف طريقه على وجنتيها. نغم: ياريت كنت صارحتني أكيد حالنا وقتها كان هيبقى أحسن من دلوقتي بكتير.
بخداعك ليا أنا كنت هضيع أنت خلتني إلجاء لناس عمري ما أتخيلت إني أتعامل معاهم في يوم. بدأت تحكي عن تجربتها وكأنها تريد كشف كل ما ستر بينهما لتنتهي من عذاب الضمير هي الآخرى. نغم متابعة: أنا روحت لمعالج روحاني بتاع فك سحر وأعمال كنت فريسة لراجل غيرك ودا كلو بسبب كدبتك. فادي بنظراتً حادة وقد ضغط على ذراعها بقوة -انت بتقولي أيه؟ أيه إللي حصل؟ اااتكلمي.. نغم: يفيدك بأيه تعرف أنا بحمد ربنا إللي نجاني من مصيبة كنت هقع فيها بسبب وهم بجري ورآه وهم جوزي رسمهولي وأنا مصدقة وبس وبدور على حلول
لولا لطف ربنا بيا كنت هتشيل ذنبي مرتين مش مرة واحدة. ترك يديها بعد أن فهم أنها لم تقع في الخطيئة. هٰذا ما يهمك وحسب تبًا لك ولخـ,ـذلانك ولنصف رجولتلك فالرجولة ليست بالعلاقة ولا الإنجاب وإنما هي شيمٌ يتسم بها الذكر الكامل أخلاقٌ في صورة أفعال نغم: طلقني. فادي بدموع: مش قولتلك. نغم: أنت مسبتليش خيار تاني. للأسف يا فادي صعب أكمل مع أكتر حد وثقت فيه وخذلني بالطريقة دي.. بقى صامتًا منكسرًا عاجزًا فوق عجزه.
