طلاق 4الاخير
نورا وياسر …. أصبحت نورا وهيام يقضيان الوقت فى شقة إحداهما حتى عودة أزواجهن من أشغالهم أخذتا تتجولان لأكثر من مرة بمفردهما ذلك الأمر الذى سبب توجس قلق بنفوس كرم و ياسر لما حدث بذلك اليوم الذى أصيبت به هيام بالحمى … ذات صباح … بعد إتجاه كرم و ياسر لأعمالهم إستقبلت نورا صديقتها بشقتها لقضاء الوقت معا … تطلعت هيام بصديقتها ذات البطن المنتفخ ووزنها الزائد بشكل غير طبيعي فكم تغيرت ملامحها للغاية …
هيام اتغيرتي اوى يا نورا فى الحمل …!! نظرت نورا نحو هيام بأعين متسعة وإبتسامة بلهاء رسمت فوق وجنتيها الممتلئتان … نورا إزاى …. أكملت هيام وهى تردف بسعادة لصديقتها لكن من داخلها تتمني لو أنها أيضا تمر بنفس ما تمر به نورا وترزق بطفل صغير … هيام بقيتي فظيعة و مليتي أوى … تفتكري إنه يعني .. لو يوم يعني … لو ربنا كرمنى وحملت ح أبقى شبهك كدة …! أدركت نورا ما بنفس هيام لتجيبها بنقاء قلب وعفوية …
نورا ح تبقي زى القمر … ربنا يكرمك عن قريب … بقالك ست شهور بس … لسه قدامكم العمر كله … متقلقيش إنت بس … بتمنى لذلك اجابتها هيام بتنهيده طويلة و بعض الضيق … هيام مش عارفة متأخرة ليه دة كله … بس أنا عارفة كله بوقته … كفاية حنية كرم عليا …. بمزاح لطيف وهى تسخر من وزنها الزائد أردفت نورا … نورا طب بعيد بقى عن إنى مليت شوية ممكن نتكلم عن حاجة تانية أحسن …!
هيام حاجة تانية … زى إيه …. رفعت نورا كتفيها واهدلتهما بمعنى لا أدرى وهى تقلب شفتيها بتقوس للأسفل … نورا أنا عارفة …. أى حاجة بدل الزهق إللى إحنا فيه دة …. أقولك قومي نعمل حاجة نشربها …!! مطت هيام بشفتيها متهكمه من تلك المنتفخة قليلة الحركة … هيام تقصدي .. أقوم أعمل حاجة نشربها هو إنت بتقومي من مكانك …. نورا أمال إيه فايدة الصحاب فى الغربة … ولجت هيام إلى مطبخ تحضر لهما كوبان من الشاى وبعض الحلوى حملت الصينية متقدمة بها نحو نورا حين لاحظت شحوب وجهها للغاية ويبدو عليها الإعياء …
هيام مالك يا نورا .. . بوجه ممتعض متألم وأنفاس متقطعه اجابتها نورا …. نورا مش عارفة يا هيام بطني بتوجعني أوى … مرة واحدة كدة مش عارفة ليه …! وضعت هيام الصينية بحركة سريعة وهى تبحث عن الهاتف … هيام أنا ح أتصل ب كرم يجى يوديك المستشفي أنا معرفش هى فين بالضبط …!! أومأت نورا بالرفض قائله … نورا لا لا …. الدكتور آخر مرة كتب لى دوا عشان المغص دة … هيام فين الدوا دة ….!
