رواية جديدة

خلصت كلامها وسابته في صدمتة ومشيت معتز عاد الكلام في دماغه اكتر من مرة يمكن يقدر يوصل ل سبب أو تخمين لكن مقدرش خرج من الكافيه وهو حاسس بصداع فظيع ركب عربيتة وهو في دماغه حاجة واحدة بس

غاليه والي مخبيه ايه عليه وايه علاقتها بطلاقه من حب عمره والوجع اللي عايش فيه لحد دلوقتي !!!!!

******************

في فيلا غاليه والي كانت قاعدة مع عز بيتغدو سوا بعد ما يأسو أن معتز ينضم ليهم

عز :

_ وبعدين يا لولي هتفضلي مكشرة كدة كتير … ايه يعني انا مبقتش كفايه خلاص طالما معتز بيه جه ولا ايه

غاليه بضيق :

_ عز … قلتلك قبل كدة مش بحب كلامك دا حتي لو بهزار بجد بيضايقني جدا

عز ضحك :

_ اعملك ايه يا لولي ما انا عمال اكلمك واحاول اضحكك وانتي مكشرة بردو قلت يمكن لو عملت مقموص تفكي شويه

غاليه :

_ لا ضايقتني اكتر بجد

عز بحب :

_ خلاص بقا يا لولي حقك عليا يا قلبي مقصدش والله

غاليه ابتسمت :

_ خلاص يا حبيبي محصلش حاجة يلا كمل اكلك قبل ما يبرد يلاا

معتز في الوقت دا وصل بعربيته قدام الفيلا لكنة منزلش منها فضل يفكر شويه قبل ما يدخل ويرتب افكارة وكلامة

لو غاليه تعرف أو كانت حتي السبب في طلاقه مش هتعترف بسهوله ابدا …. لازم يختار الطريقه المناسبه عشان يعرف اللي مخبياه عنه

فضل في العربيه حوالي تلت ساعة وبعدها نزل و دخل كانو قاعدين في الليفينج بيهزرو سوا

معتز بهدوء :

_ مساء الخير

غاليه وعز :

_ مساء النور

غاليه :

_ ايه يا حبيبي معقول من تاني يوم ليك تنزل من الصبح كدة ع الشغل

معتز :

_ غصب عني يا لولي انا كنت فاكر اني كبيري ساعتين تلاته في المستشفى وارجع ع طول بس الحاله كانت صعبه شويه والوقت سرقني

عز :

_ اه يا جامد انت يا بتاع الصعب كله

معتز حاول يبتسم :

_ والله ما فايقلك يا عز هموت وأنام مش قادر

غاليه :

_ لا طبعا نوم ايه مفيش نوم الا لما تتغدي الاول وبعد كدة نام براحتك زي ما انت عايز

معتز :

_ مش هقدر يا لولي والله وبعدين انا اكلت شندوتشين ف المستشفى متقلقيش انا بس محتاج انام … يلا اقولكم تصبحو علي خير بقا

غاليه :

_ قبل ما نصبح علي خير … اعمل حسابك بكرة استاذ علام السمري جاي بالليل عشان يقعد معاك انت وعز ويراجع معاكم الميزانيات قبل ما تتقدم