ياسين من 21-25
هو … فُتح الباب لتدخل تحية فقالت عبير: -كنتِ فين ؟طلعتي بسرعة ومقولتيش رايحة فين؟! ابتسمت وقالت : -كنت عند روميو .. عبست عبير وقالت بحيرة : -روميو؟! هزت تحية رأسها واقتربت منها وهي تعطيها السلسلة والرسالة -دي هدية من روميو بتاعك وده جواب اقريه الواد مستني على نار … قالتها تحية وهي تغمز لعبير التي احمر وجهها بقوة وقالت بإرتباك ؛ -مش فاهمة …
ضحكت تحية ونظرت إليها بخبث وقالت: -يا بت عليا الكلام ده برضه …خدي يا حبيبتي الجواب من أمير والسلسلة كمان …شوفي العاشق الولهان عايز أيه… -أنتِ فاهمة الموضوع غلط … قالتها عبير وقد ازداد توترها لتمسك تحية كفها وتقول : -لا فاهماه صح يا حبيبتي ..أنا عارفة أخويا …يارب يجعلك من نصيبه يا رب ..ادخلي الاوضة واقري الجواب وبعدين قوليلي هو قالك ايه بالتفصيل الممل ..ماشي ؟! هزت عبير رأسها وهي تتجه الى الغرفة …
… في الغرفة .. جلست على الفراش وفتحت الجواب بلهفة وهي تقرؤه ومع كل حرف كان قلبها يهدر بقوة داخل صدرها :
-عبير أنا طول عمري انسان صريح مع نفسي مبحبش أكد ب ولا أنكر مشاعري …بس أنتِ دايما كنتِ استثناء ..استثناء لكل حاجة في حياتي …أعترف أن جات فترة وأنكرت مشاعري ليكي بس دلوقتي لا ..دلوقتي أنا مش عايز أنكر مشاعري اكتر من كده ..ده.هيكون الفيصل في حياتنا…عبير انا جوايا مشاعر قوية ليكي …مشاعر رغم اختلافنا ..رغم انك مش من العالم بتاعي …رغم أن والدك مستحيل يوافق على ارتباطنا ..بس انا مش عايز اندم بعد كده ..عبير لو ليكي نفس المشاعر اللي قلبي يبقى احتفظي بالسلسلة والبسيها وانا هحا رب عشانك هحا رب للنهاية عشان تبقي ملكي بالحلال وده وعدي ليكي …لكن
لو مفيش اي مشاعر ومش موافقة متحسيش بالذ نب أنا هتفهم …اديني الإشارة بس يا عبير عشان أحارب عشانك ووعد ليكي هعمل كل حاجة عشان احسن من مستوايا وأليق بيكي ..بس لو اديتيني الإشارة بالموافقة مش هنتواصل مع بعض تاني لحد ما تيجي بيتي وأنتِ مراتي …أنا مش عايز اغضب ربنا فيكي أنا عايز احافظ عليكي عشان أنتِ غالية اووي على قلبي…ولأنك غالية تستحقي أني احا رب عشانك وأمشيلك بلاد …تستحقي أني اتعب عشان اقدر اخليكي مراتي على اسمي ..اي كان قرارك أنا راضي بيه يا عبير وحتى لو رفضتي ده مش هيقلل من معزتك في قلبي بالعكس هفضل احافظ عليكي
