عشقتك 2
شريف : تولع الفلوس وتغور المهم انتي عندي امال بتعب : اااه يابني متتعبش قلبي وريحني انا هابقي كويسه شريف : مش هتحرك من هنا ولا هدخل البيت وانتي مش فيه ياامي طق طق طق مريم : صباح الخير … حمدالله ع سلامتك ياطنط امال : اهلا وسهلا ياحبيبتي الله يسلمك يارب شهد : الف سلامه عليكي ياطنط ربنا يقومك بالسلامه شريف : انا متشكر اووووي ع انتي عملتيه انتي وجوزك ياروما لولا دكتور عمار ياماما كان زمانك بعد الشر جرالك حاجه
امال : الله يحميه ويخليكوا لبعض مريم بضيق : شكرا ياطنط معملناش غير الواجب طق طق طق عمار حاملا باقتين من الزهور الانيقه : الف حمدالله ع سلامتك ياام شريف امال : الله يسلمك يابني شريف : ده دكتور عمار اللي قولتلك عليه ياماما عمار : اتفضلي ياحجه اجمل ورد لاجمل ام شريف امال : هههع ااااه ضحكتني يابني .. تسلم ايدك تعبت نفسك ليه عمار : ولا تعب ولا حاجه … انتي هنا من امتي يامريم ؟
مريم : من شويه شريف غامزا : طب بوكيه الورد التاني ده لمين بقي عمار : ده لواحده عزيزه عليا هنا ف المستشفي جاي ازورها مريم بضيق : انا هستأذن انا ياشريف واجيلك وقت تاني عمار : لالا استني … عايزك تيجي معايا مريم بغضب : اجي معاك فين ..انا عايزه اروح عمار : 5 دقايق بس … تعالي بس ( امسك عمار مريم من يديها وانطلق بها لغرفه تلك السيده ) عمار : صباح الوردوالفل
السيده : اهلا وسهلا اهلا كده تتاخر عليا كل ده يااحمد عمار : سامحيني ياأمي كان عندي مشاكل …تعالي يامريم ادخلي مريم بذهول : اا ازيك ياطنط السيده بفرحه : اهلا وسهلا اهلا .. لا قوليلي ياماما بقي مريم بابتسامه : حاضر ياماما عمار : دي ام احمد احن واطيب ست عرفتها ف حياتي وزي امي بالضبط السيده وهي تملس ع شعر عمار : ربنا يفرح قلبك ويسعدك زي مانت بتفرحني ع طول يااحمد عمار : انا عارف انك بتحبي الورد بقي جبتلك احلي بوكيه ورد
السيده : ههههه من زمان محدش جابلي ودر عمار غامزا : عشان تعرفي اني مش حارمك من حاجه اهو السيده : هههه ميحرمنيش منك … طب جيبت لمراتك ولا لا عمار : هه اصل …. السيده : اخس عليك اخس … خدي يامريم مني ليكي مريم : لالا شكرا ياماما خليه ليكي السيده : انا وانتي واحد يابنتي .. امسكي مني متكسفنيش عمار : خلاص بقي يامريم متكسفيش ماما مريم باحراج : احم شكرا ياماما
