ارفع راسك 2
-جاسر تعبان انا قولتله روح ارتاح وأنا وغزل هناخد بالنا منها
ابتسامة متهكمة ظهرت على ملامحه
-ليه ابوها وامها ماتوا، استدار بجسده كليا يغرز عيناه بعين جواد
-لو ابنك شايف بنتي بقت تقيلة عليه ياجواد فأنا بحله من الارتباط دا، أشار على جنى ثم اتجه ببصره لجواد
-بنتي لكام مرة هتمــ,,ـــــوت بسبب ابنك ياجواد قولي، هو انا عندي كام بنت، لكزه بصدـ,,ـــره وتحدثت بغضب:
-ابنك مش اغلى من بنتي ياجواد، انا فكرته راجل وهيحميها، متخلنيش اوصل لقسم ماخليه يقرب منها، كفاية وجع قلب لحد كدا، انا اتحملته كتير، بس البنت يوم عن يوم بتمــ,,ـــــوت بسبب ابنك ياجواد، واظن انت فاهم كلامي ربت جواد على كتفه متحدثًا
-معلش حقك عليا، مشكلة جاسر مع فيروز هو اللي وصلهم لكدا، انا بوعدك الدنيا هتتظبط بينهم ، بس متنكرش أن الواد بيحب البنت
-بيحبها بس بيوجعها ياجواد ، اعمل ايه بالحب اللي بيوجع بنتي
استدار ينظر لأبنته بألم
-انت مصدق دي تكون جنى ياجواد، دي اللي كنا بنقول عليها فراشة العيلة، انا تعبان بسببها بس مش قادر اتكلم، مش عايز ادخل بينهم وقتها انت هتزعل، انا كنت بغلط عز بس شوف نتايج جاسر عملت ايه في البت
تنهد جواد بألمًا ثم استدار متجها للخارج :
-غزل انا هرجع على البيت، وأنتِ خليكي معاهم
-مفيش داعي ياجواد ، خلي مراتك ترجع معاك، احنا هنا
حدقه بنظرة مطولة ثم اومأ برأسه:
-زي ماتحب ياصهيب، بسط كفيه لزوجته :
-ياله ياغزل ابوها وأمها معاها هم مش محتاجينا ..نهضت غزل تهز رأسها رافضة أسلوب صهيب ثم اتجهت لزوجها مغادرة دون حديث
نهضت نهى واتجهت إليه
-صهيب ..استدار إليها وهو يشعر بغصة تمنع تنفسه من كلمات جواد التي اخترقت روحه، فابتلع ريقه بصعوبه متسائلاً :
-لو عايزة ترجعي معاهم ارجعي
دققت النظر إليه ثم جلفته بسؤالها
-جاسر رجع فيروز تاني، يعني بنتك بقت زوجة تانية
استدار ينظر للخارج
-هتفرق يانهى..جذبته من ذراعه
-طبعا هتفرق ياابو عز، هتفرق اوي كمان ..علشان كدا عز راح اتجوز على ربى مش كدا
دلك صدـ,,ـــره عندما شعر بارتفاع نبضه ، متجها إلى المقعد
-نهى ممكن نأجل الكلام في الموضوع دا دولقتي ، انا مش قادر اتكلم
جلست أمامه على ركبتيها
-حبيبي حاسس بإيه ..فتح اول زر من قميصه
-حاسس باختناق يانهى، افتحي الشبابيك مش قادر اتنفس ..هرولت تستدعي أحد من الأطباء عندما شحب وجهه وزاغت عيناه
وصلت الممرضة تقوم بعمل الاسعافات الاولية قائلة:
– نبضه ضعيف..استدعت الطبيب ، الذي قام بالكشف عليه ،وتم نقله لغرفة خاصة لمتابعة حالته، رفع نظره لنهى متحدثًا بصوتًا ضعيف:
