طلاق 4الاخير
هيام إيه دة … أنت بتعمل إيه … التفت إليها كرم بإبتسامته الساحرة ….. كرم إنت صحيتى حبيبتى … تعالي أقعدى …. هيام وهى تجلس على المقعد خلف الطاولة المستديرة …… هيام قعدت أهو … إنت بتعمل إيه بجد … !! كرم لقيتك نايمه نزلت جبت شوية حاجات من السوبر ماركت وقلت أحضر لك أكله إنما إيه … عقبال ما تصحى من النوم …. هيام طب ومصحتنيش ليه بس أحضر أنا الأكل … رفع كتفيه وأهدلهما بتعجب …
كرم وايه الفرق …!!!! …. أوعى تفتكرى إنى من النوع إللى يقوم مراته عشان تعمله أكل والجو دة … لا لا … إنت كدة متعرفينيش خالص .. أنا إيدى بايدك واساعدك فى كل حاجة …. مالت رأسها بدلال لا يليق إلا بها ثم قالت بصوتها العذب … هيام بس أنا مش متعودة على الدلع ده كله … ترك كرم ما بيده لينظر مباشرة بعيناها بنظراته الهائمة قائلا … كرم ولو مكنتيش أنت تدلعى أمال مين إللى يتدلع بس ….!!!
ابتسمت له هيام بحب حين إلتف كرم يستكمل ما يقوم به قائلا .. كرم أنا خلصت أهو … حاجة على قدى كدة ….. أحضرت هيام أطباق وبدأت هى فى توزيع الطعام فى الأطباق وكرم ينظر إليها بحب وشغف …… تناولوا طعامهم وجلسوا يحتسون الشاى بالشرفة الواسعة ينظرون إلى غروب الشمس بهذه الأمسية الهادئة …… هيام حلوة أوى البلد هنا …. كرم ولسه .. أنا ح أفرجك عليها حته حته …. تبدل حياتها للنقيض من حال لحال بتلك السهولة يجعلها تندهش من كل ما يقوم به معها لتهتف به بإستغراب …
هيام كرم … بجد … أنا مش واخده على كدة … بالراحه عليا شويه .. كرم إللى فات ده كله عايزك تنسيه …. وتبدأى معايا دنيا جديده مفيهاش تعب … هيام يا ريت …. بجد يا ريت …. ياسر ونورا …. بتذمر طفولي وقفت نورا تعقد ذراعيها أمام ص.درها مستنكرة رفض ياسر المستمر … نورا ماليش دعوة عايزة أروح أقعد معاها شوية .. تقلباتها المزاجية أصبحت أمر يثير جنونة بالفعل ليزفر بعد شهيق طويل محاولا الحفاظ على أعصابه هادئة من طلباتها المستفزة والمتغيره بذات الوقت …
ياسر اللهم طولك يا روح … يا نورا اعقلي أمال … دول لسه واصلين النهاردة من السفر وملحقوش يرتاحوا … دول لسه مبقالهمش كام يوم متجوزين … اديهم فرصة يشموا نفسهم شوية … نورا بحزن بس بجد وحشتنى وعايزة أقعد معاها …. ياسر بكرة طيب … سيبيهم دلوقت يقعدوا مع بعض شوية … زمجرت بغضب وهى تدلف إلى غرفة النوم قائله بضيق … نورا حاضر يا ياسر …. حاضر … إستوقفها ياسر بنبرة حانية وهو يلومها بلطف …
