عشقتك 2
شريف : ارجوك طمني بسرعه عمار : الحمد لله لحقناها ف الوقت المناسب الطعنه كانت جمب القلب بالضبط ربنا ستر مريم بتعب : الحمد لله ربنا يقومها بالسلامه عمار : مالك يامريم … شكلك مش طبيعي في.. – لم يكمل عمار كلماته حتي سقطت مريم مغشيا عليها بينما لحق بها عمار وجذبها لاحضانه حتي لا تسقط ارضا عمار : مررررريم .. انتي كويسه مريم شريف بخضه : اكيد من الدم اللي اتبرعت بيه عمار بصدمه : هي مريم اللي اتبرعت بالدم
شريف : ايوة هي …. عمار حاملا اياها : عن اذنك ياشريف هاوديها الطوارئ ووالدتك هتلاقيهم نقلوها العنايه المركزه ( حمل عمار مريم بين يديه وانطلق بها سريعا وهو يتأمل ملامحها المنهكه من الحين للاخر حتي استقبلوها ف الطوارئ وقاموا بوضع المحاليل والجلوكوز حتي بدأت تستعيد وعيها وشعرت به جوارها ممسكا يديها وواضعا راسه بجوارها فابتسمت ابتسامه عفويه وسحبت يديها برفق ولكنه افاق بسرعه ) عمار : مريم … انتي كويسه مريم ببرود : ايوة كويسه .. شكرا
عمار : ع ايه معملتش حاجه مريم : ماما شريف عامله ايه .. عمار : معرفش انا اتشغلت بيكي .. هطلع اشوفها واجي اطمنك مريم : انا هاجي معاك ثواني عمار : لالا لو سمحتي لازم المحاليل دي تخلص الاول انا هطلع انا انتي نسيتي ان انا اللي متابع الحاله مريم : ممم طيب اتفضل – صعد عمار ليطمئن ع حال امال فوجد شريف ينظر لها من زجاج الغرفه وعينيه مليئه بالدموع فربت ع كتفيه وحاول تهدئته وطمئنته ع حالها ثم دلف للداخل واطمئن بنفسه
عمار : متقلقش .. 24 ساعه يعدوا كويسين وساعتها تبقي الحاله استقرت هايدي من بعيد : شريف شررررريف شريف : اهلا ياطنط اهلا ياهايدي ام هايدي : اهلا بيك يابني هي الست امال عامله ايه دلوقتي عمار : طب انا هستأذن انا .. عن اذنكوا شريف : اتفضل يادكتور ….. الحمد لله ياطنط ربنا يعدي النهارده ع خير ام هايدي : لا حول ولا قوة الا بالله .. ملحقتش تفرح ياحبة عيني شريف مستفسرا : تفرح !! تفرح بأيه بالضبط
ام هايدي : اصلها قبضت الجمعيه بتاعتك وكانت فرحانه قوي وكلمتني قالتلي احدد معاد مع الحج عشان تيجوا تتقدموا لهايدي شريف بدموع : يعني اللي حصل ده بسببي انا هايدي : اهدي ياشريف ارجوك مش بحب اشوفك ضعيف لازم تمسك نفسك عشان تساعدها تقوم بالسلامه شريف وقد القي بجسده ع اقرب كرسي : منك لله يابابا اكيد الفلوس هي السبب ف اللي حصل .. ملعون ابوا الفلوس اللي تعمل كده ف البني ادمين هايدي تجلس ع ركبتيها وتمسح دموعه : حبيبي عشان خاطري اهدي وهي هتقوم بالسلامه انا حاسه بكده
