رواية جديدة
رنا ببكاء :
_ والله يا معتز انا معملتش حاجة … انا اتفاجات بيه سكران وبيتهجم عليا و و
معتز اتصدم من كلامها والدم غلي ف عروقه بس لو سألها هو مين هتعرف أنه بيضحك عليها وأنه ميعرفش حاجة حاول يهدي نفسه وفضل ساكت
رنا ببكاء :
_ انا اليوم دا كنت واخدة دوا الأعصاب بتاعي وانت عارف انه بيهديني خالص ويخليني انام علي طول بس اتفاجات ب بعز راجع سكران وحركاته غريبه لما زعقت فيه وقلتله يطلع من اوضتنا اتفاجات بيه بيتهجم عليا يا معتز … و وحاول يغتصبني بس انا قاومتة والله قاومتة علي قد ما قدرت وخلاص علي آخر لحظة بعد معافره مني ضعيفه بسبب الدوا دخلت غاليه هانم وهو اول ما شافها بعد عني بسرعه و
فلاش باك ……
عز بتوتر :
_ ماما … ماما هي اللي ندهت عليا عشان ادخلها انا انا بحسب معتز هنا ماما هي اللي خلتني اقرب منها كدة صدقيني
غاليه بصرامة :
_ البس هدومك وروح علي اوضتك يا عز حالا يلااااااا
عز من غير ولا كلمة لبس هدومة بسرعه جدا وطلع جري علي اوضته كل دا ورنا نايمة علي السرير مش قادرة حتي تقوم كل اللي قدرت تعمله أنها تستر نفسها بالملايه وبس كانت في حاله انهيار
غاليه بغضب :
_ من غير شوشره وكلام كتير في ظرف يومين اتنين الاقيكي مطلقه من ابني ومختفيه من حياتنا كلها فاهمه ولا لا
رنا بصدمة :
_ حضرتك بتقولي ايه ؟ دا هو والله هو اللي
قاطعتها غاليه:
_ مش هتفرق يا حبيبتي سواء هو اللي عمل كدة فيكي من نفسه أو انتي اللي غويته مش هتفرق مش بعد مى اتعب واربي واكبر تيجي انتي تخلي الاخوات يقعو في بعض ومش بعيد يقاطعو بعض لااااااا دا انا ادفنك مكانك … حرام عليكي انتي حيالله مراتة لكن دا اخوه والصغير اللي محتاج توجيه عايزة تفريقهم ؟ هتكوني مبسوطة ومعتز معاكي ومقاطعنا ؟
رنا ببكاء :
_ بس انا مظلومة وبحب معتز والله مقدرش ابعد عنه
غاليه :
_ بصي يا رنا قدامك حل من اتنين يا تختفي من حياتنا في هدوء يا انا وعز هنقول أننا شوفناكي في وضع مش لطيف مع أي واحد من شلتكم ووقتها هتبقي كلمتك قصاد كلمتنا وحتي لو صدقك انتي وكدبنا صدقيني هخلي سيرتك علي كل لسان مش هسيب مكان اللي لما اقول فيه أن اخلاقك وحشة وانك واخده ابني مننا عشان مصدقش الي احنا شوفناه بعنينا … ها قلتي ايه ؟
