شمس ج2

والده ماجد بس.خريه سلامه نظرك ياام شمس .. بقى مش عارفه التلاجه .. قالت جملتها تلك وهى تلتفت الى ابنتيها وزوجات ابنائها الواقفين ورائها بتحفز .. والذين ماان سمعوا كلماتها حتى قهقهن هم الأخروات بس.خريه .. مجيده بحزم لا اعرفها يمكن قبل ماانتوا تعرفوها .. والده ماجد بدهشه مصطنعه طب امال بتسألى ليه مجيده پغ.ضب ابنك جايب تلاجه مستعمله وياريتها نضيفه دى معفنه … والريحه طالعه منها .. والده ماجد بلا مبالاه وايه يعنى مستعمله .. مش كفايه جايب لبنتك تلاجه ببابين ..وفيها فريزر .. ولو على الريحه تغسلها غسله حلوة وهى تبقى زى الفل ..

مجيده باستغراب ريحه ايه اللى هتطلع بغسله دى هتبوظ الاكل وهيلقط منها رفعت والده ماجد احدى حاجبيها قائله حوشوا يااختى الاكل اللى جايبينه اللى ماشوفناكوا حتى جايبين فرختين عليهم القيمه .. فى تلك اللحظه ارتفع صوت ذكورى وقور من ورائهم قائلا سلامو عليكو كانت شمس هى اول من رأت اباها يدلف الى المطبخ الضيق المكتظ بالنساء فأندفعت اليه ترتمى فى احض.انه باكيه ..

القى محمود مابيده من حقائب فور رؤيته وجه ابنته واندفاعها اليه بفزع .. بينما وقف ورائه بعض الشباب حاملين خزين العروسه حيث الدجاج واللحوم والطيور والجبن بمختلف انواعها واللحوم المصنعه من اجود الانواع .. والمربى والقشطه ومنتجات الالبان الطازجه .. والمعلبات والحبوب والبقوليات وشكارات الارز والمعكرونه والذين كان يحملهم من خلفه بعضا من شباب عائلته .. محمود پخوف وهو يحتضن ابنته فى ايه ياشمس مالك مجيده بجديه وهى تنظر الى والده ماجد بتحد وتشفى رجع ياحج محمود خزين العروسه ده كله للبيت لحد مانلاقى مكان نحطه فيهم

محمود باستغراب ليه هو ماجد لسه مجابش التلاجه .. مجيده بس.خريه مقلده لهجه والده ماجد لا جاب يااخويا حاجه تشرف بباين لا وفيها فريزر .. تعالى اتفرج وافرح .. اقترب محمود بحذر محاولا تفادى اجساد اولئك النسوه اللاتى لم يتحرك احدا منهن من موضعه بينما اعينهن المترقبه تتفحص تلك الحقائب من ورائه .. وماان اقترب حتى فتحت مجيده باب الثلاجه ليقف هو ذاهلا مما رآه ..

نظر محمود الى والده ماجد دون ان ينبس ببنت شفه بينما هى وقفت بخجل قائله بابتسامه متملقه وهى تشير اليه بيديه تعالى بس ياابو شمس اقعد .. حاجات العيال دى هم يحلوها بينهم متشغلش بالك انت .. لكن اجابتها مجيده قائله وهى تجذب زوجها يقعد فين مش لما يرجع الاكل ده البيت لحد ماابنك يتصرف .. والده ماجد بلهجه ذات مغزى ولا يرجع ولا يتعب نفسه .. تلاجتى وتلاجه عيالى موجوده تشيل العروسه فيه اللى هى عاوزاه وتاخده وقت ماتحب .. ده حتى انا لسه جايبه الديب الفريزر اللى بيقولوا عليه ده ويشيل اللى انتوا عاوزينه ..