سليم 4

تعرفى أنه بعت أمه تطلبك من أبوكى

لم تستطيع ليلى قول شئ وأكتفت بإبتسامه واسعه من ثغرها تحمل أمتنان كبير لسليم

فقالت سمر بمرح وهى تحمل منها آدم : هاتى آدم وقومى فرجينى على الشبكه وفستان الفرح

*****************

دخل سليم منزله فوجد والدته تنتظره على أحر من الجمر فعندما رآته أسرعت إليه تحتضنه بسعاده غامره وقالت بصوت باكى : حمدالله على سلامتك يا حبيبى

وحشتنى آوى

قبل سليم رأسها ويدها قائلاً : الله يسلمك ياأمى ، وانتى كمان وحشتينى

جلست فاتن على الأريكة وجلس سليم بجوارها قائلاً : أدينى ياستى رجعتلك تانى ، مبسوطه ؟!

ردت فاتن بسعاده بالغه لعودته : إلا مبسوطه ، دانا الدنيا مش سيعانى من الفرحه انت متعرفش أنا من غيرك كنت عامله إزاى

رد سليم بصدق : وحشتها من غيرك ياأمى ، ربنا ما يحرمنى منك

ردت فاتن بخبث : من غيرى أنا بس ؟!

قال سليم بصدق مرح : انتى ولىلى ارتحتى بقى ؟!

ضحكت فاتن عليه وقالت بحب : ربنا يفرحك بيها يابنى

صمتت سليم قليلا ثم قال : بس ياأمى أنا كنت عايز اطلب منك طلب ؟

قالت فاتن : قول ياحبيبى

: ليلى ، كنت عايزك تقفى جانبها اليومين دول ، أننى عارفه إن أمها ميته ولسه زعلانه من سمر اختها فإكيد حاسه بالوحده ومحتاجه وجودك معاها

أكدت فاتن قائله بصدق : أكيد يابنى فى عنيه من غير متقول انت عارف غلاوتها عندى قد ايه

عاد سليم بتقبيل رأسها وهو يقول : عارف ياأمى ربنا يخليكى لينا

المهم تعالى ورينى بقى الفرش اللى قولتلك عليه

**************

دلف سالم منزله مع ورد وأبنته نور ، براحه شديده فقدها منذ أن ترك البلده وعرف إن حياته هنا فى أرضه وليس خارجها فإلتفت لورد وسألها قائلاً : ها مبسوطه ياورد ؟

أتسعت إبتسامتها وقالت بصدق : مبسوطه بس ؟ أنا حاسه إن الحياه رجعتلى تانى

كفايه بس إننا وسط أهلنا وناسنا

مهما زعلنا من بعض وعادينا بعض ، بس عند أول ظرف بتلاقينا كلنا إيد وحده وبننسا الزعل وبننسا كل حاجه

بنفتكر بس إننا أهل

قبل سالم رأس ورد وهو يقول : ربنا يخليلى العاقل ده

ثم تناول منها نور وهو يحدثها قائلاً : بقولك أيه ياهانم أنا جاى هلكان من السفر وعايز انام وبما إنها أول ليليه ليكى معانا ، خليكى كويسه كده وبنت ناس وتنامى جانبنا من سكات