رواية روعة 16-20

كانت تجلس تنظر يمينا ويسارا تتفقد الخارج والداخل من المقهي لعله يكون بين أحدهم وأخيرا ظهر من بين الداخلين وبمجرد أن رآها أسرع نحوها وجلس أمامها يقول باستغراب في قلق
_ في أيه يازمردة إنتي كويسة جايباني من الصبح كدا ليه
_ ملاك قاعدة في بيت عمي صح
أماء له بإيجاب متعجبا يسترسل منها الكلام فتابعت هي بارتياح
_ الحمدلله أسيد خلي بالك الفترة دي على ملاك جدا أكرم كلمني وهددني كان عايزني أشترك معاه في خطفه لملاك وأنا رفضت وقالي إني لو قولتلك هيعرف وأنا حاسة أنه مراقبني علشان كدا جاية من غير ماحد يحس وفي الخفى
رأت قسمات وجهه التي تحولت إلى جمرة من ڼار مشټعلة وأوشك على حړق الجميع بها ذلك الوغد لن يهدأ إلا حين أن يقبض روحه مازال يحوم كالثعبان حول زوجته وسيأتي اليوم التي سيقطع رأس هذا الثعبان أجاب شبه منفعلا
_ هاتي الرقم اللي أتصل منه عليكي يازمردة
أخرجت هاتفها وأملت عليه الرقم فسجله بهاتفه وهو يهمهم بخفوت متوعدا يلقي بعض السباب عليه فقالت هي بقلق
_ هتعمل أيه
_ هاخد روحه إن شاء الله هعمل أيه يعني يازمردة!
صمتت قليلا وزفرت بيأس زامة شفتيها للأمام بعدم رضا ثم قالت بشفقة وحزن شديد
_ سارة عاملة أيه دلوقتي مروان قالي أمبارح وأدايقت جدا والله لدرجة إني قعدت أعيط عليها
قال في ضيق وخنق ممزوجين بالڠضب والتوعد
_ لا بتاكل ولا بتشرب والكلام مبتتكلمش مع حد بس هيروح منينا فين … هنجيبه لو نزل سابع أرض وأنا تقريبا قربت أوصله أساسا
_ ربنا ينتقم منه يارب بس سارة غلطانة إزاي تروحله البيت
_ لو مكنش ده حصل وكنا لحقناها منه كانت هتشوف اللي هيحصلها منينا بسبب اللي عملته احنا اللي مخلينا مش قادرين نعملها حاجة وضعها وهو على كدا جدي وعمي بنحوشهم عنها بالعافية
ظهر العبوس والخزي على وجهها فما عاشته تلك المسكينة صعب تحمله على أي فتاة وجدته يهب واقفا وهو يقول بصلابة
_ يلا علشان أوصلك لإني معايا شغل كتير ومتطلعيش من البيت وحدك تاني يازمردة يا أما تطلعي مع مروان يا أما بلاها طلوع خالص
هزت رأسها بالموافقة في عدم اعتراض فلا تجرؤ على قول لا له فهو بمثابة مروان وكما هي لا تجرؤ على مخالفة أوامر أخيها لا تجرؤ على مخالفة أوامره يكفي أنه كان بجانبهم دائما في حياة والدتها ولم يتركها هي أو ملاك جال بخاطرها وهي تسير بجوراه ريان وكيف هو حاله الآن بتأكيد أنه داخل صدمة قوية وقلبه ېحترق من الغيظ والڠضب والحزن على شقيقته أشفقت عليه بشدة فهو مازال لم تهدأ نيران قلبه من فراق حبيبته والآن ازدادت اشتعالا بفجيعة شقيقته ……. !