رواية جديدة

قال كدة و ساب البيت كله ومشي

**********************

في المستشفى وصل سالم ومنه عشان يزورو مراد ويطمنو عليه وكان ف استقبالهم شريف

شريف باستغراب :

_ سالم بيه غريبه !! انا مش بلغت حضرتك أن المعاد اتاجل ل بكرة ؟

سالم :

_ وايه المشكله بكرة أن شاء الله ابقي اجي اتكلم مع الدكتور بتاعك زي ما هو عايز ودلوقتي ادخل اطمن علي ابني

شريف :

_ بس انا بلغت حضرتك أن مراد من بعد جلسه العلاج مع دكتور معتز وهو واخد مهديء ونايم وممنوع الزيارة له دلوقتي

سالم برفعه حاجب:

_ انت بتمنعني اني اشوف ابني يا دكتور شريف ولا ايه ؟؟؟

شريف بتراجع :

_ لا طبعاا مش قصدي نهائي بس يعني دكتور معتز كان بيقول

قاطعه سالم وهو رايح ناحيه اوضه مراد :

_ بلا معتز بلا زفت انا محدش يقدر يمنعني اني اطمن علي ابني يلا يا منة

اتحرك سالم ومنة ودخلو اوضه مراد كان في الوقت دا مراد فاق وقاعد ضامم رجيليه لصدرة ودموعه نازلة وساكت تماما

منة وسالم جريو عليه

منة ب قلق :

_ مراد مراد حبيبي مالك ف ايه ؟

سالم :

_ ايه يا حبيبي ف اي ؟ الدكتور المتخلف دا ضايقك ؟ قولي بس وانا هتصرف معاهم

مراد رفع رأسه وبص ل سالم بقوة وغضب :

_ انت ليك عين تيجي لحد هنا وتتكلم معايا ؟ ليك عين تواجهني وانت قاتل عيالي وكنت مقضيها مع الحيوانة ؟ انت ازاي كدة ازاااااااي

منة بغضب :

_ ايه اللي انت بتقولو دا يا مراد انت اتجننت رسمي ولا ايه ؟

مراد بوجع :

_ ياريتني كنت اتجننت يا منه يااااااريت … ساكت ليه ما تنطق اتكلم ؟

سالم بتوتر وخوف:

_ ا اللي انت بتقولو دا تخريف اتكلم اتكلم اقول ايه ؟

مراد :

_ تقولي سبب قتل ولادي ايه ؟ تقولي خنت ابنك وعملت علاقه مع مراته ليه ؟ انا من حقي اعرف وياريت متنكرش انا كنت مركب كاميرات وكله متسجل صوت وصورة وهخرج من هنا وافضحك ف كل حتة يا سالم علوان

منة بتوهان :

_ بابا رد عليه ايه اللي هو بيقوله دا ؟ معقول حالته توصل للدرجة دي ؟

سالم بتوتر :

_ كاميرات ايه ؟ وفين الكاميرات دي هه ليه البوليس ملاقهاش ؟ ومن امتي مركبها ؟

منه بذهول :

_ دا اللي فارق مع حضرتك ؟ هو في ايه بالظبط

مراد بقوة :

_ انا مستعد اسكت خالص بس اعرف ليه عملت فيا كدة ؟ ريحني وفهمني لاني هتجنن بجد