عشقتك 2
عمار : ههههه وانا مالي انتي اللي بتضحكي مريم : مممم طيب … ايه ده .. ده صوت انجلي شكلها بتعيط ( ذهبت مريم لغرفه الصغيره سريعا فوجدتها تبكي بشده فالتقطتها بين احضانها بسرعه وملست بيدها برفق ع جبينها فهدأت الطفله سريعا حينما دخل عمار ورأي ذلك المشهد فأبتسم عفويا :اللي يشوفك يقول انها بنتك مريم بحب : طب ماهي بنتي فعلا .. ولا في مانع عمار : لا طبعا مفيش مانع .. هو انا اطول اصلا
مريم بخجل : طب وسع بقي عشان اغيرلها هدوما واكلها ————— مرت أيام ويزداد الوضع في تحسن بين عمار ومريم اما شريف يعيش في حاله من الاحباط واليأس ولكن لم تغفو عنه هايدي فهي تدعمه بكل وسيله وامه ايضا تظل بجانبه تدعمه وتشد من ازره وذات ليله صعد عمار ليطمئن علي صغيرته فسمع حوارا مريم : ههههههههه واللهي زي ما بقولك كده .. ولا لما بيتقمص ويعمل نفسه زعلان بيبقي شبه الاطفال وحلو قوووي شهد : عههههه اخيرا حس ع دمه شويه … البنت دي اكيد هتبقي الخيط اللي يقربكوا لبعض
مريم بتفكير : تفتكري … شهد : هاتشووووووفي .. وهتقولي شهد قالت مريم بحزن : بس ده كده هيبقي بيقرب مني عشان خاطر بنته مش عشاني شهد : وايه المشكله .. خليه بس يقرب الاول وهو هيحس بيكي ويعرفك كويس مريم : بس انا مش هقدر احس انه بيعاملني حلو وبيقرب مني عشان خاطر بنته وبس شهد : ياحبيبتي سيبيله فرصه انه يعرفك ويحب مريم انتي ليه عايزه الهواجس دي تتملك منك
مريم بتنهيده : انتي عارفه انا قد ايه بحبه ومن زمان قوي .. حتي لما عرفت انه اتجوز وارغمت نفسي اني انساه ومعرفتش .. ولما جت حكايه الجواز قولت يمكن ربنا بيديني فرصه تانيه بس للاسف حصل اللي حصل …. شهد مقاطعه : انسي كل ده يامريم وعيشي من جديد اكيد حكايه مراته واللي حصل بينهم وبنته اللي رجعت ف حـ,ـضنه كل دي اسباب تخليكوا تبدأو من الاول خصوصا انه غير طريقته معاكي مريم : طب انا هقفل معاكي دلوقتي عشان انجلي صحيت وبتعيط .. يلا سلام
– انطلق عمار سريعا من جانب الغرفه وجلس ف مكتبه ينظر للسماء ويمعن التفكير : معقول .. يعني بتحبني من زمان وانا زي الغبي مش واخد بالي … ازاي مشوفتهاش من زمان … يمكن شوفت فيها البنت التقليديه وانا مبحبش كده .. بس برده ازاي محستش بيها وكنت سبب ف المها ده .. متقدرش تنكر ياعمار انك حبتها لالالا حب ايه .. اكيد انجذاب بشخصيتها بنت طموحه وعايزه تكون مستقبلها وحنونه قوي فرق شاسع بينها وبين نادين ف كل حاجه .. حاسس انها بتجمع البنت المصريه والبنت الغربيه سوا ..
