عشقتك 2
ام هايدي : هايدي ميصحش كده .. قومي يابنتي شريف : طنط عندها حق .. قومي ياهايدي وروحوا انتوا ياجماعه وهي اول ما هتفوق هابلغكوا ام هايدي : ازاي بس يابني الست امال …. شريف مقاطعا : انا عارف انك بتحبيها اوي ياطنط بس وجودكوا ملهوش لزوم لانها مش هتفوق خالص النهارده انا متشكر جدااا ع وجودكم استفضلوا انتوا وانا هابقي ع اتصال معاكوا هايدي : طب مش محتاج اي حاجه شريف بابتسامه : شكرا ياهايدي .. روحوا بالسلامه
———- مريم : مممم دي اكيد هايدي عمار : مين هايدي ؟ مريم : هايدي دي البنت اللي بيحبها شريف وعايز يتجوزها عمار : مممم ربنا يهنيهم يارب .. المهم انتي بقيتي كويسه دلوقتي تقدري تروحي مريم : لا انا هفضل هنا مع شريف عمار : لا مينفعش .. الست مش هتفوق دلوقتي خالص مريم : مقدرش اسيبه لوحده ف الظروف دي شريف طول عمره واقف جمبي ف كل حاجه عمار بضيق : هو مين شريف ده ؟
مريم : شريف ده يبقي …. وانت مالك بتسال ليه عمار بدهشه : هه نعم !! مريم : دي حاجه تخصني .. لو سمحت وسع كده عشان اشوفه قبل ما امشي عمار : ……… ( تركت مريم عمار والدماء تغلي ف عروقه وتوجهت لشريف للاطمئنان ع والدته وهدئت من روعه قليلا ثم استئذنت بالانصراف وفي طريقها ……. مروان : مدام مريم … اهلا وسهلا مريم : اهااا اهلا يادكتور ازيك ؟ مروان : انا الحمد لله بخير … انتي بتعملي ايه هنا
مريم : مفيش واحده معرفه تعبانه شويه وبزورها استأذن انا مروان : طيب اتفضلي .. مع السلامه ———— مروان مقلبا كف ع كف : لا حول ولا قوة الا بالله هو في خناق بيوصل لكده عمار : الحمد لله لحقنا الست ف الوقت المناسب …….. نادين دخلت مصحه يامروان مروان بصدمه : ايييييه مصحه ده ازاي ده ؟ عمار : زي ما بقولك كده … الهانم رجعت للادمان تاني ودخلوها مصحه مروان عاقدا حاجبيه : طب … طب انت هتعمل ايه ؟
عمار : لازم اسافر عشان اجيب بنتي مروان : وهي هترضي تديهالك عمار بحده : ده غصب عن عين ابوها … ده واحده فاقده للاهليه والمحامي قالي هيرفع عليها قضيه وانا هكسبها والحضانه هاتبقي ليا مروان : ياسبحان الله يااخي .. ربنا عالم بحالك عمار : اول ما اخد بنتي هطلقها .. والحضانه هتبقي معايا والحمد لله اني متجوز مروان بخبث : مممم اشمعنا ؟ عمار : المحامي قالي لازم اكون متجوز عشان الحضانه تبقي ليا انا ياأما هياخدها ابوها
