رواية جديدة

طلعت زي المجنون علي الفيلا وقتها منه كانت عند ناس قرايبنا لأنها مش قادرة تقعد ف الفيلا بعد اللي حصل فيها وبابا كان في القسم بيتابع التحقيقات وصلت وطلعت اللاب بتاعي وفتحت تسجيل الكاميرات وكانت المفاجأة

فلاش باك ……

قبل يوم الجريمة بيومين بالظبط الساعه كانت ١١ تقريبا ماسه كانت رايحة جايه في صاله الجناح بتاعهم وعماله تكلم نفسها وفجأة الباب خبط خبطتين جريت وفتحت واترمت في حضن اللي دخل

ماسه :

_ وحشتني اوي وحشتني اوي يا بيبي كدة اهون عليك كل دا تبعد عني

سالم بجمود :

_ في ايه يا ماسه مليون اتصال ومسج مع ان انا مأكد عليكي أن كدة مينفعش ايه عايزة تفضحينا وخلاص ولا ايه

ماسه :

_ معتز وأغلب الوقت مشغول ومنه ديما مع صحابها كل يوم في مكان شكل مين بقا هيركز مع تلفونك هه

سالم :

_ قصره … عايزة ايه ؟

ماسه يزعل :

_ مالك يا سالم بقالك مدة متغير معايا ليه ؟ انا زعلتك في حاجة ؟

سالم :

_ لا متغير ولا حاجة بس مشغول واظن انك شايفه بنفسك معتز ازاي ديما برة وطبيعي اني أشيل معاه الشغل ف ياريت تهدي بقا وتبطلي زن هه خليكي عاقله يا ماسه

ماسه بسخريه :

_ ممممم شغل … انت متاكد يا سالم أنه شغل وبس ؟ يعني مش متجاهلني بسبب ست مايسه اللي اتحدفت علينا من شهرين وانت رايح جاي معاها في كل مكان ؟؟

سالم :

_ دا انتي بتراقبيني بقا يا حلوة ؟

ماسه بغضب :

_ ومرابقكش ليه هه اوعي يا سالم تفكر اني هسيبك لواحدة تانيه غيري اوعي تفكر انك ممكن تفضل منيمني كدة لحد ما اتفاجا بيك داخلي بيها ف البيت وتحطني قدام أمر واقع … لااااااا يا سالم انا ماسه ماسه اللي انت مربيها علي ايديك اللي من تاني شهر ليها في البيت دا وهي معاك وفي حضنك وعلي سريرك اوعي تفكر دلوقتي تقلبني وتشوف غيري والله العظيم اقلب الترابيزة علي الكل وتبقي خرااااااب

سالم بغضب :

_ انتي نسيتي نفسك ولا ايه يا بت اتعدلي بدل ما اعدلك يا روح امك واوعي تنسي نفسك فاهمه ولا لا

ماسه :

_ لا مش فاهمه … ايه فكراني هخاف من الصوت العالي ولا ايه لا يا سالم قلتلك من شويه انا تربيتك هه تربيتك يعني لا بخاف ولا اختشي

سالم بغيظ :

_ ماسه انا لحد دلوقتي ماسك اعصابي ومش راضي اتغابي عليكي انتي عايزة ايه دلوقتي وايه لازمة كل اللي بيحصل دا ؟