طلاق 3
ياسر نورا … اهدي كدة أمال … مالك خايفه كدة …!!! بأعين زائغه محدقة بكل ما يحيط بها وهى تتشبث بمسند المقعد بذعر … نورا أنا مش خايفه أنا مرعوبة …. ح أبقى طايرة كدة ومتشعلقه بين السما والأرض ومش عايزني أخاف … ياسر دى متعة … ح تنبسطى منها أوى … حركت رأسها بسرعة برفض لما يقوله ياسر … نورا لأ لأ برضه … إقترح ياسر بتبديل مقعديهما لتبتعد عن النافذة وتطمئن قليلا ….
ياسر طيب بدلي الكرسي بتاعى ببتاعك عشان متخافيش لو بصيتي من الشباك ….. مصمصت شفاهها بنبره ممازحه تحاول بها التغلب على خوفها … نورا أيوة كدة ابتديت تفهمني …… ياسر أقولك حاجة أحسن كمان .. حاولي تنامى شوية وإنتى مش ح تحسي بحاجة … بنومها العميق الذى يسيطر عليها بالفترة الماضية وجدتها نورا فرصة جيدة لإستغلال ذلك للسيطرة على خوفها …. نورا امرى لله … متصحينيش إلا لما نوصل … ياسر بضحك حاضر … نامي إنت بس …
قضت نورا ساعات السفر الطويلة وهى نائمة باستغراق كعادتها فى الآونة الأخيرة بينما كان ينظر إليها ياسر من وقت لآخر بابتسامة كم هى عفوية وتلقائية تشبه الأطفال ….. أعلنت الطائرة بعد عدة ساعات وصولها إلى مطار جيثرو إلتفت ياسر نحو نورا المستغرقة فى نوم عميق منذ بداية الرحلة ليهزها من كتفها برفق محاولا ايقاظها …. ياسر نورا …. نورا .. إصحي يلا حبيبتى … إحنا وصلنا … تململت نورا وهي تفتح عيناها بصعوبة بالغة فقد أصبح نومها مؤخرا يغطها فى نوم عميق جدا بمنتهى السرعة …
نورا إيه دة بجد وصلنا … إحنا لحقنا …! رغم مزاحه القليل وعفويته بالحديث إلا أن وضع نورا كان مجالا خصبا لأن يرد مزاحها الثقيل معه … ياسر بضحك لحقنا … !!!! … دة انت مسافة ما قولتلك نامي شوية وقضيتي الساعات دى كلها نايمه ولا كأنك نايمه فى بيتكم يا شيخة … فضحتيني … عماله تقولي كلام غريب وتتكلمى مع ناس مش موجودة وأنا بحاول أعتذر للناس إللى حوالينا على الدوشة إللى إنت عملاها دى ….
إتسعت بنيتيها بإندهاش وحرج بالغ عما فعلته أثناء نومها فقد صدقته حقا … نورا يالهوي …. أنا !!!!! …. أنا عملت كدة ….!! ضرــ,,ـب ياسر كفيه متصنع الجدية والحرج … ياسر يا خبر … الله يسامحك … يلا قومي ولا ناوية تباتي فى الطيارة … إستقامت نورا وهى تشعر بالحرج الشديد لما ص.در منها أثناء نومها وهى لم تشعر به …
