ندي 2
ندى وهي تنظر له بترقب: الحمد لله طبعا…بس انت مش هتندم ابدا يا عمر؟
عمر وهو يحتضنها ويضع رأسها على صدره مره اخرى ويتحدث بتنهيده: اندم ايه يا ندى…انا فعلا كنت أكيد هندم لو مكنتيش معايا دلوقتي …انا بحبك يا ندى ونفسي نفضل مع بعض طول العمر.
ندى وهي تشدد من احتضانه وتتحدث بسعادة: وانا كمان بحبك قوي …قووي يا عمر.
………………………………..
وبعد قضاء اربعة أسابيع من اجمل ما مروا به فكانت السعادة تغمرهم ودائما ما يغدقها عمر بحنانه وحبه وعشقه لها …وكانت هي تشعر بقلبها يتطاير فرحاً من شدة سعادته…فنجح عمر ببث السعادة بقلبها وكأنها لم تحزن من قبل.
وبعد عودتهم بإسبوع …داخل شقتهم ….ولان ندى لديها الكثير من الحظ الوفير ….كانت تنعم بأخذ حمام….وفاجأه انزلقت قدمها ملتويه تحتها …وهنا صاحت بالنداء على عمر فأسرع اليها حملها ووضعها على الفراش وهو يشعر بالقلق عليها بداخله
عمر بقلق وهو يساعدها برتداء ملابسها: معلش يا حبيبتي معلش انا كلمت دكتور وهو جاي حالا
ندى بتوجع وتألم: اااااه رجلي يا عمر بتوجعني قوي.
عمر وهو يحتضنها بحنان: معلش يا حبيبتي اتحملي شويه والدكتور جاي حالاً .
وبعد ان جاء الطبيب وقام بالكشف عليها ….أمر براحتها وعدم الضغط على قدمها حتى تتحسن
ندى بصوت مقارب للبكاء: عمر…. انا عُمر ما حد قالي ان حظي وحش
عمر من بين ضحكاته: وانتي عايزاهم يقولولك كده ليه؟
ندى: هما بيقولوا كدة على اي حد نحس
عمر وهو يجلس بجانبها على الفراش ويتحدث بحنان: مين دي اللي نحس….دانتي قمر ..متقوليش على نفسك كده ابدا.
ومنذ ذلك ولم يفارقها عمر ودائما يساعدها في كافة شئ ..ويقوم بأطعامها وحملها لتجالسه خارج الغرفة امام التلفاز ويحملها ثانيتاً ليدخلها غرفتهم .
الفصل الثاني عشر
وبعد مرور عدة ايام اخذت ندى تتحسن….وعاد عمر لعمله.
بشقة ندى بالمطبخ :.
ندى بعد ان وضعت الطعام بفرن البوتجاز زفرت بإرتياح و
اردفت: الحمد لله..كدة خلصت …. أروح بقى أخد شاور قبل ما عمر ييجي من الشغل على ما الاكل يستوي
ثم اكملت بحب: بقاله كتير هو اللي بيساعدني في كل حاجه…وهو اللي بيعمل الاكل كمان بسبب تعب رجلي دة …لازم بقى احاول انا اعوضه شويه.
وبعد انتهائها ارتدت احسن الثياب كعادتها فكانت ترتدي منامه من اللون الازرق وقامت بفرد شعرها على طول ظهرها ووضعت عطرها والقليل من الوان التجميل بوجهها فكانت تبدو رائعة الجمال ……ولكنها فاجأه احست برائحة شياط تدخل انفها فأسرعت مهروله للمطبخ…….وجدت ما بداخل الفرن قد احترق ….حزن وجهها واردفت بحنق : يانهاري…اعمل ايه دلوقتي …عمر زمانه جاي ودي اول مره اطبخ له فيها يطلع الاكل شايط.
