سايبة بيتك ج3
ابتسم هازئا وقال .. أنا زي ما أنا متغيرتش وأنت زمان مکنش بيهمك لا ورد ولا شموع واستطرد بمكر .. مکنش بيهمك غيري أطلقت ضحكة ساخرة .. كنت هبلة فعلا لازم اعترف حمل لها فنجان من الشاي الساخن وقدمه لها وقال معترضا .. کنت بريئة براءة الحب والأحلام تناولت منه الفنجان وشربت منه القليل وقالت بعزم .. في دي أنا فعلا اتغيرت خصوصا أني أخدت أعظم درس على إيديك حرك لها المقعد المبطن بقماش القطيفة لتجلس وجلس أمامها قائلا بسخرية
.. مافيش داعي للشكر ولو أن أنت كان عندك الإستعداد وضعت الفنجان وقالت بمرح .. واضح أنه مش عشا وهنقضيها على فنجان الشاي ده والأتهام,,ات المتبادلة. وضع الفنجان وقال بهدوء .. لا إزاي ده أنا حتى مستنيكي من ساعتها قام وشمر عن ساعديه وشرع بإنهاء طعام العشاء الذي كان يعده بنفسه وقامت هي وراءه لتمد له يد المساعدة قائلة .. أنا ححضر السلاط لم يعترض ودفع لها بسلة الخضروات لتقوم بالعمل ثم قال بلطف .. إيه اللي رجعك يا داليا
قالت بحنين .. اشتقت لبلدي أجاب غیر مصدقا .. ولو أنك زمان کنت مشتاقه تسافري بأي شكل هزت رأسها نافية وقالت .. كنت مشتاقه إني أسيب البلد ونهرب سوا نبعد عن الكل بس أنت طلعت أذكى مني ضحك هازئا .. لا الصراحة الأذکی کان أمين الزهري وضعت السکين بعدما انتهت من التقطيع وقالت بنبرة حزينة .. وحملتني ذنبه أطفأ الموقد وشرع بإعداد الأطباق وقال بعد وهلة .. مکنش مذنب كان حقه ولو كنت مكانه كنت هعمل زيه
ضحكت بهسيترية حتى ظن أنها فقدت عقلها وفکت خصلات شعرها ثم قالت .. سوري بجد بس أنت ألعن منه على الأقل هوا كان بيعمل أي حاجه عشان يحميني أنا وبس أنما أنت بتعمل كل حاجة عشان تحمي كل حد في حياتك وأردفت پحقد .. حتى لو ممكن يأذيك هز رأسه متفکها وصب الطعام وتذوقه تحت ناظريها ثم مد لها بالطبق وعيناه لاتحيد عنها قائلا .. بون آبتی ومتقلقيش أنا دوقت المكرونة قدامك بس الشاي وترك جملته معلقة في الهواء وسار بطبقه للشرفة وسارت خلفه وعيناها تلمعان بجزل ثم جلست أمامه بهدوء قائلة
.. زیاد بدأت ترجعله ذاكرته شرع في الأكل وقال بإحتقار .. ودي حاجه تتنسي شركة قيمتها ملايين تروح منه في ستريب بوکر أطلقت ضحكة ساخرة وقالت .. تخیل مش معقول أنا كمان ولا ملايين الدنيا تخليني أعملها ثم استطردت بقوة .. ولا عملتها . ركز أنظاره عليها والتمعت عيناه بمكر وقال .. برافو یا داليا بس يا تری ممكن تلعبيها لو كنت أنا الخصم زمت شفتيها وتركت الشوكة جانبا وقالت بإستهزاء .. وأنا اللي كنت فاكراها دعوة عشا بريئة.
