ياسين 16-20

-لا مش كفاية أنا مش عارفة مادام مش عارفة تتنيل تشتغل بتخدم في قصر محترم زي كده ازاي …دي واحدة غبـ ية وحما رة ..مش عارفة تشوف شغلها كويس !! نظر يحيى متسع العينين الى رانيا التي ثبتت عينيها على الأرض بينما يرى الدموع تتساقط منهما. -ردي عليا يا غبـ ية هتعرفي تجيبي حق الفستان اللي بو ظتيه !! -مدام ليلى مش من حقك تهيني حد وأنتِ في بيتي !! قالتها جواهر وهي تظهر بجوار عدي الذي كان ينظر بضيق الى ليلى وقد حضر الموقف من أوله ..

نظرت ليلى الى زوجة عدي وقالت: -الغبـ ية دي … ولكن جواهر قاطعتها بقوة وهي تقول : -رانيا اسمها رانيا …ملكيش حق تهـ يني حد في بيتي سواء ضيف او حد بيشتغل هنا يا هانم …متنسيش أنك ضيفة هنا كمان ومش من حق الضيفة تهـ ين حد من اللي شغالين هنا … -وأنتِ مين عشان تقولي أعمل ايه ومعملش ايه !!! زعقت بها ليلى لترفع جواهر رأسها وتقول :

-انا مرات عدي رشيد ..عبير صديق وصاحبة البيت ده ..وأنا اللي كلمتي تمشي هنا …وأنا اللي بقولك ان التصرفات دي غير مقبولة ابدا هنا …لو زعلانة على الفستان أنا اديكي حقه واعوضك لكن متهنيش أي حد شغال في بيتي …أي حد.!! قضمت ليلى شفتيها بغيظ وقالت: -لا ميرسي أنا مش هقبل تعويض عن فستاني .. رفعت جواهر حاجبها الأيمن وقالت: -ومادام مبتقبليش أي عوض ليه شغالة تهـ يني المسكــ,,ـــــينة دي من الصبح؟! صمتت ليلى وتجهمت ملامحها ثم نظرت عدي ليتدخل ولكن عدي اخرج هاتفه وقال :

-انا افتكرت أني لازم أعمل مكالمة مهمة دلوقتي عن اذنكم … ثم ذهب على الفور وهو يبتسم بإعجاب …فهو كر ه تصرفات ليلى المتغطرسة ولكن عبير استطاعت ان ترد عليها جيدا !!…. نظرت ليلى بغضب الى زوجها الذي كان مبتسما ولكن ابتسامته اختفت عندما راها تنظر إليه …نظر الى الجهة الآخرى وابتسم مرة ثانية … فجلست ليلى عندما رأت ان لا أحد سوف يساعدها ولا يتكلم امام تلك المتسلطة !! -تقدري تروحي دلوقتي يا رانيا وانا هتصرف.

هزت رانيا راسها وهي تمسح دموعها وتختفي على الفور …كانت عيني يحيى مثبتة عليها..كان يجب أن يتحدث معها لذلك اخترع حجة انه سوف يتكلم مع احد على الهاتف وخرج من القصر… وبالفعل راها وهي تتجه الى بوابة القصر الكبيرة لتذهب …ذهب خلفها وقال: -رانيا … انتفضت ونظرت إليه بسرعة لحظات وأطرقت برأسها وهي تثبت نظراتها على الأرض فقال هو: -اسف بالنيابة عن أمي متزعليش … هزت رأسها وقالت: -حصل خير يا بيه عن اذن حضرتك …
لم تدعه يكمل كلماته حتى وذهبت من أمامه ..بينما ظلت عينيه معلقة بها . ♡♡♡♡♡♡♡♡♡♡♡♡♡