طلاق 3
أنهى الحاج سعيد جملته ناظرا نحو بناته جميعا ليشير كرم بكفه رافضا … كرم لا لا … غدا إيه بس … لسه بدرى … أنا بس عايز حضرتك فى موضوع ضرورى …. توجس الحاج سعيد من جدية كرم الظاهرة على تقاسيمه … الحاج سعيدخير يا إبنى .. قول … كرم جالي رسالة إن ورق هيام خلص فى السفارة … أنا كنت متوقع ح يطول زى ورق نورا بس تقريبا عشان أنا معايا الجنــ,,ـسية فالموضوع ماخدش وقت ….
مفاجأة صادمة فمعنى ذلك أن سفرهم وشيكا للغايه …. الحاج سعيد معقول فعلا بالسرعة دى ….!!!! كرم أيوة يا عمى … وبستأذن حضرتك إنى أحجز لينا تذاكر السفر ونعمل الفرح …. بقلب أم لا يقوى على فراق غاليتها هتفت والدة هيام …. ام هيام على طول كدة ….! كرم عشان أنا لازم أرجع أشوف الشغل هناك يا طنط متنسيش إنى هنا بقالى حوالى شهرين …. أومأ الحاج سعيد بتفهم لذلك .. الحاج سعيد على خيرة الله …
إبتسم كرم لتمام الأمر مردفا بإيضاح أكثر … كرم تمام .. أنا ح أحجز التذاكر على يوم الخميس الجاى وإن شاء الله نعمل الفرح قبلها بيومين كدة … ح أحجز فى نفس الفندق .. و … قاطعه الحاج سعيد غير مستحسن لتلك الفكرة … الحاج سعيد هى تكاليف وخلاص يا إبنى … إحنا نعملكم ليلة حلوة هنا فى البيت وتاخد إنت عروستك على الفندق .. إحنا لسه عاملين حفلة فى كتب الكتاب كبيرة …. برزانة وعقلانية أكدت هيام رأى والدها فلا داعى لكل ذلك البذخ المبالغ فيه …
هيام كلام بابا مظبوط … ملهاش لازمة حفلة تانية … إحنا مبقالناش أسبوعين من يوم كتب الكتاب .. إتجه بعيناه نحو معشوقته بنبرة لطيفة حانية …. كرم أنا بس عايز افرحك ..!! الحاج سعيد الفرحة بينكم مش بالهيصه والحفلات …. كرم زى ما تحبوا .. خلاص إن شاء الله يبقى فرحنا الثلاث الجاى مناسب — …!! الحاج سعيد إن شاء الله …. ام هيام ألف مبروك يا أولاد …. كرم الله يبارك فيك يا طنط ….
أشار الحاج سعيد لبناته مرة أخرى … الحاج سعيد خلاص يا كرم … قلت إللى عندك … يلا يا بنات حضروا الغدا بقى … كرم حضرتك مصر بقى … الحاج سعيد الأكل فى اللمة الحلوة دى حاجة تانية … كان محقا للغاية فوجوده وسط تلك العائلة المحبة شعور طالما إفتقره لعمر كامل …. لندن …. مع مرور تلك الأيام كان الحمل يزداد على نورا ولم تعد تهتم بصحتها كما يجب ليسبب ذلك قلق ياسر على صحتها وعلى الجنين خاصة وهى تشعر بالتوعك منذ مجيئهم إلى لندن …
