لا يريد 1
ـ دي حاجات من ياسين . ـ ياسين؟ ـ اه، باعثها معايا ليكي . فتحت ورد الأكياس لتجد ملابس غريبة، معظمها ملابس شرعية، وماهذا ؟ نظرت إلى سارة بإستفهام وصدمة جلية. لتبتسم سارة بتوتر وتجيب بهدوء : ـ دا نقاب . ـ عارفه أنه نقاب بس إيه لازمته؟ ـ هي خالتي فين ؟ ـ خالتك ؟ خالتك مين ؟ ـ مامتك . ـ اااه ، أخدت علاجها ونامت من شوية، علشان لها مواعيد منوم وكده .
ـ ربنا يشفيها، أولا هبدأ معاكى بحكاية ياسين الأجنبي . ـ اه أنا فضولي هيمــ,,ـــــوتني من الصبح . ـ بصي يا ست الكل صل على الحبيب. ـ عليه أفضل الصلاة وأزكى وأتم السلام . ـ أول حاجة أنتى مسلمه، صح؟ هزت ورد رأسها بإيجاب . ـ عظيم، الدين بتاعنا دين جميل أوى أوى وبيهتم جداً بالمرأة وبيحافظ عليها، بمعنى أنه شرع لها حقوق كتير جداً جداً علشان تحافظ عليها وعلى حقوقها في المجتمع زي الميراث كده وزي المهر وغيره وغيره وفى نفس الوقت احنا علينا واجبات وفروض، في حاجات زي الراجل وفي حاجات مختلفة بأختلاف الراجل عن الست .
تنظر إليها ورد بشغف لتسمعها بفضول، فهي تعلم ما تسمعه لكن مع سارة تشعر بالفضول وترغب بالمزيد . ـ من بين الفروض اللي علينا كستات الحجاب، وده تم ذكره بطريقة مباشرة في القرآن الكريم زى الآيه الكريمة في سورة النور بسم الله الرحمن الرحيم ” وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ ” قرأتها بصوت عذب مرتل أشعر ورد بالرهبة والحب لما تسمع.
ـ معنى كده إيه؟ إن الستر فرض عليكي وفى آيات كتير فى نفس النقطة، وياسين أجنبي يعني حد غريب عنك ويجوز تتجوزيه وطالما كده يبقي لا يحق له منك سوى وجهك وكفيك فقط لا غير، تخيلي أن كل شعره بتبان منك ويشوفها حد غريب دا بسيئة، تخيلي؟ كانت سارة تشعر بالقلق من رد فعل ورد وتخشي أن ترفض ما تسمعه ولكن يبدو على ورد الأطمئنان ورغبتها في المزيد . ـ علشان كده قولتلك النهاردة متخليش حد يشوفك كده علشان متخديش سيئات .
ـ على كده أنا أخدت سيئات كتير جداً . ـ بس ربنا غفور رحيم ولو أنتى حابة تبدأى بالستر من دلوقت ياريت على الأقل هتنفذى فرض من فروض ربنا سبحانه وتعالى، تعرفي أن الفروض جنة ونــ,,ـــــار والنوافل درجات جنة . ـ يعنى إيه ؟ ـ يعنى الفرض اللى ربنا أمرنا بيه تنفيذه جنة والبعد عنه نــ,,ـــــار أما النوافل والسنن كل ما تجتهدى فيها كل ما تاخدى مكانه أعلى فى الجنة . ابتسمت ورد لترد بخيبة أمل .
