طلاق 3
وقف ياسر يمد يده لفتح الجزء العلوى الخاص بالحقائب من فوقهم وأخرج منها حقيبة صغيرة ثم أخرج منها جوازات سفرهم ناظرا نحو نورا المحرجة يكسو وجهها البرئ حمرة الخجل ليبتسم محاولا إبعاد وجهه عن نورا يكتم ضحكته بعيدا عنها .. ياسر يلا يا نورا … تحركت نورا ببطء خلف ياسر لترى ماذا سوف يفعل وإلى أين يذهب فهذه أول مرة تقوم بالسفر ولا تدرى كيف تتصرف ….
أنهى ياسر إجراءات الخروج واقفا إلى جانب نورا لاستلام حقائبهم من فوق السير المتحرك إنبهرت من لباقة ياسر وتحدثه بطلاقة للغة الانجليزية مع العاملين بالمطار حتى خروجهم واستقلالهم لسيارة الأجرة التى طلب ياسر من سائقها ايصالهم لعنوان ما .. تطلعت نحوه بإعجاب شديد ثم همست بأذنه تثني عليه بطريقتها الطريفة …. نورا يا إبن اللذينه دة إنت شاطر أوى فى الانجليزى …!!! ياسر طبعا يا بنتي مش بتكلم وبدرس بيها … زمت شفتيها وقلبتهما بعدم فهم لتلك اللغة ثقيلة الظل عليها …
نورا أنا مش بطيق الانجليزى دة خالص … مبفهموش … أجابها ياسر بجدية تلك المرة فعليها أن تتعلم وتتغير … ياسر لأ … لازم تتعلمي بقى دة إنت فى إنجلترا … أمال ح تتعاملي مع الناس إزاى ….! عقصت أنفها بإستنكار مجيبة إياه …. نورا وأنا أتعامل ليه !!! …. كفاية إنت …!! ياسر وهو أنا موجود معاكي طول الوقت …! بتكاسل شديد عن تعلم تلك اللغة … نورا ساعتها ح أبقى أخلي هيام هى إللى تتعامل هى شاطرة زيك فى الانجليزى … لكن أنا مبحبوش ….
ضحك ياسر بكرة تتعودي عليه … أهو أحسن من لغة الجن إللى كنت بتتكلمي بيها وإنتى نايمه فى الطيارة دى …. مطت شفتيها بإستياء وهى تعقد ذراعيها بضيق أمام ص.درها …. نورا كدة برضه … ح تمسكها لى بقى …. ياسر الصراحة أه …. تطلعت نحو الجانب الآخر بضيق … نورا بايخ … مش ح أكلمك على فكرة .. رفع حاجبه بتحدي … ياسر متقدريش …. نورا ح تشوف ….. قاطعهم سائق السيارة متحدثا بالانجليزية نحو ياسر ونورا منبها لهما بالوصول إلى العنوان المطلوب …
_ لقد وصلنا يا سيدى للعنوان … ترجل ياسر ومن خلفه نورا من السيارة وساعدهم السائق فى إخراج حقائبهم من سيارته قبل أن يرحل …. نظرت نورا بانبهار نحو هذه البناية ذات الطراز الانجليزي العتيق بلونها الطوبي الداكن ونوافذها الطويلة المميزة ثم أدارت وجهها على الجانبين لترى الطريق العريق منصفا بنايات لا تقل روعة وفخامة عن هذا المبني الواقفين أمامه بهذا الحي الراقي … نورا بإنبهار دى لندن دى طلعت حلوة أوى …. هو دة البيت إللى ح نسكن فيه …!!
