طلاق 4الاخير
سميرة أولا يا بابا أنا إللى رحت بسرعة عشان ألحق أمير يعنى مش هو السبب ولا حاجة … الناس إللى عملت كدة دى شوية حراميه كانوا عايزين يسرقوا منه البحث يعنى حادــ,,ـثة سرقة ممكن تحصل لأى حد … و إللى حصل دة قدر ومكتوب … ثانيا يا بابا وإنت فاهم دة كويس أن إللى مكتوب إنى أشوفه سواء كنت مع أمير أو لأ ح أشوفه أينما تكونوا يدرككم المــ,,ـوت ولو كنتم في بروج مشيدة ..
الحاج سعيد ونعم بالله …. أمير فيه حاجة كمان يا عمى … هم كانوا عايزين البحث بتاعى قبل ما اقدمه ل اللجنة … وأنا خلاص قدمته النهاردة واخدت شهادة بيه … تناست سميرة حديثها مع والدها لتهتف بفرحة لحصول أمير على براءه إختراعه أخيرا … سميرة بجد والله … قدمته خلاص … امير أيوة … قدمته وخلاص كدة كل حاجة خلصت …. سميرة برجاء ها يا بابا قلت إيه ..!! أخذ الحاج سعيد يفكر فى كلامهم وأيضا ما قالته له هيام من قبل كم أسفرت تربيته لأبنائه عن إيمانهم بالقدر والمكتوب وثقتهم فى الله وحسن ظنهم به ….
وهو لن يكون أقل منهم ثقة فى الله … لقد كان رفضه نابعا من خوفه مما يمكن أن يصيبهم … لكن ما ينتظرهم بالطبع أفضل بكثير مما يرتبون له … الحاج سعيد خلاص يا أولاد …. طالما إنتوا شايفين كدة … أنا مقدرش أقف فى وش سعادتكم … ربنا يسعدكم ويحفظكم … تلاقت نظراتهم بسعادة لينتفض أمير إلى الحاج سعيد شاكرا إياه بإحساس صادق وفرحة عارمة …. امير ربنا يخليك ليا يا عمى أنا مش عارف أشكر حضرتك إزاى … و أوعدك سميرة ح أشيلها فى عنيا وعمرى ما ح أخلى أى حاجة تأذيها أبداااااا …
إرتخت ملامح الحاج سعيد بأريحية وهو يأشر ل سميرة قائلا … الحاج سعيد نادى والدتك واختك يا سميرة عشان نقرأ الفاتحة كلنا …. حاوطوا جميعا الحاج سعيد ليقرأوا الفاتحة إعلانا لخطبة أمير ل سميرة … هللت والدتها بفرحة … ام هيام ألف مبروك يا حبايبي … بس بقولك إيه يا أمير … متاخدهاش منى على طول كدة .. كفايه هيام … امير طالما وافقتوا .. أنا معاكم فى أى حاجة إنتوا عايزينها المهم فى النهاية نبقى مع بعض …
ام هيام يبقى تدينا وقت نجهز حاجتها ونفرح بيها … امير خلاص أظن ست شهور كويس … نظرت والدة هيام تجاه زوجها تؤكد عليه هذا الموعد لزفافهم … ام هيام إيه رأيك يا سعيد ….! الحاج سعيد لا إن شاء الله ح يتحدد الفرح على إجازة أختها هيام عشان تحضر الفرح …. إستحسن الجميع تلك الفكرة ليردف أمير موافقا … امير بإذن الله …. أحاطت مظاهر السرور والفرح مرة أخرى على هذا البيت ليسعدوا جميعا بهذا الإرتباط الذى واجه صعوبات عديدة حتى تم ….
