رواية جديدة

مراد نظراته اتحولت لحزن شديد معتز سكت دقيقتين عشان مراد يستوعب الكلام اللي هو قاله وعشان ما يضغطش عليه ولما السكوت طال ونظرات الحزن ذادت علي ملامح مراد ابتدى معتز يتكلم تاني

_ مراد هروبك ده مش هيغير حاجه خلاص راحوا عند اللي احسن مني ومنك كلنا هنموت اه الفراق صعب والحياه ممكن تكون صعبه وموجعه من غيرهم بس لازم تستمر خصوصا انك مش لوحدك في الدنيا اختك وباباك محتاجينلك و اللي عرفته من دكتور شريف ان باباك قالب المستشفى حرفيا عشانك ومدينا مهله يا سيدي انك لو ما تحسنتش هيطربق المستشفى على اللي فيها

مراد من اول معتز بدا يجيب سيره ابوه واخته وملامحه اتحولت كليا من الحزن للغضب دي الحاجه اللي استغربها معتز جدا كان متوقع انه بيحفزه عشان يتكلم بس مكنش متوقع خالص الغضب اللي شافه على وشه

معتز سكت دقيقه كمان ورجع كمل

_ ايه سر الغضب اللي على وشك ده انا توقعت ان انا بحفزك عشان تتكلم ليه اتضايقت لما سمعت سيره اختك وباباك في حاجه مضايقك منهم

مراد نزل وش لتحت واللي صدم معتز اكثر اني تفاجئ بيه بيعيط بانهيار وحرقه وده اللي صدم معتز لانه قري في الملف بتاعه ان ما نزلش دمعه واحده من يوم الحادثه

على قد صدمته على قد ما حس معتز ان هو خد خطوه كبيره جدا في رحله علاج مراد اداله وقت بان هو ينهار ويطلع كل الطاقه السلبيه اللي كانت جواه وفضل بس قاعد جمبه وساكت تماما

بعد حوالي ربع ساعه كامله كان مراد بيعيط فيها رجع معتز يتكلم تاني

_ مراد … انا مش حابب اديلك اي مهدئات ونرجع تاني الخطوة اللي خدناها لاقدام … اهدي شويه وحاول تعبر عن اللي جواك بالكلام … صدقني هترتاح فوق ما تتخيل بس انت حاول حاول يا مراد وانا معاك

مراد بدء يتكلم بصوت ضعيف وهو باصص للفراغ

_ كنت بحبها من واحنا في الجامعه كانت اصغر مني بسنتين اول ما شفتها خطفت قلبي وعقلي حبيتها من اول نظره فضلت سنه كامله بحاول ان انا اتكلم معاها وارتباطنا سنه كمان وبعدها اتجوزنا على طول ما اتخطبناش ده خلاص بحبها جدا وواثق ان هي دي اللي انا عايزه اكمل معاها مش حاسه ان في لازمه للخطوبه خصوصا ان انا حالتي الماديه كويسه واهلها وافق واتجوزنا وعشنا احلى سنين في حياتنا او انا انا عشت احلى سنين في حياتي كنت حاسس ان انا في الجنه شغل كويس اب حنين اخت محتوياني عن حنان امي وزوجه وحبيبه ما فيش احن ولا احلى منها في الدنيا وربنا كرمني ريماس ورامي حسيت ان انا معايا كل حاجه كل حاجه في الدنيا دي معايا المال والبنون والحب والاهل في ثانيه في ثانيه واحده كل ده راح مني