عشقتك 2
– منزل عبد الرحمن … عبد الرحمن : اهلا اهلا وسهلا بالغالي والغاليه عمار مقبلا يده : ازيك ياحج واحشني عبد الرحمن : وانت كمان واحشني قوووي ازيك يابنتي عامله ايه مريم : الحمد لله ياعمي بخير حضرتك عامل ايه عبدالرحمن ؛ انا بخير طالما انتوا بخير … هاتي بنت ابني اما اخدها ف حـ,ـضني بسم الله تبارك الله .. شبه الملايكه وانتي عامله ايه معاها يامريم مريم : واللهي انا ….. عمار مقاطعا : بصراحه ياحج يامريم عملتواللي ميتعملش ..يكفي انها قبلت تربي انجلي وتراعيها وحنينه عليها اكتر من امها ذات نفسها
عبد الرحمن : مممم ربنا يهدي سركوا ياولاد ناديه : الغدا جاهز ياحبايبي اتفضلوا هدير : تعالي جمبي يامريم ده انتي وحشاني مـ,ـوت عمار : لا هتقعد جمبي انا هدير بزعل : لا بقي مانت معاها ع طول عبد الرحمن : هديييييير سيبيها جمب جوزها عمار : تعالي يامريم اقعدي هنا مريم وهي تجلس : طيب ( كان يستغل عمار جلوس مريم بجانبه فتاره يخبط قدمه بقدمها وتاره يطعمها ف فمها وهي لا تستطيع الرفض وتاره اخري يضع يديع فوق يديها .. كانت مريم ف قمه سعادتها بمداعبات عمار لها ولكنها تصنعت الغضب والضيق .. )
عبد الرحمن : تعالي يادكتور معايا ….. عمار : أامرني ياحج عبد الرحمن : انت عامل ايه مع مراتك عمار : الحمد لله ياحج كله حاجه تمام عبد الرحمن :يعني كان اختياري صح ؟ عمار : بصراحه ياحج … انت كنت 100% صح انا اللي كنت اعمي ومش شايف .. مريم حاجه تانيه خالص غير نادين .. بجد بقت حاجه مهمه ف حياتي عبد الرحمن وهو يمط شـ,ـفتيه : ممممم يعني مش هتطلقها زي ما قولت ؟
عمار : هه ا ا ا ه هو حضرتك ….. عبد الرحمن : انت فاكرني مختوم ع قفايا يادكتور انا اعرف دبه النمله عمار : اا اصل الحكايه عبد الرحمن : ما تتكلم يادكتور يامتعلم يابتاع المدارس والجامعات ….. عمار : ………….. . . . رأيكو ( الحلقه الثالثه عشر ) عمار : اا اصل يعني عبد الرحمن : ولا اصل ولا فصل … انا عارف كل حاجه من اول يوم ولعلمك مش من مريم
عمار : ………….. عبد الرحمن : انا مش عايزك تسكت انا عايزك ترد وتقولي ناوي ع ايه مراتك عمار بضيق : واللهي ما اعرف يابابا .. انا بقالي اسبوع دناغي هتقف من التفكير و …. عبد الرحمن : مممم يبقي سيبها تشوف حالها بقي يابني ومتعلقهاش معاك شكلي كنت غلطان عمار : لالالالا واللهي ما ده قصدي بالعكس .. اكتر حاجه بجد عملتها صح ف حياتي هي ارتباطي بمريم … بس هي الحكايه جت معايا كده الاول
