سلمي 4

_اشوفك بكره علي خير واستعدي بكره لي العاب كتير بكره تمام يا عبيرتي

اهزت رأسها وعينيها بي عينيه ليقول

=اشطا

وتحرك بعدها مودعاً والدتها وتابعه محمد الذي يصر عليه ان يعلمه كيفيه التكلم معاها لكن الثاني يسير مبتسم لنجاح اول خطوه بينه وبين عبير…

……

وصل لبيت فأبصر والده يجلس رفقة اخته ليتقدم منهم ووقف امام ابيه قائلا

_بكره هنروح انا وانت عند بيت ملك ونجيب مأذون.. وهتجوزها تمام

يتبع

_ بكرة هنروح أنا وأنت عند بيت ملك ونجيب مأذون.. وهتجوزها تمام

​ابتسمت أميرة بسعادة واندهاش من نجاح الخطة بهذا الشكل، فلم يتبقَ سوى أخت ملك لكن للحظة زالت ابتسامتها حين تذكرت ما حدث معها وما فعله بها محمد فخشيت ونظرت إلى الأرض كمن لا يعرف شيئاً وألقت نظرة سريعة إلى أبيها الذي ارتسمت على وجهه الابتسامة هو الآخر وقال:

_ من عينيا طبعاً.. ده لو عاوزنا نروح من دلوقتي يلا بينا

​قال له خالد بحزم ونظراته تخترقه:

= أنا كلمتها النهاردة واتفقت إني هجيلها بكرة ومعايا مأذون، مش ده اللي كنت عاوزه من الأول ولا اي

​وقفت أميرة وهي تحاول بكل إمكانها أن تتجنب النظر إلى خالد وقالت بارتباك

_ طب أنا ورايا حاجات لازم أعملها في المطبخ، أسيبكم..

​= ليه يا أميرة ما تخليكي معانا وكمان مباركتليش، ولا أنتِ مش بتباركي غير لأصحابك وبس

​ابتسمت ابتسامة باهتة ونظرت لخالد الذي يبتسم لها بكل خبث تدركه جيداً، لتقول له

_ لااا.. هو أنا أقدر مباركش لأخويا حبيبي برضو بس أنت عارف يعني بحب أبارك بطريقة خاصة كده.. بس عشان مزعلكش مني، ألف مبروك ليك وللبنت اللي بقت ليك، وربنا يتمم ليكم على خير.

​أنهت كلامها بابتسامة متكلفة جعلت الآخر ينظر للأمام متجاهلاً إياها فقال له والده الذي ما زال جالساً مكانه

= سيبك منها وانسي كل اللي قالته الهبلة دي.. وقولي، أنت حاطط في عقلك مكان تعيش فيه بعد كتب الكتاب… ولا تسيب الموضوع ده علياو

​قاطعه خالد مجيباً بتفكير مصطنع:

_ والله أنا من رأيي إنك متدخلش في نقطة هعيش فين، أنام فين، رايح فين.. طالما مش مستحمل وجودي هنا في البيت وعاوز تجوزني بأي شكل، يبقى أي حتة أعيش فيها إن شالله لو تحت الأرض مالكش أي دعوة بيها، تمام