طلاق 3
أنهى جملته متحدثا إلى كرم الذى أومأ له بالموافقة ثم أشار ل هيام بالتقدم نحو غرفة والدها … كرم يلا بينا إحنا يا هيام … سميرة وهبه سبقونا .. هيام أه … يلا … تحركت هيام برفقة كرم نحو غرفة والدها بينما إنصرف ياسر ونورا إلى خارج المستشفى وجدها كرم فرصة سانحة ليثنى على قرارها بالصباح ….. كرم كان عندك حق … سبحان الله .. كأنك حاسه باللى ح يجرى … هيام عمر ما فيه حق بيضيع أبداااا … ربنا بيمهل ولا يهمل …
غرفة الحاج سعيد بالمستشفى …. إستكملت والدة هيام حديثها بإصرار … ام هيام أنا برضه ح أبات الليلة دى مع أبوكم اعملوا حسابكم على كدة …!! سميره ح تتعبى يا ماما … خلينى أنا النهاردة وروحى أنت ارتاحى … ام هيام لا والله ما أنا سايبه أبوكم أبداااا … مالت سميرة على والدها تغمز بعينيها متضاحكه …. سميرة أيوة يا حاج شايف مش قادرة تستغنى عنك إزاى …. الحاج سعيد وهى دى عشرة يومين … ربنا يبارك لى فيها ويخليها لينا يا رب ..
إستقامت سميرة رافعه كفيها موجهه حديثها لأختها هبه … سميرة نطلع منها إحنا بقى مش كدة يا هبه …!! هبه أيوة يا أختى … بقينا عزول دلوقت … طرق الباب برفق لتطل هيام ومن خلفها كرم بابتسامة هادئة صافية … هيام بابا حبيبى عامل إيه دلوقت ..!! الحاج سعيد تعالوا حبايبى … تعالى يا هيام جنبى هنا … ربت الحاج سعيد برفق إلى جواره لتقترب هيام من والدها مقبلة جبينه بحب ثم إعتدلت لتجلس إلى جانبه ممسكة بكف يده الضعيف بين يديها الرقيقة …
هيام شكلك الحمد لله أحسن كتير أوى من إمبارح … الحاج سعيد الحمد لله … رفع بصره نحو كرم المنتظر دوره فى تحية الحاج سعيد والاطمئنان عليه ليردف الحاج سعيد قائلا … الحاج سعيد كرم يا إبنى … إنت طلبت منى إيد هيام … وأنا وافقت … بس عايز أقولك أن هيام دى جوهرة و إللى ح تكون من نصيبه هو الكسبان والله …. مش عشان بنتى لأ … هيام جدعه وبنت أصول وعشرتها طيبة …
كرم أنا متأكد من كل إللى حضرتك بتقوله دة يا عمى … خشى الحاج سعيد مع مرضه وكبر عمره أن يمر الوقت دون الإطمئنان على بناته ليجد ب كرم نعم الزوج المتحمل للمسؤولية وعليه إتمام تلك الزيجة بأسرع وقت خوــ,,ـفا مما يحمله له المستقبل …. الحاج سعيد خد بالك منها يا إبنى وحطها فى عنيك … أنا مش عارف ح أعيش لها لحد إمتى ..!! هيام بتأثر بعد الشړ عنك يا بابا .. ربنا يخليك لينا يا رب ..
