رواية جديدة

_ ينفع دلوقتي ؟ بس بليز يا معتز مش عايزة حد يعرف انك هتقابلني ممكن ؟

معتز :

_ تمام يا ديجا مع اني مش فاهم حاجة بس تمام انا كنت في مشوار وفي طريقي للبيت قوليلي اجيلك علي فين وانا اجي

خديجة :

_ في كافيه قريب من البيت عندي لسه فاتح هبعتلك اللوكيشن بتاعه وانزل استناك هناك اوك

معتز :

_ اوك مسافه الطريق واكون عندك

معتز قفل معاها وبعت رساله ل عز أنه هيتاخر ف المستشفى ويتغدو هما وغير وجهته ل مكان الكافيه وبعد نص ساعه بالظبط وصل ودخل وهو جواه قلق وخوف كبير من اللي خديجة جايه عشانه

خديجة وهي بتسلم عليه :

_ وحشني يا معتز … وحشني اوي يا حبيبي

معتز بحب :

_ انتي كمان وحشتني اوي يا ديجا

خديجة :

_ تشرب ايه ؟ انا طلبت قهوة

معتز نده للويتر :

_ قهوة مظبوط لو سمحت ( بص ل ديجا ) اديني طلبت اللي هشربه اهو في ايه بقا قلقتيني يا ديجا خصوصا لما طلبتي أن محدش خالص يعرف بالمقابله دي

خديجة :

_ رنا بتحبك يا معتز و

قاطعها معتز :

_ ديجا ارجوكي الموضوع دا حله مش عندي بنتك اللي طلبت الطلاق ورافضه تقولي السبب لحد دلوقتي وغلطت فيا كمان

خديجة كشرت :

_ ارجوك انت اسكت ومتقاطعنيش … انا عارفه كلامك دا كويس اوي يا معتز … بص يا ابني … كل اللي هقدر أقوله لأن بنتي حلفتني علي كتاب ربنا اني متكلمش واسكت وهددتني اني لو اتصرفت أو اتكلمت أو عملت اي حاجة هتموت نفسها وحلفتلي برحمة ابوها علي كدة وكانت لا بتهزر ولا بتهدد وخلاص كانت بتتكلم جد جدا جدا …. السبب اللي خلاها اتطلقت منك وهي بتعشق التراب اللي انت بتمشي عليه عند غاليه هانم والدتك هي اللي تقدر تقولك رنا طلبت منك الطلاق ليه … لو لسه بتحب بنتي وعايز تعرف اي حصل من تلت سنين روح ل غاليه هانم وكلمها واضغط عليها لحد ما تقولك اكتر من كدة مش هقدر اتكلم

معتز بصدمة :

_ يعني ايه ؟؟؟ ديجا قوليلي معني كلامك دا ايه ؟؟؟ اوعي تسكتي دلوقتي اوعي

خديجة بوجع :

_ رنا اتعذبت اوي يا معتز … ولولا اصرارها علي سكاتي انا كنت هديت الدنيا … بس بنتي وانا عارفاها وقتها كان اكييييد هتعمل في نفسها حاجة وتحرمني منها …. اعرف من غاليه ايه حصل واتصرف انت …. يا تختفي تماما من حياة بنتي يا معتز … يا ترجعلها وتعوضها عن الوجع والقهره اللي حست بيهم ف غيابك … انا خلصت كلامي … عن ازنك يا حبيبي ربنا معاك يا بني