حازم 1
الفرح اللي بعد كم يوم هيتحول لميتم وعزا، فرحتها اتخطفت.
قامت من مكانها وهي مش حاسه بحاجه ولا شايفه حاجه قدامها، الدكتور يحاول يوقفه لكن هي كملت طريقه.
خرجت من المستشفى كلها.
وهي ماشيه في الشارع حاسه أنها ضايعه تايهه مش عارفه المفروض تعمل ايه ،تحكي ليهم أو لا.
بعد شوية وصلت البيت من حسن الحظ أن محدش موجودة.
دخلت اوضتها و هنا انهارت حصونها.
بكت و صرخت بصوت عالي ،نبرة موجعة و ضايعة.
قعدت على الأرض و قالت بصوت ضعيف من كتر العياط:
_ اللهم اعتراض ،يارب مش اعترض على قدرك.
بس ماما تعمل ايه لما تعرف، دي ملهاش غيري أنا و سمر بعد وفاة بابا الله يرحمه.
وسمر، رغم هي الكبيرة ،بس بحس أني أنا الكبيرة و ديما خايفة عليها.
و تنهدت تنهيدة طويلة ثم قالت:
_ و حازم ممكن يقبل بي و أنا كده، أو يتخلي عني.
و أشارت على نفسها و كملت:
_ و أنا و فرحي اللي بحضر لي، و حلمي أني اكون أم ، كده ممكن الحلم يتبخر ،أنا بحلم يكون عندي اولاد كتير، ممكن احقق حلمي.
فتحت الهاتف على جوجل وبدأت تجمع معلومات عن سرطان الرحم.
في شقة حازم
الدكتور رن عليه بلغه بحالة أمل.
قاعد مكانه من الصدمة مش عارف يتحرك و لو ينطق.
خرجت صباح من المطبخ و تقول:
_ أحضر الأكل يا حازم.
مردش عليها لانه مش سامع حاجة.
مشيت و قعدت جنبه و سألت بقلق:
_ مالك يا حبيبي.
خلصت جملتها و مشيت أيدها على ظهره بحنان.
بص ليها و نزلت دموعه بصمت.
شقهت بخوف و قالت:
_ يالهوي أنت تعيط، في ايه يا حبيبي ،مالك يا ابني.
رمي نفسه في حـ,ـضنها و بكي بصوت عالي و مش قادر ينطق من صوت شقهاته العالية.
كانت تمـ,ـوت من الخوف و مية سيناريو في دماغها كل الواحد اسوء من التاني.
بتمشي أيدها على رأسها و هي تقرأ قرآن كريم.
بعد وقت طويل هدي شوية و قال بحزن:
_ نتيجة تحاليل أمل ظهرت.
سألت بلهفة و خوف:
_ و ايه النتيجة.
أخذ نفس و قال:
_ سرطان الرحم.
ضـ,ـربت على صدرها و هي تقول:
_ يالهوي يا حسرة قلبي عليكِ يا بنتي، ربنا معها و يصبرها و يشفيها يارب و الموضوع ده علاجها يتكفل كتير اوي.
: أنا أعمل المستحيل علشانها، و اصرف كل اللي معي علشانها.
اتكلمت بهدوء:
_ و أنت مالك
بص لها باستغراب و قبل ما يسال، اتكلمت هي:
_ كل شيء قسمة ونصيب ،و أنا لا يمكن أقبل تكمل حياتك مع واحدة عندها المرض الوحش، فكر بعقل احتمال أمل متقدرش تخلف طول عمرها.
