سليم 4

قبل سليم يديها وقال بصدق : محتاج رضاكى ووجودك جانبى على طول

ابتسمت فاتن له برضا وقالت : راضيه عنك ياحبيبى ، أنا مليش غيرك أنت وأختك ، ربنا ما يحرمنى منكم

خرجت ندى من غرفتها على ذكر إسمها وقالت وهى تغالب النعاس : جايبين فى سرتى ليه على الصبح ، وبعدين أيه اللى مصحى عريسنا بدرى كده

قبل سليم رأسها بحنان بالغ قائلاً : فرحان برجوعك ياغالى

ردت ندى بخبث : رجوعى أنا ولا…..؟

ضحك سليم وقال : دى طبعاً حاجه مفروغ منها ، بجانب رجوعك انتى والاولاد

ابتسمت ندى له بحب وأمتنان ، فمنذ وفات والدها وهو يفعل المستحيل حتى لا يشعرها بغيابه ، فقالت بصدق : ربنا مايحرمنى من نعمة وجودك فى حياتى

شعرت فاتن بسعاده غامره من علاقة أولادها المطرابته و المتينه ، ودعت لهم من قلبها

قالت ندى بإحراج : على فكره ياسليم مصطفى كان عايز ييجى معانا بس أنت عارف ظروف شغله ……..

قاطعها سليم قائلاً يرفع عنها الحرج : عارف ياندى هو كلمنى وشرحلى ظروفه

انتبهت ندى الى وقوف سليم أمام الغرفه فعلمت بمحاولته الولوج أثناء نومهم فقالت لسليم بمكر : بس أنت واقف هنا بتعمل أيه ؟ مش ماما بردوا مانعه أى حد يدخل الاوضه دى قبل ليلى ؟

انتبهت أيضاً فاتن الى وقوفه أمام الغرفه وقالت بتهديد وهى تشير بإصبعها فى وجهه : انت عارف لو دخلت الاوضه دى قبل الفرح هعمل فيك أيه ؟

رد سليم بخوف مصطنع وهو يرفع يديه للاعلى : وعلى ايه أنا راجع أوضتى احسن

ضحكت فاتن وندى عليه وذهب الى غرفته

نظرت ندى الى إمها وقالت بمرح : مبروك ياام سليم

: الله يبارك فيكى ياقلبى وعقبال أولادك

: فى حياتك ياماما إن شاء الله

************************

جاء موعد الزفاف

وليلى واقفه أمام المراه تنظر لأنعكاس صورتها داخلها وقالت ساره بإنبهار : بسم الله اللهم بارك ، أنا خايفه على الواد سليم أنهارده لما يشوفك ، أيه يابنتى الجمال ده ؟

شعرت ليلى بالسعاده من مدحها وقالت : بجد حلوه ؟

ردت ساره بتأكيد : إلا حلوه ، د انتى طالعه زى القمر ، يخرب عقالك ، ربنا يعينك ياسليم انهارده

ضحكت ليلى عليها وقالت: يارب

قاطعهم طرقات على الباب فذهبت ساره لفتحه ، فإذا به سالم وبجواره سليم

قال سالم بسعاده : العروسه خلصت ولا لسه

ردت ليلى قائله : آه خلصت ياحبيبى ، تعالى ، هو سليم لسه مجاش ؟