رواية جديدة
معتز :
_ وايه طريقه العلاج اللي اتبعتوها معاه ؟
شريف :
_ والله يا معتز دكتور محمود عبد الله هو اللي كان متابع معاه
مد ايديه ب ملف كبير كان قدامه
_ عموما دا الملف بتاع مراد فيه كل حاجة عنه حالته وتقلباته والطرق الي اتبعت معاه كل حاجة موجودة هنا
معتز :
_ تمام يا دكتور ممكن فنجان قهوه دبل وانا بقرا الملف دا وبعدها محتاج اشوف مراد
شريف :
_ تمام يا دكتور طلباتك اوامر
معتز ابتسم :
_ الأمر لله وحده
معتز قري الملف كويس مرة واتنين وبعدها اتحرك ل اوضه مراد عشان يشوفو بنفسه ويحدد طريقه العلاج المناسبه له … وصل قدام الاوضه وخد نفس طويل وخبط ودخل
مراد كان قاعد علي كرسي قدام شباك اوضته وباصص للفراغ وشارد تماما كأنه في دنيا تانيه مش حاسس باي حاجة حواليه
معتز :
_ مساء الخير … ( بص ف ساعته ) مممم اه اعتقد بما اننا العصر ف مساء الخير مناسبه … ازيك يا مراد عامل ايه ؟
…….
معتز :
_ مراد انا عارف انك مش مستوعب اللي حصل لانه صعب وبشع واي حد مكانك اكيد كان هيواجه صعوبه في تقبل الواقع دا بس دا مش حل … ولادك ومراتك ماتو انت رجعت ولاقتهم مقتولين ف اوضتكم شوفتهم بنفسك و
ملحقش يكمل كلامة بسبب حاله مراد اللي فجأته تماما
يتبع ….
الفصل الثاني
هي اربع فصول يا بنات ارفعوا البارتت معايا عشان توصل اسرع ومتنسوش اللايك ورأيكم نكمل …
معتز :
_ مراد انا عارف انك مش مستوعب اللي حصل لانه صعب وبشع واي حد مكانك اكيد كان هيواجه صعوبه في تقبل الواقع دا … بس دا مش حل … ولادك ومراتك ماتو انت رجعت ولاقتهم مقتولين ف اوضتكم شوفتهم بنفسك وهما غرقانين في دمهم ولادك الاتنين كانو نايمين علي السرير بنتك ريماس كانت حاضنه العروسه بتاعتها وابنك رامي كان حاضن عربيته و الاثنين واخدين رصاصه في الراس ومراتك كانت قدام باب الاوضه وواضح من ملابسها أنها كانت مستنياك ل سهره خاصه بينكم و واخدة رصاصتين واحدة في صدرها والتانيه في دماغها … دفنتهم بأيديك يا مراد سمعني … انت دفنتهم بأيديك واللي قهرك اكتر ان القضيه اتقيدت ضد مجهول واتقفلت علي كدة واللي قتل عايش ومتنهي وانت وبس اللي قلبك موجوع علي عيلتك يا مراد انت وبس
