ياسين من 21-25
…. أغمض عينيه وهو يضمها بقوة إليه ويقول: -بإذن الله هيوافق وساعتها هأخدك بعيد عن هنا ….هخـ طفك يا ليان وهنعيش أنا وأنتِ وبس بعيد عن أي حاجة …مش هيبقى لينا غير بعض …أنا مش عايز غيرك يا ليان …مش محتاج غيرك في حياتي … ابتسمت بإتساع وقالت : -للدرجادي.بتحبني … -ايوة بحبك …ومن زمان ..حاولت اني اهرب…أنكر مشاعري بس أنتِ قدرتي تكـ سري الحواجز اللي كنت حاططها بيننا …قدرتي تخليني أعترف بمشاعري كلها…. ابتسمت بفخر وقالت :
-حابة نتصور دلوقتي صورة للذكرى …نسيت الفون بتاعي فوق ممكن تديني الفون بتاعك ؟! هز رأسه وناولها الهاتف دون تردد .. -ايه باسورد الفون… قالتها بإستفهام ليرد هو : -تلاتة تلاتة الفين وتلاتة …. اتسعت عينيها بدهشة وقالت: -ده عيد ميلادي؟! هز راسه مبتسماً ليقول : -حبيت اسجله بحاجة عمري ما هنساها …تاريخ اتولد فيه حياتي … فتحت الهاتف ودموع التأثر بدأت تتصاعد بعينيها …ومفاجأة آخرى كانت تنتظرها …صورة خلفية هاتفها كانت صورتها هي بعيد ميلادها وهي تضحك …نظرت إليه ليبتسم ويقول:
-يالا نأخد صورة مع بعض … هزت رأسها ثم رفعت الهاتف وضغطت على زر التصوير… ثم فتحت الاستديو بلهفة لكي ترى الصور ..والمفاجأة الثالث كانت بإنتظارها عندما وجدت صور كثير لها بهاتفه…أخذت تقلب في الصور بلهفة بينما دموعها تنساب من عينيها ولكنها فجأة توقفت وهي ترى صورة لموسى بجواره فتاة جميلة مألوفة ترتدي ثوب الزفاف؛ -مين دي ؟! قالتها بينما تشعر بقلبها يهبط لساقها …تجمد وجه موسى وقال : -حاجة تبع الماضي بتاعي مش عايز اتكلم عنه لو سمحتي يا ليان ..
ثم أخذ منها الهاتف وأغلقه وقد تد مرت سحر اللحظة .. ♡♡♡♡♡♡♡♡♡♡♡ في اليوم التالي في احد المقاهي -دكتور يحيى…لو سمحت أمشي من هنا انت كده هتجيبلي الكلام قالتها رانيا بتوتر وهي تنظر حولها…لقد وجدت هذا العمل بصعوبة بالغة والان هو سوف يد مر كل شئ … -متقلقيش يا آنسة رانيا أنا استاذنت من مديرك اللي طلع بالصدمة معرفة قديمة…اقعدي هنتكلم شوية … هزت رأسها بقوة وقالت: -لا لو سمحت أمشي من هنا … تنهد وكاد ان يتكلم الا ان صوت والدته اخترق سمعه بقوة :
-خدامة …طلعت بتحب خدامة …اخرتك يا دكتور يا محترم خدامة !!!! ♡♡♡♡♡♡♡♡♡♡ -كانت تجلس على طاولة الإفطار تتناول طعامها بهدوء عندما أتتها الخادمة بخبر جمدها كلياً… …… جلس على الأريكة براحة وابتسم بخـ بث وهو يراها تقترب منه : -جواهر بنتي … -ششش اسكت قالتها جواهر وهي تقترب من عامر رشوان والدها وتضع كفها على فمه …. ابعد كفها وقال بتسلية : -سكوتي ده هيكلفك كتير يا جوجو …بس أكيد لو اتكلمت هد مرك فاختاري !!!
