طلاق 4الاخير
نورا إنت اتأخرتي ليه كدة بس دى الصيدلية فى آخر الشارع … يمكن ملقتش الدوا راحت تدور عليه فى مكان تاني … ولا يكون جرى لها حاجة …. اللهم اغزيك ياشيطان … لا … لا … هيام جدعه وبتعرف تتصرف …. أثناء شرودها عاد ياسر للتو ليهتف أكثر من مرة بإسمها حتى تنتبه لعودته … ياسر نورا … يا نورا …!!! نورا هاه …. ياسر بكلمك يا نورا …. سرحانه فى إيه … بقالى فترة واقف بكلمك وإنت مش معايا خالص …
بوجه مضطرب أجابته نورا … نورا مفيش بس قلقانه شوية … ياسر ليه … حصل حاجة …! حاولت نورا إخبار ياسر عن غياب هيام لكنها كانت تتحدث بعشوائية لم يستشف منها ياسر شيئا … نورا أصل أنا تعبت شوية وكنت عايزة دوا المغص وكان خلص … ما إنت نسيت تجيبه … و … ااا … هيام نزلت تشتري لى علبة تانية بس مرجعتش لحد دلوقت …!!! وقبل أن يجيب ياسر سمع طرقات بباب شقتهم فتح الباب ليجد كرم يقف قبالته بإبتسامته العريضة ….
كرم عاوز المدام بتاعتي لو سمحت …. ياسر هيام مش هنا … تلاشت إبتسامة كرم ليدق قلبه بعنف خاصة مع تجهم ياسر الغير مفهوم … كرم إيه .. ولا هناك فى الشقة … أمال راحت فين … ياسر نورا بتقول إنها راحت تجيب لها دوا من الصيدلية … تنهد كرم براحة فالموضوع لا يتعدى شراء الدواء وستعود على الفور … كرم تمام … هى نزلت من إمتى … أشار ياسر نحو نورا قائلا … ياسر مش عارف … تعالى نسألها ….
دلف كرم برفقة ياسر وهو يلقى بالتحيه أولا قبل سؤال نورا عن هيام … كرم إزيك يا نورا …. بتقولي هيام نزلت الصيدلية …. من إمتى الكلام دة ….! نورا من الساعه 11 كدة … دب القلق بنفس كرم فهى خرجت بالصباح وقد حل المساء ولم تعد بعد …. كرم من الساعه 11 ولحد دلوقت مجتش …. قلق كرم أثار الدموع بعيون نورا فهى بالكاد إستطاعت تحمل القلق بمفردها طوال اليوم … نورا اتأخرت أوى … أنا خايفه عليها …
ضرــ,,ـب كرم كفيه بعضهما البعض وهو يهتف بإنفعال … كرم ومكلمتيناش ليه طول الوقت دة .. نورا أنا قلت ملقتش الدوا ولا ح تروح تجيب حاجة واتاخرت …. إضطرب تنفس كرم وازداد قلقه وخوفه على هيام فقد تأخر الوقت كثيرا … أمسك بهاتفه محاولا الإتصال بها لكن هاتفها كان خارج التغطية مما زاد الخوف فى نفسه …. كرم يا ترى راحت فين …. إنت فين بس رحتى فين … رحتى فين ….!! بهدوء وعقلانية حاول ياسر تهدئة كرم ونورا ….
