عشقتك 2
بقولك ايه … شوفلي الاجازه كده نظامها ايه عشان عايز ابدأ ف اجراءات السفر بسرعه وياريت تبقي مفتوحه مروان : متشيلش هم .. اعتبر الاجازه ف جيبك عمار : تسلملي ياصاحبي ———- ( منزل عمار ) عمار : اه طبعا يابابا ربنا عالم بحالي … لالا ف اسرع وقت هسافر .. الحمد لله … اكيد طبعا ياحج اول حاجه لما ارجع بيها هاجيلك ع طول … من عنيا ياحج انت تؤمر … ف رعايه الله يابابا
مريم : ع فكره … انا مسافره معاك عمار بصدمه : نعم !!! تسافري فين مريم بلامبالاه : هسافر معاك امريكا عمار : ده مين بقي اللي قالك اني هاخدك معايا مريم بثقه : انا اللي بقولك هسافر معاك عمار : متأسف لحضرتك انا هسافر وارجع ببنتي لوحدي
مريم : ريح نفسك يادكتور انا قررت خلاص .. وبعدين تقدر تقولي ازاي هتخلي بالك من البنت وترجع بيها لوحدك عمار : انا هاجي معايا البيبي سيتر بتاعتها مريم : وانا بقولك ….. ( ترررررررررن ) عمار : الو …. ايوه ياصادق في حاجه جديده … ايوة ايوة انا حضرت كل الورق … اييييه … طب ومراتي تسافر معايا ليه ….. ازاي الكلام ده طيب ياصادق حاضر …. سلام مريم : هههههههههههه سوري مش قادره اكتم الضحكه هههههههه
عمار بضيق : استريحتي كده مريم بثقه : اه استريحت .. بس هو عايزني ليه عمار : عشان اخد الحضانه بتاعه البنت لازم اكون متجوز واثبت بالاوراق ولازم تكوني حضرتك معايا ف المحكمه مريم :ممممم طب الحق اجهز نفسي واخلص شغلي عشان الفتره اللي هاغيب فيها عن اذنك …. عمار : مم مريم .. هووو انتي يعني … لسه زعلانه مريم بملامح بارده : عادي يادكتور انت يدوب شكيت ف اخلاقي يعني مش مشكله … دي حاجه تافهه جدا
عمار : ارجوكي بلاش الاسلوب ده انا … مريم مقاطعه : مفيش داعي لتبرير انا منسيتش اللي انت عملته … بس المواقف اللي احنا فيها بتجبرني اتعامل معاك مش اكتر .. وشكرا ع وقوفك جمب شريف .. عن اذنك ( تركته مريم وهو يعاني من تأنيب الضمير وانجزت مهامها كامله وغفت ع فراشها ) ———– ( في المجله ) شهد بضيق : انا مش عارفه بصراحه اقول ايه الله يكون ف عونك ياشريف يمني : احنا لازم نروح نزورها ياجماعه
مريم : انا قربت اخلص شغل وممكن تقفل المجله بدري النهارده بس بعد لما المطبعه تبعت النسخه الجديده من العدد الجديد ونروح سوا بعد كدا ( في المستشفي ) شريف مقبلا يديها : ياريتني كنت انا ياماما وانتي لا امال : بعد الشر عنك ياحبيبي ربنا يحرسك يارب الحمد لله ع كل حال … اسمعني ياضنايا الجمعيه بتاعتك ف الدرفه بتاعت التموين انا خبتهم لما دخلت المطبخ وبجري من ابوك وعملت نفسي بحطهم ف هدومي … عايزاك تروح تشوفهم وتاخدهم احسن يكون اخدهم
