رواية جديدة

ورن الجرس

رنا من جوة :

_ أيوة حاضر …

اول ما فتحت الزمن وقف بيهم هما الاتنين عيونهم كانت بتتكلم

رنا كانت مصدومة وبسرعه عيونها لمعت بالدموع وهي بتبصله بشوووق كبير وحب وعتاب

معتز حالته مكنتش تختلف عنها ابدا كانت وحشاه فوق ما هو كان متخيل متغيرتش خالص عن أخر مرة شافاها فيها كان نفسه يضمها ل حضنه لكن ميقدرش يعمل كدة

خديجة من ورا رنا :

_ مين يا رنا اللي جه ومالك وافقه كدة ليه

( شافت معتز )

_ اهلا اهلا يا حبيبي اتفضل تعالي اتفضل

فاقو الاتنين من العالم اللي كانو غراقنين فيه وحاول معتز أنه يتكلم بثبات

معتز :

_ احم ازيك يا ديجا عامله ايه وحشاني والله

خديجة ابتسمت بحب :

_ الحمد لله انت عامل ايه وأخبار شغلك ايه ؟

معتز :

_ الحمد لله كله تمام

خديجة :

_ ايه يا رنا هتفضلي واقفه كدة … شوفي معتز يشرب ايه يلا

قاطعها معتز :

_ لا لا ملوش لزوم انا مش عايز اشرب حاجة انا بس كنت محتاج اتكلم مع رنا شويه يا ديجا ممكن ؟

خديجة :

_ اكيد يا حبيبي … عن ازنكم هقعد انا في الصاله لحد ما تخلصو كلام

خرجت خديجة وكل دا رنا ساكتة والتوتر بدء يظهر عليها

معتز بهدوء :

_ ممكن تقعدي علشان نعرف نتكلم ؟ اكيد مش هعرف اقول اللي عايز أقوله وانتي واقفه كدة يعني

اتحركت رنا وقعدت علي الكنبه اللي قصاده وهي بتفرك في ايديها جامد

معتز بحب :

_ وحشتيني اوي يا رنا … هنت عليكي السنين دي كلها تكوني بعيدة عني ؟

رنا دموعها نزلت ونزلت راسها لتحت

معتز :

_ رنا انا عرفت كل حاجة خلاص السر اللي مخبياه عليا مبقاش سر ماما قالتلي علي كل حاجة امبارح بالليل

رنا رفعت راسها وبصتله بصدمة كبيرة:

_ ع عرفت ايه ؟ ا انا .. معتز والله هو اصل

معتز :

_ ممكن تهدي عشان نعرف نتكلم ونوصل ل حل سوا ؟ عرفت كل حاجة من ماما امبارح بقولك بس كان الوقت متاخر معرفتش لا اكلمك ولا اجيلك

رنا بدموع :

_ وصدقت غاليه هانم ولا جاي عشان تعرف مني قبل ما تاخد قرارك النهائي ؟

معتز :

_ لو صدقتها مكنتش اكون موجود قدامك دلوقتي ولا ايه ؟

رنا :

_ معتز هي قالتلك ايه ؟؟؟

معتز بتهرب :

_ رنا ملكيش دعوة باللي ماما قالته انا اهو قدامك وجاي اسمع منك انتي وبعدها انا هحكم بنفسي اصدق مين فيكم تمام