سهيل 2الاخير

احتضنها بشدة يميل بها بحركات راقصة على نغمات تلك الأغنية الرومانسية / وبينا معاد لو احنا بعاد اكيد راجع ولو بيني وبينه بلاد وبينا معاد لو احنا بعاد اكيد راجع ولو بيني وبينه بلاد قصاد عيني في كل مكان قصاد عيني في كل مكان ومن تاني أكيد راجعين أنا دايب وكلي حنين ولا عمري أبيع لو مين قصاد عيني ومش قادر على الأيام

ولا يوصف هوايا كلام وطول ليلي ولما بنام قصاد عيني قصاد عيني في كل مكان قصاد عيني في كل مكان في يوم هنعود ده بينا وعود و في غيابه اكيد لسه الأمل موجود قصاد عيني في كل مكان قصاد عيني في كل مكان ومن تاني اكيد راجعين أنا دايب وكلي حنين ولا عمري أبيع لو مين قصاد عيني ومش قادر على الأيام

ولا يوصف هوايا كلام وطول ليلي ولما بنام قصاد عيني قصاد عيني في كل مكان قصاد عيني في كل مكان… أبعدها عنه يقبل وجهها كل ماتقع عليه عينيه قائلاً (وحشتيني يا نوسة) ردت عليه بسعادة عارمة (وانت كمان يا حبيبي)

أمسكها من كفها برفق وجلس على الفراش وأجلسها بجواره قائلاً (أنا مش هابعد عنك تاني ولو ثانية) .. نظرت إليه وآلاف التساؤلات تدور داخل مقلتيها لكنه لم يمهلها فرصة للحديث وأخرج بعض الأوراق يفتحها قائلاً (دي أوراق من المركز اللي كنت بتعالج فيه بتثبت اني خفيت وبقيت كويس) شهقت نسرين ثم احتضنته هاتفة بفرحة (يا حبيبي يا عبدالله.. الحمدلله يارب.. الحمدلله)

ضمها إليه أكثر قائلاً (ومش بس كده.. أنا كلمت والدك واتفقت معاه اني ابيع شقتنا القديمة واشتري منه شقة فالعمارة بتاعتكم عشان نفضل قريبين منه)… ضحك يمازحها بلطف (عايز يحطني تحت المراقبة ياستي).. أمسكت بكفه مشبكة أصابعها بين أصابعه قائلة بحب (المهم اننا هانبقى مع بعض) أغمض عينيه يتلذذ برائحتها التي يشتاقها كثيراً ثم قال (من انهاردة مفيش حاجة ممنوعة.. الحياة قدامك عيشيها واتنفسي براحتك ياعمري..انا واثق فيكِ وفطهرك)

تنهدت قائلة بعشق (أنا ماليش حياة من غيرك والنفس فبعدك بيخنقني) .. استلقى على الفراش وهي بين احضانه واضعاً رأسها فوق صدره يسألها بمرح (ما وحشتكيش الشاورمة؟) ضغطت على شفتيها تهمس بخجل (لو هاتكتر التومية يبقى وحشتني) … تأوه ضاحكاً على حديثها ثم غاب معها في عالمهما الخاص ليقيم بين يديها موطنه ويحفر إسمه فوق جسدها ويرتشف رحيقها الأرق من الندى .. يديه تحتضن يديها وهمساتها المشتاقة تُطرب آذانه بأجمل سيمفونية سمعها في حياته