رواية جديدة

ماسه :

_ عايزة اعرف علاقتك ايه ب زفتة مايسه دي هه لازق فيها ليه كل يوم والتاني ف حتة معاها ليه ؟

سالم :

_ شغل يا ماسه شغل افهمي بقا وبطلي شغل العيال دا

ماسه وهي بتقرب منه :

_ بجد يا سالم … مجرد شغل وبس ؟ يعني لسه ماسه وبس اللي في قلبك يا حبيبي ؟

سالم وهو بيحضنها :

_ اكيد يا روحي انا مليش غير حبيبه قلب واحدة وبس وهي انتي طبعا يا قلب سالم بس بلاش الكلام اللي بيزعل دا يا قلبي اتفقنا ؟

ماسه بحب :

_ اتفقنا يا حبيبي

باك …..

مراد بتوهان :

_ حسيت وقتها اني بردان … بردان اوي لدرجة أن عظمي وجعني … حولت اليومين ال بعد كدة بسرعه مكنش فيهم حاجة لحد يوم الحادثه

فلاش باك …..

ماسه كانت بتحط مونيكير لما تلفونها رن برقم سالم وردت بلهفه وفتحت الاسبيكر

ماسه :

_ حبيبي اللي وحشني

سالم :

_ ايه يا روحي بتعملي ايه ؟

ماسه :

_ ابدا ولا حاجة حسيت اني زهقانة شويه عماله اجرب في الوان المنيكير اللي عندي وانت فين كدة ؟

سالم :

_ انا في الشغل هكون فين يعني .. المهم يا روحي انا خليت معتز يسافر هو شرم الشيخ عشان عقود الصفقه وهيبات هناك ويجي الصبح يعني الليله ليلتنا يا جميل

ماسه ببتسامة :

_ بجد يا سالم ؟ هتبات معايا انهاردة ؟

سالم :

_ اومال .. دا حتي منه لسه قافله معايا وقالتلي انها هتفضل في اسكندريه وهتيجي هي كمان الصبح يعني الفيلا كلها بتاعتنا

ماسه :

_ طيب و ريماس ورامي ؟ هنعمل فيهم ايه ؟ افرض قلقو ولا حاجة ؟

سالم :

_ اديهم نقطيتن اتنين بس من المنوم اللي عندك هينامو بهدوء لحد الصبح سهله يا ماسه متصعبهاش وخلينا ننبسط شويه سوا بقالك كتير بعيد عن حضني

ماسه بدلع :

_ ودا كان بسبب مين أن شاء الله مش بسببك انت

سالم :

_ ماشي يا ستي بسببي انا وانهاردة وعد مني هصالحك وهجبلك هديه حلوة من اللي انتي بتحبيهم واوعدك يا ماستي الغاليه ان من النهاردة مش هتزعلي مني خالص لاخر العمر

ماسه ابتسمت :

_ ماشي يا حبيبي هجهز واستناك باي يا روحي

سالم :

_ مع السلامة يا ماسه

قفلت ماسه وبدأت تجهز نفسها لاستقبال سالم اللي اليوم دا كان مفروض عندة عشا عمل مع وفد تركي وحجز اوضه ف سويت عشان يبات فيها لما يخلص وميرجعش البيت