طلاق 3
نظرت نحو حاسوبه أولا لتردف بطريقتها المازحة … سميره لا واضح .. إنت بتنسى نفسك فى الأبحاث والكيمياء بصورة كبيرة دة إنت طلعت مجنون كيمياء أكتر مني …. امير بصراحة ب اندمج أوى مع المقالات دى وبحس إنى بعمل التجارب دى فعلا .. باين مجنون كيمياء زى ما إنت بتقولي …. مدت سميرة بالورقة تجاه أمير قائله … سميره طب إتفضل الفاكس دة جالك … امير فاكس … وريني كدة … تناول أمير الورقة من سميرة مشيرا لها بأن تجلس قليلا ليبدأ بقراءتها وتتحول ملامحه تدريجيا إلى الشعور بالملل ….
سميرة فيه إيه الفاكس دة أنا مقريتهوش …! ألقى بالورقة فوق سطح المكتب قائلا بتملل … امير لجنة البحث أجلت المناقشه عشر أيام تاني … بيعتذروا بس أنا زهقت بقى وكان نفسى أقدمه … سميره أكيد لكل شيء سبب .. متزعلش … امير يا رب بس يكون دة آخر تأجيل … إستقامت إستعدادا لمغادرة المكتب … سميره إن شاء الله … أروح أنا أكمل شغلي .. تورد وجهه ببعض الخجل وهو يسألها عن رأى والدها بطلبه الذى تأخر كثيرا …
امير طب .. ااا … والدك مقالكيش حاجة … أصله مردش عليا … سميره وهى تحرك كتفيها للأعلى بمعنى لا أدرى فحتى لو كانت تعلم شيئا ما كانت ستقول له فهى تريده أن يسعى بذلك الأمر بمفرده … سميره اسأله إنت … سلام … أنهت جملتها وخرجت من المكتب متوجهه نحو مكتبها بدون الإلتفات نحو أحمد الذى يعتصر الندم قلبه على تسرعه فى الحديث مع سميرة بهذه الصورة المسيئة ….. أخذ أمير يحدث نفسه بعد خروج سميرة …
امير أسأله أنا …!!!!! طبعا أسأله .. أمسك أمير الهاتف متصلا بالحاج سعيد لمعرفة رأيه بمسألة زواجه من سميرة … امير السلام عليكم .. أخبار حضرتك إيه يا عمي …! الحاج سعيد الحمد لله يا باشمهندس …. سحب أمير نفسا عميقا ثم أردف محاولا التحلي بالهدوء … امير الحمد لله … كنت عايز أسأل حضرتك على رأيك فى موضوعي أنا وسميرة .. حضرتك مردتش عليا .. الحاج سعيد والله يا إبنى إنت ونعم الأخلاق والنسب وأنا كنت ح أكلمك وأبلغك إننا موافقين بس ظروف جواز أختها الكبيرة وموضوع السفر دة شغلنا شوية …
سعادة لاحت بالأفق حين سمع بأذنيه موافقته على زواجه من إبنته ليهتف بسعادة … امير بجد … يعنى حضرتك موافق بجد … طب آجى إمتى إن شاء الله ..!! الحاج سعيد والله يا أمير يا إبنى بإذن الله فرح هيام الاتنين وهى ح تسافر الخميس فتشرفنا إن شاء الله يوم الجمعة نقرأ الفاتحة ونتفق …. لأننا مشغولين أوى فى ترتيب جواز هيام وسفرها … امير بسعادة الله يبارك لك يا عمى … ما اتحرمش منك يا رب …
